6
İstifadə olunmuş ədəbiyyat
GİRİŞ
Həyat bilgisi fənni üzrə təhsil proqramı (kurikulumu) və onun
xarakterik cəhətləri. Bu təhsil proqramı (kurikulum) Həyat bilgisi fənninin təlimi
qarşısında qoyulan məqsədləri müəyyənləşdirən və həmin məqsədlərin həyata
keçirilməsi istiqamətində bütün zəruri fəaliyyətləri əks etdirən konseptual sənəddir.
Burada fənn üzrə ümumi təlim nəticələri, təlimin məzmunu (məzmun standartları),
şaquli və üfüqi inteqrasiya, müəllim və şagird fəaliyyətlərinə aid texnologiyalar,
şagird nailiyyətlərinin qiymətləndirilməsi məsələləri əhatə edilir. Sənəd ümumi
təlim nəticələrinə nail olmaq istiqamətində bütün fəaliyyətlərin - dərslik və tədris
vəsaitlərinin hazırlanması, tədris materiallarının planlaşdırılması, təlimin forma və
üsullarının müəyyənləşdirilməsi üçün əsas təşkil edir. Təhsil proqramı (kurikulum)
hazırlanarkən təhsil alanın, ailənin, cəmiyyətin və dövlətin ehtiyac, tələb və
maraqları əsas götürülmüşdür. Təhsil proqramında (kurikulumda) fənnin məzmunu
nəticəyönümlü yanaşma əsasında müəyyən olunmuşdur. Burada əsas diqqət
nəticəyönümlülüyə - təkcə biliklərin qazanılmasına deyil, daha çox biliklər
əsasında bacarıq və vərdişlərə yiyələnməyə yönəldilmişdir. Buna nail olunması isə
bacarıqlar həyat bilgisi kurikulumunda fənnin məzmunu nəticəyönümlü yanaşma
əsasında müəyyən olunmuşdur. Burada əsas diqqət nəticəyönümlülüyə - təkcə
biliklərin qazanılmasında müəyyən olunan standartlar və bunların yerinə
yetirilməsini təmin edən alt-standartlar sistemi vasitəsilə ifadə olunur. Məzmunun
belə müəyyənləşdirilməsi şagird fəaliyyətinin ardıcıl olaraq izlənilməsinə, onların
nailiyyətlərinin müntəzəm qiymətləndirilməsinə imkan yaradır. Təlim prosesi ilə
gözlənilən nəticə arasında əks-əlaqə mexanizminin qurulması təmin olunur.
Təhsil proqramı (kurikulum) dərslik və dərs vəsaiti hazırlayanlar,
müəllimlər, metodistlər və valideynlər üçün nəzərdə tutulmuşdur. Sənəddən digər
təhsil mütəxəssisləri, elmi işçilər, pedaqoji universitetlərin tələbələri və cəmiyyətin
7
müxtəlif maraqlı tərəflərini təmsil edən ictimaiyyət nümayəndələri də faydalana
bilər.
Fənnin əhəmiyyəti, məqsəd və vəzifələri. Dünya ölkələrinin təhsil
təcrübəsi göstərir ki, adi ünsiyyət yaratmaqdan tutmuş, kiçik iqtisadi layihələr
qurub reallaşdırmağa qədər ən müxtəlif qabiliyyətləri özündə əks etdirən həyati
bacarıqlar mükəmməl bir sistemin tərkib hissələri olmalıdır. Belə sistemləri isə
şagirdi sinifdə təlimin obyekti kimi yox, subyekti kimi qəbul edən şagirdyönümlü
təlim metodları və inteqrativ fənlərin köməyi ilə yaratmaq mümkündür. Ona görə
də yerli və beynəlxalq təcrübələr nəzərə alınmaqla, “Ümumi təhsil pilləsinin dövlət
standartı və proqramları (kurikulumları)”nda bu vəzifələrin yerinə yetirilməsində
mühüm rol oynayacaq yeni fənn – Həyat bilgisi fənni daxil edilmişdir.
Həyat bilgisi fənni fərdin özünü bioloji, psixoloji, sosial və mənəvi tərəfləri
ilə bütöv bir varlıq kimi dərk etməsi və reallaşdırması üçün lazım olan bilik,
bacarıq və dəyərlər formalaşdırmağa və təkmilləşdirməyə kömək edən inteqrativ
fəndir.
Həyat bilgisi konkret bir elmin əsaslarını öyrətmir. Bu fənn ümumtəhsil
məktəblərində tədris olunan təbiət və sosial fənn sahələrinə aid müəyyən
elementləri əhatə edir.
