41
mən Fərəc bəyi Həsənə əsl himayədar seçdim. Üç günə dayınızın
məktubunu da sizə göndərəcəyəm.
Mehralı bəy yumşalmışdı. Həsənin Tiflisdə oxuması bütün
zərdablılar üçün xeyirli bir hadisə ola bilərdi.
– Bura bax, qoçaq, “az-az” dediyin rusca danışmağın xoşuma
gəldi, sən rusca tərcüməçilik edəcək səviyyədə bilirsən. Bəs bu dili
harada öyrənmisən, harada təhsil almısan?
– Atamın yerli orduda bir dostunun xanımı rus dili müəlli-
məsiydi. O həm də mənim, qardaşımın və bacımın ailə müəllimi
oldu. Həsən də bu dili öyrənməyə yenicə başlayanda atam onu
Şamaxı məktəbinə gətirdi.
– Əhsən! – təhsil idarəsinin müdiri münasibətini bildirdi:
– Madam ki, dayım Həsəni himayəyə götürür, ona daim baş
çəkəcəyinə söz verir, neynək, mən də razıyam.
Mərasim məktəb marşı ilə başladı. Çıxış edənlər çar Rusi-
yasının ucqarlarda elmə, təhsilə ayırdığı diqqətin Qafqaz əha li si-
nə gətirəcəyi tərəqqidən ağız dolusu danışdılar. Məzunlara attes-
tatlar təqdim olundu. Şagirdlərin əl işlərindən olan sərgi Nikolay
Pavloviçin yüksək tərifini qazandı. Məktəbin qiraət dərnəyinin
şagirdləri rusca şeirlər söylədilər. Tədbir çar Rusi yasının huma-
nizmini tərənnüm edən xor musiqilə başa çatdı.
Həsən qardaşı Mehralı bəylə Zərdaba qayıdırdı. Arxada neçə
il təhsil aldığı məktəb, ilk gəldiyi günlərdən bu günə qədər baş
verən hadisələrlə bağlı xatirələr, dostları, müəllimləri xəya lından
gəlib keçdi. Həyəcan içində Zərdabla müvəqqəti olaraq vidalaşdığı
anlar, Şamaxıya gəldiyi ilk gündəki balaca Həsən gözləri qarşısında
canlandıqca atasını, babasını xatırladı. Şama xıya uzanan fayton
yollarında bitib-tükənməyən zaman elə bil geri qayıtdı. Yol boyu
atasına verdiyi suallar yadına düşdü:
– Ata, hələ çatmırıq?
– Hələ ki, yox.
Yoruldun ki?
– Yox! Sadəcə, evə tez çatmaq istəyirəm.
Ata, Şamaxını niyə belə adlandırıblar? Kim qurub bu şəhəri?
– Mən də dəqiq bilmirəm. Amma oxuduğum yazılarda 2400
42
il yaşı olması haqda məlumatlar var. Şamaxı tarixi əsərlərdə bəzən
“Kemaxeya”, bəzən də “Əşşamaxiyyə” adlandırılıb.
Bir onu deyə bilərəm, ən qədim Azərbaycan torpaqlarından
biridir. Səni bu fikirlər qane etdimi?
– Sağ ol, ata, qane etdi! – Həsən o zaman belə cavab vermişdi.
Bu gün isə o, qardaşı Mehralı ilə Şamaxıdan Zərdaba qayı-
dırdı. Bir azdan Tiflisə hazırlaşacaqdı. Şamaxıda gimnaziya illə-
rin də oxuduğu çoxlu kitablar onun tarixi biliklərinin, dünya gö-
rüşünün formalaşmasına ciddi təsir göstərmişdi. İndi Şamaxı və
onun tarixi haqqında Həsən qardaşlarının hamısından çox bilir-
di. Azərbaycanda şəhərsalma mədəniyyətinin qədim mərkəz-
lərindən biri olan Şamaxının Albaniya dövlətinin ən iri yaşayış
məskənlərindən biri olduğunu bilirdi. Yunan coğrafiyaşünası
Klavdi Ptolemeyin “Coğrafiya” əsərində Albaniya ölkəsinin iyir-
mi doqquz şəhəri sırasında atasının da vaxtilə ona söylədiyi
“Camaxeya”, “Kemaxeya” adları ilə Şamaxı haqqında geniş bilgi
verilib.
918-ci ildə Şamaxı Şirvanşahların paytaxtına çevrilir, şəhə-
rin böyük inkişaf dövrü başlayır. Paytaxt statusu alması, eyni
zamanda, nəqliyyat yollarının şimal-cənub istiqamətindəki qovşa-
ğında yerləşməsi Şamaxının inkişafına əlavə təkan vermişdi. Şəhər
həmin illərdə daha da inkişaf etmiş, gözəlləşmiş, ərazi cəhətdən
genişlənmişdi.
