87
A Z Ə R B A Y C A N V Ə K İ L İ ‐ 2013/1
“Sualınıza vəkil cavab versin!” rubrikası
*
1. Sual: Heç bir yerdə işləmirəm. Qızımın 3 yaşı
tamam olub, amma uşağın anadan olmasına görə
müavinət
almamışam.
Doğum
haqqında
şəhadətnaməsi də var. İndi həmin pulu ala bilərəm?
Cavab: "Sosial müavinətlər haqqında" qanunun 4.0.2.2‐
ci maddəsi uşağın anadan olmasına görə birdəfəlik
müavinətin verilməsini nəzərdə tutur. Həmin qanunun
7.0.12‐ci maddəsinə əsasən, uşağın anadan olmasına
görə müavinət ‐ müvafiq icra hakimiyyəti orqanı
(müvafiq icra hakimiyyəti orqanının səlahiyyətlərini
Azərbaycan Respublikası Ədliyyə Nazirliyinin və
Naxçıvan Muxtar Respublikası Ədliyyə Nazirliyinin
rayon (şəhər) qeydiyyat şöbələri, Azərbaycan
Respublikasının xaricdəki konsulluq idarələri, rayon
tabeli şəhərlərdə, qəsəbələrdə və kəndlərdə rayon, şəhər, şəhər rayonu icra hakimiyyətlərinin
nümayəndəlikləri öz səlahiyyətləri daxilində) tərəfindən verilmiş arayış təqdim edildikdə təyin
edilir. Həmin qanunun 9.3‐cü maddəsinə əsasən, uşağın anadan olmasına görə və dəfn üçün
birdəfəlik müavinətlər müraciət etmə müddətindən asılı olmayaraq təyin edilir. Qanunun 10.1‐ci
maddəsinə uyğun olaraq, müavinətlər (işsizlik müavinəti istisna olmaqla) şəxsin yaşayış yeri üzrə
müvafiq icra hakimiyyəti orqanları (müvafiq icra hakimiyyəti orqanlarının səlahiyyətlərini
4.0.1.7‐ci, 4.0.2.2‐ci və 4.0.2.3‐cü maddələr üzrə sığortaolunanlara münasibətdə Azərbaycan
Respublikası Dövlət Sosial Müdafiə Fondunun rayon (şəhər) şöbələri, digər hallarda isə
Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial
Təminat Xidmətinin şəhər (rayon) əhalinin sosial müdafiəsi mərkəzləri) tərəfindən təyin edilir
və ödənilir.
Siz Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial
Təminat Xidmətinin müvafiq (yəni, qeydiyyatda olduğunuz yaşayış yeri üzrə) şəhər (rayon)
əhalinin sosial müdafiəsi mərkəzinə müraciət edərək zəruri sənədləri (ərizə, ailə tərkibi barədə
yaşayış yerindən arayış (işləməməniz qeyd olunmaqla), şəxsiyyət vəsiqənizin surəti, DSMF‐dən
sosial sığorta ödəyicisi olmamanız barədə arayış, rayon qeydiyyat şöbəsinin doğum haqqında
arayışı (VVADQ) və uşağın doğum haqqında şəhadətnaməsi) təqdim etməklə uşağın doğulmasına
görə birdəfəlik müavinət ala bilərsiniz.
2. Sual: Pay torpaqları satılarkən necə qiymətləndirilir? Nə qədər dövlət rüsumu ödənilir və
bu xərci kim çəkməlidir ‐ alıcı, yoxsa satıcı?
Cavab: Pay torpaqğının qiymətini satıcı və alıcı müqavilə azadlığı prinsipinə uyğun olaraq sərbəst
şəkildə müəyyənləşdirirlər. Alqı‐satqı müqaviləsinin notariat qaydasında təsdiqlənməsi və
daşınmaz əmlakın dövlət reyestrində qeydə alınması xərclərini alıcı çəkir. (Azərbaycan
Respublikası Mülki Məcəlləsinin 647‐ci maddəsi). "Dövlət rüsumu haqqında" qanuna (10.1.1,
10.1.2 və 26.1.1‐ci maddələr) görə, əgər torpaq sahəsi ərin (arvadın), uşaqların, valideynlərin,
babanın, nənənin, nəvənin, qardaşın, bacının mülkiyyətinə keçirsə, 20 manat dövlət rüsumu
ödənilir. Əgər torpaq sahəsi başqa şəxslərin mülkiyyətinə keçirsə, dövlət rüsumunun məbləği Bakı
şəhərində 200 manat, digər şəhər və rayonlarda 80 manat təşkil edir. Daşınmaz əmlak üzərində
mülkiyyət hüquqlarının dövlət qeydiyyatına alınması barədə çıxarışın verilməsi üçün 30 manat
dövlət rüsumu ödənilir.
