10
Birmənalı olaraq qeyd etmək lazımdır ki, xarici ticarət strategiyasının
proteksionist variantı milli istehsalın müdafiəsini nəzərdə tutur. Bu hal isə xarici
ticarət əməliyyatlarının bir qədər azalması ilə nəticələnir. Odur ki, dövlət xarici
ticarətin tənzimlənməsi məqsədilə gömrük-tarif və qeyri-tarif tənzimlənməsi
metodlarından (kvotalar, lisenziyalar, subsidiyalar, dempinq) istifadə edir.
İqtisadi ədəbiyyatda apardığımız araşdımaların nəticələri göstərir ki,
istənilən gömrük müdafiəsi məcmu milli sərvətin azalmasına gətirib çıxarır. Hər
hansı ölkənin apardığı protesionizm siyasəti, demək olar ki, həmişə digər ölkələr
tərəfindən əks tədbirlərin həyata keçirilməsinə səbəb olur. Əgər idxal tarif və
qeyri-tarif metodlarının vasitəsilə azaldılırsa, onda bir qayda olaraq bunu tətbiq
edən ölkənin ixracı da azalır. Bu isə nəticə etibarilə məşğulluğun və məcmu tələbin
azalmasına gətirib çıxara bilər. Onu da qeyd edək ki, ölkələr arasında iqtisadi
ziddiyyətlərin kəskinləşməsi hər iki ölkə üçün neqativ halların meydana çıxmasına
səbəb ola bilər.
Proteksionizm siyasəti ölkənin idxalının azalması, eləcə də xalis ixacının
artması ilə əlaqədar olaraq milli valyutanın mübadilə məzənnəsini artırır. Mübadilə
məzənnəsinin artması isə idxalı stimullaşdırmaqla ixracı azaldır. Nəticə etibarilə
ölkənin tədiyə balansı pisləşir ki, bu da mənfi makroiqtisadi meyllərin
formalaşmasına gətirib çıxara bilər.
Daxili bazarın formalaşması variantlarından biri də yüksək texnologiyanın
reallaşması üzrə layihələr, eləcə də təhsil, mədəniyyət və ekologiya sahəsindəki
beynəlxalq proqraqmlar çərçivəsində qarşılıqlı səmərəli əməkdaşlığı əks etdirən
modeldir. Əslində bu model milli istehsalçıların tələbatı heç də xarici
istehsalçılardan pis ödəmədikləri sahələrdə idxalın məhdudlaşdırılmasını nəzərdə
tutur. Eyni zamanda burada milli istehsalçıların lazımi resurslarla, xüsusən də
valyuta resursları ilə təmin edilməsi ön plana keçir. Bununla yanaşı, idxalı
əvəzləyən istehsalın yaradılmasına istiqamətlənmə hüquqi cəhətdən bərabər
səviyyəli əməkdaşlığa keçidin ilkin şərtlərindən biri sayılır.
Bundan başqa, heç şübhəsiz ki, birgə strateji layihə və proqramların inkişafı
üçün lazım olan və yerli istehsalçılar tərəfindən istehsal edilməyən avadanlıqların
11
idxalını təmin etmək məqsədəuyğun hesab olunur. Həmin avadanlıqlar hazır
məhsul istehsalının beynəlxalq standartlara cavab verən yüksək texnoloji
proseslərini xüsusi ardıcıllıqla yerinə yetirən aləti olmaqla yanaşı, sabiq İttifaq
dövründəki hasilat, emal və avadanlığın əsas növlərinin istehsalı arasında mövcud
olan boşluqları doldurur.
Fikrimizcə, ölkəmizdə müasir avadanlıqların idxalı hesabına bazarın
tələblərinə uyğun texnoloji komplekslərin yaradılması respublikamızın elmi və
təbii potensialından daha dolğun istifadə etməyə imkan verəcəkdir. Postsovet
məkanında yüksək texnologiyaların dövlət tərəfidən dəstəklənməsi beynəlxalq
rəqabətdə formalaşmış vəziyyəti dəyişdirə bilər.
Beynəlxalq ticarətə dövlətin müdaxilə dərəcəsindən asılı olaraq ticarət
siyasətinə iki əsas yanaşma mövcuddur. Azad ticarət siyasəti minimal dövlət
müdaxiləsini nəzərdə tutur ki, bu da tələb və təklifin azad bazar alətləri əsasında
formalaşır. Hər bir millətin beynəlxalq əmtəə mübadiləsindən faydalanması
nöqteyi nəzərindən azad ticarət qarşılıqlı əməkdaşlığın optimal forması sayılır.
