Pirimqul Qodirov Yulduzli tunlar 480. indd
LAXO‘R. PANIPAT. DEHLI YANGI QIRG‘OQLAR
Yüklə 1,78 Mb. Pdf görüntüsü
|
| LAXO‘R. PANIPAT. DEHLI YANGI QIRG‘OQLAR
Qo‘shin ilgarilagan sari o‘rmon qalinlashib borar edi. Chinorday baland ban’yan daraxtlarining ochiq ildizlari shoxlaridan pastga osi- lib tushib, yerga kirib ketgan. Yo‘g‘on chirmovuqlar daraxtdan da- raxtga o‘tib, hammayoqni o‘rab-chirmab tashlagan. Oyoq tagida o‘siq butalar. Havo dim va rutubatli. Ot ustida kelayotgan Bobur yengil shohi ko‘ylak kiygan bo‘lsa ham terlab-pishib ketgan. U ban’yanlarning shamoldan shovullayotgan baland shoxlariga termilib qaraydi. Tepada esib turgan shamol changalzor o‘rmon ichi- da borayotganlarga shabadasini ham tekkizolmaydi. O‘rmondan maymunlarning sho‘x qiy-chuvlari eshitilib turadi. Goho tovuslarning «qo‘-o‘-o‘v» deb keskin va noxush ovoz bilan qich- qirgani quloqqa chalinadi. Bir payt o‘rmon ichida tuya yetaklab piyoda ketayotgan navkar- lardan allaqaysisining jon achchig‘i bilan chinqirgani eshitildi. So‘ng safdan-safga: – Ilon chaqibdi! – Ko‘zoynakli ilon! – degan shivir-shivir tarqaldi. To‘p ortilgan aravalar tomondan oti loyga botgan usta Aliqul tashvishlanib chiqib keldi-yu, Boburga arz qildi: – Podsho hazratlari, og‘ir to‘plarni bu changalzor o‘rmondan o‘tkazib bo‘lmas! Oyoq tagi loy! To‘p ortilgan aravalar hammasi ti- qilib qoldi! Bobur orqaroqda kelayotgan Tohirga o‘girilib qaradi: – Rahnamoni chorlang, bek! 390 Yo‘l boshlovchi La’l Chand oldinda fil minib bormoqda edi. Tohir uni chaqirib kelganda Bobur mingan saman ot fildan hurkib asabiy pishqirdi. La’l Chand filini to‘xtatib, uning qulog‘iga bir nima degan edi, fil xartumini yuqoriga cho‘zib, pastga tushirib qo‘ydi. La’l Chand kaftlarini bir-biriga qo‘yib, ko‘zi aralash peshonasiga tekkizdi-da, Bobur-ga ta’zim qildi. Bobur unga forscha gapirdi: – Bu yo‘l bizga to‘g‘ri kelmadi. Boshqa yo‘l topish kerak. – Hazrat oliylari, boshqa yo‘llarni suv bosgan. Bu yer Panjob. Beshta daryomiz bor. Hammasi toshgan. – Panjobda aravalar o‘tadigan yo‘l ko‘p deb eshitganmiz. Bu yo‘lda aravalar tiqilib, yurolmay qoldi. Biz adashdikmi? – Adashganimiz yo‘q, hazratim. Aravalar qaerda tiqildi?.. Rux- sat bering, fil bilan chiqaray. Bugun yursak, ertaga yaxshi yo‘llarga chiqamiz. Laxo‘ryaqin. – Filni boshlab boring, aravalarni chiqarib bersin, – dedi Bobur usta Aliqulga. Kichkina jussali ozg‘in La’l Chand tog‘day baland qora filga yana uning xartumi yordamida mindi. So‘ng filning supraday katta quloqlariga tizzalari bilan niqtab, qo‘lidagi uchi qayrilgan temir xilla – kajak yordamida uni o‘ngu so‘lga yo‘naltirib, to‘p ortilgan ara- valarga qarab ketdi. Tuyalar tortolmay qolgan aravalarni fil birpasda balchiqdan chiqarib berdi. Aravalarning birida oyog‘ini ilon chaqqan navkar ko‘m-ko‘k ko‘karib, ingrab yotibdi. Uning tirik qolishi gumon bo‘lsa ham yalang oyog‘ining ilon zahar solgan joyiga dorivor