www.kitabxana.net Amid Əlioğlu
2016
“Cəmiyyət Məcəlləsi”nin birinci maddəsi ilə
ömürlük azadlıqdan məhrum edilmişəm. Neçə yaşım
var, nə müddətdir buradayam, belə şəraitdə daha nə
qədər ola biləcəm, heç özüm də bilmirəm.
İnanmayacaqsız, amma bu məhbəs harada yerləşir,
neçə “otaq”lıdır, məndən başqa kimlər var, hansı
dildə danışırlar, haralıdırlar, ümumiyyətlə, buraya
necə və kim tərəfindən gətirilmişəm, onu da
bilmirəm.
Dörd tərəfi nəm divarla əhatə olunmuş qaranlıq
bir yerdəyəm. Hərarət həmişə eyni olur deyə, fəsilləri
də ayırd etmək mümkün deyil. Buradakı yeganə işıq
tavana bitişik kiçik nəfəslikdən içəri düşən - günəş
şüasına oxşar işığın əksidir. Günəş şüasına oxşar
dedim, çünki mən burada olandan bu yana həmin
nəfəslikdən o işıq elə eyni bucaq altında düşür.
Ara-sıra açılan qapıdan təpədən-dırnağa qədər
qara geyinmiş iki nəfər daxil olur. Hər ikisi
qollarımdan yapışıb, bir kəlmə belə danışmadan
məni qaranlıq dəhlizlə zülmət yerə aparırlar. Elə
həmin an səssizliyin dibinə çökmüş sədalar
yüksəlməyə başlayır. Sağ və sol kameralardan
eşidilən başa düşmədiyim sözləri, qışqırıqları və
www.kitabxana.net Amid Əlioğlu
2016
atılan müxtəlif əşyaları anlamaqda çətinlik çəkirəm.
Apardıqları yer haradırsa, ucsuz-bucaqsız məkana
bənzəyir. Nə qədər uzaqlaşsam da, əlim-ayağım heç
yerə dəymir. Bunu elə ilk dəfə yoxlamışdım.
Mərkəzidir, küncüdür, sonudur, yaxud əvvəlidir
bilmirəm, amma həmin sonsuzluğun, sadəcə bir
yerində yuxarıdan asılmış su borusu, güzgü, üzqırxan
maşın və uzunluğu təxminən bir santimetrə bərabər
olan şam ilə təchiz edilmiş “guşə” var. O
“xidmətlərdən” şam sönənə qədər istifadə etməliyəm.
Əvvəllər bu vasitələrdən maksimum yararlanmağa
çalışsam da, hazırda çox nadir halda gərəyim olurlar.
Çünki nədənsə üzümə tük çıxmır, əl-üzümü də
yumağa ehtiyac qalmayıb sanki.
Gündə üç dəfə, qeyri-standart vaxtlarda ətəyi
yerdəki nəmişlikdən pas atmış dəmir qapının altından
bir fincan soyuq çay, içinə azca yağ atılmış qaynar su
ilə dolu aliminium kasa və bir də zəhləm getmiş
qarabaşağı elə itələyirlər ki, onları dadmaq çox vaxt
adama heç qismət olmur. Dəqiq vaxtını bilsəm əgər,
qapının yanında gözləyər, onları yerə dağılmadan
götürərəm bəlkə də. Hətta bir dəfə bütün günümü
orada oturmaqla keçirdim. Amma həmin gün lənətə
www.kitabxana.net Amid Əlioğlu
2016
gəlmiş qapının altından soyuq havadan başqa,
ümumiyyətlə, heç nə gəlmədi.
Qısası, burada ürəyimdən keçəni istədiyim vaxt
almaq şansım yoxdur. “Onlar” istədiyi üçün,
istədikləri
yerdə,
istədikləri
şəraitdə yaşamaq
məcburiyyətindəyəm. Dəyişən bir şey yoxdur əslində.
Bura gətirilməmişdən öncə də “həyat”ım belə idi.
Odur ki, yeməklə bağlı fikirləşmirəm artıq.
Sidiyimin də, nəcisimin də qoxusuna öyrəşmişəm.
Baxmayaraq ki, burda heç bir sifarişi veclərinə
almırlar, amma bir istəyimi yerə salmadıqları üçün
onlara minnətdar oldum, desəm, təəccüblənməyin.
Bəli, bəli. Onlara minnətdaram. Çünki hazırda bu
sətirləri yazdığım kağızları və qələmi onlar mənə
veriblər. Kağızlar yazacaqlarımı əks etdirməyə
yetəcək, zənnimcə. Yetməsə belə, tualet kağızı kimi
verdikləri qəhvəyi rulon kağızlara yazmağa məcbur
olacağam yəqin. Onsuz da onlardan, demək olar ki,
istifadə etmirəm. Daha doğrusu, istifadəyə gərək
qalmır. Qələmimin də ki, içliyi bitsə əgər, qanımı
doldurub yazacam. Nəyin bahasına olursa olsun, mən
bu yazını axıra kimi yazacam! Ən azından bunu
yazana qədər yaşayacağıma söz verirəm...
www.kitabxana.net Amid Əlioğlu
2016
Bir an düşünürəm ki, məni bura salanlar əziyyət
verdiklərini sanırlar. “Hamam”ı ülgüc əvəzinə
üzqırxan maşın ilə təchiz etməkləri mənə hörmət
nümayişi deyil hər halda. Həyatımdan bezib həmin
ülgüclə özümə xəsarət yetirə biləcəyimi güman
edirlər (Çox “təsirləndim”). Bura salmaqla, əslində,
məni
xilas
etdiklərindən
xəbərləri
yoxdur
bədbəxtlərin. Mən həyatımdan onların əhatəsində
olanda bezmişdim. Eyniliklərindən süniliklərinə,
tərzlərindən
fərzlərinə,
şöhrətpərəstliklərindən
qeybətpərəstliklərinə, inanclarından “qazanc”larına,
oyunlarından doyumlarına, yalanlarından dolanlarına
qədər hər şeylərindən bezmişdim. Bezmişdim...
Səkkiz dostum vardı - yaxından tanıdığım
səkkiz şəxs. Yenə də inanmayacaqsız, amma hazırda
özümü çox xoşbəxt hiss edirəm. Ona görə ki, onlar
haqqında yazıram. Dəqiq, ona görə ki, bu kağız və
qələm var. Məhz ona görə ki, bu dəqiqə heç bir
dərdim yoxdur. Tıxaclarda keçirdiyim əsəbim,
müdirin ayrı-seçkiliyinə dözmək məcburiyyətim,
qonşudan geri qalmamaq üçün dəridən-qabıqdan
çıxma çabalarım da yoxdur. Ən əsası, alverçilərin
əhatəsində deyiləm artıq. Bəli, alverçilərin! O
Dostları ilə paylaş: |