30
A Z Ə R B A Y C A N V Ə K İ L İ ‐ 2013/1
və Azərbaycan Respublikasının qanunlarından fərqli qaydalar nəzərdə tutan hökumətlərarası
müqavilələri təsdiq və ləğv edir. Konstitusiyanın 109‐cu maddəsinə əsasən isə Azərbaycan
Respublikasının Prezidenti dövlətlərarası və hökumətlərarası beynəlxalq müqavilələri bağlayır,
dövlətlərarası və Azərbaycan Respublikasının qanunlarından fərqli qaydalar nəzərdə tutan
hökumətlərarası müqavilələri təsdiq və ləğv olunmaq üçün Azərbaycan Respublikasının Milli
Məclisinə təqdim edir; təsdiqnamələri imzalayır.
Xüsusi olaraq hasilatın pay bölgüsü müqavilələrinin Azərbaycan Respublikasının hüquq sistemində
yerini müəyyən etməyə ehtiyac duyulur. Bu cür müqavilələr bir qayda olaraq Milli Məclis tərəfindən
təsdiq edilməklə qüvvəyə minir və onların mövcud və gələcəkdə qəbul ediləcək qanunlar, fərmanlar
və inzibati göstərişlərdən üstün tutulur.(19) Nəzərə almaq lazımdır ki, Azərbaycan
Respublikasının beynəlxalq müqavilələrinin bağlanması, icrası və ləğv edilməsi qaydaları
haqqında Qanunun 8‐ci maddəsi ratifikasiyası tələb olunan beynəlxalq müqavilələrin siyahısını
müəyyən edirdi və bu siyahı tam deyildi.(20) Belə ki, Prezident öz təşəbbüsü istənilən beynəlxalq
müqaviləni Milli Məclisin təsdiqinə çıxara bilirdi. Həmin maddənin yeni redaksiyasına əsasən Milli
Məclis tərəfindən yalnız dövlətlərarası və Azərbaycan Respublikasının qanunlarında əks olunmuş
qaydalardan fərqli qayda
nəzərdə tutan hökumətlərarası müqavilələr ratifikasiya edilir.
Azərbaycan Respublikasının beynəlxalq müqavilələrinin bağlanması, icrası və ləğv edilməsi
qaydaları haqqında AR Qanununun 2‐ci maddəsinə əsasən dövlətlərarası müqavilə dedikdə
Azərbaycan Respublikası adından digər dövlətlərlə və beynəlxalq təşkilatlarla imzalanan
müqavilələr başa düşülür, hökumətlərarası isə ‐ Azərbaycan Respublikası hökuməti adından
imzalanan müqavilələr. Məzkur qanunun 1‐ci maddəsi Azərbaycan Respublikasının beynəlxalq
müqavilələrinin anlayışı verilir – bu müqavilədə nəzərdə tutulan qaydada Azərbaycan
Respublikasının xarici dövlətlərlə və beynəlxalq təşkilatlarla imzalanmış yazılı sazişdir. Qeyd etmək
lazımdır ki, bu qanunun 13‐cü maddəsinə əsasən ratifikasiyası tələb olunmayan beynəlxalq
müqavilələr müvafiq icra hakimiyyəti orqanı tərəfindən təsdiq edilir.
Hasilatın pay bölgüsü haqqında müqavilələrə gəldikdə isə, nəzərə almaq lazımdır ki, bu
müqavilələri Azərbaycan Respublikası adından AR Dövlət Neft Şirkəti bir tərəfdən və xarici hüquqi
şəxslər digər tərəfdən imzalayırlar.(21) Bundan əlavə bu müqavilələrə «pacta sunt servanda»
prinsipi tətbiq edilir.(22) 1969‐cu il Vyana konvensiyasının 26‐cı maddəsinə uyğun olaraq bu
prinsipə görə qüvvədə olan hərbir beynəlxalq müqavilə onun iştirakçıları üçün məcburidir və onlar
tərəfindən vicdanla yerinə yetirilməlidir. Həmin Konvensiyanın 2‐ci maddəsinə əsasən beynəlxalq
saziş dövlətlər arasında yazılı formada imzalanmış və beynəlxalq hüquqa əsasən tənzimlənən
müqavilədir. Odur ki, yuxarıda istinad olunan normalara əsasən hasilatın pay bölgüsü müqavilələri
Azərbaycan Respublikasının beynəlxalq müqavilələri hesab oluna bilməz və “Azərbaycan
Respublikasının beynəlxalq müqavilələrinin bağlanması, icrası və ləğv edilməsi qaydaları
haqqında qanununun təsiri altına düşə bilməz. Bu halda söhbət beynəlxalq xüsusi hüquq
kontraktlarından gedə bilər.