barglar qo‘yib bog‘lashgan, zahar badanga ko‘p tarqalmasligi uchun tizzasini ola chilvir bilan tang‘ib tashlashgan edi. Aravalar qo‘zg‘aldi. Fil mingan yo‘l boshlovchi yana oldinga o‘tib ketdi. Yo‘l yurganlari sari rutubat kuchayib, nafas olish og‘irlashib borar edi. Kun oqqanda Ravi daryosi tomondan yuztacha qurolli odami bilan Hindubek chiqib keldi. Xos navkarlar uni yaxshi bilishardi. Asli dehli- lik sipohiylardan bo‘lgan Hindubek Ibrohim Lodi bilan kelisholmay bundan yetti yil oldin Kobulga borgan va Boburning xiz-matiga kirgan edi. Qirq yoshlardan oshgan bu yigit Boburning Hindistonga qilgan av- valgi yurishida ko‘p jasorat ko‘rsatgan edi. Boburga uning dovyurak- ligi bilan birga vatanidagi ichki parokandalikni tugatish yo‘lida ko‘p qon to‘kmaslikka, iloji bo‘lgan joylarni jangsiz olishga astoydil intili- shi ham juda ma’qul tushgan edi. Hindubek turkiy, forsiy tillarni ham 391 mukammal o‘rgangan, ilmli, ma’rifatli, dilkash kishi bo‘lganligi uchun Bo-burning eng yaqin musohib beklari qatoriga kirgan edi. Bundan oldingi yurishda Kashmirdan oqib keladigan Jilom daryosi bo‘yidagi Bhira Hindubekning harakatlari bilan jangsiz olinganda Bobur bu obod viloyatga Hindubekning o‘zini hokim tayinlab, Kobulga qaytib ketgan edi. Hozirgi yurishda Bobur Laxo‘rni ham qon to‘kmasdan jangsiz olish umidida edi va Hindubekni vositachi qilib Laxo‘r amirlari bilan muzokara olib bormoqda edi. Bobur Hindubekni uzoqdan tanidi va u bilan yakkama-yakka gaplashish uchun otini yo‘ldan chetroqqa burdi. Hindubek otdan tushib, ta’zim qildi. – So‘zlang, bek! – Hazratim, Davlatxonning avzoyi buzuq. Meni tuttirmoqchi bo‘lganini sezib qochib keldim. – Nechun? Axir Kobulga o‘g‘li Dilovarxonni yuborib, biz bilan it- tifoq tuzgan edi-ku. Men uni otam degan edim! Qancha yaxshiliklar qilgan edim. – Davlatxon hammasini unutgan. Beliga ikkita qilich taqib olgan. Men buning sirini o‘g‘li Dilovarxondan so‘rab bildim. Bir qilichni De- hli sultonni Ibrohim Lodiga qarshi taqqan emish. Ikkinchi qilichni sizga qarshi. – O‘g‘illari ham yog‘iylik maqomidami? – Dilovarxon sizga xohon, kelib mulozamat qilmoqchi, Laxo‘rni jangsiz bermoqchi. Otasi meni tuttirmoqchi ekanini Dilovarxon aytib, bir falokatdan qutqardi. Lekin katta o‘g‘li G‘ozixon otasi tomonida. – Olamxon-chi? – Olamxon Ibrohim Lodi bilan urushib mag‘lub bo‘lgandan beri qayta urushishga jur’ati yo‘q. Laxo‘rga borganingizda chiqib mu- lozamat qilishga so‘z berdi. Agar G‘ozixon shikast yesa, ko‘pchilik beklar bo‘yin egurlar, Laxo‘r jangsiz olinur. Lekin... hazratim, nechun Laxo‘rga bunday yomon yo‘llardan bormoqdasiz? – Panjoblik ittifoqdoshlarimiz peshvoz chiqargan rahnamo bizni shu yo‘lga boshladi. – Qani o‘shal rahnamo? Ijozat bering, men bir taftish qilib ko‘ray. Fil mingan yo‘lboshlovchini yana chaqirib keldilar. La’l Chand filini changalzorga yaqinroq bir joyda to‘xtatdi va yana juftlangan qo‘lini peshonasiga