A Z Ə R B A Y C A N V Ə K İ L İ ‐ 2013/01
88
3. Sual: Oğlumun 19 yaşı var. Ona anadangəlmə ikitərəfli funksiyaların cüzi dərəcədə
pozulması ilə birinci mərhələ artrozu olan üçüncü dərəcəli yastıayaqlılıq diaqnozu qoyulub.
Bu xəstəliklə o, təqaüd ala bilər?
Cavab: "Əmək pensiyaları haqqında" qanunun 11.1‐ci maddəsinə əsasən, əlilliyə görə əmək
pensiyası sığortaolunanın xəstəlik və ya xəsarət nəticəsində yaranan əqli və ya fiziki qüsurlara
görə əmək qabiliyyətinin məhdudlaşması ilə əlaqədar təyin edilir. Əlillik qrupları, əlilliyin və ya
18 yaşınadək sağlamlıq imkanları məhdudluğunun səbəbləri, habelə onların başvermə müddəti
müvafiq icra hakimiyyəti orqanı (Azərbaycan Respublikası Əmək və Əhalinin Sosial Müdafiəsi
Nazirliyi) tərəfindən qanunvericiliyə uyğun olaraq müəyyən olunur. Adıçəkilən qanunun 12.1‐ci
maddəsinə uyğun olaraq, əlilliyə görə əmək pensiyası əlil və ya sağlamlıq imkanları məhdud
sığortaolunana ümumilikdə sığorta stajı 5 ildən az olmamaq şərtilə əmək qabiliyyətli yaş dövrünün
hər tam ili üçün 4 ay sığorta stajı olduqda təyin edilir. Azərbaycan Respublikası Nazirlər
Kabinetinin 1997‐ci il 19 avqust tarixli 93 nömrəli qərarı ilə təsdiq edilmiş "Tibbi‐sosial ekspert
komissiyaları haqqında" Əsasnamənin 1.5‐ci bəndinə görə, tibbi‐sosial ekspert komissiyaları əlillik
dərəcələrinin (qrupunun), müddətini və səbəbini müəyyən edir. Şəxsin həyat fəaliyyətinin
məhdudlaşması dərəcəsindən asılı olaraq "Əlilliyin müəyyən olunması meyarlarına dair"
Əsasnamə əsasında I, II və III qrup əlillik təyin edilir və "Uşaqların sağlamlıq imkanları
məhdudluğunun müəyyən olunması meyarları"na əsasən sağlamlıq imkanlarının məhdudluğu
müəyyən olunur.
Göründüyü kimi, əlilliyə görə əmək pensiyasının təyin olunması üçün qanun müəyyən tələbləri
(əlillik və sığorta stajı) nəzərdə tutur. Oğlunuza əlilliyə görə əmək pensiyası təyin edilib‐
edilməməsi sözügedən şərtlərin (tələblərin) mövcudluğundan asılıdır.
4. Sual: Biz üç bacıyıq. Atamız vəfat edib. Mən atamdan qalan evə olan payımdan hər iki
bacımın xeyrinə imtina etmək istəyirəm. Əgər bu mümkündürsə, onda payım necə bölünəcək?
Cavab: Mirası qəbul etmək və ya onun qəbulundan imtina etmək sizin hüququnuzdur. Siz
bacılarınızın hər birinin payını ayrıca göstərməklə, mirasdan onların hər ikisinin xeyrinə imtina
edə bilərsiniz. Əgər imtina ərizənizdə, belə bir bölgünü göstərməsəniz, onda sizin payınız
bacılarınız arasında bərabər bölüşdürüləcəkdir (Azərbaycan Respublikası Mülki Məcəlləsi,
1264‐cü maddə).
Qanunla vərəsə vərəsəliyə çağrıldığını bildiyi və ya bilməli olduğu gündən üç ay ərzində mirasın
qəbulundan imtina edə bilər. Üzrlü səbəb olduqda məhkəmə bu müddəti iki aydan çox olmayaraq
uzada bilər. Mirasın qəbulundan imtina notariat orqanında rəsmiləşdirilməlidir (həmin məcəllə,
1256‐cı maddə).
