REPK 30 ildə
19
vermirdi. Bu vəziyyətlə nə kitabxananın rəhbərliyi, nə də onun
yaradıcı kollektivi razılaşa bilmirdilər. Dəfələrlə Maarif Nazir-
liyinə kitabxanaya münasib binanın verilməsi ilə bağlı müraciət
edilməsinə baxmayaraq bu məsələ həll olunmamış qalırdı. Bu
vaxt problemin həllini ləngidən daha bir hadisə baş verdi.
REPK-nın direktoru T.Ə.İsmixanova tutduğu vəzifədən azad
olundu. Bu yenicə formalaşmağa başlayan kitabxananın fəaliy-
yətində və inkişafında bir çox çətinliklərin yaranmasına səbəb
oldu. Lakin özünün tükənməz mübarizə əzmi, iradəsi, inadkar-
lığı və kollektivin dəstəyi ilə o, 1985-ci ildə yenidən öz vəzifə-
sinə bərpa olundu. Kitabxananın yeni bina ilə təmin edilməsi
məsələsi yenidən nazirlikdən tələb olundu. Təəsssüf ki, bina
məsələsi yenə də həll olunmamış qalmaqda idi. Bu zaman
kitabxananın rəhbərliyi və digər məsul işçiləri nazirliyin razı-
lığı olmadan, qorxmazlıq və cəsarət nümayiş etdirərək kitab-
xananı yenicə istifadəyə verilən Respublika Mərkəzi Müəllim-
ləri Təkmilləşdirmə İnstitutuna məxsus doqquz mərtəbəli bina-
nın 2-ci mərtəbəsinə köçürürlər. Artıq REPK-a 1985-ci ildən
bu binada 1,5 min kvadrat metrlik bir sahədə özünün bütün
strukturlarını tam şəkildə bərpa etmiş və geniş fəaliyyətə baş-
lamağa nail olmuşdu.
Qeyd etmək lazımdır ki, qəbul edilmiş bir sıra rəsmi
sənədlər, görülən tədbirlər, elmi axtarışlar, ölkə hüdudlarından
kənarda olan əsaslı kitabxanalarla elmi və mədəni əlaqələr
kitabxananın fəaliyyətini nəinki tənzimləmiş, habelə onun
həyatında, kitabxana işçilərinin yaradıcılığında oyanış əhval-
ruhiyyəsi yaratmışdır ki, bu da kitabxananın bir sıra nailiyyət-
lər qazanmasına səbəb olmuşdu.
REPK 30 ildə
20
Respublika Elmi Pedaqoji Kitabxanası
elmi -metodik mərkəz kimi
Dünya təcrübəsində kitabxana işçiləri və görkəmli
kitabxanaşünas alimlər belə bir qənaətə gəlmişlər ki, metodik
təminat işi kitabxana işinin vacib sahələrindən biri kimi
perspektivlidir və onun inkişaf etdirilməsi olduqca vacibdir.
Metodik təminat dedikdə ilk növbədə kitabxanaların fəaliy-
yətinin dinamik inkişafına yönəlmiş, nəzəri əsaslara və mütə-
rəqqi təcrübəyə söykənən, özündə rəngarəng forma və üsulları
birləşdirən müxtəlif metodik proseslərin hazırlanıb həyata keçi-
rilməsi nəzərdə tutulur. Bütün bunlar əhalinin kitabxana xid-
mətinin optimallaşdırılması ilə əlaqədar meydana çıxan prob-
lemlərin həlli, idarəetmə orqanlarının qərar və sərəncamlarının
icrası, kitabxana işçilərinin peşə səviyyəsinin artırılması, nor-
mativ-hüquqi sənədlərin yerinə yetirilməsi, əmək qabiliyyətinin
artırılması, bir sözlə, kitabxanaların öz sosial funksiyalarının
həyata keçirilməsinə yönəlmişmetodik tədbirlərin hazırlanma-
sına və s. yönəldilir. Metodik vəsaitlərin (tövsiyələrin, göstəri-
cilərin, əsasnamələrin, təlimatların və s.) tərtib edilməsi, kitab-
xana işçilərinin yerlərdə təlimatlandırılması, kitabxana işinə
dair müşavirə, seminar, konfrans, praktikum, treninqlərin təş-
kili, qabaqcıl təcrübənin öyrənilməsi və tətbiqi, kitabxana işinə
dair məqsədli proqramların, strateji planların hazırlanması və
həyata keçirilməsi və s. iş üsulları metodik təminatın əsas for-
malarıdır.
80-ci illərdə respublikamızda ümumtəhsil məktəblərində
kitabxana xidmətinin təşkili və bu işə metodik rəhbərlik
dövrüntələblərinə cavab vermirdi. Maarif Nazirliyinin bütün
kitabxanalarına elmi-metodik rəhbərlik çətin və mürəkkəb iş
olduğu üçün böyük məsuliyyət tələb edirdi. Lakin REPK-nın
REPK 30 ildə
21
rəhbərliyi və ayrı-ayrı şöbələrin işgüzar mütəxəssisləri səy gös-
tərərək bu çətin və mürəkkəb, həm də məsuliyyətli məsələnin
tez bir zamanda həllinə nail oldular. Məhz belə mütəşəkkil iş
birliyi nəticəsində məktəb kitabxanalarının şəbəkəsi formalaşdı.
REPK-a yarandığı ildən bu işin elmi əsası düzgün qurulduğun-
dan burada kəmiyyət və keyfiyyət göstəriciləri daha çox ol-
muşdur.
REPK-nın əsas struktur bölmələrindən biri, bəlkə də
birincisi olan məktəb kitabxana sisteminə elmi-metodik rəh-
bərlik işini həyata keçirən “Elmi-metodikaşöbəsi” 7 ştat vahidi
ilə fəaliyyətə başlamışdır. Bu şöbədə bilavasitə məktəb kitab-
xanalarının metodik təminat sistemini təşkil edən metodistlər
fəaliyyət göstərirdi. Onlar ümumtəhsil müəs-sisələrinin kitab-
xanaları üçün metodik vəsaitlər, təlimati metodik məktubların
hazırlanmasında, yazılı və şifahi məsləhətlərin verilməsində,
həmçinin məktəb kitabxanalarının fəaliyyətinə dair statistik
məlumatların alınması, təhlil edilməsi və məktəb kitabxanaları-
nın işinə kömək məqsədilə ezamiyyələrdə, müşavirə və kon-
franslarda iştirak edirdilər. Şöbə metodik işi planlaşdırır və
onların icrasını təşkil edirdi. Kitabxananın “Elmi-metodika
şöbəsi” öz işini əsasən aşağıdakı istiqamətlərdə qurmuşdu:
-məktəb kitabxanalarının fəaliyyətinin öyrənilməsi,
metodik və əməli köməkliyin göstərilməsi;
-yeni Kitabxana Biblioqrafiya Təsnifatının (KBT) mək-
təb kitabxanalarının iş təcrübəsinə tətbiqi;
-məktəb kitabxanalarının fondlarına dair məlumatların
alınması, təhlili və bu fondların təkmilləşdirilməsi;
-məktəb kitabxanaçılarının ixtisasının artırılması və
ideya siyasi səviyyəsinin yüksəldilməsi;
-məktəb kitabxanalarında qabaqcıl iş təcrübəsinin öyrə-
nilməsi və yayılması;
Dostları ilə paylaş: |