qo‘yib, egilib salomlashdi. Hindubek ham kaftini juftlab, peshonasiga tekkizdi-da, o‘zini osoyishta tutib, hindcha ga- pirisha boshladi: 392 – Asli qayerliksiz? – Agralikman, sohib. – Panjobga qanday kelib qolgansiz? – Ish izlab kelganman. – Shunday zo‘r filingiz bor ekan, Ibrohim Lodi sizga ish topib ber - madimi? – Ibrohim Lodi xasis. Butun mamlakatning oltinlarini yig‘ib, xazi- nasiga yashirib qo‘ygan. Qurilishga sarflash yo‘q. Odamlarni ishlatib, rozi qilish yo‘q! Bezor bo‘ldik! – To‘g‘ri aytasiz, – dedi Hindubek. – Men ham Lodilarning zulmi- dan qochib kelganman. Iskandar Lodi* mening otamni sarkashlikda ayblab, quturgan filning oyog‘i tagiga tashlab o‘ldirgan. Filbon Hindubekka maroq bilan tikildi-yu: – Kshatriylardanmisiz? – dedi. – Ha, asli otim Indri. Bobur hazratlari Hindubek deb atadilar. Bu nom hammaga ma’qul bo‘ldi. Xo‘sh, sizning otingiz nima? – La’l Chand. – Siz ham Ibrohim Lodining zulmidan qochib kelgan ekansiz. Endi bu zulmdan bizni kim qutqaradi, deb o‘ylaysiz? – Xudo. – Bandalaridan-chi? La’l Chand o‘ylanib qoldi: – Davlatxonmi? – dedi Hindubek. – Davlatxon saxiy odam. G‘ozixon ham Ibrohimdan yaxshi. Hin- dubek ovozini pasaytirib so‘radi: – Rostini ayting, siz bu qo‘shinni nega bu yo‘ldan boshlab bor- yapsiz? – G‘ozixon aytgan yo‘l shu. – G‘ozixon nega o‘tib bo‘lmaydigan yomon yo‘ldan yurgin degan, bilasizmi? – Bular uchun yaxshi yo‘l shu. – Nega? Bular sizga nima yomonlik qildi? – Bitta zolim podshoh – Ibrohim bizga ozmidi? Yana bittasi kelyapti! – G‘ozixon seni aldagan! La’l Chand filini changalzor tomonga keskin burdi-yu, qichqirdi: – Bular bosqinchilar! Bular Bajur qo‘rg‘onida uch ming yigitimiz- ni qilichdan o‘tkazgan! Shahar-qishloqlarimizni talatgan! La’l Chand shunday deyar ekan, filini choptirib, o‘rmon ichiga qarab qochdi. 393 – Hazratim, bu rahnamoni tuttiring! Bu yog‘iy kishisi! Sizni xarob qilmoq uchun yomon yo‘lga boshlagan! – Tuting uni! – qahrlanib qichqirdi Bobur. – Nobakorni oldidan to‘sib chiqing! Tez! Otliqlar filning ketidan intildilar. Ulardan uchta - si katta banan daraxtini aylanib o‘tib, filning yo‘lini to‘sib chiqdilar. Filbon qo‘lidagi temir kajak bilan filni qattiq xillalab, bir narsa deb qichqirdi. Fil otlarning birini oyog‘i bilan tepib yiqitdi, ikkinchi ot- ning bo‘yniga xartumini o‘rab, siltab itqitib yubordi. Buni ko‘rgan uchinchi otliq daraxt panasiga qochib, zo‘rg‘a qutulib qoldi. Qahri kelgan fil bahaybat tovush bilan na’ra tortib, yo‘lida uchra - gan yo‘g‘on chirmovuqlarni uzib o‘tar, katta-katta shoxlarni qarsil- latib sindirar va otliqlar kirolmaydigan qalin changalzorda tobora uzoqlashib borar edi. – O‘qlang! – deb qichqirdi Bobur. La’l Chand filning ulkan bo‘yniga bag‘rini berib, uning baland sag‘risi va quloqlari panasida biqinib yotar edi. Orqadan yog‘dirilgan yoy o‘qlarining ko‘pini daraxtlarning shoxlari va chirmovuqlar o‘tkazmadi. Uch-to‘rtta o‘q shoxlar orasidan