71
A Z Ə R B A Y C A N V Ə K İ L İ ‐ 2013/01
Normativ yeniliklər
Bu ilin martaprel aylarında qanunvericiliyimizdə bir sıra dəyişikliklər edilmişdir. Həmin dəyişikliklər
həyatımızın bir çox sahələrindəki münasibətlərin tənzimləyir. Mart‐aprel aylarında
qanunvericiliyimizdə edilmiş dəyişikliklər barədə müxtəsər məlumatı oxucularımızın diqqətinə
çatdırırıq.
1. “Qeyri‐hökumət təşkilatları (ictimai birliklər və fondlar) haqqında qanuna bəzi əlavə və
dəyişikliklər edilib. Qanuna “İanələr və qrantlar” adlı 24‐1 maddəsi əlavə edilib.
Həmin maddədə qeyd olunur:
İanə – qeyri‐hökumət təşkilatının qarşısında hər hansı məqsədə nail olmaq vəzifəsi qoymadan ona
bu Qanunla nəzərdə tutulmuş qaydada maliyyə vəsaiti şəklində və (və ya) başqa maddi formada
verilən yardımdır.
Qeyri‐hökumət təşkilatı qəbul etdiyi və ya vəd edilən ianə müqabilində, ianə verən şəxsə və ya hər
hansı digər şəxsə birbaşa, yaxud dolayı yolla maddi və sair nemət, hər hansı imtiyaz və ya güzəşt
verə, belə təkliflə çıxış edə və ya belə vəd verə bilməz.
Qeyri‐hökumət təşkilatına ianə verən şəxs verdiyi və ya verəcəyi ianə müqabilində özü və ya üçüncü
şəxslər üçün birbaşa, yaxud dolayı yola maddi və sair nemət, hər hansı imtiyaz və ya güzəşt tələb
edə və ya qəbul edə bilməz, belə təklifə və ya vədə razılıq verə bilməz.
İanə edilən pul vəsaitləri qeyri‐hökumət təşkilatının bank hesabına köçürmə yolu ilə qəbul edilir.
Nizamnaməsinə əsasən başlıca məqsədi xeyriyyəçilik olan qeyri‐hökumət təşkilatı iki yüz
manatadək ianəni nağd şəkildə qəbul edə bilər.
Qeyri‐hökumət təşkilatının qəbul etdiyi ianələrin məbləği və ianəni vermiş şəxslər barədə müvafiq
icra hakimiyyəti orqanı tərəfindən müəyyən edilmiş məlumatlar müvafiq icra hakimiyyəti orqanına
təqdim olunan maliyyə hesabatına daxil edlilir.
Qrantların verilməsi, alınması və istifadəsi ilə bağlı iqtisadi və hüquqi münasibətlər “Qrant
haqqında” Azərbaycan Respublikasının Qanunu ilə tənzimlənir.
2. “Qeyri‐hökumət təşkilatları (ictimai birliklər və fondlar) haqqında” qanuna edilən dəyişikliklərlə
əlaqədar İnzibati Xətalar Məcəlləsinə də müvafiq dəyişiklik edilib.
Dəyişikliyə əsasən İXM‐in 223‐1‐ci maddəsinin adı dəyişdirilərək Qrant alınması (verilməsi)
haqqında qanunvericiliyin pozulması” kimi qəbul edilib. Dəyişikliklərə görə, qrant alan hüquqi
şəxslər tərəfindən qrant alınması haqqında müqavilələrin və qərarların surətlərinin qeydiyyat üçün
qanunvericiliklə müəyyən edilmiş müddətlərdə Azərbaycan Respublikasının müvafiq icra
hakimiyyəti orqanına təqdim edilməməsinə görə müəyyən edilmiş cərimənin məbləği artırılaraq
vəzifəli şəxslər min beş yüz manatdan iki min beş yüz manatadək miqdarda, hüquqi şəxslər beş
min manatdan yeddi min manatadək müəyyən edilib.
Dini qurumlar tərəfindən qrant alınması (verilməsi) haqqında müqavilələr və qərarlar Azərbaycan
Respublikasının müvafiq icra hakimiyyəti orqanında qeydiyyata alınmadan həmin qrantlardan
istifadə və onlar üzrə əməliyyatlar aparılmasına görə isə vəzifəli şəxslərin min beş yüz manatdan
iki min beş yüz manatadək miqdarda, hüquqi şəxslərin beş min manatdan yeddi min manat
cərimələnməsi müəyyən olunub.
Qrant müqaviləsi (qərarı) olmadan Azərbaycan Respublikasında fəaliyyət göstərən dini qurumlar,
qeyri‐hökumət təşkilatları, o cümlədən xarici dövlətlərin qeyri‐hökumət təşkilatlarının filial və
nümayəndəlikləri tərəfindən maliyyə vəsaiti şəklində və (və ya) başqa maddi formada yardımın
qəbul edilməsinə görə ‐ inzibati xətanın bilavasitə obyekti olmuş vəsait və əşyalar müsadirə
olunmaqla vəzifəli şəxslər iki min beş yüz manatdan beş min manatadək miqdarda, hüquqi şəxslər
səkkiz min manatdan on beş min manatadək miqdarda cərimə ediləcəklər.