Ərəb xilafətinin istilasından xilas olandan sonra Şamaxı
Şirvanşahlar dövlətinin paytaxtına çevrilib, I Şah İbrahimin döv-
ründə daha da çiçəklənib. 1382-1417-ci illərdə Şamaxı yüksək
tərəqqi dövrünü keçərək xarici dövlətlərlə iqtisadiyyat və ticarət
əlaqələrini genişləndirib, ərazilərinin sabit saxlanılıb qorunmasını
təmin edib.
Orta yüzilliklərdə Şamaxı İpək yolu üzərindəki ən münasib
iqtisadi mərkəzlərdən biri kimi müxtəlif ölkələrin tacirlərinin
axışdığı əsas Azərbaycan şəhərlərdən biri olmuşdu.
Tarixçi Əl Əsir 1222-ci ildə Şamaxını monqol-tatar işğalçı-
larından qorumaq məqsədilə minlərlə insanın həlak olmasından
ürək ağrısı ilə yazırdı.
43
Şamaxı başıbəlalı Azərbaycan şəhəri kimi ayrı-ayrı zaman-
larda bir neçə dəfə qonşu dövlətlərin və yadellilərin hücumlarına
məruz qalmış, işğallar, zəlzələlərdən şəhər tamamilə dağılmışdı.
XV əsrin 30-80-ci illərindən başlayaraq Qaraqoyunlu hökm-
darı Cahan şah və Ağqoyunlu hökmdarı Uzun Həsənin döv ründə
Şamaxı özünün yüksək inkişaf mərhələsinə çatmışdı. Elə bu dövrdə
şəhər əhalisinin sayı mənbələrdə göstərilir ki, otuz-altmış min arası
dəyişib. 1538-ci ildə Şirvan əraziləri bəylər bəyiliyi statusunda
bütövlükdə Səfəvilər dövlətinin tərkibinə qatılmış, Şamaxı şəhəri
bu bəylərbəyiliyinin paytaxtına çev ril mişdi. XVI əsrin II yarısı,
XVII əsrin əvvəllərində Şamaxı şəhəri inzibati mərkəzə çevrilərək
xeyli möhkəmlənmiş və yüksək səviyyədə inkişaf etmiş, dövrün
əsas ipək istehsalı və ticarəti mərkəzlərindən birinə çevrilmişdi.
XVII əsr Osmanlı səyyahı Çələbi Şamaxı haqqında belə deyirdi:
“Qırx xanlıq, qırx səkkiz qəzası, qırx nahiyəsi, yetmiş qalası, min
üç yüzə qədər abad kəndi var Şamaxının. Hər yerindən çay keçir.
Bağ-bağçalarının sayı yoxdur. Şəhərin iyirmi altı məhəlləsi var.
Meydan və Şabran məhəllələri şəhərin çox gözəl yeridir…” Şəhərdə
yeddi yüz ev, iyirmi altı məhəllə, qırx mədrəsə, yetmiş məscid,
yeddi hamam, qırx dörd karvansara, iki yüzə yaxın dükan varmış.
Həsən bəy öz-özünə bu rəqəmləri Şamaxının bugünkü inkişafı
ilə müqayisə edərək, “demək, indikindən daha yüksək tərəqqiyə
malik imiş bu şəhər” qənaətinə gəldi. 1724-cü ildə Rusiya ilə
Türkiyə arasında bağlanan “İstanbul müqaviləsi”nə görə Şirvana
daxili mux ta riyyət verilmişdi. XVIII əsrin əvvəllərində Səfəvi
imperiyasının zəifləməsindən istifadə edən ermənilər füsunkar
gözəlliyi olan Şamaxıya axışmağa, bu ərazilərdə məskunlaşmağa
və bu yerlərə göz dikməyə başlayır.
Onlar I Pyotra məktub yazaraq, Şamaxı, İrəvan, Naxçıvan
və başqa yerlərdən onların əli ilə azərbaycanlıları qovmaq, rus
qoşunlarına mərkəz yaratmaq, bu ərazilərdə möhkəmlənmək
üçün Çar Rusiyasından kömək istəyirlər. Hazırladıqları on səkkiz
bənddən ibarət olan xüsusi hərbi müdaxilə planında onlar I Pyotra
Şamaxını diqqətdə saxlayıb gələcəkdə Güney Qafqazda möh-
kəmlətmək tövsiyəsi verir, bu ərazilərdə məskunlaşan ermənilərin
Dostları ilə paylaş: |