o‘tib filning orqasiga urildi, lekin po‘latday qattiq va qalin fil terisiga botolmay, yerga uchib tushdi. Usta Aliqulning to‘fangdozlari miltiqlarini o‘rmonga to‘g‘riladilar. Biroq barqandozlar chaqmoq chaqib, to miltiq piltasini yondirgunlaricha La’l Chand mingan fil yo‘g‘on va qalin daraxtlar pa - nasiga o‘tib ko‘zga ko‘rinmay ketdi. Fil zarbasidan yiqilgan har ikki ot yerdan turolmay uyalab yotar, ularning ustidagi navkarlar o‘lgan bo‘lmasa ham oyoq-qo‘llari shikastlangan edi. – Yaradorlar aravaga olinsin! – buyurdi Bobur.– Bizni adashtirib halok qilmoqchi bo‘lgan nobakor jazolanmog‘i kerak! To‘fangandozlar otlanib, o‘rmonni aylanib o‘tsinlar! To‘fangandozlar shosha-pisha ot- lanib, aylanma yo‘l izlay boshladilar. Ammo hammayoq changalzor, botqoqlik edi. – Qani, Hindubek, endi bizga siz rahnamolik qiling! – Bosh ustiga, hazratim! Hindubek kechki payt ularni keng bir ko‘klamzor vodiyga bosh- lab chiqdi. Behad charchagan Bobur shu ko‘kalamzorga chodir tik- dirdi. O‘rmonda kiyimlari tirnalib yirtilgan, otlari loyga belangan to‘fangandozlar La’l Chandni topolmay qaytdilar. Shuning ustiga Laxo‘rdan amir Davlatxon, uning o‘g‘li Dilovarxon ellik-oltmishta 394 mulozim va navkarlari bilan Boburning qarorgohiga yaqinlashishdi. Dilo-varxonning avvaldan xayrixohligini yaxshi biladigan Bobur xir- gohda uni o‘rnidan turib kutib oldi va o‘ng tomonda o‘tirgan e’tiborli beklari orasidan joy ko‘rsatdi. – Janob Dilovarxon, padari buzrukvoringiz nechun ittifoqni buz- ib, bizga yog‘iylik maqomida qilich qayramishlar? – Hazrati oliylari, otamni og‘am G‘ozixon yo‘ldan urdi. «Yot qo‘shin kelsa Laxo‘r bizdan ketadi, bular ham bizga Ibrohim Lodiyday dushman», deb ishontirdi. – Shuning uchun Davlatxon aldamchi rahnamo yuborib, bizni o‘rmon ichida adashtirgan ekan-da? – Ammo bu fitnadan otamning xabarlari yo‘q, hazrati oliylari! Bu – G‘ozixonning ishi. Agar otam shunday qilganlarida bu yerga o‘zlari kelmas edilar. Laxo‘rda qon to‘kilmasin deb, sizdan inoyat istab keldilar. – Bizning inoyatlarimizga faqat siz munosibsiz, janob Dilovarx- on! Ammo otangiz qilmishlariga yarasha jazo olgusidir! – Bobur shig‘ovulga yuzlandi: – Davlatxon so‘nggi paytlarda bellariga ik- kita qilich taqib yurgan emish. Qani, o‘sha qilichlarini biz ham bir ko‘raylik... Har ikki qilichni bo‘yniga osib kiritinglar! Ko‘p o‘tmay ikki zo‘r navkar oppoq soqolli keksa Davlatxonni ikki bilagidan mahkam ushlab chodirga olib kirdi. Chol navkarlarning qo‘lidan bo‘shamoqchi bo‘lib asabiy siltanar, uning bo‘yniga osilgan ikkita uzun qilich ko‘kragiga urilib selanglar edi. Davlatxon Boburga alam bilan tikilib dedi: – Podshoh hazratlari, men asir olingan emasmen, o‘zim keldim! Bu qanday shafqatsizlik? – Siz mendan elchi bo‘lib borgan Hindubekni tuttirmoqchi bo‘libsiz! Agar niyatingizga yetganingizda Hindubek omon qolmas edi! Keyin biz ham changalzorda balchiqqa botib, G‘ozixonning qopqonida