5. Sual: Ərim vəfat edib. Oğlum universitetin qiyabi şöbəsində təhsil alır. Eşitdiyimə görə,
ölən şəxsin təhsil alan uşaqlarına təhsil müddətində pensiya verilir. Bu doğrudur?
Cavab: "Əmək pensiyaları haqqında" qanunun 14.1.1.3‐cü maddəsinə əsasən, vəfat etmiş və ya
həlak olmuş ailə başçısının öhdəsində olan (vəfat edənin tam təminatında olan və ya ondan
özlərinin yaşayışı üçün daimi və əsas vəsait mənbəyi kimi kömək alan) təhsil müəssisələrinin
əyani şöbəsində təhsil alan övladlarının (lakin ən çoxu 23 yaşına çatanadək) ailə başçısını itirməyə
görə əmək pensiyası hüququ vardır.
Göründüyü kimi, oğlunuz texnikumun qiyabi şöbəsində təhsil aldığından "Əmək pensiyaları
haqqında" qanunun 14.1.1.3‐cü maddəsində nəzərdə tutulmuş ailə başçısını itirməyə görə əmək
pensiyası hüququna malik deyildir.
89
A Z Ə R B A Y C A N V Ə K İ L İ ‐ 2013/1
6. Sual: Atam bağ sahəsini bağışlama müqaviləsi ilə qardaşımla mənim aramda bərabər
şəkildə bölmüşdür. Qardaşım atamın sağlığında ona bağışlanmış payı öz adına
sənədləşdirmişdir, mən isə yox. Atam vəfat edib. Öz payımı bağışlama müqaviləsi əsasında
sənədləşdirmək istəyəndə mənə dedilər ki, müqavilə qüvvəsini itirib. Bu, doğrudurmu?
Cavab: Azərbaycan Respublikası Mülki Məcəlləsinin (bundan sonra ‐ MM) 668.1.1‐ci maddəsinə
görə, daşınmaz əşyaların və ya həmin əşyalara hüquqların bağışlanması zamanı bağışlama
müqaviləsi notariat qaydasında təsdiqləndikdə, bağışlama etibarlı sayılır. MM‐in 146.1‐ci
maddəsinə görə əsasən, daşınmaz əmlaka sahiblik və istifadə hüququ onun barəsində əqdin
notariat qaydasında təsdiq edildiyi andan əmələ gəlir (məhkəmə qərarı və ya digər qanuni qüvvəyə
malik olan və barəsində şikayət verilə bilməyən qərar əsasında yaranan hüquq istisna olmaqla).
MM‐in 146.2‐ci maddəsi ilə daşınmaz əmlak üzərində sərəncam vermək hüququ həmin əmlakın
daşınmaz əmlakın dövlət reyestrində ərazilər üzrə qeydiyyatı tarixindən əmələ gəlir.
Göründüyü kimi, sizinlə atanız arasında bağlanmış bağışlama müqaviləsi notariat qaydasında
təsdiqlənmişdirsə, onda bağışlama etibarlıdır. Həmin müqavilə üzrə sizin bağışlanan əmlak
üzərində sahiblik və istifadə hüquqlarınız artıq yaranmışdır. Yalnız mülkiyyət hüququna daxil
olan üç hüquqdan biri ‐ sərəncam hüququnuz bağışlanan əmlak üzərində hüququnuzun daşınmaz
əmlakın dövlət reyestrində qeydiyyata alınmasından sonra yaranacaqdır. Məlumat üçün qeyd
edək ki, MM‐in 668.1.1‐ci maddəsinin 2005‐ci il noyabrın 1‐dək olan redaksiyasında bağışlama
müqaviləsinin etibarlı hesab edilməsi üçün "daşınmaz əmlakın dövlət reyestrində qeydə alınma"
şərti də nəzərdə tutulmuşdu. Lakin "Azərbaycan Respublikası Mülki Məcəlləsinin təsdiq edilməsi,
qüvvəyə minməsi və bununla bağlı hüquqi tənzimləmə məsələləri haqqında" Azərbaycan
Respublikasının Qanununa və həmin qanunla təsdiq edilmiş Azərbaycan Respublikasının Mülki
Məcəlləsinə dəyişikliklər və əlavələr edilməsi barədə" 24 iyun 2005‐ci il tarixli Azərbaycan
Respublikası Qanununun 144‐cü bəndi ilə "daşınmaz əmlakın dövlət reyestrində qeydə alınma"
şərti MM‐in 668.1.1‐ci maddəsindən çıxarılmışdır.
