Pirimqul Qodirov Yulduzli tunlar 480. indd

AGRA YULDUZLAR GIRDOBI
Yana yozning jazirama issiqlari boshlandi. Bobur goh devoni-
omda, goh kutubxonada ishlar, mudom ichi kuyib, sovitilgan norinj 
sharbati va yaxna choy ichar, lekin chanqog‘i hech bosilmas edi.
Bir kun peshin kechroq Tohir xilvatxonaga uch-to‘rt bosh oq 
kishmish uzum olib kirdi. Hozirgina uzib yuvilgan oltin rang kishm-
ish donalari ustida suv zarralari yiltirab turadi. Ko‘pdan beri bunday 
uzumni ko‘rmagan Bobur taajjub bilan:
–
Qaydan oldingiz? – dedi.
–
O‘zimizning Hasht Bihisht bog‘imizdan. Samar-qanddan keltiril-
gan kishmish ko‘chatini o‘z ilkingiz bilan ekkaningiz yodingizdami, 
hazratim?
Bobur quvonib uzumdan bir boshini qo‘liga oldi. Bu yerlarn-
ing tarixida birinchi marta yetishtirilgan oq kishmish sal ser-
suvroq bo‘lsa ham, lekin uning ta’mi Boburga Samarqandni es-
latdi. Uzum yegan sari chanqog‘i bosilib, o‘zini birdan tetik 
sezdi.
– Buni Mohimga ko‘rsatmoq kerak! – deb o‘rnidan turdi.
Bultur kuzda Kobuldan Agraga ko‘chib kelgan Mohim begim bu 
bog‘ning to‘ridagi marmar ko‘shkda edi. Bobur barkashdagi uzumni 
Tohirga ko‘tartirib, gulzor yo‘lkalardan ko‘shkka qarab ketdi.
Havo dim va rutubatli. Yana pashkol fasli boshlanib, osmondan 
bulut arimay qolgan.
Barkashdagi oltinrang kishmish Boburga shu bulutlarni yorib 
o‘tib, uzoq Samarqanddan yetib kelgan yorug‘ bir nurdek ko‘rinardi.
Mohim begim ko‘shkning ayvonida miz ustiga engashib allanarsa 
yozmoqda edi.
Ayvonga Tohirni ergashtirib kirgan Bobur:
– Uzumimiz pishibdi, Mohim! – dedi. – Bir tatib ko‘ring.

---

465
Mohim begim o‘rnidan turib, Boburni odatdagiday ta’zim bilan 
qarshi oldi, lekin o‘pkasi to‘lib, durust gapirolmadi.
So‘nggi ikki yil ichida yarasidan qolgan asoratlar tuzalib, qo‘llari 
avvalgiday ishlaydigan bo‘lib ketgan Tohir uzumni ta’zim bilan Mo-
him begimga tutdi.
Mohim begim barkashni uning qo‘lidan olib, miz ustiga qo‘ydi. 
Uning qovoqlari shishib, ko‘zlari yig‘idan qizarganini payqagan Tohir 
sekin orqasi bilan yurib chiqib ketdi.
Er-xotin yolg‘iz qolganlarida Bobur:
–
Sizga ne bo‘ldi? – dedi. – Yig‘labsizmi?
–
Nafasim qisildi...
Mohim begim qirq yoshga borgandan beri yuzlari to‘lishib, an-
chagina semirib qolgan edi. Kobulning yengil va quruq tog‘ havosiga 
o‘rgangan begim Jamna bo‘yidagi issiq kunlarda sernam dim havodan 
nafas olish qanchalik qiyin bo‘lishini avval ham eshitgan, bir chekkasi 
shu sababdan to‘rt yilgacha Agraga kelmay yurgan, axiri Boburning 
yuzidan o‘tolmay bultur kelgan edi.
– Pashkol faslida men ham juda qiynalib, nafas olurmen, – dedi 
Bobur. – Tashvish chekmang, o‘rganib ketursiz. Qani, uzumdan oling!
Mohim begimning hech narsa yegisi kelmas edi. Shunday bo‘lsa 
ham kishmishdan ikki dona olib og‘ziga soldiyu, Boburning ko‘ngliga 
bo‘la:
–
Yaxshi pishibdir, – dedi.
–
Maktub yozmoqchi edingizmi?
–
Ha, Humoyunga... Mening nafasimni pashkol emas, sog‘inch 
qisadir! To‘lib o‘tirgan Mohim begim birdan yig‘lab yubordi:
–
Men hamisha Humoyunning diydoriga zormen. Siz mudom 
o‘g‘limni mendan uzoqlarga yuborursiz! Kobulda ekanimda Humo-
yun Jamnayu Ganga bo‘ylaridan bo‘shamadi. Men Agraga keldim, 
Humoyun Badaxshonga jo‘nab ketdi. Badaxshonni tinchitib qaytdi 
hamki, uni yana uzoq Sambxalga yubordingiz. Qayerda bir xatar 
bo‘lsa, o‘shanga Humoyun ro‘baro
‘
! Qaysi uzoq yurtda mushkul ish 
bo‘lsa – yana Xumoyun! Men bu yerda xavotirlikda qon yutib iztirob 
chekurmen!
–
Bunchalik xavotirlanishning ne hojati bor, Mohim!
–
Siz xavotirlanmaysiz, hazratim, sizning farzandlaringiz ko‘p! 
Mening yolg‘iz farzandim qolgan! Uchtasini tuproqqa topshirib, shu 
birgina Humoyun bilan qolganmen! Boburning boshqa xotinlari va 

