19
İxrac edilən malların gömrük dəyərinə nəzarəti gücləndirmək məqsədilə
“Azərbaycan Respublikasının gömrük ərazisinə gətirilən və bu ərazidən çıxarılan
malların gömrük qiymətləndirilməsi sisteminin tətbiqi Qaydaları”na Nazirlər
Kabinetinin müvafiq qərarı ilə dəyişikliklər və əlavələr edildikdən sonra,
beynəlxalq təcrübə nəzərə alınmaqla, “Azərbaycan Respublikasının gömrük
ərazisinə idxal edilən və bu ərazidən çıxarılan malların gömrük dəyərinin müəyyən
edilməsi və gömrük orqanları tərəfindən nəzarət prosesinin həyata keçirilməsi
Qaydaları” layihəsi hazırlanmışdır. Malların gömrük qiymətləndirilməsi üzrə
gömrük orqanları arasında operativ qarşılıqlı əlaqənin və zəruri koordinasiyanın
təşkil edilməsi, eləcə də gömrük orqanlarına metodiki köməklik göstərilməsi və
qiymət intizamının daha da gücləndirilməsi üçün qiymət-məlumat bazasının
yaradılması istiqamətində müəyyən işlər görülmüş, hər bir əmtəə kodu üzrə
məlumat bazası rəsmiləşdirilən mallar üzrə gömrük dəyərini təhlil etməyə imkan
verir.
Təhlil göstərir ki, son vaxtlar gömrük işi sahəsində valyuta nəzarəti xüsusilə
gücləndirilmiş, konsiqnasiya əməliyyatları üzrə vaxtı çatmış və gecikdirilmiş
vəsaitin ixracatçıların bank hesablarına daxil olması, eləcə də barter yolu ilə
aparılan ixrac əməliyyatları üzrə göndərilən malların ekvivalent dəyərində əvəzinin
respublikaya gətirilməsi təmin edilmişdir.
Azərbaycan Respublikası Gömrük Məcəlləsinin 115-ci maddəsinə əsasən
gömrük rüsumunun və aksizlərin hesablanması üçün malların və nəqliyyat
vasitələrinin “Gömrük tarifi haqqında” AR Qanununa uyğun olaraq müəyyən
edilən gömrük dəyəri əsas götürülür. Malın gömrük dəyəri isə gömrük sərhədinə
qədər mala çəkilən bütün xərclərin(istehsalçının qiyməti, nəqliyyat xərcləri,
yükləmə-boşaltma, sığorta və s.) cəmindən ibarətdir. ƏDV-nin hesablanması üçün
malın gömrük rüsumunun cəmi, aksizə düşən mallar üçün isə həcminin aksiz
məbləğinin cəmi əsas götürülür.
Bu qanuna görə, gömrük tariflərinin əsas məqsədləri kimi, Azərbaycan
Respublikasının ərazisinə malların gətirilməsi və çıxarılmasının, valyuta
gəlirlərinin və xərclərinin əlverişli nisbətinin təmin edilməsi, valyuta sərvətlərinin
20
Azərbaycan Respublikasının gömrük ərazisinə gətirilməsi və bu ərazidən
çıxarılması üzərində səmərəli nəzarətin həyata keçirilməsi, habelə ölkə
iqtisadiyyatının dünya təsərrüfatı ilə səmərəli inteqrasiyasına şərait yaradılması
məsələləri təsbit olunmuşdur.
Məlum olduğu kimi, valyuta tənzimlənməsi ixrac və idxalın əsas iqtisadi
tənzimlənmə vasitələrindən biri kimi çıxış edir. Belə ki, 1994-cü ildə qəbul olunan
“Valyuta tənzimlənməsi haqqında” Azərbaycan Respublikasının qanunu ixrac-
idxalın valyuta tənzimlənməsinin hüquqi əsaslarını müəyyən edir. Bu qanuna görə,
həm hüquqi, həm də fiziki şəxs olan rezident və qeyri-rezidentlərin valyuta
sərvətlərini Azərbaycan Respublikasına köçürmək, gətirmək və göndərmək
hüquqları təsbit olunur. Burada Azərbaycan Respublikası Milli Bankı və
Azərbaycan Respublikasının Dövlət Gömrük Komitəsi ölkədə valyuta nəzarətini
həyata keçirən orqanlar kimi müəyyən olunmuşdur.
Onu da qeyd edək ki, 2001-ci ildə qanunda ölkəyə valyuta vəsaitlərinin
gətirilməsi, habelə ölkədən çıxarılması ilə bağlı bəzi dəqiqləşdirmələr aparılmışdır.