Beləliklə, bağışlama müqaviləsi üzrə əldə etdiyiniz mülkiyyət (konkret sərəncam) hüququnuzun
dövlət qeydiyyatına alınmamasına və bağışlama müqaviləsinin etibarsızlığına səbəb olmur.
7. Sual: Ailə 7 nəfərdən ibarətdir. Bir ana, 3 uşaq, 2 əmi, 1 bibi. Uşaqların atası vəfat edib. Ev
uşaqların nənələrinin adınadır və o da vəfat edib. Hazırda uşaqlar həmin evi satmaq
istəyirlər, lakin əmilər satılan evdən alınacaq puldan pay istəyirlər. Uşaqların bibisi də pay
istəyir. Əmilərin öz evləri var. Əmisi neçə ildir evə gəlmir. Digərinin də öz evləri olmasına
baxmayaraq gecələr gəlib bu evdə qalırlar. Nə əmilər, nə də bibi kommunal xərcləri
ödəmirlər. Sadalanan 7 nəfər bu evdə qeydiyyatdadırlar. Məsələnin qanuni yolla necə həll
etmək olar ki, əmi və bibilərə pay verilməsin, ya da qanunda belə bir müddəa yoxdursa,
satılan evin pulundan evə iddia edənlərə nə qədər pay düşür?
Cavab: Həmin mənzili satmaq üçün ilk növbədə özəlləşdirmək lazımdır. Mənzil özəlləşdirilmədən
satılması mümkünsüzdür. Mənzil özəlləşdirilən zaman orada qeydiyyatda olan hər bir ailə
üzvünün razılığı tələb olunur. Belə ki, "Mənzil fondunun özəlləşdirilməsi haqqında" qanunun 5‐ci
maddəsinə əsasən, mənzildə qeydiyyatı olan yetkinlik yaşına çatmış ailə üzvlərinin razılığı ilə
onlardan birinin və ya bir neçəsinin və yaxud bütün ailə üzvlərinin ümumi (paylı, birgə)
mülkiyyətinə verilə bilər. Mənzil orada qeydiyyatda olan ailə üzvlərinin birinin adına
özəlləşdirilərsə, digərlərinin həmin mənzillə bağlı hər hansı hüququ yaranmayacaqdır.
8. Sual: Keçmiş həyat yoldaşı və 2 yaşlı uşağı qeydiyyatdan necə çıxarmaq olar? Ev qaynatanın
adınadır. Əgər qeydiyyatdan çıxarılmasalar, onların evdə yaşayış hüquqları qalırmı və
gələcəkdə bu mənzildə yaşaya bilərlərmi? Bunun qarşısını necə almaq olar?
A Z Ə R B A Y C A N V Ə K İ L İ ‐ 2013/01
90
Cavab: Mülki Məcəllənin 228‐ci maddəsinin tələbinə görə, həmin şəxslərin mənzildən istifadə
hüququna kompensasiya ödənilməsi yolu ilə xitam verilə bilər. Mülkiyyətçinin məhkəmə
qaydasında tələbinə əsasən, onun istifadə hüququna bazar qiyməti ilə müvafiq kompensasiya
verməsi yolu ilə xitam verilə bilər. Kompensasiyanın məbləğinin müəyyən edilməsi ilə bağlı
məhkəmə təcrübəsi fərqlidir. Belə ki, məhkəmələr bir qayda olaraq 3 il müddətində normal şəraitli
1 otaqlı evin kirayə haqqına uyğun olaraq kompensassiyanın məbləğini müəyyən edir. Məsələn
aylıq 300 manat kirayə haqqı olan bir evdə 3 il yaşamağa görə təqribən 11 min manat ödənilə
bilər.
