oynayır. Aqil pedaqoqların dediyi kimi hər bir dərs, keçirilən hər bir
tərbiyəvi tədbir müəllimin yaradıcılıq əsəridir. Onlar da heç vaxt eyni
olmur, bir-birinə bənzəmirlər. Bunun əsas səbəblərindən biri də,
fikrimizcə, müəllimin öz emosional vəziyyətini necə idarə etməsi ilə
bağlıdır.Fəaliyyətə yeni başlayan gənc müəllimin siniflə ünsiyyətinin
kütləvi xarakteri onda “əzələ sıxılmaları”, inamsızlıq hissi, qorxu, təlaş,
donuqluq yaradır. Müəllimlərin,uşaqların, valideynlərin ona yönəlmiş
nəzərləri, hamının diqqət mərkəzində olması onun fikirlərinin
dəqiqliyində, səs aparatının vəziyyətində aydın əks olunur: ayaqları
keyləşir,əlləri quruyur-süstləşir, özünü narahat hiss edir, gülməli və
bacarıqsız görünür. Mövcud pedaqoji ədəbiyyatda öz-özünü
tənzimləmənin ən vacib vasitələrinə bunlar aiddir: xeyirxahlıq və
nikbinlik tərbiyəsi, öz davranışına nəzarət, fəaliyyətdə fasiləliyi,
araverməni təmin etmək. Digər qrup üsullar, qaydalar orqanizmin
fəaliyyətinə nəzarət etməyə əsaslanır. Emosional həyəcanların
dərinliyini onların xarici təzahürünə təsir etməklə dəyişdirmək olar.
Belə ki, hislərin sematik və vegetativ təzahürlərinə elementar nəzarət
onların özünəkorreksiyasına doğru aparır, düzəlişlər verir. Bunu mimik
tonus, sifətin əzələləri, nitqin tempi, nəfəsalma,gülüş, təbəssüm və s.
İlə nəzarətə almaq olar. Növbəti dərsə hazırlaşan, şagirdlər qarşısında
qorxu, inamsızlıq keçiriləcək gənc müəllimlə relaksiya (sakitləşmə)
seansları,onda özünə qarşı inam yaratmaq lazım gəlir. Ona təlqin
etmək lazımdır ki, şagirdlər qarşısında dərs demək o qədər də çətin iş
deyil, uşaqlar sizi dinləyirlər, sevirlər, tələblərinizi yerinə yetirirlər və
siz dərsi apara bilərsiniz. Əsas məsələ deyəcəyin mövzuya daha yaxşı
hazırlaşmaqdan, istifadə edəcəyiniz əyani, texniki vasitələrin
olmasından, düzgün təqdimatdan asılıdır. Dərsə hazırlıqda əsas
məsələ özünü tənzimləmədir. Bu zaman onun dərsin məqsədinə,
məzmununa uyğun olan üsul və vasitələri seçməsi asanlaşır, vəzifə
uğurla nəticələnir
Dostları ilə paylaş: