9
3.2.1. Azərbaycanfilm
"Azərbaycanfilm "Azərbaycanın ən böyük dövlət kinostudiyasıdır. Studiya 90 ildən
çoxdur ki, fəaliyyət göstərir. O, Bakıda böyük, qədim kompleksdə yerləşir. Studiyanın
avadanlığının yenilənməyə və davamlı sərmayə qoyuluşuna ehtiyacı var. Hökumətin
fiziki və texnoloji infrastrukturu fransız investorunun yardımı ilə yeniləmək planı var,
lakin bu plan başlanğıc mərhələsindədir. Studiyanın təxminən 70 işçisi var və film
istehsalı zamanı əlavə işçilərlə müqavilə bağlanılır. Bəzi vəzifələr üçün peşəkarları
tapmaq çətin olduğundan "Azərbaycanfilm" bəzən xaricdən (misal üçün, İran) olan
peşəkarları işə götürür. Kinostudiya texnologiya və xidmətləri özəl şirkətlərdən də
icarəyə götürür.
"Azərbaycanfilm" kinostudiyasının dövlət maliyyələşdirilməsi ilə çəkilmiş filmlər
üçün istehsal krediti var. Çəkilmiş filmlər üzrə bütün hüquqları studiya özü idarə edir.
Filmlərin yayımı "Azərbaycanfilm"in özü, ya da özəl şirkətlər tərəfindən həyata
keçirilir. Son zamanlar beynəlxalq əməkdaşlıqlara böyük diqqət göstərilir. Birgə kino
istehsalı haqqında Avropa Konvensiyasının imzalanmasından sonra bəzi filmlər xarici
film şirkətləri ilə tərəfdaşlıq şərtlərində istehsal edilib – Rusiya ilə "Qırmızı bağ",
Türkiyə ilə "Mahmud və Məryəm", Belarusla "Yarımçıq xatirələr", Fransa, İspaniya,
Almaniya və Rusiya ilə bir neçə sənədli film, o cümlədən "Hüseyn Xan Naxçıvanski"
sənədli filmi, Almaniya ilə "Sarılar – Qarabağ atının izi ilə" filmi, italyan kino şirkəti
ilə "Torre" animasiya filmi.
Azərbaycan film sənayesinin beynəlmiləlləşdirilməsi potensialı hələ də açılmayıb və
bu məsələyə daha çox diqqət yetirilməsi və ön plana çıxarılması tələb olunur.
"Azərbaycanfilm" istehsalı olan filmlərin çoxu yerli bazar üçün nəzərdə tutulub
(bəziləri məhdud teatr buraxılışıdır). Bir neçə film xarici TV kanallarına satılıb və
xaricdə yaşayan azərbaycanlılar üçün bəzi filmlərin məhdud DVD buraxılışı
hazırlanıb. "Azərbaycanfilm" yaxın keçmişdə gənc kinematoqraflar üçün təhsil və
təlim tədbirləri də təşkil edib.
3.2.2. Özəl kommersiya studiyaları
Özəl investorlar əsasən kommersiya filmlərinin istehsalına sərmayə qoyur. Bunlara
geniş kütlələr üçün nəzərdə tutulmuş komediya şouları, kommersiya və reklam
videoları daxildir. Bununla belə, bir çox özəl film studiyaları film istehsalı üçün
"Azərbaycanfilm"lə əməkdaşlıq edir. Bu şablona daxil olmayan studiyalardan biri
"Bakı Media Mərkəzi"dir. Bu, kommersiya filmləri, promo-videolar, sənədli və
qısametrajlı filmlər istehsal edən böyük film studiyasıdır. Studiya özəl fond tərəfindən
üç il bundan əvvəl təsis edilib. Özəl investorların sayəsində studiyanın beynəlxalq
standartlara cavab verən çəkiliş avadanlıqları var. Azərbaycanda yüksək səviyyəli
çəkiliş avadanlıqlarının az olması ilə əlaqədar "Bakı Media Mərkəzi" avadanlıqlarını
dövlət film studiyalarına (Azərbaycanfilm) icarəyə verir.
Başqa bir nümunə 1994-cü ildə təsis edilmiş və kifayət qədər böyük istehsal şirkətinə
çevrilmiş “Nərimanfilm” kinostudiyasıdır. Studiya layihələrini (bədii, sənədli və
kommersiya filmləri) əsasən kommersiya bazarı üçün istehsal edir, lakin xarici
istehsal şirkətlərinə də film istehsalı ilə bağlı xidmətlər göstərir (tam loqistika və
istehsal paketi). Bununla əlaqədar olaraq, onlar çox vaxt gələcəkdə Film Komissiyası
(hazırda bu komissiyanın yaradılması haqqında müzakirələr aparılır) tərəfindən təmin
ediləcək xidmətləri təqdim edirlər. Studiya özünün "sorğu əsasında video çəkiliş"
10
(VOD) xidmətlərini və onlayn film platformasını (
www.azcinemaonline.com
) təşkil
edib. Bu, post-Sovet ölkələri arasında ilk belə təşəbbüsdür.
