37
tutulmuşdu. Böyük oğlu Mehralı təkidlərə baxmayaraq, atasının
yanını kəsmişdi. Atası Tiflis səfəri zamanı oğlanlarının şəklini
çəkdirib yataq otağında başı üstündən asmışdı. Gözlərini şəklə
tərəf çevirən Səlim bəyin baxışından nəsə deyəcəyi hiss olunurdu.
Mehralı:
– Həsəni deyirsənsə, bu saat tapşıraram Səfəralı gedib gətirər.
Təki sən həyəcanlanma!
Səlim bəy razılıq olaraq kirpiklərini endirdi.
Şamaxıdan Zərdaba yol aldıqları andan keçən bir neçə saat
ərzində nə Həsən, nə də Səfəralı bəy bir kəlmə danışdılar.
Fayton həyətə yetişəndə Səlim bəy heç kimi tanıya bilmirdi.
Həsən atasının yatağı yanında onun əllərini tutub yalvarıb ağlayırdı:
– Ata, bir az döz, Fərəc dayıma xəbər verək, Tiflisdən doktor
gətirsin.
Səlim bəy yüngülcə nəfəs alaraq kirpiklərini sanki zorla bir-
birinə sıxdı.
Fərəc bəyə artıq teleqram vurulub, Səlim bəyin xəstəliyi
haqqında məlumat verilmişdi. Əslində, Fərəc bəyi bu yerlərdə
“Rus Fərəc” adlandırıb sevməsələr də, o, soydaşları üçün gərəkli
məsələlərin həllində Tiflis qəzasında çar generalı kimi böyük işlər
görürdü.
Bu dəfə Fərəc bəyin göndərdiyi doktor da gecikdi, özü də lap
çox gecikdi.
Səlim bəy qızı Şirinin, oğlu Mehralının, Səfəralının, sonbeşiyi
Həsənin və Qarabağda sevib-seçdiyi ömür-gün yoldaşı Mənzər
xanımın gözləri qarşısında quş kimi uçub getdi.
Həsən atasının ölümü ilə barışa bilmirdi. Ailə üzvləri yas
mərasimindən çox Həsənlə məşğul idi. Həsən yenə qızdırmadan
od tutub yanırdı.
Tiflisdən Fərəc bəyin göndərdiyi həkim geciksə də, Həsəni
dərindən müayinə etdi. İndiyəcən Həsənin keçirdiyi xəstəliklər
haqqında ətraflı məlumat alan həkim ona sinir zəifliyi diaqnozu
qoydu. Yazdığı dərmanlarla yanaşı doğmalarının dəstəyinə çox
ehtiyacı olduğunu tövsiyə etdi.
Mehralı bəy:
38
– Ana, bilirsənmi yadıma nə düşdü? Biz hələ çox balaca
olanda sən Ağcabədiyə gedəndə Həsən qızdırma içində başladı
sayıqlamağa: “Ana, məni niyə aparmadın”. Babam o zaman sənin
dalınca fayton göndərdi. Sən gələn kimi qalxdı ayağa, elə bil neçə
gündən bəri xəstə olan bu deyildi.
– Xatırladım, oğlum, xatırladım. İndi siz bir-birinizə çox
dəstək olmalısınız, sən Həsənə həm böyük qardaş, həm də ata
əvəzi olmalısan.
Həsən təhsilini tez başa vura bilmədiyinə görə hərdən özünü
qınayırdı. “Əgər oxumuş, savadlı həkim olsaydım, atama yardım
edərdim. Hər bəlamızın səbəbi savadlı mütəxəssisin olmamasıdır”
düşüncəsilə Həsən xəyalında gah həkim, gah da aqrotexnik kimi
Zərdabdakı gələcək planları haqqında düşünürdü.
39
1858-ci il, iyun. Şamaxı gimnaziyasında
məzun müsamirəsi
Şamaxı məktəbinin həyətindəki bayram izdihamı ətrafdan
baxan bütün insanlarda heyrət və qibtə oyadırdı. Qırmızı lentlərlə
bəzədilmiş məktəb həyətinin yuxarı başında, məktəbin fasadında
Əlahəzrət çarın şəkli asılmışdı. Məktəbin direktoru hamıdan çox
həyəcanlı idi. Məzunların valideynlərinin təşkil etdiyi yeməklərin
iyi hər tərəfi bürümüşdü. Təndirdə hazırlanmış quzu biryanları, plov
qazanları, qırqovullu döşəmə plov və kababların ağız sulandıran
iyi şagirdlərin həyəcanını azaldırdı. Azərbaycan süfrəsinin zəngin
yeməklərinin əksəriyyəti rus millətindən olan məktəb heyətini və
Tiflisdən gələn Qafqaz təhsil dairəsinin məsul məmurlarını heyran
qoymuşdu.
