55
III FƏS L: DÜNYA QT SAD YYATININ QLOBAL PROBLEMLƏR ,
TƏ NZ MLƏ NMƏ S VƏ AZƏ RBAYCANIN DÜNYA QT SAD YYATINDA
YER
3.1. Dünya iqtisadiyyatının qlobal problemlə rinin hə lli istiqamə tlə ri
XX əsrin ikinci yarısında və xüsusən son əlli ildə dünya inkişafının ən vacib
xüsusiyyətlərindən biri qlobal problemlərin - bütün xalqların həyati mənafelərinə
toxunan və həlli üçün bütün dövlətlərin kollektiv səyini tələb edən problemlərin
getdikcə daha açıq surətdə xalqların, insanlığın taleyinə, bütün beynəlxalq
münasibətlər sisteminə təsir etməsidir. Hər hansı bir problemin qlobal problem
sayılması üçün bir sıra şərtləri ödəməsi lazımdır:
-
Problem doğrudan da planetar, ümumdünyəvi xarakter daşımalı, bütün
xalqların, dövlətlərin, dövlət qruplarının inkişaf səviyyəsindən asılı
olmayaraq həyati mənafelərinə toxunmalıdır;
-
Əgər həlli tapılmazsa, bütün insanlığa təhlükə törədən olmalıdır;
-
Təxirə salınmaz həllə ehtiyacı olmalıdır;
-
Öz həlli üçün bütün dövlətlərin kollektiv səylərini, bütün millətlərin birgə
fəaliyyətini tələb etməlidir.
Beləliklə, bütün daxili fərqlərinə, müxtəlifliklərinə baxmayaraq, vahid anlayış
kimi birlikdə götürüldükdə qlobal problemlər müasir dövrün digər çoxsaylı
problemlərindən bir çox əlamət və xüsusiyyətlərinə görə fərqlənirlər.
Hal-hazırda səkkiz əsas qlobal problemi digərlərinin arasından adı çəkilən
ə
lamətlərə görə ayırmaq olar:
-
Dünya nüvə müharibəsinin qarşısının alınması problemi;
-
EOÖ-in geriliyinin aradan qaldırılması problemi;
56
-
Qlobal demoqrafik problem;
-
Ərzaq resurslarının çatışmamazlığı problemi;
-
Xammal və enerji ilə qlobal təchizat problemi;
-
Dünya okeanı resurslarından istifadə problemi;
-
Kosmik məkanın mənimsənilməsi problemi;
-
Qlobal ekoloji problem.
Qlobal problemlər və onların həlli yolları artıq çox illərdir ki, dünya
iqtisadçılarını narahat edən məsələlər sırasına daxil olmuşdur. Belə ki, bu sahədə ilk
tədqiqat işləri hələ 60-70-ci illərdə Roma klubunun iqtisadçıları tərəfindən
aparılmışdır. Bu iqtisadçılar ETT-nin təbii mühitə mənfi təsiri, demoqrafik proseslərin
inkişaf dinamikası, təbii resurslarla təchizat probleminin kəskinləşməsi ilə əlaqədar
təhlükələri aydın surətdə göstərərək geniş ictimaiyyətin nəzərinə bir sıra ümumbəşəri
problemlərə yönəldə bilmişdilər. Bu dövrdə ilk futuroloqların əssərlərində gələcəkdə
iri fəlakət və katakalizmlərin (qlobal miqyaslı) və hətta insan sivilizasiyasının
məhvinin qaçılmazlığı ideyası irəli sürülürdü (R.Folk, R,Heilbroner, R.Dumon,
J.Forrester və s.). Özü də bu fəlakətlər dünya istilik nüvə müharibəsi və ya digər
kütləvi dağıntıların nəticəsi kimi deyil, təbii resurslardan istifadə, əhalinin artımı,
insanın ətraf mühitə mənfi təsirinin artımı templərinə xarakterik olan tendesiyaların
nəticəsi kimi qəbul edilirdi. Gələcək fəlakətlərin qarşısının alınmasının əsas yolları
kimi sıfır göstəricili iqtisadi artım, texniki tərəqqinin yavaşladılması və hətta
dayandırılması göstərilirdi.