3.2.3. Müstəqil film prodüserləri
Son illərdə Azərbaycanda fəal şəkildə Avropada mövcud olan kinematoqrafiya sahəsi
ilə ayaqlaşmağa çalışan, Avropa və dünyanın art-haus səhnəsində rəqabətə davam
gətirə biləcək filmlər istehsal edən müstəqil prodüser və rejissorların meydana
gəlməsi müşahidə olunur. Tamaşaçıların art-haus filmlərinə qarşı tələbatının artması,
eləcə də Avropaya və dünyanın digər hissələrinə qapıların açılması onlara dünya
kinematoqrafiyasının bir hissəsi olmaq imkanları təklif edir. Bu potensial film
maliyyələşdirmə imkanlarından istifadə etmək incəsənətin azadlığını dəstəkləyə və
daha cəsur, qıcıqlandırıcı və universal təbiətli ssenarilər daxil olmaqla müxtəlif film
layihələrinin həyata keçirilməsinə imkan verə bilər. Bu, Azərbaycan film sektorunda
rəngarəngliyi dəstəkləməyə, yerli film istehsalına beynəlxalq miqyasda maraq
oyandırmağa, eləcə də beynəlxalq əməkdaşlığı dəstəkləməyə kömək edəcək.
Müstəqil kinematoqraflar hələ ssenari müsabiqələrində və onlarla əlaqədar
maliyyələşdirmə proseslərində müvəffəqiyyət qazanmalı olduğu üçün onlar adətən
başqa iqtisadi fəaliyyətlər nəticəsində əldə edilən maliyyə vəsaitlərindən və öz
resurslarından istifadə edir. Bu kinematoqrafların əsas məqsədi işlərinin beynəlxalq
səviyyədə
tanınmasıdır və onlar bunu Azərbaycanda film sənayesinin
təkmilləşdirilməsi və inkişaf etdirilməsi üçün yeganə yol hesab edir. Buna görə də,
Avropada əlaqələr, beynəlxalq proqramlarda (Eurimages kimi) iştirak etmək, eləcə də
festivallarda olmaq həyati əhəmiyyət kəsb edir.
Son bir neçə ildə istehsal edilmiş sadəcə bir neçə film xaricdə nümayiş olunub. Ən
böyük beynəlxalq nailiyyət 2014-cü ildə Sergey Pikalovun "Sonuncu" adlı qısa
filminin Kann festivalının qısa film müsabiqəsi üçün seçilməsi və eyni ildə “Rejissor
həftəliyi” bölməsində Elmar İmanovun “Torn” adlı qısa filminin premyerasının
keçirilməsi olub. Bədii keyfiyyət baxımından ötən illərin ən maraqlı və beynəlxalq
səviyyədə bəyənilən filmlərindən biri Elvin Adıgözəl və Rüfət Həsənovun 2013-cü
ildə Lokarno Beynəlxalq Film Festivalının əsas müsabiqəsi üçün seçilmiş
"Buqələmun" filmidir.
3.2.4. Televiziya bazarı
Azərbaycanda qeydiyyatdan keçmiş 47 televiziya kanalı var
2
. Onların dördü
beynəlxalq səviyyədə yayımlanan dövlət kanalıdır. 43 özəl televiziya kanalı 12 milli
və 31 regional televiziya kanalına ayrılır. Azərbaycan Respublikasının Rabitə və
İnformasiya Texnologiyaları Nazirliyinin məlumatına əsasən 2014-cü ildə
televiziyanın yayılma dərəcəsi 99% olub. Azərbaycan Respublikasının Dövlət
Statistika Komitəsinin araşdırmasına görə 2013-cü ildə Azərbaycanda kabel
televiziyasının yayılma dərəcəsi ümumilikdə ev təsərrüfatının 28.1%-ini təşkil edib.
Kabel televiziyası abonentlərinin, demək olar ki, 39 faizi böyük şəhərlərdə cəmlənib.
Kabel televiziyasının yayılma dərəcəsi 2013-cü ildə Bakıda 59.1% təşkil edib.
Televiziya kanalları klassik televiziya proqramları (seriallar, sənədli filmlər, xəbər
proqramları, əyləncə proqramları, reklamlar və s.) istehsal etməyə davam edir və
prinsip etibarı ilə film istehsalı ilə məşğul olmur. Film istehsalı sahəsində dövlətə
2
https://en.wikipedia.org/wiki/Television_channel