– Bilirsənmi, cənab direktor, mən bu müsəlmanlar haqqında
nə düşünürəm? Bu qədər qoçaq, iradəli, “daşdan çörək çıxaran”,
həm də zəngin yaradıcılığı olan millətin oxumağa, elm qazan-
mağa münasibətinin mənfi olması nə ilə izah olunur? Siz bunların
evdə əllə toxuduqları xalçalardakı hər naxışın izahı olduğunu
eşitmisinizmi? Qulaqlarına çatmasın, bu millət, doğrudan, böyük
millətdir, əlbəttə, bizdən sonra – deyərək Qafqaz Təhsil İdarə sinin
müdiri baron Aleksandr Pavloviç Nikolay gülümsündü…
Hələ çox-çox qədimlərdə azərbaycanlıların – Ərdəbil şəhə-
rin də bənzərsiz naxışla bəzədilmiş məşhur xalçaları olub, sən
de mə, ordakı ornamentlərin, təsvir olunmuş budaq və üstündəki
yarpaqların sayı şifrələnmiş məktub imiş. Bu ornamentlərə şifrə
sahibləri “sivri əlifba” deyirmişlər. Bax belə… Vay o günə, bizə
qarşı “sivri əlifba”yla məktub yazalar, cənab direktor.
– Fikirləşirəm, Aleksandr Pavloviç, elə şeyə yol verilməz.
Amma bu təhsilli gənclər atamız çarın Qafqaz əyalətlərində
dilmanc lazım olmadan çalışan gələcək xidmətçiləri olacaqlar.
Məncə, bizim təhsil siyasətimizin əsasında elə bu durur. Məsələn,
çar ordusunda praporşik kimi çalışan Səlim bəyin oğlu Həsən
40
Məlikov haqqında sizə bir dəfə yazmışdım, onun sizin imzanızla iki
tərifnaməsi də var. Bu ilki 144 nəfər məktəb məzununun içərisində
o, qeyri-adi istedadı olan yeganə uşaqdır.
Məktəb direktorunun söhbətindən sonra Aleksandr Pavloviç
Həsəni onun yanına çağırmağı tapşırdı.
Həsən müdiriyyətə daxil olanda özünü itirmədən ehtiramla
hamıya salam verib sakitcə ayaq üstə dayandı.
– Bu nə qəribə uşaqdır, gözlərinə baxın, həyatımda gördü yüm
ən ağıllı gözlərdir, amma yaman cansızdır, əsl aristokratdır.
Həsənin anlamaması üçün fransızca danışan Aleksandr
Pavloviç davam edərək soruşdu:
– Sizin təqdimatda bizə, Tiflis gimnaziyasına məsləhət
bildiyiniz qəhrəman, yəqin ki, budur?
– Bəli, cənab!
– Çox gözəl, çağır valideynlərini sevindirək, qoy görsünlər ki,
çar Rusiyasının müsəlmanların təhsilinə qayğısı hansı səviyyədədir.
Həsən otaqdan çıxandan sonra məktəb direktoru dilləndi:
– Aleksandr Pavloviç, məsələ belədir, Həsənin atası, mək tə-
bimizin himayədarlarından biri olan Səlim bəy iki il öncə vəfat
etdi, Həsənin bütün qayğısı hazırda onun böyük qardaşının üzərinə
düşüb. O da Həsənin ailədən uzaqda təhsilinə icazə vermir. Siz,
yəqin ki, Qafqaz atlı qvardiyasının generalı Nikolay Nikolayeviçi
tanıyırsınız?
Onun əsl adı Fərəc bəydir, Fərəc bəy Ağayev Həsənin ata-
sının dayısıdır. Ona müraciət etsək, yaxud onun adından ailəni
toxdadacaq məktubu qardaşına təqdim edib əminlik yaratsaq,
bəlkə, işlər düzələr.
– Oh… sən öncədən hər tədarükü görmüsən…
Fərəc bəy mənim çox yaxın dostumdur. Çağır qardaşını, mən
özüm onunla danışım.
Aleksandr Pavloviç həyətdən Mehralını çağırtdırdı:
– Bizim söhbətimizi kim tərcümə edəcək?
– Ehtiyac yoxdur, cənab, – içəri daxil olan Mehralı bəy
dilləndi. Mən rus dilində az-çox bilirəm.
Söhbət çox ciddi keçdi. Tiflisli qonaq Mehralını əmin etdi ki,
Dostları ilə paylaş: |