Demək olar ki, həmin illərdə əks mövqeli lakin yenə də ifrata varan baxışlar
meydana çıxdı. Bunlara görə də fəlakətlər baş verəcəkdi. Lakin elmi-texniki tərəqqiyə
heç bir şeylə məhdudlaşmayan inkişaf mühərriki rolu nəzərdə tutulurdu. Gələcək
dünya isə “amerikan postindustrial cəmiyyəti” başda olmaqla çiçəklənən texnokratik
kapitalizm dünyası kimi təsəvvür olunurdu (Q.Kan, .Braun, L.Mertel, A.Klark və s.).
70-ci illərin sonunda meydana gəlmiş əsərlərdə (V.Leontyev, D.Qabor, E.Laslo,
57
A.Peççey və s.) futuroloqlar artıq dünya fəlakətini qaçılmaz hesab etmir və qəbul
edirdilər ki, bəşəriyyət onları xəbərdarlıq edə bilər. Bu zaman qlobal problemlərin həlli
yolları kimi bütün artım və tərəqqinin dayandırılması deyil, müxtəlif ölkə qruplarının
differensiallaşdırılmış iqtisadi inkişaf tempi, texniki tərəqqidən istifadə, əhali artımının
tənzimlənməsi qəbul edilir.
Beləliklə, qlobal problemlərin həlli mümkündür və formalaşmış vəziyyətlərdən
çıxış yolu tapıla bilər. Məsələn, holland alimi Lennenman, yapon tədqiqatçıları
U.Koria və U.Sudzuki, U.Tinberqenin, Laslonun, Qaborun, Leontyevin, Lezurun və s.
qrupları tərəfindən aparılmış analizlər aşkar etmişdir ki, enerji resursları mənbəyi,
ə
rzaq, mineral və s. resursların çatışmamazlığı mütləq deyil, nisbidir. Bütün
müəlliflərə görə bu problemlər struktur və digər disproporsiyaları, ölkələr, regionlar,
qitələr üzrə qeyri-bərabər bölgü və s. prinsipcə öhdəsindən gəlinə biləcək səbəblərlə
doğrulmuşlar.
nkişaf etməkdə olan regionların əhalisinin kəskin qidalanma problemi də bir
çox Qərb iqtisadçılarına görə həll oluna bilər. Burada hal-hazırda emal olunmayan
geniş torpaq sahələrinin dövriyyəyə buraxılması, kənd təsərrüfatının məhsuldarlığının
qismən də müasir biologiyanın nailiyyətləri hesabına 2-3 dəfə artırılması və tamamilə
real olaraq dünya kənd təsərrüfatı istehsalının həcminin 3-4 dəfə artırılması nəinki
kütləvi aclığa son qoya bilər, həm də dünyanın bütün regionlarında qidalanmanın
keyfiyyət və strukturunu xeyli yaxşılaşdıra bilər.
Deyilənləri qlobal ekoloji problemə də aid etmək olar. Hesab olunur ki, müasir
kommersiya cəhətdən məqbul təmizləmə texnologiyaları vasitəsilə ətraf mühitin
çirklənməsi texniki cəhətdən idarə olunan bir prosesə çevrilmişdir, bu çirklənmənin
müəyyən sərhəddə saxlanılmasının iqtisadi xərcləri isə gələcəkdə çox da ağır yükə
çevrilməyəcəkdi. Leontyevin hesablamalarına görə bu xərclər inkişaf etmiş ölkələrdə
MMM-in 1,4-1,9%-ni ötməməli, EOÖ-də isə daha da az olacaqdı.
Dostları ilə paylaş: |