---

466
ulardan bo‘lgan bosh-qa bolalari ham borligi Mohim begimda qan-
chalik murakkab tuyg‘ular qo‘zg‘ashini Bobur hozir yana bir marta 
sezdi. Shu payt xonaga sakkiz yoshli Gulbadan chopib kirib keldi. 
Bo‘ynidagi jajji taqinchoqlarini shildiratib otasi qarshisida egilib 
ta’zim qildi. Lekin onasining yig‘lab, o‘rtanib gapirayotganini ko‘rdi-
yu, xavotirlanib to‘xtadi.
–
Mohim, – dedi past tovush bilan Bobur, – Hindol bilan Gulbadan 
ham sizga farzand- ku, axir!
–
Komron mirzo-chi, hazratim? U kishi sizning o‘g‘lingiz emas-
milar? U kishi Laxo‘rda onalari bilan tinchgina yuribdilar! Nechun 
hamma baloga Humoyun balogardon bo‘lmog‘i kerak?
–
Chunki Humoyun – taxt vorisi! Men qilmog‘im kerak bo‘lgan 
mushkul ishlarni Humoyun qilib o‘rganmog‘i kerak.
–
Men xavotirlanib qon yutsam mayli! Siz bunga parvo qilmaysiz, 
chunki boshqa xotinlaringiz bor!
Gulbadan ota-onasini hech qachon bunday mushkul va noqulay 
ahvolda ko‘rmagan edi. U ko‘zlari javdirab, nima gap bo‘layotganini 
tushunolmay lol bo‘lib turardi. Axir hazrat onasi podshoh otasiga 
nihoyatda mehribon edi-ku. Kobuldan ikki oy yo‘l yurib, kela-kel-
guncha uning nomini tildan qo‘ymay e’zozlab gapirar edi-ku! Hazrat 
otasi ham ularga
Agradan peshvoz chiqib, Jaloli ko‘li yaqinida kutib olmaganmidi? 
Charchagan otidan tushib, boshqa ot keltirgunlaricha sabri chidam
-
agan Bobur Mohim begimning oldiga piyoda kelgan emasmidi? So‘ng 
suyukli xotinini e’zozlab, uni otdan tushishga qo‘ymagan, o‘zi esa 
Mohim begimning oti yonida uch chaqirimcha joyga piyoda borgan 
edi-ku. Buni ko‘rgan odamlar: «Podshohning o‘z xotinini bu darajada 
yuksak izzat-ikrom bilan kutib olganini umrimizda ko‘rgan emas-
miz!» deganlarini Gulbadan o‘z qulog‘i bilan eshitgan edi-ku. Hozir 
bularga nima bo‘ldi?
Bobur qizchasining hang-mang bo‘lib turganini sezib, tez o‘rnidan 
turdi, barkashdagi uzumdan bir boshini qo‘liga berdi:
– Ma, qizim, ye!– deb unga muloyim gapirib, eshikdan tashqariga 
yetaklab chiqdi. – Bor, endi bog‘da o‘yna.
U ko‘z yoshlarini hamon to‘xtatolmayotgan Mohimning qarshisi-
ga qaytib kelib o‘ltirdi va hazin tovush bilan dedi:
–
Mohim, siz mendan har qancha ranjisangiz haqqingiz bor. 
Shariat ruxsat bergani bilan har bir musulmon uch xotin olishi 

---

467
shart emas edi... Mendek sayyohtabiat odam... umrining yarmidan 
ko‘pini safarlarda, janglarda o‘tkazishini bila turib, uch xotin oli-
shi... kechirilmaydigan bir xatolik bo‘ldi. Bu xotinlarning hech biri 
men orzu qilgandek baxtiyor bo‘lolmaganini... bugun sizga qarab 
ko‘rib turibmen... Kundoshlik alamlari... Bir-biriga o‘gay bolalarn-
ing raqobati... Ota-bobolarimizni o‘rtagan bu jahannamlar bizga 
daxl qilmas deb o‘ylagan edim... Yo‘q, mana, hatto sizdek suyukli 
yorim ham... shu jahannam azobidan ko‘zyosh to‘kmoqdasiz. Ma-
jruh dilim sizni ko‘rib, battar xastalandi. Mohim begim Boburning 
sarg‘ayib qolgan kasalmand yuziga qaradi-yu, ko‘z yoshini apil- 
tapil arta boshladi.
–
Hazratim, mendan ozorlanmang. Men bir munglik ayolmen. Siz 
podshohsiz. Arzimni sizga aytmasam, kimga aytamen?
–
Ha, men podshohmen – butun balo shunda. Neki xatolik, 
neki gunoh qilgan bo‘lsam, hammasining birlamchi sababi men-
ing podshohligimdir. Yoshligimda podshohlik zanjiridan qutulib 
ketmoqchi bo‘ldim. Lekin meni bu zanjirdan xalos qiladigan najot-
kor topilmadi. Endi umidim borki, mening najotkorim Humoyun
bo‘lg‘usidir.
Mohim begim Boburning bu so‘zlariga ishonib-ishonmaganday 
unga termilib qaradi.
–
Mohim, maktubingizni davom ettiring. Mening nomimdan ham 
yozing, Humoyun Agraga tezroq qaytsin. Ko‘zim tirikligida toju taxtni 
egallasin. Yozing, men imzo chekurmen!
–
Hazratim, Siz Humoyunni toju taxtga bunchalik intiq deb 
o‘ylamang! Hech unday emas! Men faqat o‘g‘limiz yonimizda bo‘lsin 
demoqchi edim, xolos!
–
Yozing, kelsin!.. Faqat podshoh bo‘lish sharti bilan kelsin. Bu 
maxfiy gapni hozircha boshqa hech kim bilmasin.
Boburning niyati jiddiyligiga endi ishongan Mohim begim:
–
Siz... Kobulga qaytmoqchimisiz? – deb so‘radi.
–
Mabodo, olamdan ko‘z yumsam, Kobulda dafn etinglar.
–
Nechun bunday deysiz?
–
Sizdan yashiradigan sirim yo‘q, Mohim. Siz Kobulda «fotihlikn-
ing qasosi qaytsa yomon bo‘lur» degan edingiz. Shu gapingiz rost 
chiqdi. Podshohligu fotihlik balolari malika Bayda bergan zahar shak-
liga kirib, mening umrimni kemirdi. Agar men ham bor ku- chimni 
faqat ilmu ijodga bersam, balki Beruniydek yetmishdan osharmidim? 