Hazırda qeyd edilən qanunun yeni variantında fiziki şəxslər tərəfindən əvvəllər
nağd şəkildə ölkə ərazisinə gətirilmiş valyuta vəsaitlərinin ölkədən çıxarılması 50
min ABŞ dolları ekvivalentinə qədər məhdudlaşdırılmışdır. Bununla yanaşı,
əsasən, fiziki şəxs olan rezidentlər tərəfindən Azərbaycan Respublikasının
ərazisinə gətirilən valyuta vəsaitlərinin məbləği 50 min ABŞ dolları ekviva-
lentindən artıq olduqda, gömrük orqanları həmin vəsaitlərlə bağlı müvafiq
məlumatları 7 gün müddətində ölkənin Milli Bankına və müvafiq icra hakimiyyəti
orqanına təqdim etməlidir. Bundan başqa, Azərbaycan Respublikasında qeyri-
rezidentlərin
valyuta
əməliyyatlarını
müəyyən
edən
maddədə
aparılan
dəyişikliklərə görə, qeyri-rezidentlər tərəfindən ölkə ərazisinə gətirilən və xaricə
aparılan valyuta vəsaitləri ekvivalentinə qədər sərbəst, bundan yuxarı həcmdə
vəsaitlər isə müəyyən gömrük rəsmiləşdirmələri vasitəsilə həyata keçirilməlidir.
Digər bir düzəlişə görə, Azərbaycan Respublikası Dövlət Gömrük Komitəsinin
yerinə valyuta nəzarəti agentləri kimi əsas valyuta nəzarəti orqanı müvəkkil
banklar təsbit edilmişdir.
21
Hazırda xarici ticarət əlaqələrinin tarif tənzimlənməsi “Azərbyacan
Respublikasının idxal-ixrac əməliyyatları üzrə gömrük rüsumlarının dərəcələri,
gömrük rəsmiləşdirməsinə görə alınan yığımların miqdarı haqqında” Azərbaycan
Respublikası Nazirlər Kabinetinin 2001-cil il 12 aprel tarixli 80 nömrəli qərarı və
sonrakı illərdə bu qərara edilmiş bəzi dəyişiklik və əlavələrlə tənzimlənir. Belə ki,
həmin Qərara görə yalnız metallurgiya sənayesinin ilkin məhsulları (dənəvər və
tozşəkilli məhsullar) hər ton üçün 5 ABŞ dollarından 15 ABŞ dollarına qədər
həcmdə ixrac vergisinə cəlb edilir. Qeyd edilən qərara əsasən, hökumət yerli
istehsalı stimullaşdırmaq üçün ölkədə istehsalı mümkün olan bir çox məhsulların
idxalına gömrük rüsumlarını yüksəltmişdir. Belə ki, xarici ticarətə daxil olan
16672 əmtəənin 5235-i (və ya 31,4%) 15%-lik dərəcə ilə idxal rüsumuna cəlb
edilir. Bununla yanaşı, 2757 əmtəədən (və ya 16,5%-dən) 0,5%-lik, 2098 əmtəədən
(12,6%) isə 0%, 1%, 3%, 5%, 10%-lik dərəcə ilə idxal rüsumu tutulur. Yerdə qalan
6582 (və ya 39,5%) əmtəə spesifik gömrük rüsumuna cəlb edilir. Bununla yanaşı,
qanunvericilik aktına görə, gömrük ixrac vergilərinin malların(işlərin, xidmətlərin)
müqavilələrə əsasən satdığı valyuta ilə ödənilməsi və Azərbaycan Respublikası
Hökumətinin xarici ölkələrlə azad ticarət saziş olduğu təqdirdə ikitərəfli azılığa
əsasən malların idxalına və ya ixracına gömrük vergisi tətbiq olunması təsbit
edilmişdir.
1997-ci ilin əvvəlindən etibarən ölkədə BVF-nin tövsiyələri əsasında 15%-
lik vahid idxal rüsum dərəcələri tətbiq olunmağa başlamışdır. Bu həmin dövrdə
qüvvədə olan vahid mal nomenklaturasının 97 mal qrupundan 69-na aid edilmişdir.
Qalan 28 mal qrupuna isə 5%-lik gömrük idxal rüsumu tətbiq edilir. 2003-cü ildən
isə bu mal qruplarının bəzilərinə (məsələn, güllər və sair bitkilər, meyvələr və
qozlar adlı mal qruplarına) dəyişiklik edilərək 15%-lik gömrük idxal rüsumlarına
keçirilmişdir.
2012-ci il yanvarın 1-dən yeni Gömrük Məcəlləsinin qüvvəyə minməsi ilə
əlaqədar gömrük işini əhatə edən 40-a yaxın normativ-hüquqi sənəd yeni
Məcəlləyə uyğun olaraq hazırlanmış, o cümlədən komitənin yeni əsasnaməsi və
strukturu təsdiq edilmişdir.
Dostları ilə paylaş: |