Bu cür geniş əhatə dairəsinə malik olan fənn şagirdlərin həyati əhəmiyyət
kəsb edən bilik, bacarıq və vərdişlər qazanması üçün onları ən zəruri praktik işlərin
həyata keçirilməsinə istiqamətləndirir, milli və bəşəri dəyərlərə yiyələnmələrinə,
şəxsiyyət kimi formalaşmalarına kömək edir. Həyat bilgisi fənninin şagirdlərdə
ünsiyyət qurma və birlikdə çalışma kimi bacarıqların formalaşdırılmasında, onlarda
mühakimə yürütmək, öz nöqteyi-nəzərlərini sərbəst ifadə etmək, öz hüquqlarını
qorumaq və başqalarının hüquqlarını müdafiə etmək vərdişlərinin yaranmasında
mühüm rolu vardır.
Müəyyən olunmuş məzmun xətlərinin köməyi ilə şagirdlərin şüurunda əhatə
olunduqları canlı və cansız aləmin vahid, bütöv və bölünməz obrazı yaradılır.
Onlar özlərini bu aləmin bir hissəsi kimi dərk edir, təbiətdə və cəmiyyətdə
müşahidə etdikləri hadisələri, dəyişiklikləri və bunlar arasındakı əlaqələri,
8
araşdırmaq, təhlil etmək, nəticələr çıxarmaq, proqnoz vermək, fikir və istəklərini
düzgün ifadə etmək bacarıqlarına yiyələnirlər.
İstehsal, istehlak, vergi, sığorta, ailə və dövlət büdcəsi haqqında bilgilərin
sistemli şəkildə mənimsənilməsi nəticəsində şagirdlərin iqtisadi təfəkkürü
formalaşır. Onlar resurslara qənaətlə yanaşmaq, kiçik iqtisadi layihələr qurub
reallaşdırmaq, şəxsi və ailə büdcələrini idarə etmək bacarıqlarına yiyələnirlər.
Mənəviyyat, sağlamlıq (fiziki, psixi və reproduktiv), həyat fəaliyyətinin
təhlükəsizliyi, fövqəladə hallar və təbii fəlakətlər zamanı düzgün davranış
qaydaları, vətəndaşlıq, insan hüquqları və azadlıqları, ekoloji tərbiyə məsələləri
üzrə bilik və bacarıqlar şagirdlərdə sistemli şəkildə formalaşdırılır.
Həyat bilgisi fənninin vasitəsi ilə şagirdlər kamillik-saflıq, düzlük, əqidəlilik,
ədalətlilik, dözümlülük, tolerantlıq, izzəti-nəfs, özünə və başqalarına hörmət kimi
yüksək mənəvi dəyərlər qazanırlar.
Ümumi orta təhsil səviyyəsində ibtidai təhsil səviyyəsi üzrə müəyyən
olunmuş bacarıqlar daha da təkmilləşdirilməklə şagirdlərdə təbiət və cəmiyyət
hadisələri timsalında qanunauyğunluqların mahiyyəti haqqında ətraflı təsəvvür
formalaşdırılır, reproduktiv sağlamlıq, insan hüquqları, mənəvi kamillik, əxlaqi
yetkinlik, vicdan azadlığı, sağlam həyat tərzi, təbii fəlakət və qəzalardan qorunmaq
yolları barədə məlumatlar dərinləşdirilir, onlarda saflıq, düzlük, əqidəlilik,
dözümlülük, tolerantlıq kimi əxlaqi keyfiyyətlərin, iqtisadi təfəkkür və planlı
fəaliyyət bacarıqlarının yaradılması təmin olunur.
Bu məqsədin reallaşdırılması üçün aşağıdakı vəzifələrin həyata keçirilməsi
nəzərdə tutulur:
təbiətdə obyekt və hadisələr, canlı və cansız aləmin qarşılıqlı əlaqəsi,
təbii mühitin insan fəaliyyəti nəticəsində dəyişməsi haqqında biliklər qazanmaq;
müşahidələr, ölçmələr və təcrübələr aparmaq, onların nəticələrini təsvir
etmək bacarıqları əldə etmək, özünü və təbiəti öyrənməyə həvəs yaratmaq;
təbiətə sevgi və qayğı hissləri, onunla təmas zamanı ekoloji normalara
uyğun davranmaq mədəniyyəti formalaşdırmaq;
Dostları ilə paylaş: |