---

468
Yoki Alisher Navoiydek oltmishga kirarmidim? Biroq mana qirq yetti 
yoshimda umrimning oxiri ko‘rinib qoldi.
–
Niyatni yaxshi qiling, hazratim! Xudo xohlasa, hali umringiz 
uzoq bo‘lg‘usidir!
–
Ne bo‘lganda ham endi podshohlik bas. Qolgan umrimni ijodga 
sarflamoqchimen!
Menga saroylaru qasrlarning keragi yo‘q. Mana shu Zarafshon 
bog‘ining bir go‘shasi bo‘lsa bas... Ortiqcha savdaru mulozimlar ham 
darkor emas. Tohir oftobachining bir o‘zi menga yetarlik. Humoyun-
ga shu qarorimni aytib, ikkovimizning nomimizdan yozing! Mohim 
begim Boburga juda og‘ir tegadigan mavzularda gap ochganidan endi 
qattiq pushaymon bo‘ldi-yu, eriga iltijo qilib:
– Meni kechiring! – dedi. – Men hech xayolimga keltirmagan gap... 
Bu mumkin emas! Men bunday maktubni yozolmasmen!
Bobur o‘rnidan turdi.
– Bo‘lmasa men o‘zim yozgaymen, – deb ko‘shkdan chiqdi.
U bog‘ oralab xilvatxonaga qarab borayotganda gulzor yo‘lkada 
kichkina Gulbadanni uchratdi. Ziyrak qizcha otasini qiynab yurgan 
mushkulotlarni tushunmasa ham unga ich-ichidan qayishib, hamd-
ardlik bildirayotgandek mo‘ltirab qarab turardi.
Boburning farzandlari orasida eng uzoq umr ko‘rgan va sak-
songa kirgan Gulbadan begim bolaligida ko‘rgan bilganlarini 
«Humoyunnoma»da batafsil yozgan. U otasining oxirgi paytda toju 
taxtdan astoydil ko‘ngli qolganiga, hokimiyatni Humoyunga berib, 
o‘zi Tohir oftobachi bilan bir go‘shada yashamoqchi bo‘lganiga dalil-
lar keltirgan.
Otasining maxfiy maktubi borganda Humoyun Sambxalda og‘ir 
kasalga chalinib to‘shakda yotgan edi. Maktubni o‘qigach odamlariga:
– Meni tezroq Agraga yetkazinglar!– deb buyurdi.
Dehliga kelguncha Humoyunning isitmasi yana oshib, kasali bat-
tar og‘irlashdi. Uni olib kelayotgan Hindubek yo‘lda biror kor-hol 
bo‘lishidan qo‘rqib, darhol Agraga xabar yubordi-yu, o‘zi Dehlida 
qolib Humoyunni eng yaxshi tabiblarga davolata boshladi. Lekin 
doru darmon kor qilmas, qora bezgakka o‘xshash bir dard Humo-
yunni kechayu kunduz kuydirib, go‘yo jingak qilib tashlamoqda edi.
Agradan ikki kechayu kunduz otliq yo‘l yurib, Mohim begim yetib 
keldi. Daryo yo‘li tinchroq va salqinroq deyishib, Humoyunni Dehlida 
kemaga solishdi-da, oqim bo‘ylab Agraga olib kelishdi.

---

469
Humoyunni taxtiravonga yotqizib, sakkiz yigit Zarafshon bog‘iga 
ko‘tarib kirdi. Bobur rangi yerday o‘ngib ketgan Mohim begimni 
ko‘rgandayoq, yuragi «shuv» etib ketdi. Yigitlar ko‘tarib kelayotgan 
taxtiravon uning ko‘ziga tobutday sovuq ko‘rindi. Humoyun tuni bo‘yi 
alahlab behush yotdi. Faqat sahar palla ko‘zini xiyol ochib, tepasida 
turgan otasini tanidi, o‘rnidan turgisi kelib qimirladi, lekin boshini 
ko‘tarishga ham madori yetmadi. Otasining maxfiy maktubida yozil
-
gan gapga rozi bo‘lolmasligini aytmoqchi bo‘lib:
– Biz... xizmatda... sizsiz... – «Mumkin emas!» deganday bosh 
chayqadi-yu, keyin yana allahlay boshladi. – G‘ulga uring... uring! 
Ketdi!.. To‘xta!..
Humoyun nafasi qaytganday talvasa qilib, o‘zini u yoqdan-bu yo-
qqa bir-ikki otdi-yu, yana hushidan ketdi.
Saroy tabiblari bu og‘ir dardga hech bir davo topolmadilar. Mo-
him begim yum-yum yig‘laydi. Bobur suyukli o‘g‘lini hadeb o‘tga-suv-
ga solib, shu kasallikka o‘zi ham sababchi bo‘lganday o‘rtanardi. Og‘ir 
paytlarda Bobur suyanib o‘rgangan odamlar biron chora topishni un-
dan kutadilar. Lekin hozir u ham chorasizlikdan o‘zini qo‘yadigan joy 
topolmay qiynaldi. Keksayib munkillab qolgan shayxulislom Boburn-
ing yoniga keldi:
– Hazrati oliylari, ko‘p g‘am chekmang, parvardigor g‘oyibdan 
shifo yuborgusidir, – dedi. – Tabiblardanki ish chiqmadi, endi xudo 
yo‘liga dunyo molidan tasaddiq qilmoq
kerak.
Bobur shayxulislomning niyatiga tushunolmay:
–
Qaysi moldan? – deb so‘radi.
–
Jon omon bo‘lsa javohir topilur. O‘shal... ashxas olmos yaxshi 
tasaddiq bo‘lg‘ay. Bobur Jamna ustida kemada o‘ltirganda Humoyun 
keltirib ko‘rsatgan olmosni esladi.
–
Ko‘hinurnimi?
Shayxulislom tasdiq ma’nosida bosh irg‘adi. Bobur hushini bir 
joyga yig‘ib:
– Taqsir, kimga tasaddiq qilaylik?– deb so‘radi.
Qiymati ulkan oltin xazinalariga barobar keladigan bu olmosni 
o‘g‘rilardan qo‘riqlab turish uchun ham juda ko‘p navkar kerak edi. 
Shuni biladigan shayxulislom «menga» deyishga tili bormadi.
– Murtazo Ali mozoriga, – dedi. – Din yo‘liga.
Mozor va Ko‘hinur olmosi bir-biriga mutlaqo qovushmaydigan 
narsalar edi. Dindorlarning kattasi shayxulislom bo‘lganligi uchun 

