45
edir. Burada üç əsas effekt müşahidə edilir:
- təxirə salma effekti. Vasitəçilər özlərinin məhsulgöndərənlərinin əməliyyat
marketinq proqramlarına bələd olurlar (hətta onlardan
buna dair informasiya tələb
edirlər) və satınalmaları satışın həvəsləndirilməsi sahəsində növbəti tədbirlərin
reallaşdırılmasına kimi təxirə salmağı məqsədəuyğun hesab edirlər.
- həddən artıq məhsul alınmasının efekti. Satışın həvəsləndirilməsi tədbirlərinin
reallaşdırılması dövründə ticarət kompaniyalarının anbarlarının sahəsi onların
sifarişlərinin qədərini müəyyən faiz məhdudlaşdırır. Bununla əlaqədar
olaraq
həvəsləndirmə tədbirləri başa çatdıqdan sonra onların sifarişlərinin həcmi azalır.
- sifarişlərin deviantlığı (kənarlaşmaları). Bəzi tacirlər təkcə satışın
həvəsləndirilməsi tədbirlərinin reallaşdırıldığı müddətdə məhsulu sifariş verir və
onları tam dəyərinə almaqdan imtina edirlər. Tacirlərin
həvəsləndirilməsinin bu
metodundan özlərinin rəqabət qabiliyyətini yüksəltmək məqsədilə aşağı qiymətlər
müəyyən edən diskaunter-mağazalar istifadə edirlər.
Satışın həvəsləndirilməsi mağazalarda ticarətin təşkilində və əmtəə
dövriyyəsinin həcminin artırılmasında mühüm rol oynayır. Artıq qeyd edildiyi kimi,
bununla yanaşı o, ticarət kompaniyalarının logistik və inzibati xərclərinin həcminin
artmasına səbəb olur. Deməli, belə tədbirlərin təşkili zamanı onların tacirlərin iş
metoduna uyğun gəlməsinə əmin olmaq lazımdır.
Satışın həvəsləndirilməsinin məqsədi irəlilədilmənin tipindən asılı olaraq
müəyyən edilir. Həvəsləndirmə tədbirlərini stimullaşdırıcı müraciəti göndərənlərin
tipindən (istehsalçı və ya ticarət vasitəçiləri) və məqsəd auditoriyasından (istehlakçı,
vasitəçi, ticarət heyəti) asılı olaraq təsnifləşdirirlər. Bunlardan asılı olaraq satışın
həvəsləndirilməsinin aşağıdakı dörd tipi vardır:
- istehlakçıların həvəsləndirilməsində məhsulun alınmasını həvəsləndirmək
məqsədilə onlara birbaşa, dolayı və ya hipotetik (fərziyyəyə əsaslanan)
faydalar
(məhsul nümunələri, kuponlar, alınmış məhsulun dəyərinin müəyyən hissəsinin geri
qaytarılması və s.) təklif edilir.
-
ticarətin
həvəsləndirilməsi
pərakəndə
və
topdansatış
tacirlərin
həvəsləndirilməsinə yönəldilir və adətən, güzəştli maliyyə şərtləri formasında tətbiq
46
edilir. Onun məqsədi tacirləri: (a) məhsulu özlərinin məhsul çeşidinə daxil etməyə;
(b) adi partiyalara nisbətən daha çox miqdarda məhsul almağa; (c) ticarət markasının
xüsusi ekspozisiyanın və ya qiymətin aşağı salınması vasitəsilə irəlilədilməsinin
zərurililiyinə; (ç) mağazalarda məhsulun satışını daha aktiv həyata keçirməyə
inandırmaqdır.
- kommersiya həvəsləndirilməsi ticarət vasitəçilərinin
təşkil etdiyi və özlərinin
müştəriləri üçün nəzərdə tutduğu həvəsləndirmə tədbirləridir. Adətən, bu
həvəsləndirmə tədbirləri istehsalçıların maliyyə yardımı ilə həyata keçirilir.
- ticarət heyətinin və ya ticarət şəbəkəsinin həvəsləndirilməsinin məqsədi satış
fəaliyyətinin bütün iştirakçılarının (firmanın ticarət işçilərinin, topdansatış və
pərakəndəatış tacirlərinin) fərdi həvəsləndirilməsidir.
Təklif edilən bölgü şərtidir. Çünki eyni bir marketinq proqramında eyni vaxtda
bir neçə həvəsləndirmə forması nəzərdə tutula bilər. Buna baxmayaraq,
həvəsləndirmənin konkret məqsədinin müəyyən edilməsində bu bölgüdən istifadə
edilməsi çox faydalıdır. 2.6 saylı cədvəldə həvəsləndirmənin
məqsədlərinin
nümunələri verilmişdir.
Alqı-satqı iştirakçılarının tipindən və konkret vəziyyətindən asılı olaraq satışın
həvəsləndirilməsində qiymət güzəştləri, kuponların verilməsi, lotereyalar,
məhsul
nümunələrinin ödənişsiz paylanması, məhsulların kreditlə verilməsi, istehlakçıların
arasında müsabiqələrin keçirilməsi, istifadə olunmuş məhsulların əvəzinə yeni
məhsulların verilməsi (qiymət fərqi ödənilməklə), bonus paketləri və s. metodlardan
istifadə olunur.
Satışın həvəsləndirilməsinin qiymət endirimləri formasında
müəyyən olunmuş
həcmdə və ya kampaniyanın keçirildiyi zaman çərçivəsində məhsul istehlak edən
alıcılara müəyyən məbləğdə güzəştlər edilir. Satışın həvəsləndirilməsinin qeyd
olunan forması ölkəmizdə çox geniş yayılmışdır. Demək olar ki, ölkəmizdə fəaliyyət
göstərən bütün istehsalçı və ticarət müəssisələri satışın həvəsləndirilməsinin bu
formasından istifadə edir. Öü də qimət güzəştlərinin həcmi bəzi hallarda 60-70%-ə
çatır.