Azərbaycan Respublikasının beynəlxalq müqavilələrinin bağlanması, icrası və ləğv edilməsi
qaydaları haqqında qanunun yeni redaksiyada 8‐ci maddəsi AR Konstitusiyasının 109‐cu
maddəsinin 17‐ci bəndinin inkişafı olaraq Prezidentin beynəlxalq müqavilələrdən fərqli
müqavilələrin ratifikasiyaya çıxarılması imkanını məhdudlaşdırır.
Buna baxmayaraq Milli Məclis Azərbaycan Respublikasının Konstitusiyasının 95‐ci maddənin 4‐cü
bəndinə istinad edərək bu səpkidə olan və nə dövlətlərarası, nədə ki hökumətlərarası müqavilələrə
aid edilməyən müqavilələri təsdiq etməkdədir. Misal üçün, 06 may 2011ci il tarixli Azərbaycan
Respublikasında Balaxanı‐Sabunçu‐Ramana və Kürdəxanı neft yataqlarının daxil olduğu blokun
bərpası, işlənməsi və hasilatın pay bölgüsü haqqında Azərbaycan Respublikası Dövlət Neft Şirkəti,
UQE‐LANSER PTİ. LTD və ARDNŞ‐in Ortaq Neft Şirkəti arasında Sazişin qəbul və təsdiq edilməsi,
həyata keçirilməsinə icazə verilməsi barədə Azərbaycan Respublikasinin Qanunu. Bundan əlavə
əvvəl qeyd edildiyi kimi bu müqavilələrə təsdiq edildikdən sonra qanun qüvvəsi verilir. Hesab
edirik ki, bu toqquşmanın Qanunun 10‐11 maddələri ilə tənzimləsi imkanı mövcuddur.
31
A Z Ə R B A Y C A N V Ə K İ L İ ‐ 2013/01
Beynəlxalq müqavilələrinin məcburiliyinin əsas şərtlərindən biridə onun dərc edilməsidir. Lakin
qanunverici müqavilənin təsirini birbaşa onun dərci ilə bağlamır. Belə ki, Qanunun 25‐ci
maddəsinə əsasən ratifikasiya edilmiş, habelə bu Qanuna müvafiq təsdiq edilmiş və ya Azərbaycan
Respublikasının qoşulduğu Azərbaycan Respublikasının beynəlxalq müqavilələri “Azərbaycan
Respublikasının Qanunvericilik Toplusu”nda və Azərbaycan Respublikasının rəsmi dövlət
qəzetində dərc edilir. Azərbaycan Respublikasının beynəlxalq müqavilələrinin əslinə uyğun
mətnləri xarici dillərdə tərtib olunduqda, həmin müqavilələr Azərbaycan dilinə rəsmi tərcümə
ilə birlikdə bu dillərin birində çap edilir.
Qanunun 11‐ci maddəsi ratifikasiyası tələb olunan beynəlxalq müqavilələrin mətninin Azərbaycan
dilinə tərcümə edilməsini təsdiq edir. Təsdiq etmə və ya qoşulma hallarında müqavilənin mətninin
Azərbaycan dilində olmasına birbaşa göstəriş nəzərdə tutulmayıb. Lakin, təsdiq etməliyik ki, hər
bir halda Azərbaycan mənbələrində çapı nəzərdə tutulan müqavilələrin Azərbaycan dilində
mətninin olması vacibdir. Azərbaycan Respublikasında əsasən beynəlxalq müqavilələrə hüquqi
qüvvə verən milli qanunlar dərc edilir. Qeyd etmək lazımdır ki, ratifikasiya qanununun qüvvəyə
minməsi beynəlxalq müqavilənin respublika üçün məcburiliyini yaradır. Lakin bu müddətlər
üst‐üstə düşməyə bilər. Məsələn, 1950‐ci il İnsan hüquqlarının və əsas azadlıqlarının müdafiəsi
haqqında Konvensiya qoşulmuş dövlətin ratifikasiya sənədini depozitariyaya təqdim edildiyi
andan qüvvəyə minmiş hesab edilir (Konvensiyanın 66‐cı maddəsi).