---

470
olamni bezaydigan bu go‘zal olmos aylanib kelib uning sandig‘iga 
tushishi aniq. Bobur hozir molu dunyoni o‘ylaydigan ahvolda 
bo‘lmasa ham Humoyunga taqdim etilgan bu noyob gavharga mun-
kaygan shayxulislom ko‘z tikkani uni sergaklantirdi. Ruhoniylar ilo-
jini topsa podshohdan ham baland turishga va ularning boshiga og‘ir 
kun tushganidan foydalanib o‘z hukmlarini o‘tkazishga intilishlari 
ko‘pdan ma’lum edi.
–
Taqsir, nazaringizda, o‘shal olmos azizmi yoki mening jonim 
aziz? Shayxulislom hang-mang bo‘lib:
–
Nechun unday deysiz, hazratim! – dedi. Undoq olmoslarning 
yuztasidan sizning bir mo‘yingiz azizroqdir!
–
Minnatdormen! Undoq bo‘lsa, men Humoyunga jahondagi bar-
cha olmoslardan ham aziz-roq bir narsamni qurbon qilmoqchimen. 
Faqat bu qurbonni sizu bizga o‘xshagan bandalari emas, zarur bo‘lsa 
parvardigorning o‘zi olsin!
Bobur o‘ziga umid bilan qarab turgan odamlarning orasidan o‘tib, 
Humoyunning to‘shagi yoniga keldi.
– Humoyun, jigarbandim! – dedi u hamma eshitadigan tovush 
bilan. – Sening betoqatlig‘ingga men toqat keltiray. Sening shu og‘ir 
dardingni xudo sendan olib menga bersin!
Behush yotgan Humoyun bu gaplarni eshitmas, lekin bemorn-
ing xobgohidagi ayollar, mulozimlar, tabiblar, ruhoniylar – hammasi 
Boburga quloqlarini ding qilib qarab turardilar.
Bobur umumiy jimlikda Humoyunning boshidan uch marta 
aylandi-yu:
– Yo, parvardigor! – deb iltijo qildi. – Menki Boburmen, agar jon 
berish mumkin bo‘lsa, umru jonimni Humoyunga qurbon qildim! Az-
royil mening jonimni olsinu xudo Humoyunga shifo bersin!
Mohim begim yig‘idan to‘xtab, Boburga qo‘rquv aralash hayrat 
bilan tikilib turardi. Keksa shayxulislom esa hozirning o‘zidayoq 
Humoyuning sog‘ayib ketishini va Boburning holsizlanib yiqilishini 
kutganday ancha vaqt ota-bolaga baqrayib qarab turdi. Lekin kutil-
gan mo
‘
’jiza yuz bermadi. Behush Humoyun alahlab bir nima dedi-da, 
yana jim bo‘ldi.
Boburning badanidan «lop» etib olov chiqqanday bo‘ldi, vujudi 
qizib ketdi. U hamon behush yotgan Humoyunga qarab:
– Ko‘tardim dardingni! – dedi-da, yelkasiga og‘ir yuk olgan odam-
day qaddi xiyol egilib xobgohdan chiqib ketdi...

---

471
Yigirma uch yoshlik Humoyunning yigit yuragi otasi ko‘rsatgan 
ruhiy madaddan kuch olib, og‘ir kasallikni axiyri yengdi. Oradan bir 
hafta o‘tgach, u kasal ko‘rishga kelganlarni o‘rnidan turib qabul qil-
di. Yana ikki kundan so‘ng otasini borib ko‘rish uchun xobgohidan 
chiqdi.
Bobur o‘g‘lini Orombog‘ning to‘ridagi xonayi xosda qabul qildi. 
Humoyun uning qarshisida tiz cho‘kib, ko‘ziga yosh olib gapirdi:
– Hazratim, men sizning iltijongiz bilan shifo topmishmen. 
O‘zimga kelganimdan beri xudodan tilaymenki, sizning umringiz 
uzoq bo‘lsin! Bu ulug‘ davlatni siz barpo etdingiz. Hammamizning 
pushti panohimiz o‘zingizsiz. Parvardigor bizga rahm qilsin!
Bobur o‘g‘lini yelkasidan olib o‘rnidan turg‘izdi:
–
Mana, shukr, yuribmen-ku, o‘g‘lim. Sen ko‘p xavotir bo‘lma.
–
Ammo shayxlar: «Hazratim o‘g‘liga kelgan ajalni o‘zlariga oldi-
lar», deb ko‘nglimga g‘ulg‘ula soldilar.
Bobur o‘g‘liga o‘ng yonidan joy ko‘rsatdi.
–
Humoyun, o‘g‘lim, mardona bo‘l, eng og‘ir yuklar endi sening yel-
kangga tushadigan ko‘rinadir. Xayriyat, tuzalib ketding. Agar mutaas-
sib shayxlarning gapiga kirib, Ko‘hinur olmosini tasaddiq qilsam, ular 
g‘olib chiqmasmidi? «Humoyunni biz o‘shal tasaddiq evaziga qutqarib 
qoldik, biz podshohdan ham zo‘rmiz!» deb tantana qilmasmidi? Imonu 
e’tiqod bunday g‘arazlardan baland turmog‘i kerak-ku, axir!
–
Ilohim, siz haqqingizdagi karomatlari ham yolg‘on chiqsin!
–
Har qalay, sen Ollohu taologa g‘arazli shayxlar orqali emas, be-
vosita imonu e’tiqoding orqali iltijo qilishga o‘rgangin. Shayxlar mu-
dom podshohning tepasiga chiqib, unga hukmini o‘tkazishga intilur-
lar. Shundan ehtiyot bo‘lgin.
–
Toki tirikmen, bu o‘gitingizga hamisha amal qilgaymen!.. Endi... 
Hazratim, Sambxal chegarasida yana qonli to‘qnashuvlar bo‘lmoqda 
emish. Ijozat bersangiz, men borib chegaralarni tinchitsam...
Bobur indamay o‘rnidan turdi-da, xonayi xosning to‘ridagi sand-
iqni ochdi. Humoyun tik
turgan holda otasiga yuzlanib qo‘l qovushtirdi.
Bobur sandiqdan oq ipak matoga o‘ralgan qilichni oldi.
– Humoyun, o‘g‘lim, mening qancha umrim qolgani xudoning 
o‘ziga ayondir. Sohibqiron bobokalonimizning mana shu qilichini 
endi sen taqmog‘ing kerak. Bu qilichga «Kuch – adolatdadir» degan 
so‘zlar bitilgan. Doim odil bo‘lginu mag‘lub bo‘lmagin!