jon berarmidik? Bizga shafqat qilganlaring shumi? Shaf- qatsizlarga biz ham shafqatsizmiz! – Bobur shig‘ovulga buyurdi: – Bu odam oilasi bilan birga Laxo‘rdan Bhiraga badarg‘a etilsin. Bhiraning Milvat qo‘rg‘onida hibsda saqlansin! Bo‘shashib hech narsa deyol- may qolgan Davlatxonni olib chiqib ketdilar. Kuz va qish o‘tib borayotgan bo‘lsa ham, daraxtlar yashil libosini yechmas, «dun» deb ataladigan bag‘ri keng, sayhon Hind vodiylari yil bo‘yi bahordagiday ko‘kalam bo‘lib turar edi. 395 Jamna daryosi bo‘ylab janubga tomon harakat qilib borayotgan Bobur qo‘shini Dehlidan ellik chaqirimcha shimoldagi Panipat shah- riga kelib to‘xtadi. Dehli sultoni Ibrohim Lodi yuz mingga yaqin askar va bir yarim ming harbiy fil bilan Agra tomonidan yaqinlashib kel - moqda edi. Ibrohim Lodi shu fillari va askarlari bilan bultur Dehli bo‘sag‘asida Olamxon, Dilovarxon va boshqa dushmanlarining qirq ming kishilik qo‘shinini tor-mor keltirgandi. Boburning qo‘shini esa o‘n ikki mingdan oshmas edi. Yovning son jihatidan beqiyos darajada ustunligi ko‘pchilik bek va navkarlarning qalbiga g‘ulg‘ula solar edi. Agar mag‘lub bo‘lishsa, atrof hammasi notanish yerlar, begona yurt, qayerda jon saqlashadi? Ichki beklar orasida yurgan Tohir ko‘proq Boburning harbiy ta- jribasiga va usta Aliqul boshliq to‘fangandozlar va to‘pchilarning qur- ollariga umid bog‘lagan edi. Jahonda hali juda kam tarqalgan bunday qurollar Ibrohimning qo‘shinida yo‘q edi. Bobur o‘zida yo‘q harbiy fillar hujumini mana shu qurollar kuchi bilan bartaraf qilish fikrida ekanini Tohir bilar edi. Ular Panipat shahri bilan Jamna daryosining oralig‘idan to‘fang va to‘p otish uchun qulay bo‘lgan bir joyni topishdi-yu, yaqin-yiro- qlardan olib kelingan barcha aravalarni yarim doira shaklida saf qildirishdi. Yetti yuzdan ortiq arava bir-biriga zanjirday mahkam tirkishlar* bilan bog‘landi. Aravalarning oldi va oralariga yoy o‘qi o‘tmaydigan temir qalqonlar o‘rnatildi. To‘fangandozlar va to‘pchilar shu qalqonlar ortiga bekinib o‘q otishni mashq qildilar. Aravalar baland bir tepalikning etagiga – oldi nishabjoyga keltiril- di. Ular o‘z-o‘zlaridan yurib ketmasligi uchun g‘ildiraklarning tagiga yog‘och to‘siqlar tirab qo‘yildi. Harbiy mashqlar o‘tkazilgan kuni Bobur aravalar ortidagi tepalik- da otliq turib, g‘ildiraklar oldidagi yog‘och to‘siqlarni birvarakayiga olishni va barcha aravalarni barobar yurgizib ko‘rishni buyurdi. Mulozimlar qatorida yurgan Tohir aravalar safining narigi chetiga ot choptirib borib, sarkardaning buyrug‘ini Mustafo to‘pchiga yetkazdi. Hamma piyodalar, to‘pchilar, zarbzan va barqzanlar* buyruqni bajar- ishga hozirlandilar. Hammaga ko‘rinadigan joyda turgan usta Aliqul: – Aravalar surilsin! – deb qichqirdi. Aravalar ba’zisi hadeganda o‘rnidan jilmadi, ba’zilari esa bird- an tezlab ketdi. Aravalar safi egri-bugri bo‘la boshladi, ora-oraga 396 bog‘langan tirkishlardan bir qanchasi