Azərbaycan mühacirət irsi
213
XIX yüzilin əvvəlində Almaniyada sosialist fikirlərin
yayıldığını görürük. Mövcud cəmiyyət nizamını şiddətlə tənqid
edən məşhur filosof Fixte bütün iqtisadi həyatı dövlət
tərəfindən idarə ediləcək yeni bir ictimai nizamın təsisini
təsəvver və tövsiyyə edirdi.
1835-ci ildən etibarən aktual bir mövzu olmağa başlayan
Almaniyanın yenidən birləşdirilməsi fikrinin də Almaniyadakı
sosialist hərəkatlar üzərində müasir amillərdən birisini, hətta ən
önəmlisini təşkil etdiyini qeyd etməliyik. Bu məqsədlə
Almaniyada qurulmuş olan ilk cəmiyyətlər mübariz idilər. Bu
kimi cəmiyyətlərin ən önəmlilərindən birisi, 1836-cı ildə
təşəkkül edən “Adillər İttifaqı” idi. Bu təşəkkülün Weitlinq adlı
Magdeburglu bir tərzi dövrin
siyasi hadisələrində önəmli bir
rol oynamışdır.
Sosializmin ən məşhur siması olan Karl Marks da bu
təşəkkülə daxil idi. 1847-ci ildə Londonda toplanan konqresdə
Marksın təklifi ilə adını və proqramını dəyişən bu təşəkkül
“Kommunistlər İttifaqı” adı ilə beynəlmiləl bir təbliğat
mərkəzinə çevrilir. Məşhur Kommunist Bəyannaməsi də bu
konqresdə qəbul edilmişdir.
Elan edildiyi gündən bəri bir qardaş qətliamı olan siniflər
mücadiləsi fəsadı ilə bütün dünyanı daimi bir huzursuzluk və
insanlıq mədəniyyətini də məhv etmə qarşısında qoyan fitnə-
fəsad vəsiqəsı bax budur.
Kommunist Bəyannaməsinin elanından bu yana bir sıra
qeyd edilməli siyasi hadisələr cərəyan etmişdir. Xüsusilə, başda
Leninin olduğu Rus kommunistləri, uzun zamandan bəri bəhs
edib dayandıqları sözdə demokratiya davasına xəyanətlə,
həyata keçirdikləri mütəmadi intriqalarla xaraktersiz və
mütərəddiddir.
Rus
demokrat
liderlərinin
əffedilməz
xətalarından xüsusilə 1917-ci ilin Oktyabr ayında Rusiyada
iqtidarı qəsb edərək azad insan düşüncə və hərəkətlərinə sədd
çəkən kommunist bir rejim təsisinə müvəffəq oldular.