|
Proqram Avropa İttifaqı
|
səhifə | 7/9 | tarix | 25.06.2018 | ölçüsü | 262,65 Kb. | | #51760 |
|
15
3.7. SWOT (GZİT) Təhlil
Güclü tərəflər
Kino hökumətin prioritet sahələrindən biridir. Kino sənətinin inkişafına dair
10 illik plan qəbul olunub, bəzi sahələrdə (kino infrastrukturu, yeni
qanunvericilik, beynəlxalq bazarlara çıxış imkanı əldə etmək cəhdləri)
tədricən irəliləyiş müşahidə olunur. Bu, dəyişikliyə meylin olduğunu göstərir.
Hal-hazırda beynəlxalq miqyasda uğurla fəaliyyət göstərməyə çalışan, film
sahəsinə bədii ruh və yeni nəfəs gətirən kinematoqraflardan, rejissorlardan və
prodüserlərdən ibarət yeni nəsil yetişir.
İqtisadi problemlərin olmasına baxmayaraq, ölkənin neft sənayesi ilə əlaqədar
irihəcmli maliyyə resursları (dövlət və özəl) hələ də mövcuddur.
Azərbaycanın film sahəsinin inkişafını dəstəkləyən bir sıra mühüm təşəbbüslər
mövcuddur, sözügedən sahədə layihələrin və tədqiqatların həyata keçirilməsi
məqsədilə "British Council"ın gördüyü işlər və Avropa İttifaqının Şərq
Tərəfdaşlığı Mədəniyyət və Yaradıcılıq Proqramı çərçivəsində görülən
tədbirlər də onların sırasına daxildir.
Zəif tərəflər
Azərbaycanın film sahəsinə əlavə təcrübə, aşkarlıq və şəffaflıq qazandıran
müstəqil təşkilat və ya maliyyələşdirmə orqanı mövcud deyil. Maliyyələşdirmə
sisteminin başlıca məqsədi dövlət kinostudiyalarının, habelə, özəl sektorda
çalışan kinematoqrafların və prodüserlərin inkişafına zəmanət verməklə, film
sahəsində tarazlıq yaratmaqdan ibarət olmalıdır. Azərbaycanı xarici
istehsallar üçün rəqabətə davamlı film çəkiliş meydançası qismində təbliğ
etmək məqsədi daşıyan Film Komissiyasının fəaliyyət göstərməsinə zərurət
vardır.
Yüksək keyfiyyətli və perspektivli təhsil və hazırlıq olmadan çiçəklənən və
rəqabətə davamlı film sənayesini yaratmaq mümkün deyil. Film sahəsində
səriştəli mütəxəssislərin hazırlanması üçün sözügedən sahə üzrə təhsil planları
yenilənməli və yeni texniki avadanlıqlara sərmayə yatırılmalıdır.
Azərbaycanda yeni rəqəmsal ekranların sayı çox deyil və onlar əsasən Bakı
şəhərində yerləşdirilir, bu isə öz növbəsində ölkənin digər ərazilərində
audiovizual məzmundan istifadə imkanının son dərəcə məhdud olduğunu
göstərir.
Özəl sektor tərəfindən film sənayesinə investisiyaların yatırılmasını
stimullaşdıran (vergi güzəştləri, vergi sığınacağı, sponsorluq haqqında
qanunvericilik), film sahəsi üçün hazırkı dövlət maliyyələşdirməsini
şaxələndirən tədbirlər mövcud deyil.
Hal-hazırda Azərbaycan kinosunun beynəlxalq əlaqələri say etibarilə çox
deyil. Avropanın kino sənayesi maliyyə resurslarının cəlb edilməsinə,
bazarların yaradılmasına və satış ərazilərinin genişləndirilməsinə imkan verən
birgə istehsallara daha çox əsaslanır. Azərbaycanda beynəlxalq miqyasda
tanınan, film sahəsinin inkişafına təkan verən və beynəlxalq mütəxəssislərin
görüş yerinə çevrilən film festivalının təşkilinə zərurət vardır.
