38
olmuşdur. Onu da qeyd edək ki, 2004-2005 ci illər MDB ölkələri ilə olan ticarət
əlaqələrində müəyyən artımın olması da müşahidə olunsa da, 2014-cü ildə xarici
ticarət dövriyyəsində MDB-nin xüsusi çəkisi 2005-ci illə müqayisədə 18,1 faiz
bəndi azalaraq 9,4%-ə enmişdir.
2005-2014- cü illərdə Azərbaycanın ixracatında əsas yer tutan ölkələr kimi
ilk olaraq İtaliyanı,daha sonra isə Fransa, İsrail, ABŞ, Rusiya, Türkiyə, Gürcüstan,
İndoneziya və Hindistanı göstərmək olar. Bu ölkələrin Azərbaycanın ixracında
məcmu payı 2005-2014-cü illər ərzində Azərbaycanın dünyanın orta hesabla 170-
ə yaxın dövləti ilə ticarət əlaqələrinə girməsinə baxmayaraq, ixracın 90%-i 24
ölkənin payına düşmüşdür. Müvafiq olaraq 2014-cü ildə Azərbaycanın idxalının
90%-i 20 ölkənin, ixracının 90 %-i isə 16 ölkənin payına düşmüşdür.
Göründüyü kimi,ixrac olunan məhsulların 26%-dən çoxu İtaliyaya göndərilir
ki, bunun da əsas hissəsini xam neft təşkil edir. Ümumiyyətlə, son illərdə ixracın
80-90%-ni neft və neft məhsulları təşkil etdiyindən, ixracın coğrafi strukturunu
qeyri-neft sektoru üzrə ayrılıqda tədqiq etməyi daha məqsədəuyğun olardı.
Azərbaycanın idxalında əsas yer tutan ölkələrdən ilk olaraq Rusiyanı,daha
sonra isə Türkiyə, Almaniya, Ukrayna, Böyük Britaniya, Çin, ABŞ, Yaponiya,
Qazaxıstan, İtaliya, Finlandiya, Fransa, Hollandiya, İran və Hindistanı göstərmək
olar. 2005-2014-cü illərdə bu ölkələrdən 11-nin Azərbaycanın idxalında məcmu
payı orta hesabla 75,0% təşkil etmişdir. Burada Rusiyanı və Türkiyəni xüsusi
olaraq ayırmaq lazımdır. Belə ki, təkcə onların payı müvafiq olaraq 14,9 % və
14,2% olmuşdur.
Mövcud olan qanunauyğunluqları sistemli şəkildə öyrənmək üçün, bu
əlaqələri milli iqtısadiyyatın sahələri üzrə və həmçinin xarici ticarətdə iştirak edən
məhsulların funksional təyinatına görə qruplaşdırmaqla təhlil etmək zəruridir.
Başqa sözlə, xarıci ticarət əlaqələrini keyfiyyət aspektləri üzrə də təhlil etmək
lazımdır.
Təhlil göstərir ki, 1991-ci ildə Azərbaycanın ixracında kənd təsərrüfatı və
onun emalı sənayesinin məhsulları böyük xüsusi çəkiyə malik (45,8%) olmuş,
həmin ildə yanacaq-energetika sənayesinin ixracdakı payı isə cəmi 12,7%
39
olmuşdur. Lakin 1995-ci ilə qədər bu sahədə əsaslı dəyişiklik baş vermiş, kənd
təsərrüfatı və onun emalı sənayesinin məhsulları da daxil olmaqla 1991-ci ildə
ixracda az-çox rol oynayan bütün digər sahələrin-metallurgiya, kimya və neft-
kimya, maşınqayırma və yüngül sənaye sahələrinin ixracı 1995-ci ildə əsaslı
şəkildə aşağı olmuş, bununla da yanacaq-energetika sənayesinin məhsulları ixracın
yarıdan çoxunu təşkil etmişdir. Əslində 1991-ci illə müqayisədə 1995-ci ildə
yanacaq-energetika sənayesinin məhsullarının ixracı mütləq ifadədə cəmi 4,5%
artmışdır. Lakin bu dövr ərzində digər sahələrin ixracdakı payı kəskin şəkildə
azalmışdır. Bu azalma kənd təsərrüfatı və onun emalı sənayesinin məhsulları üzrə
6,5 dəfə, yüngül sənaye məhsulları üzrə 10,3 dəfə, maşınqayırma sənayesi
məhsulları üzrə 4,4 dəfə, kimya sənayesi məhsulları üzrə 5,4 dəfə, metallurgiya
sənayesi məhsulları üzrə isə 6,4 dəfə olmuşdur. Kənd təsərrüfatı məhsulları ilə
yüngül sənaye məhsullarının ixracının həcmi 1995-ci illə müqayisədə 2000-ci ildə
də əsaslı şəkildə (müvafiq olaraq 1,5 və 4,1 dəfə) azalmış və bu azalma 2001-ci
ildə də davam etmişdır. Bu dövr ərzində yanacaq-energetika sənayesi
məhsullarının ixracındakı artım hər il mütəmadi olaraq davam etmiş və 2002-ci
ildə 1995-ci illə müqayisədə 6,8 dəfə artaraq ümumi ixracın 88,9%-i qədər
olmuşdur. Digər sahələrin məhsullarının ixracında isə bu dövr ərzində xüsusi bir
dəyişiklik olmamışdır. Deməli, 2000-2014-cü illərdə ixracın həcmindəki artım
yanacaq-energetika sənayesinin hesabına olmuşdur. Başqa sözlə, baxsaq görərik ki,
son illər ərzində ixracda olan artım birmənalı şəkildə neft və neft məhsullarının
hesabına təmin edilmişdir. Bundan başqa, 2000-2014-cü illər ərzində ixracın 90%-
dən çoxu neft və neft məhsullarıdan ibarət olmuşdur.