9. Sual: 2003‐cü ildə ailə qurmuşam. 2004‐cü ildə valideyinlərim mənə hədiyyə torpaq sahəsi
alıb və bağ salınıb. Torpaq sahəsinin planı və mənim qızlıq soyadımda olan (çünki səxsiyyət
vəsiqəmi hələ dəyişməmişdim) notariusda bağlanmış müqaviləm var. Lakin müqavilə
Daşınmaz Əmlakın Dövlət Reyestr Xidmətində qeydiyyata alınmayıb. 2013‐cü ildə
boşanmışam və bilmək istərdim ki, əmlak bölgüsü zamanı keçmiş yoldaşım torpağa iddia
edə bilərmi?
Cavab: Ailə Məcəlləsində qeyd olunur ki, nikaha girməzdən əvvəl tərəflərin hər birinə mənsub
olmuş əmlak, habelə onlardan birinin nikah dövründə hədiyyə kimi və ya vərəsəlik qaydasında
aldığı əmlak onun öz mülkiyyətidir. Yəni həmin mülk nikahdan əvvəl və ya nikahdan sonar hədiyyə
kimi və ya vərəsəlik yolu ilə Sizə bağışlanıbsa, onda keçim əriniz həmin mülkə dair heç bir iddia
irəli sürə bilməz.
10. Sual: Dövlət tərəfindən müəyyənləşdirilən torpaq vergisi nə qədərdir?
Cavab: Torpaq vergisi torpaq mülkiyyətçilərinin və ya istifadəçilərinin təsərrüfat fəaliyyətinin
nəticələrindən asılı olmayaraq torpaq sahəsinə görə hər il sabit tədiyə şəklində hesablanır. Vergi
Məcəlləsində qeyd olunur ki, Bakı şəhərində sənaye, tikinti, nəqliyyat, rabitə, ticarət‐məişət
xidməti və digər xüsusi təyinatlı torpaqlar üçün torpaq vergisi 10 manat, yaşayış fondlarının,
həyətyanı sahələrin torpaqları və vətəndaşların bağ sahələrinin tutduğu torpaqlar üçün 60 qəpik
müəyyən edilib.
11. Sual: Mən arvadımdan boşanmışam. Keçmiş arvadım yaşadığımız mənzildə
qeydiyyatdadır, mənzil atamın adınadır və biz evlənməzdən qabaq əldə olunub. Məhkəmə
bir uşaqla bağlı aliment üçün qərar verib. Lakin deyirlər ki, keçmiş arvadım yeni bir iddia ‐
yaşayış sahəsinə hüquq iddiası qaldıracaq. Bu halda nə etməliyəm?
Cavab: Əgər sizin nikahınız 1 sentyabr 2001‐ci ildən əvvəl bağlanıbsa, keçmiş həyat yoldaşınızın
həmin evdən istifadə hüququnun tanınması mümkündür. Belə ki, həmin dövrə qədər bu
münasibətlər qüvvədən düşmüş Mənzil Məcəlləsi ilə tənzimlənirdi. Mülkiyyətçinin məhkəmə
qaydasında tələbinə əsasən, onun istifadə hüququna bazar qiyməti ilə müvafiq kompensasiya
verməsi yolu ilə xitam verilə bilər. Kompensasiyanın məbləğinin müəyyən edilməsi ilə bağlı
məhkəmə təcrübəsi fərqlidir. Belə ki, istifadə hüququnun müddəti 3 ildir. Bir qayda olaraq
məhkəmələr 1 otaqlı ev üçün kirayə haqqına uyğun olaraq bu məbləği müəyyən edir. Məsələn
aylıq 300 manat kirayə haqqı olan bir evdə 3 il yaşamağa görə təqribən 11 min manat. Nikahınız
1 sentyabr 2001‐ci il‐2009‐cu ilin oktyabrın 1‐dək olan dövrə aiddirsə, bu zaman mənzildən
istifadə hüququ Mülki Məcəllənin 228.2‐ci maddəsi ilə tənzimlənir. Həmin maddənin tələbinə
görə, yaşayış binasının tərkib hissəsindən istifadə hüququnun əmələ gəlməsi, həyata keçirilməsi
şərtləri və xitamı mülkiyyətçi ilə bağlanan, notarial qaydada təsdiqlənən yazılı razılaşma ilə
müəyyənləşdirilir. Əgər belə bir razılaşma varsa, keçmiş həyat yoldaşınızın həmin mənzildən