16
Fürsətlər
Baltikyanı ölkələrin və ya Mərkəzi və Şərqi Avropa (CEE) ölkələrinin post-
sovet film sahəsində baş verən analoji dəyişikliklər ilə bağlı bir sıra qabaqcıl
təcrübə nümunələri və hadisələr mövcuddur. Onlardan təcrübə mübadiləsi
prosesində istifadə etmək və bəzi həll yollarını Azərbaycana uyğunlaşdırmaq
mümkündür. Şəxsi təcrübələrini bölüşmək və dəyişiklik prosesinə yardımçı
olmaq üçün həmin ölkələrdən ekspertləri və mütəxəssisləri dəvət etmək olar.
Azərbaycanın film sahəsinin yenidən qurulmasına hazır olma müasir
tendensiyalarla ayaqlaşmaq və yeni infrastruktur yaratmaq imkanı verir.
Analoji konseptual əsasları və əsasnamələri nəzərdən keçirmək zərurəti
olmadıqda, sürətlə inkişaf edən rəqəmsal texnologiyaların yaratdığı
imkanlardan daha tez-tez istifadə oluna bilər.
Rezonans yaratmağa qadir mövzulara malik ssenarilərin maliyyələşdirilməsi
yolu ilə müstəqil fəaliyyət göstərən kinematoqraflara dəstək göstərilməsi və
yaradıcılıq sahəsinin mütəxəssislərinin bədii azadlıqlarının təmin edilməsi
daha fərqli film səhnəsi hazırlamağa imkan verə və digər avropalı
kinematoqraflarla daha sıx əməkdaşlıq etmək imkanlarını artıra bilər.
Əməkdaşlıq əlaqələrinin qurulması olduqca əhəmiyyətlidir. Film sənayesi
dünya iqtisadiyyatının ayrılmaz tərkib hissəsidir və burada bazarın ölçüsü
mühüm əhəmiyyət kəsb edir. Ölçüsü böyük olmayan bazarların bütün mümkün
üsullarla əməkdaşlıq etməkdən başqa yolu yoxdur. Azərbaycan kinosu birgə
platformaların və proqramların yaradılması üçün bir sıra unikal imkanlara
malikdir. Qonşularla regional əməkdaşlıq bazarı genişləndirməyə və yeni
imkanlar yaratmağa, dəyişiklik prosesində analoji təcrübəyə malik ölkələr
(Mərkəzi və Şərqi Avropa, Baltikyanı ölkələr) ilə əməkdaşlıq isə təcrübə
mübadiləsini dəstəkləməyə imkan verir. Avropa ölkələri ilə əməkdaşlıq
sayəsində Azərbaycan Avropanın film xəritəsinə daxil edilə bilər.
Özəl resursların istifadə olunmamış potensialı mövcuddur və həmin resurslar
ilə dövlət vəsaitləri bir-birindən qarşılıqlı şəkildə asılıdır. Sahənin
kommersiya hissəsi kifayət qədər inkişaf etmədiyindən film sahəsinə şəxsi pul
vasitələrinin cəlb edilməsi potensialı yüksəkdir. Səmərəli şəkildə istifadə
olunan dövlət vəsaitlərini (yaradıcılığı və bədii keyfiyyəti dəstəkləmək
məqsədilə) və özəl sektorun investorlarının bu sahəyə daxil olmasını təmin
edən stimulları özündə birləşdirən lazımi tədbirlərin həyata keçirilməsi kino
sənayesinin inkişafını qısa müddət ərzində sürətləndirə bilər.
Xüsusi əməkdaşlıq və mübadilə proqramlarının işlənib hazırlanması yolu ilə
xaricdən mütəxəssislərin cəlb edilməsi, o cümlədən, yüksək ixtisaslı kadrların
məqsədyönlü seçimi beynəlxalq miqyasda rəqabətə davamlı kino sənayesinin
yaradılması sahəsindəki boşluğu aradan qaldıra bilər.
Təhlükələr
Müasir film sənayesi ilə əlaqədar siyasətlərin işlənib hazırlanması üçün
siyasətçilər müəyyən dərəcədə rəhbərlik və idarəetmə bacarıqlarına malik
olmalıdır. Azərbaycanın film sahəsində açıq, birgə idarəetmə strukturlarının
mövcud olması sektor daxilində əməkdaşlıq əlaqələrinin inkişaf etdirilməsinə
təkan verə və innovativ, elastik və sürətlə inkişaf edən audio-vizual sahə üçün
müasir strukturların yaradılmasına yardımçı ola bilər.
Dostları ilə paylaş: |
|
|