yaradılmışdır. Azərbaycanın görkəmli yazıçılarının, mədəniyyət
xadimlərinin və alimlərinin yubileylərini keçirmək, onlarla görüşlər təşkil
etmək sahəsində xeyli iş görülür. Cəmiyyətin təşəbbüsü ilə 1991-ci-ilin
iyununda Xarkovda təntənəli surətdə Bakı günləri keçirilmişdir.
“Xətai” cəmiyyətinin fəallarından biri - Ukrayna Akademiyasının
Radio-Astronomiya İnstitutunun elmi əməkdaşı Məmməd Paşayev bu
yaxınlarda Bakıya gəlmiş, öz cəmiyyətləri adından 216 min rubl
məbləğində tibb ləvazimatından ibarət yardım gətirmişdir. O, həmçinin
Təzə pir məscidində Hacı Sabirlə görüşərək, Bakı İslam İnstitutuna
Xarkovda yaşayan azərbaycanlılardan bir neçəsinin qəbulu barədə razılıq
əldə etmişdir.
“BAKILI” MƏDƏNİYYƏT MƏRKƏZİ
(Sevastopol)
Sevastopolda yaşayan həmvətənlərimizin yaratdıqları “Bakılı”
Mədəniyyət Mərkəzi Azərbaycanda fəaliyyət göstərən “Bakılı” Beynəlxalq
Mədəniyyət Cəmiyyətinin şöbəsidir. Bu mərkəz 1992-ci ilin iyununda-
rəsmi-qeydiyyatdan keçmişdir. Mərkəzin üzvləri vaxtilə Bakıda yaşayan və
işləyən azərbaycanlılar, ruslar, ukraynalılardır Mərkəz öz əsas vəzifəsini
milliyətindən asılı olmayaraq Sevastopolda yaşayan keçmiş bakılıların
Azərbaycanla əlaqələrini möhkəmləndirir.
“OCAQ” AZƏRBAYCAN MƏDƏNİYYƏT VƏ
XEYRİYYƏ CƏMİYYƏTİ
(Simferopol )
Krım vilayətinin Simferopol şəhərində fəaliyyət göstərən “Ocaq”
Cəmiyyəti öz ətrafında burada yaşayan azərbaycanlıları birləşdirir.
Azərbaycanda baş verən hadisələr, ictimai-siyasi dəyişikliklər, erməni
millətçilərinin respublikamıza qarşı elan olunmamış müharibəsi Cəmiyyət
üzvlərinin daim diqqət mərkəzindədir. Cəmiyyətin təşəbbüsü ilə 1993-cü
ilin martında burada yaşayan azərbaycanlıların və Türkiyədən gəlmiş
qonaqların iştirakı ilə Novruz bayramı böyük təntənə ilə keçirilmişdir.
“Ocaq” cəmiyyətinin sədri Rəhim Hümbətovdur. O həm də hazırda
Krımda nəşr olunacaq “Krım ensiklopedik lüğəti”nin Redaksiya heyətinin
üzvüdür R.Hümbətov bu yaxınlarda Azərbaycan EA Milli Münasibətlər
İnstitutunun və “Azərbaycan Ensiklopediyası” Nəşriyyat-Poliqrafiya
Birliyinin qonağı olmuş, hər iki təşkilatla “Ocaq” Azərbaycan Mədəniyyət
və Xeyriyyə cəmiyyəti arasında aməkdaşlıq barədə müqavilələr
bağlamışdır.
“Ocaq” cəmiyyəti “Millət” adlı aylıq qəzeti (Azərbaycan və rus
dillərində) buraxır. Qəzetin redaktoru R.Hümbətovdur.
FRANSA
“AZƏRBAYCAN MƏDƏNİYYƏTİNİ VƏ
SİVİLİZASİYASINI ÖYRƏNƏN MƏRKƏZ”
(Strasburq)
“Azərbaycan Mədəniyyətini və Sivilizasiyasını Öyrənən Mərkəz”in
yaranma tarixçəsi 1984-cü ildə Frasanın Strasburq humanitar Elmlər
Universitetində keçirilmiş Fransa-Azərbaycan kollokviumu ilə bağlıdır.