---

472
Bobur qilichni o‘g‘liga ikki qo‘llab uzatdi. Humoyun tabarruk 
qilichni tiz cho‘kib oldi-da, uning muqaddas yozuv bitilgan joyini 
ko‘zlariga surib o‘pdi.
– Mayli, – dedi Bobur. – Sambxal notinch bo‘lsa, borib tinchitginu 
o‘rningga Hindubekni qo‘yib qaytgin. Endi davlat ishini zimmangga 
olmog‘ing kerak...
Yomg‘ir fasli o‘tib, osmon yana bulutlardan tozalandi, tunlar sal-
qin bo‘lib qoldi. Bobur uyqusiz tunlarda boqqa chiqar va yulduzlarni 
tomosha qilgisi kelib osmonga qarardi. Lekin tanida isitmaning ba-
landligidan osmondagi yulduzlar joyidan ko‘chib, girdobga tushib 
aylanib ketayotganday ko‘rinar, ko‘ngli behuzur bo‘lib, osmondan 
darhol ko‘zini olardi.
Kunduz saroyda davlat ishlarini qilgan paytida goh shayxulis-
lomni, goh nufuzli a’yonlarni uchratur, ular Boburga avvalgidan ham 
pastroq, egilib ta’zim qilishar, lekin o‘lishi muqarrar bo‘lgan bemorga 
qaraganday musibatli ko‘zlar bilan qarashar, muomalalaridagi alo-
hida muloyimlik ham shundan dalolat berar edi. Ularning e’tiqodiga 
binoan, Bobur o‘z hayotini o‘g‘liga qurbon qilgan, shuning uchun Hu-
moyun tuzalib ketgan, endi ko‘zga ko‘rinmas ajal qilichi Boburning 
boshi ustida osilib turar edi.
Ochiq aytilmaydigan, haddan ortiq mayin gaplar, ta’zimu tavo-
zelar ostiga yashiriladigan bu mash’um ishonch Boburga juda og‘ir 
ta’sir qilar, goho atrofida aylanib yurgan o‘lim sharpasini uning o‘zi 
ham sezganday bo‘lardi.
Mezon o‘tib, qavs oyi kirganda Boburning kasalligi battar 
og‘irlashdi. Biror joyida yara yoki shish yo‘q, nuqul ichi kuyadi, isit-
masi ko‘tarilib, uxlay olmaydi, rangi kun sayin so‘lib boradi. Mavlo-
no Yusufiy mamlakatning eng mashhur tabiblaridan uch-to‘rttasini 
chaqirtirib maslahatlashdi. Bemorning tomiridan qon olib ko‘rishdi. 
Qonning rangi sog‘lom odamnikidek tiniq emas, allanechuk iriganga 
o‘xshab qolgan edi.
Tabiblar o‘zaro kengashib, «Malika Bayda bergan zaharning qon-
da asorati qolgan» degan xulosaga keldilarva qonni tozalaydigan do-
rilardan, anor suvidan ko‘proq berishni buyurdilar.
Lekin bu narsalarning hech biri kor qilmadi. Bobur holsizlanib 
yotib qolgach, Humoyunga chopar yuborishdi.
Humoyun kelsa, otasi o‘z xobgohida baland oq to‘shakda terga 
botib yotibdi. Rangi sap-sariq bo‘lib ketgan. Boburning bosh tomoni-