Bununla yanaşı, təcrübədə dövlətlər çox tez-tez azad ticarətin müxtəlif
üsullarından istifadə edirlər. Milli iqtisadiyyatın maraqlarını təmin etmək
məqsədilə daxili bazarın xarici rəqabətdən qorunmasının bu cür dövlət siyasəti
proteksionizm adlandırılır [21, s.356].
Ticarət siyasətinin bu iki istiqamətlərindən hansısa birinə üstünlük verilməsi
haqqında məsələ iqtisadçılar arasında uzunəsrlik mübahisənin predmeti sayılır.
Tarixin bu və ya digər dövrlərində xarici ticarət siyasəti gah bu, gah da o biri
istiqamətə meyl etmişdir.
Azad ticarət mövqeyindən iqtisadiyyatın səmərəliliyi məsələlərini gömrük
rüsumundan qazanmaq və uduzmağın güzgü əksi kimi təhlil etmək lazımdır.
Proteksionist siyasətin xərclər səviyyəsinə milli gəlirdə onun payı kimi baxmaq
məsləhət bilinir. Beynəlxalq təcrübə göstərir ki, inkişaf etmiş ölkələrdə müdafiə
tədbirlərinin xərc kəmiyyəti milli gəlirlə müqayisədə cüzidir. Azad ticarət
sahibkarları daimi rəqabəti qoruyub saxlamağa və xarici bazarlara yeni çıxışları
daha fəal axtarmağa məcbur edir.
12
Daha ümumi planda proteksionizm tərəfdarlarının əsaslandırmaları ondan
irəli gəlir ki, azad ticarətdən gəlirlər bütün meydana çıxan xərcləri kompensasiya
etmir, əmtəə və xidmətlərin azad hərəkəti şəraitində dövlətlərin qarşılıqlı asılılığı
onları partnyorların davranışlarının kəskin dəyişmələrindən qoruya bilmir.
Proteksionizmi müdafiə dəlillərini daha təfsilatı ilə nəzərdən keçirdikdə belə
məlum olur ki, azad ticarətə heç də ideal siyasət kimi baxmaq olmaz [23, s.225-
243].
Xarici ixracatçıların qiymətlərinə təsir göstərə bilən böyük ölkəyə rəğmən
proteksionizmin xeyrinə arqument ondan ibarətdir ki, rüsum idxalın qiymətini
aşağı salır və beləliklə də ticarət şəraitinin yaxşılaşması üçün imkan yaradır. ABŞ
kimi böyük ölkələr üçün ticarət şərtləri ilə bağlı olan dəlil ölkənin in hisar mövqeyi
ilə bağlı olan dəlilə transformasiya olunur.ABŞ-da müəyyən dərəcəyə qədər
bundan istifadə edilə bilər, lakin müxtəlif ticarət müqavilələri buna mane olur.
Bununla yanaşı, ticarət şərtləri ilə bağlı sübutlar mühüm məhdudiyyətlərə
malikdir. Azərbaycanın da aid edildiyi kiçik ölkələrin böyük hissəsi öz ixrac
qiymətinə olduğu kimi, dünya bazarında idxal qiymətinə son dərəcə zəif təsir
göstərə bilər. Ona görə də onlar üçün göründüyü kimi, proteksionist
məhdudiyyətlər aparıcı əhəmiyyət kəsb etmir.
Proteksionizmin tərəfdarları belə hesab edirlər ki,idxalın məhdudlaşdırılması
yerli istehsalçılara kömək etmək üçün, iş yerlərini qoruyub saxlamaq üçün və
beləliklə də sosial dayanıqlığı təmin etmək üçün vacibdir. Onların fikrincə, idxalın
azaldılması ölkədə məcmu tələbi artırır və bununla da istehsalın və məşğulluğun
artımını stimullaşdırır. Lakin proteksionizm siyasəti ziddiyyətlidir, çünki o,
rəqabəti məhdudlaşdırmaqla milli istehsalın natamam səmərəliliyinə gətirib çıxarır.
Bəzən proteksionizmə gələcəkdə proteksionist müdafiə səviyyəsini tədricən
aşağı salmağı nəzərdə tutmaqla yeni yaradılan perspektiv sənaye sahələrinə kömək
üçün müvəqqəti tədbirlər kimi baxılır. Bəzən isə elə hallar olur ki, ölkənin yeni
müqayisəli və digər üstünlüklərinin formalaşması nöqteyi-nəzərindən bu və ya
digər sahənin perspektivlik dərəcəsini müəyyən etmək son dərəcə çətinləşir. Bu
halda da proteksionizm səmərəliliyin artım stimullarını azaldır və ola bilsin ki, bu
Dostları ilə paylaş: |