Bundan əlavə, Qanunun 85.3‐cü maddəsinə əsasən, əgər Azərbaycan Respublikasının tərəfdar
çıxdığı dövlətlərarası müqavilələrdə daha artıq müddət müəyyən edilməyibsə, xarici ticarət
fəaliyyətini tənzimləyən normativ hüquqi aktda onun dərc edildiyi gündən 30 gün sonra qüvvəyə
mindiyi göstərilməlidir. Müstəsna hallarda, beynəlxalq təşkilatların dərhal məlumatlandırılması
şərti ilə, xarici ticarət fəaliyyətini tənzimləyən normativ hüquqi akt onda nəzərdə tutulmuş
müddətdə qüvvəyə minə bilər.
Aydındır ki, müqavilənin dərc edilməsi onun ictimailəşməsidir və bu həmin müqavilələrə istinad
əsaslı edir. . Belə olan halda V.S.Xijnyakla razılaşmamaq çətindir. Onun fikrincə hüquqtətbiqedici
yalnız dərc edilmiş müqavilələrin müddəalarını tətbiq edə bilər və yalnız bu halda təsdiq etmək
olur ki, dövlət həmin müqavilələrdən xəbərdardır və onlar hüquq sisteminə daxil edilmişlər.(23)
Burada özüicraolunan və özüicraolunmayan müqavilələri fərqləndirmək tələb olunur. Yəni əgər
müqavilənin icrası üçün hansısa dövlətdaxili tədbirlərin həyata keçırılməsi tələb olunursa, həmin
beynəxalq müqavilə rəsmi dərc edildikdən sonra tətbiq edilə bilər.
Beynəlxalq müqavilələrin müddəalarının tətbiqinin şərtlərindən biridə göndərmədir. Milli
normativ hüquqi aktlarda bu vasitəyə tez‐tez müraciət edilir. Bunu milli qanunların əsas
hissəsində müşahidə etmək olar.(24) Burada rus alimi S.Y.Maroçkinlə razılaşmamaq olmaz. Belə
ki onun fikrincə, ratifikasiya və ya digər aktdan sonra beynəlxalq hüquq normalarının öz hüquq
sistemində hərəkətə gətirilməsi üçün dövlətin sanksiyası tələb olunur və bunu göndərmə və
kollizion normalar yerinə yetirir.(25) Lakin hüquqtətbiqedici hər bir halda beynəlxalq və milli
hüquq normaları qarşılıqlı tənzimləyən ümumi konstitusiya nomasına istinad edə bilər.
Göndərmədə beynəlxalq hüquq normalarının milli hüquq normalarına transformasiya edilməsi
elementləri müşahidə olunmur.(26)
Əgər dövlətin öhdəliklərinin yerinə yetirilməsi beynəlxalq müqavilələrə hüquqi qüvvə verildikdən
sonra başlayırsa, hüquqtətbiqedici üçün göndərmə normaları vacibliyi ilə seçilir. Nəzərə almaq
lazımdır ki, ümumi göndərmədə özü icra olunan və özü icra olunmayan normaların tətbiqi seçilir.
Qanunlarda umumi göndərmə əks olunsada, beynəlxalq müqavilələr sahələt üzrə təsnif edilmir,
bu isə onları ümumi konstitusion göndərmədən fərqləndirərdi. Qanunlardakı eyni göndərmələrin
mövcudluğu onların təsnifləşməsində cətinliklər yaradır. Bir qayda olaraq ziddiyyət baş verdikrə,
bunlar beynəlxalq müqavilələrin üstünlüyünü tanıyan normalardır. Beynəlxalq müqavilələrdə
onun birbaşa tətbiqini qaydasına salacaq və onun müddəalarının tətbiq etməsi ilə məşğul olacaq
müəyyən orqanlar göstərilə bilər. “Birbaşa qüvvəsi” ifadəsi beynəlxalq normaların milli hüquq
sistemindən yan keçməklə birbaşa tətbiqini əks etdirmir. Hər bir dövlətdə beynəlxalq və