---

473
da Xonzoda begim pat yelpig‘ich bilan uning yuzini yelpiyapti. Oyoq 
tomonida Mohim begim g‘am-g‘ussaga botib, haykalday beharakat 
o‘ltiribdi.
Humoyun tiz cho‘kib, otasining to‘shagini quchoqladi. Boburning 
ozg‘in qo‘lini o‘pib ko‘rishdi, so‘rashdi. So‘ng otasining bu ahvoliga 
o‘zi sababchi bo‘lganday yonib gapirdi:
–
Nechun bizga bunchalikjon fido qildingiz, hazratim? Bobur ma
-
jolsiz tovush bilan:
–
Sen buni o‘zingdan ko‘rma, – dedi. – Illat qonda emish. Bilma-
dim... Har qanday olov ham yonib-yonib axiyri bir kun... – Bobur 
«o‘chadi» demoqchi bo‘ldi-yu, lekin ayollarni ayadi: – Alangasi pasay-
adir. Men umr bo‘yi ayovsiz yondim.
–
Biz uchun ham kuyib-yongansiz! Endi bu qarzlarni uzishga 
mening butun umrim yetmagay!
–
Qarzingni menga uzolmasang... farzandlaringga uzarsen...
Bobur to‘xtab-to‘xtab so‘zlayotgan bo‘lsa ham ko‘nglidagi gapla-
rini ravon aytayotgani Humoyunni umidlantirdi. U otasining so‘zini 
bo‘lmay, jim quloq sola boshladi.
– Temuriylarning ko‘pchiligi... fidoyilikni unutib... yo‘q bo‘lib ket
-
di. O‘g‘il otani o‘ldirdi. Og‘a iniga xiyonat qildi... Oqibatda... bari ra-
zolatning qurboni bo‘ldi... Undan ko‘ra.. yaxshilikning fidosi bo‘lgan 
afzal emasmi?... Mana ammang Xonzoda begim... Samarqandda meni 
qutqarib o‘zini asoratga soldi. Bu fidoyilik meni hamisha... shunday 
bo‘lishga undab keldi... Sen ham endi inilaringu... avlodlaringni mard-
likka... fidoyilikka o‘rgatgin.
Bobur to‘shakning orqa tomonidagi harir oq pardaning ortiga 
boshini burib qaradi. Parda ortida odam borligini Humoyun endi 
payqadi.
– Tohirbek, juzdonni keltiring, – dedi Bobur.
Shu vaqtgacha qimir etmay o‘tirgan Tohir endi tez o‘rnidan turdi-
yu, tokchadagi katta charm juzdonning ichidagi yangi muqovalangan 
qo‘lyozmasi bilan ikki qo‘llab ko‘tarib keldi.
– Badaxshonda, «Vaqoi’»ni so‘ragan eding, – dedi Bobur Humo-
yunga. – Mana, yozib tugatdim. Ol.
Tog‘lar orasida Bobur: «Bu kitob bitganda mening umrim ham 
tugagay!» – degani Humoyunning yodiga tushdi. U juzdon ichidagi ki-
tobni olib peshonasiga surib o‘par ekan, ko‘zidan tirqirab yosh chiqib 
ketdi. Yirik bir yosh tomchisi zarhal muqova ustiga tomib tushganini 
Bobur ham ko‘rdi.

---

474
– Sendan iltimosim, – deb davom etdi Bobur. – Buni avlodlar-
ing ham o‘qisin.. Xatolarimni takror etmanglar. Yaxshi ishlarim... oz 
bo‘lsa, ko‘paytiringlar. Bu kitobdan nusxalar ko‘chirtirib, Samarqand-
ga... Toshkentga... Andijonga... munosib odamlarga yuborgin... Men 
tug‘ilgan yurt bilan aloqani uzmanglar. Shoyad men bitgan kitoblar... 
ikki oradagi aloqaning rishtalari bo‘lsa...
Bobur o‘g‘liga vasiyat qilayotganini sezib turgan Xonzoda begim 
o‘zini ortiq tutib turolmadi.
– Boburjon, men egachingiz!.. Men... men sizdan besh yosh katta-
men! Bu dunyodan ketish navbati avval meniki! Siz taslim bo‘lmang! 
Boburjon, inim!
Xonzoda begim uning podsholigini unutib, «Boburjon!» deganda 
Bobur bolaligini eslab, ko‘ngli bir orziqdi. U beklardan ham, savdar-
lardan ham, begonalardan ham, hatto suyukli o‘g‘li va xotinidan ham 
nuqul «hazratim» degan murojaatni eshitar, ko‘p ishlatilaverib siyqa 
bo‘lib ketgan bu so‘z uning me’dasiga tekkan edi. Piq-piq yig‘layotgan 
Mohim begim oldingi og‘ir suhbatlarni eslab:
–
Mening xarxashalarim ham sizni xasta qildi, hazratim! – dedi. – 
Meni kechiring!
–
Mohim, siz meni kechirsangiz bo‘ldi... Men sizdan rozimen... 
faqat endi meni hazratim demang...
Mohim Boburni: «Ko‘z ochib ko‘rgan tanho yorimsiz, jismimdagi 
jonsiz!» demoqchi bo‘lib og‘iz juftlab ko‘rdi-yu, lekin atrofidagilardan 
uyaldi. Yig‘i aralash:
– Xo‘p, – deya oldi, xolos.
Bobur uning aytilmagan so‘zlarini ovozidan, ko‘zlaridan sezdi. 
So‘ng o‘g‘liga yuzlandi:
–
Humoyun, men sendan ham «ota» degan so‘zni hali eshitganim 
yo‘q. «Ota» degan jo‘ngina so‘zga o‘rganmagan Humoyun:
–
Padari buzrukvor! – deb ko‘rdi. Bundan otasining ko‘ngli 
to‘lmaganini sezdi-yu: – Otajon! – dedi. – Siz saltanatni menga ber-
moqcshi bo‘libsiz. Lekin ishoning, men bu toju taxtdan sizning bir na-
faslik umringizni afzal ko‘rurmen!
–
Men sendan rozimen... Endi mendan ham rozi bo‘linglar!
Xonzoda begim rozilik so‘rashga tili bormay o‘rtanib yig‘ladi. Un-
ing yig‘isiga Mohim begim qo‘shildi. Bu og‘ir ahvolning ustiga kirib 
kelgan mavlono Yusufiy Boburning ko‘zlari bejo bo‘layotganini, uni 
qattiq ter bosganini ko‘rdi.