istifadə hüququ var. Yoxdursa, ona mənzildən istifadə hüququ verilmir. Əgər nikahınız 2009‐cu
91
A Z Ə R B A Y C A N V Ə K İ L İ ‐ 2013/1
il okytabrın 1‐dən sonra qeydə alınıbsa, bu zaman bu məsələ yeni Mənzil Məcəlləsinin 30.4‐cü
maddəsi ilə tənzimlənəcəkdir. Həmin maddədə qeyd olunur ki, əgər yaşayış sahəsinin
mülkiyyətçisi ilə keçmiş ailə üzvü arasında başqa razılaşma yoxdursa, yaşayış sahəsinin
mülkiyyətçisi ilə ailə münasibətlərinə xitam verildikdə, keçmiş ailə üzvünün həmin yaşayış
sahəsindən istifadə hüququ saxlanılmır. Yaşayış sahəsinin mülkiyyətçisinin keçmiş ailə üzvünün
yaşayış sahəsini əldə etməyə və ya yaşayış sahəsindən istifadə hüquqlarını həyata keçirməyə
əsasları olmadıqda, yaşayış sahəsinin mülkiyyətçisinin keçmiş ailə üzvünün maddi vəziyyəti və
diqqətəlayiq digər hallar özünü yaşayış sahəsi ilə təmin etməyə imkan vermədikdə, keçmiş ailə
üzvünün göstərilən mülkiyyətçiyə məxsus olan yaşayış sahəsindən müəyyən müddətə istifadə
hüququ məhkəmənin qərarı əsasında saxlanıla bilər.
*‐ Rubrikada təqdim olunan sualların cavabları Vəkillər Kollegiyasının üzvü Dünyamin Novruzov
tərəfindən hazırlanmışdır.
A Z Ə R B A Y C A N V Ə K İ L İ ‐ 2013/01
92
Elanlar
VƏKİLLƏR KOLLEGİYASI ÜZVLÜYÜNƏ SƏNƏD QƏBULU DAVAM EDİR
Azərbaycan Respublikasının Vəkillər Kolegiyasının Rəyasət Heyəti “Vəkillik və vəkillik fəaliyyəti
haqqında” Azərbaycan Respublikası Qanununun tələbinə uyğun olaraq Vəkillər Kollegiyasına
qəbul olunmaq arzusunda olan şəxslərin sənədlərinin qəbuluna başlayır.
Qanunvericiliklə müəyyən edilmiş tələblərə cavab verən şəxslər aşağıda qeyd edilən sənədləri
təqdim etməklə Vəkillə Kollegiyasının Rəyasət Heyətinə müraciət edə bilərlər:
1. Vəkillər Kollegiyasının Rəyasət Heyəti tərəfindən müəyyən olunmuş formada ərizə
2. Şəxsiyyət vəsiqəsinin surəti (notariat qaydasında təsdiq edilmiş)
3. Ali təhsil barədə diplom və onun notariat qaydasında təsdiq edilmiş surəti
4. Əmək kitabçasının notariat qaydasında və ya iş yerində təsdiq edilmiş surəti
5. Kadrların şəxsi məlumat vərəqəsi
6. Tərcümeyi‐ hal
7. Əqli cəhətdən sağlamlıq barədə tibbi arayış
8. 3‐4 sm ölçüdə 4 ədəd rəngli fotoşəkil
9. 4‐6 ölçüdə 4 ədəd rəngli fotoşəkil
Sənədlər Bakı şəhəri, S. Vurğun küçəsi 32‐də Azərbaycan Respublikası Vəkillər Kollegiyasının
Rəyasət Heyətinin binasında 2013‐cü il mart ayının 4‐dən iyun ayının 4‐dək hər gün (şənbə
və bazar günləri istisna olmaqla) saat 14.00‐dan 18.00‐dək qəbul olunur.
İxtisas imtahanlarının keçirilmə tarixi barədə əlavə məlumat veriləcəkdir.
Vəkillər Kollegiyası Rəyasət Heyətinin telefonları: 594‐14‐95 və 594‐08‐70
Mənbə: http://www.barassociation.az/page/174
A
ZƏRBAYCAN
V
ƏKİLİ”
JURNALI
Jurnal pulsuz paylanılır.
Kağız formatı 21x29,7 A4, Tәbaşirli 115 qr/m
2
,
Sifariş № 0001, Tiraj: 1000
“TimePrint” mәtbәәsindә ofset üsulu ilә çap olunmuşdur.
Bakı, Ş.Mәmmәdova 208,
Tel: +994 12 563 18 02, 562 96 64
Dostları ilə paylaş: |