Vaxtilə kollokvium elmi ictimaiyyətin geniş marağına səbəb olmuş,
bünunla birlikdə hərbi Avropada Azərbaycan haqqında ümumi məlumatın
azlığını və natamamlığını aşkara çıxarmışdı. Bunu nəzərə alan universitetin
bir qrup əməkdaşı Azərbaycan mədəniyyətini, incəsənətini, tarixini və
ədəbiyyatını öyrənən xüsusi mərkəz yaradılması fikrini irəli sürmüşdü.
1988-ci ilin mayında bu məqsədlə “Azərbaycan Mədəniyyətini və
Sivilizasiyasını Öyrənən Mərkəz” yaradılmış oldu. Məşhur
azərbaycanşünas, alim, professor İren Məlikkoff Mərkəzin prezidenti,
professor Lui Bazen və Temuçin Hacıbəyli vitse prezident seçilmişdilər.
Mərkəz öz qarşısına Azərbayçan haqqında ümumi məlumatlar dərc etmək,
Azərbaycan yazıçılarının və şairlərinin əsərlərinin nəşrini təşkil etmək idi.
Bütün bunlardan əlavə Mərkəz alimlərin görüşlərini keçirməyi, müxtəlif
tədbirlər təşkil etməyi, xüsusi kitabxana, videoteka, fonoteka yaratmağı
nəzərdə tuturdu. 1989-cu ildə mərkəz Əhməd Təbrizlinin “Dağlıq
Qarabağın tarixi və ona aid sənədlər” kitabını “Dağyeli” nəşriyyatında
(AFR) fransız dilində nəşr etmişdir.
“AZƏRBAYCAN KÜLTÜR CƏMİYYƏTİ”
(Strasburq)
Fransanın Strasburq şəhərindəki “Azərbaycan Kültür Cəmiyyəti”
xalqımızın mədəni irsinin, dilinin, mədəniyyətinin və adət-ənənələrinin
təbliği sahəsində fəaliyyət göstərir. Cəmiyyət Avropadakı Türk
Federasiyasına daxildir. Cəmiyyətin sədri Mustafa Alıcandır. Ermənistanın
Azərbaycana qarşı təcavüzü nəticəsində respublikamızda yaranmış ağır
vəziyyət, torpaqlarımızın erməni silahlı qüvvələri tərəfindən işğal edilməsi
Cəmiyyət üzvlərini olduqca narahat edir. 1993-cü il aprelin ilk günlərində
ermənilərin Kəlbəcər rayonunun işğal etməsi onların qəzəbinə səbəb
olmuşdur. Kəlbəcər hadisələri barədə Azərbaycan Prezidenti Aparatından
alınan xəbərlər Cəmiyyət tərəfindən fransız dilinə çevrilərək Avropa
parlamentində 22 ölkənin nümayəndələrinin rəhbərlərinə çatdırılmışdır.
Cəmiyyətin üzvləri tərəfindən həmin xəbərlər Fransa kütləvi informasiya
vasitələrinə yayılmışdır.
“FRANSA-AZƏRBAYCAN KÜLTÜR CƏMİYYƏTİ”
(Paris)
“Fransa-Azərbaycan Kültür Cəmiyyəti” öz fəaliyyətinin əsas
məqsədini milli mədəniyyətimizi, dilimizi, adət-ənənələrimizi qoruyub
saxlamaqla, yaşatmaqda görür. Cəmiyyətin prezidenti Əhməd
Mehribanidir. O, eyni zamanda müxtəlif sənaye obyektlərini xammalla
təmin edən “Hero” şirkətinin baş direktorudur.
Cəmiyyətin sədri vaxtaşırı Bakıda olur, Azərbaycanın iqtisadiyyatı
üçün sərfəli olan bir sıra əməli işlərin baş tutmasına, Azərbaycan
mədəniyyətinin, incəsənətinin və ədəbiyyatının Fransada yaşayan
həmvətənlərimiz, eyni zamanda Azərbaycanın iqtisadi, siyasi və mədəni
həyatına maraq göstərən fransızlar arasında təbliğ olunmasına çalışır.
HOLLANDİYA
Dostları ilə paylaş: |