---

475
–
Endi hazratim orom olishlari kerak! – deb qo‘liga oq dokani olib, 
Boburning yuzidan, bo‘yinlaridan terlarini arta boshladi. Qiynalib na-
fas olayotgan Bobur bosh tomonda turgan Tohirga shivirlab:
–
Yelping!.. – dedi.
Yig‘i-sig‘i bilan Boburni qiynab qo‘yganlarini endi sezgan begim-
lar sekin chiqib ketdilar. Bobur Humoyunga:
– Endi eshik og‘a bilan... a’yonlar kirsin, – dedi.– Ko‘zim tirikligi-
da... hokimiyatni senga topshiray.
Tashqarida kutib turgan Muhammad Do‘lday va boshqa nufuzli 
beklar kirdilar. Bobur ularning oldida podsholik tojini o‘g‘li Humo-
yunga topshirdi. Rozi-rizolik so‘rash paytida beklardan bir-ikkitasi 
ko‘ziga yosh olganday bo‘ldi. Lekin chiqib ketayotganlarida hamma-
lari endi Humoyunning atrofida parvonaday aylanib, yangi inoyatlar 
umidida ko‘zlari tama bilan yonganini Bobur ko‘rib qoldi. Xonada To-
hir bilan ikkovlari qolgandan so‘ng:
– Endi... beku sultonlarga mening keragim yo‘q, – dedi. – Tohir-
bek, kechga... Mavlono Fazliddinni chaqirtiring.
Tohir Boburga tabib Yusufiy buyurib ketgan suyuq doridan 
ichirtirdi, uning qiyshayibroq qolgan yostig‘ini to‘g‘rilab qo‘ydi. So‘ng 
savdarlar xonasiga o‘tib, tog‘asiga odam yubordi.
Aytilgan paytga yetib kelgan mavlono Fazliddin Boburning o‘lim 
to‘shagida yotganini ko‘rdi-yu, tug‘yon ichida:
–
Hazratim, xudo sizga quvvat bersin! – deb qo‘lidan o‘pdi.
–
Men... podshohlikni Humoyunga topshirdim... Minba’d haz-
ratim, demang, mavlono. Munosib ko‘rsangiz... meni ham mavlono 
deng.
–
Biz Navoiyni ulug‘ ijodlari uchun «hazrat Alisher» der edik. Siz 
turkiy adabiyotimizning Navoiydan keyingi eng ulkan siymosidirsiz. 
Shu sababli sizni shoir va adib sifatida «Bobur hazratlari» deyishga 
haqlimiz».
–
Minnatdormen, mavlono... Siz Agrada, Sekrida, Dehalpurda 
ajib ko‘shklar, oromgohlar barpo etdingiz... Xudo umr bersa men... 
Samarqanddagi Bibixonim madrasasidek ulug‘ bir... madrasaning 
tarhini sizga... chizdirmoqchi edim... Opa- singillarimizning qadrini 
boshimizga... ko‘tarsak arzigay...
Mavlono Fazliddin Boburning so‘nggi kuchlarini to‘plab, qiynalib 
so‘zlayotganini sezdi-yu, uning fikrini o‘zi davom ettirdi:
– Dono so‘zlarni aytdingiz, hazratim! Chindan ham xalqimizda 
bu odat azaldan mavjud... Samarqandda Bibixonim madrasasidan 

---

476
tashqari Turkan og‘o maqbarasi bor. Hindlarda ham ayol zotiga 
ehtirom zo‘r ekan, hatto sig‘inadigan xudolari orasida ham ayol-
lar bor... Bizning Hirotu Samarqanddagi eng yaxshi me’morchilik 
an’analarimizni Hindistonning eng ezgu ajib an’analariga payvand 
etib, ayol zotini ulug‘lovchi bir madrasa qurish mening ham eng ezgu 
orzularimdandir!
Bobur mavlono Fazliddinning Xonzoda begimga bo‘lgan yoshlik 
mehri zamona zayli bilan qanday qurbon bo‘lganini esladi-yu:
– Mavlono, – dedi, – mening egachim Xonzoda begim... insoniy-
likda tengsizlar!.. Agar siz orzu qilgan... madrasani qurish bizga nasib 
bo‘lsa... uni «Xonzoda begim madrasasi...» deb atasak arzir edi...
Mavlono Fazliddinning ko‘zlarida yashin kabi bir olov chaqnadi:
– Hazratim, siz hozir mening ko‘zimga muqaddas bir maqsadni 
ko‘rsatdingiz! Agar bu maqsadni ro‘yobga chiqarishga mening um-
rim yetmasa, uni farzandlarimizning diliga jo etib ketgaymen. Toki 
ular hind me’morlari bilan hamkorlikda xalqlarimizning ayol zotiga 
bo‘lgan ehtiromini ulug‘ bir me’morchilik obidasida ifoda etsinlar!
Boburni ter bosdi. Uning harir oq ko‘ylagi qorayib tanasiga yo-
pishib qolganini ko‘rgan Tohir bezovtalanib o‘rnidan turdi:
– Mulla tog‘a, hazratimni charchatib qo‘ymaylik!.. Tabib «ko‘p 
hayajonlanmasinlar!» deb tayinlagan edi...
Suhbatning tafti chindan ham baland bo‘layotganini endi sezgan 
mavlono Fazliddin o‘rnidan ko‘tarildi:
–
Hazratim, endi orom oling! Men keyin yana kelurmen!.. Bobur 
Mavlono Fazliddinga qarab:
–
Yana bir o‘tinchim bor,– dedi.– Olamdan ko‘z yumsam... Kobul-
da o‘zingiz tarhini chizgan bog‘ bor... Tog‘ tepasida... Abadiy oromgo-
him... o‘sha Guzargohda bo‘lsin... Ortiqcha dab-dabasiz... shoirona bir 
tarh chizing...
Mavlono Fazliddin o‘pkasi to‘lib gapirolmadi. Tasdiq ma’nosida 
bosh irg‘adi-yu, ko‘zidan oppoq soqoliga oqib tushgan yoshni artib 
eshikdan chiqdi.
Tohir Boburning terdan ho‘l bo‘lgan ichki kiyimlarini almashtir-
di. U o‘zini odatdagiday osuda tutib, kundalik xizmatlarini qunt bilan 
ado etar edi. Bobur chanqasa suv beradigan ham, nafasi qayta bosh-
lasa yelpiydigan ham Tohir edi. U shu yerda bo‘lsa, Bobur sokinroq 
yotishini mavlono Yusufiy ham bilar, shuning uchun Tohirni tunu 
kun bemorning oldidan ketkizmas edi.