72
A Z Ə R B A Y C A N V Ə K İ L İ ‐ 2013/1
Məcəlləyə həmçinin aşağıdakı məzmunda 247‐4‐cü və 247‐5‐ci maddələr əlavə edilib:
Maddə 247‐4. İanələr barədə məlumatın maliyyə hesabatına daxil edilməməsi
Siyasi partiyanın və ya qeyri‐hökumət təşkilatının, o cümlədən xarici dövlətin qeyri‐hökumət
təşkilatının filial və nümayəndəliyinin qəbul etdiyi ianələrin məbləği və ianəni vermiş şəxslər
barədə məlumatın müvafiq icra hakimiyyəti orqanına təqdim olunan maliyyə hesabatına daxil
edilməməsinə görə ‐ vəzifəli şəxslər min beş yüz manatdan üç min manatadək miqdarda, hüquqi
şəxslər beş min manatdan səkkiz min manatadək miqdarda cərimə edilir.
Maddə 247‐5. İanə edilən pul vəsaitlərinin nağd şəkildə verilməsi və qəbul edilməsi
247‐5.1. İanə edilən pul vəsaitlərinin siyasi partiyaya və ya qeyri‐hökumət təşkilatına, o cümlədən
xarici dövlətin qeyri‐hökumət təşkilatının filial və nümayəndəliyinə nağd şəkildə verilməsinə görə
‐fiziki şəxslər iki yüz əlli manatdan beş yüz manatadək miqdarda, vəzifəli şəxslər yeddi yüz əlli
manatdan min beş yüz manatadək miqdarda, hüquqi şəxslər üç min beş yüz manatdan yeddi min
manatadək miqdarda cərimə edilir.
247‐5.2. İanə edilən pul vəsaitlərinin siyasi partiya və ya qeyri‐hökumət təşkilatı, o cümlədən
xarici dövlətin qeyri‐hökumət təşkilatının filial və nümayəndəliyi tərəfindən nağd şəkildə qəbul
edilməsinə görə ‐vəzifəli şəxslər min manatdan iki min manatadək miqdarda, hüquqi şəxslər yeddi
min manatdan on min manatadək miqdarda cərimə edilir.
Azərbaycan Respublikasında fəaliyyət göstərən, nizamnaməsinə əsasən başlıca məqsədi
xeyriyyəçilik olan qeyri‐hökumət təşkilatlarına nağd şəkildə verilən və həmin təşkilatlar
tərəfindən nağd şəkildə qəbul edilən iki yüz manatadək ianələrə bu maddənin qüvvəsi şamil
edilmir.
İnzibati Xətalar Məcəlləsinə edilən digər dəyişikliklə mədəni bitkilərin genetik ehtiyatlarının
mühafizəsi və səmərəli istifadəsi haqqında qanunvericiliyin pozulması inzibati xəta hesab olunur.
Həmin dəyişikliklərdə qeyd olunur ki, mədəni bitkilərin genetik ehtiyatlarının mühafizəsi və
səmərəli istifadəsi haqqında qanunvericiliyin pozulmasına, yəni:
Azərbaycan Respublikasına məxsus ənənəvi mədəni brend bitkilərin areallarında başqa növ bitki
nümunələrinin istehsalçılarına dövlət vəsaiti hesabına yardımın göstərilməsinə; mədəni bitkilərin
genetik ehtiyatlarının milli kolleksiyalarının mühafizəsi qaydalarının pozulmasına; Azərbaycan
Respublikasının Milli Genbankının davamlılığına mane olan hərəkətlərə, yəni soyuducu
kameraların motorlarının, quruducu aparatların elektrik təchizatının dayandırılmasına
(kəsilməsinə), yanğın törədə biləcək tezalışan maddələrin Azərbaycan Respublikasının Milli
Genbankının ərazisinə gətirilməsinə, toxumların saxlanma rejiminin pozulmasına; Azərbaycan
Respublikasında aqroekosistemlər üçün potensial əhəmiyyətə malik olan nadir və nəsli
kəsilməkdə olan bitki növlərinin (populyasiyalarının) genetik ehtiyatlarının mühafizəsinə ziyan
vuran fəaliyyətə, yəni arealları təyin edilmiş və mühafizəyə cəlb edilən nadir və nəsli kəsilməkdə
olan bitki növlərinin qanunsuz toplanmasına, onların yerləşdiyi ərazilərdə mal‐qaranın
otarılmasına, həmin ərazilərin yandırılmasına görə ‐ fiziki şəxslər iki yüz manatdan üç yüz
manatadək miqdarda, vəzifəli şəxslər beş yüz manatdan altı yüz manatadək miqdarda, hüquqi
şəxslər min beş yüz manatdan iki min manatadək miqdarda cərimə edilir.
Elmi‐tədqiqat məqsədləri istisna olmaqla, genetik modifikasiya olunmuş bitkilərin genetik
materiallarının Respublikasının ərazisinə gətirilməsinə və dövlət reyestrinə daxil edilməsinə görə
‐ fiziki şəxslər üç min manat miqdarında, vəzifəli şəxslər on min manat miqdarında, hüquqi şəxslər
əlli min manat miqdarında cərimə edilir.
Məcəlləyə edilən digər bir dəyişiklik sosial xidmət haqqında qanunvericiliyin pozulması ilə
bağlıdır. Dəyişiklikdə qeyd olunur ki, dövlət tərəfindən göstərilən sosial xidmətə olan tələbatın
qiymətləndirilməsi, müəyyən edilməsi və qərar qəbul edilməsi üçün düzgün olmayan
məlumatların verilməsinə görə ‐ əlli manat miqdarında cərimə edilir.
Dövlət tərəfindən sosial xidmət göstərilməsinin dayandırılmasına təsir göstərən dəyişikliklər
barədə sosial xidmət göstərən subyektlərin məlumatlandırılmamasına görə ‐ əlli manat
miqdarında cərimə edilir.