Təhlil aparılan dövr ərzində idxalın strukturunun iqtisadiyyatın sahələri üzrə
təhlili göstərir ki, 1991-ci ildə ixracda olduğu kimi idxalda da nisbətən böyük
xüsusi çəki kənd təsərrüfatı və onun emalı sənayesinin məhsullarına məxsusdur.
Eyni zamanda həmin ilin idxalında daha sonra metallurgiya sənayesi məhsulları,
həmçinin də kimya, maşınqayırma və yüngül sənaye sahələri nisbətən böyük
xüsusi çəkiyə malik olmuşdur. Lakin cədvəldən gördüyümüz kimi 1995-ci ildə
idxal edilən kənd təsərrüfatı və onun emalı sənayesi məhsulları 1991-ci illə
40
müqayisədə 6,5 dəfə, yüngül sənaye malları 17,8 dəfə, metallurgiya və metal emalı
məhsulları 8,7 dəfə, kimya sənayesi məhsulları 3,2 dəfə, maşınqayırma sənayesi
məhsulları 1,6 dəfə azalmışdır. Sözsüz ki, bu dövr ərzində idxalın həcminin
azalmasının əsas səbəbi keçmiş SSRİ-nin vahid xalq təsərrüfatı kompleksi
çərçivəsində yaradılşmış istehsal-kooperasiya və ticarət əlaqələrinin pozulması və
digər ölkələrlə xarici iqtisadi, o cümlədən də ticarət-iqtisadi əlaqələrinin hələ ilkin
formalaşma mərhələsində olması idi. Məsələn, məlumdur ki, 1991-ci ilə qədər
metallurgiya, kimya və maşınqayırma sənayesinin məhsulları həm hazır məhsullar
kimi, həm də uzun illər ərzində formalaşmış istehsal-kooperasiya əlaqələri
əsasında istehsal məqsədləri üçün gətirilirdi. Bu əlaqələrin pozulması səbəbindən,
eləcədə həmin istehsal sahələrinin (o cümlədən də yüngül və yeyinti sənayesi
sahələrinin) Azərbaycanda olduğu kimi digər keçmiş müttəfiq respublikalarda da
böhrana uğraması səbəbindən, müvafiq məhsulların idxalı, qeyd etdiyimiz kimi,
əsaslı şəkildə azalmışdır. Qeyd edək ki, 1991-ci ildə idxalda elə də böyük xüsusi
çəkiyə malik olmayan ağac emalları məhsulları və tikinti materiallarının da həcmi
1995-ci ildə müvafiq olaraq 2,4 dəfə və 12% azalmışdır.
Azərbaycan müstəqil dövlət kimi digər dünya dövlətləri ilə iqtisadi əlaqələri
aktiv şəkildə genişləndirdiyinə görə, digər tərəfdən isə müvafiq sənaye sahələrinin
istehsalında əsaslı bir irəliləyiş olmadığına görə, artıq 1995-ci ildən sonra idxalın
həcmi hər il artmışdır. Bu artım kənd təsərrüfatı və onun emalı sənayesinin
məhsulları istisna olmaqla bütün digər sahələri, xüsusilə maşınqayırma sənayesini
əhatə etmişdir. Belə ki, artıq 2002-ci ildən etibarən bu sənaye sahəsinin
məhsullarının idxalının həcmi hətta 1991-ci ilin səviyyəsini də keçmişdir. Bu hal
eyni zamanda ağac emalı məhsullarına və tikinti materiallarına da aiddir. Qeyd
edək ki, idxalın artımının bir səbəbi kimi müvafiq istehsal sahələrinin inkişafının
zəif olmasını göstərmişdiksə də, bu baxımdan maşınqayırma sənayesinin
məhsulları olan maşın və avadınlıqların, həmçinin də tikinti materiallarının
idxalının artmasını müsbət hal kimi qiymətləndirmək lazımdır. Çünki bu
məhsulların idxalı müvafiq istehsal sahələrinin inkişaf etdirilməsinə səbəb
olmaqla, idxal olunan bir sıra məhsulların gələcəkdə yerli istehsalla əvəzlənməsinə
Dostları ilə paylaş: |