---

477
Bugun kechasi Bobur ichkarida hadeb behalovat bo‘lavergandan 
keyin Tohir savdarlarni chaqirib, uni to‘shagi bilan hovlidagi usti 
ochiq marmar supaga chiqartirdi. Agraning kech kuzi xuddi Andi-
jonning bahor payt-laridek salqin va mayin tuyular edi. Qop-qora 
osmonda yulduzlar charaqlab turibdi. Isitmasi baland Boburga yul-
duzlar yana girdobga tushib aylanayotganday va bir-birlariga urilib 
ketayotganday ko‘rindi. Bobur ko‘zini yumdi:
– Badanimda... qon uyushib qolayotganday... – dedi Tohirga.
Tohir uning yelkalarini, qo‘llarini, keyin oyoqlarini sekin-sekin 
uqalay boshladi. Bobur bundan sal yengil tortganday bo‘ldi-yu, 
ko‘zini ochib yana osmonga qaradi. Yulduzlar endi joy-joyida to‘xtab, 
sokin nur socha boshladi. Ana Oltin Qoziq. Uning g‘arb tomonidagi 
Yetti Og‘ayni yulduzlari ufqqa og‘ib tushib ketyapti. Sharqdan esa bir 
to‘p bo‘lib Hulkar yulduzlar ko‘tarilib kelyapti.
– Bizning Quvada ham Hulkar xuddi mana shunaqa bo‘lib chiqar 
edi, – dedi Tohir. Bobur ham bolaligi o‘tgan Andijon osmonini esla-
di. Mana shu Yetti Og‘ayni yulduzlari o‘sha yerda ham Oltin Qoziqni 
aylanib o‘tib, g‘arbga botib ketardi. O‘sha yerda ham Yetti Og‘ayni 
ufqqa bosh qo‘ygan sari Hulkar yulduzlari osmonning baland joylari-
ga chiqib borardi. Bobur o‘smirligida Hulkar yulduzlarini olmosdan 
yasalgan varrakka o‘xshatar edi. Dumini quvnoq silkitib uchadigan 
olmos varrak uning xayolini yana musaffo bolalik yillariga olib ketdi. 
Osmon dunyoning hamma joyida bir ekani, umrining boshlanishida 
Andijonda ko‘rgan yulduzlari umrining oxirida Agrada ham chaqnab 
turgani unga so‘nggi bir tasallidek tuyuldi. Bobur osmonga qarab 
yotganda yana yosh, sog‘lom yigitga aylanib, Andijon chorbog‘ining 
supasida yotganday bo‘ldi.
Bir lahzalik bu shirin his ketidan yana shafqatsiz bir qaltiroq 
bosib keldi-yu, yulduzli
osmonni girdobiga olib, gir-gir aylantira boshladi...
Tun yarmidan oshganda Tohirning o‘kirib yig‘lagani qorong‘i 
bog‘ni zir titratdi...
* * *
Mavlono Fazliddin Kobulda Boburga anvoyi rangli marmar-
lar bilan ziynatlangan serfayz bir maqbara qurishga ulgurdi, lekin 
Xonzoda begim nomiga madrasa qurish unga nasib bo‘lmadi, uning 
bu orzusini oradan yuz yillar o‘tgandan so‘ng Boburning chevarasi 

---

478
Shoh Jahon qurdirgan mashhurToj Mahalda ulug‘ hind me’morlari 
ro‘yobga chiqargan bo‘lsalar ehtimol.
Tohir «Boburnoma»dan ko‘chirilgan nusxalarni adibning Andi-
jondagi, Toshkent va Samarqanddagi muxlislariga eltib topshirgach, 
o‘zi Robiya bilan birga Quvaga qaytdi. Ular umrlarining qolgan qis-
mini tug‘ilgan yurtlarida o‘tkazdilar. Biroq o‘g‘illari Safarbek mavlo-
no Fazliddinning farzandlari bilan birga Agrada umrbod qoldilar va 
o‘sha yerda oila qurib, hind xalqiga qo‘shilib ketdilar.
Bobur tuzgan ulkan davlat o‘z qudrati va madaniy yodgorliklari
bilan jahonga tanilib, uch asr umr ko‘rdi-yu, tarixda qoldi. Uning o‘g‘il 
avlodlari bugungi kunga yetib kelolmadilar – eng oxirgi boburiylar 
o‘tgan asrlarda ingliz mustamlakachilari davrida mahv etildi.
Faqat Bobur o‘z qo‘li bilan yozgan asarlar haligacha tirik bir qal-
bning haroratiga to‘lib, odamlarga hamon ma’naviy oziq va zavq 
beryapti. To‘g‘ri, uning bir umri qorong‘i osmonda olovli iz qoldi-
rib uchgan yulduzdek tez so‘ndi. Lekin o‘lmas asarlari sahifasida 
salkam besh asrdan beri davom etib kelayotgan ikkinchi umri– bu 
yulduzning tundan tongga qarab uchganini va o‘z nurini kelajakka 
yo‘naltirganini aytib turibdi. Bobur qalb o‘tiga yo‘g‘irib yaratgan 
madaniy meros bugungi sernur avlodlarni bahramand qilgani sari 
uning ana shu ikkinchi umri ham qorong‘i tunlardan keyingi yorug‘ 
kunlarda astoydil obod bo‘lyapti.