uzildi, temir qalqonlar qulab tushdi. – To‘xtang! – buyurdi Bobur. – Mashqni takrorlating, janob Aliqul- bek, toki birorta tirkish uzilmasin, birorta qalqon ham qulamasin! Odamlar terlab-pishib aravalarni yuqoriga sudrab chiqa bosh- ladilar. Bu og‘ir ishdan ba’zi navkarlar o‘zlarini chetga olsa, o‘nboshilar ayamay so‘kar, hatto urar edilar. – Mashq paytida navkarni ayamang, – dedi Bobur Aliqulbekka. – Hozir ayasangiz jangda mag‘lub bo‘lib o‘lib ketur. Bobur tepalikdan tushib, daryo tomonga yo‘l oldi. U yoqda fil o‘tolmaydigan chuqur xandaqlar qazilgan, endi ba’zi joylarga shox- shabba bosib, ihota yasashmoqda edi. Xizmati yuzasidan Boburga er- gashib, uni qo‘riqlab yuradigan Tohir xandaqlar va shox-shabbalarga qarab o‘zicha o‘ylandi: «Shuncha tayyorgarliklarga yarasha yog‘iy to‘g‘rimizdan kelsa yaxshi-ya! Agar shaharni aylanib o‘tib orqadan kelsa hammasi behuda-da!» Biroq shaharning narigi tomoniga borib kelgan chig‘dovullar u yoqdagi botqoqlik va changalzorlardan katta qo‘shin o‘tolmasligini aniqlab keldilar. O‘ng tomonda Jamna daryosi. Chapda Panipat shahrining aholisi tig‘iz mahallalari. Ibrohim Lodi bu mahallalarni qo‘shiniga toptatib, shahar oralab kelmas. Demak, uni faqat to‘g‘ridan kutish mumkin. Lekin salkam o‘n barobar katta kuch bilan kelayot- gan yovga bu aravalaru xandaqlar turish berarmikin? Bir vaqtlar Kobulda Andijon va Quvalarni eslasa yuragi eziladi- gan Tohir endi Kobulni eslasa yuragi sog‘inchdan orziqadi. Kobulda uning o‘n besh yil istiqomat qilgan uyi bor, xotini Robiya, madrasada o‘qiyotgan o‘g‘li Safarbek, yolg‘iz tog‘asi mavlono Fazliddin bor. Old- indagi jang tahlikasidan ko‘ngli bezovta bo‘lib yurgan Tohir: «Ishqilib o‘lim bo‘lmasin-da, – deydi o‘zicha. – Agar shu gal ham tirik qolsam, sipohiylikni bas qilardimda. Yosh ham ellikka borib qoldi. Qachonga- cha begona yurtlarda tentirab yuramen? Safarbek katta yigit bo‘lib qoldi, bu yil madrasani hatm qilib, muhandis bo‘ladi. Keyin boshini ikkita qilib qo‘ysam... Yo xudo! O‘g‘limning to‘yini ko‘rish menga na- sib qilganmikin-a? Robiyani yana ko‘rarmikinman-a?» Yurakka g‘ulg‘ula soluvchi bu iztirobli o‘ylarni ichkilik bir oz bosar edi. Tohir ko‘pdan beri beklar davrasida yurib, ko‘nglining chigalini ichkilik bilan tarqatishga anchagina odatlanib qolgan 397 edi. Hindistonda uzum kam, shuning uchun chog‘ir tanqis, lekin mahva degan daraxtning bargidan olinadigan o‘tkir aroq uchrab turar edi. Ibrohim Lodi bilan jang bo‘lishidan bir kun oldin Tohir shu aro- qdan ko‘proq ichgan edi. Sahar palla badani tirishib uyg‘ondi. Og‘zi taxir, boshi lo‘qillab og‘riydi. U yoq-bu yoqqa ag‘darilib, yana uxlamoqchi bo‘lib ko‘rdi, le- kin uxlay olmadi. Shunday keyin turib, sopol ko‘zaning tagida qolgan aroqdan uch-to‘rt qultum ichdi-da, sabuhiy qildi. Shu payt birdan dovullar va naqoralar chalinib, hammani saflanishga chorlay boshladi. Chig‘dovullar Ibrohim Lodining bostirib kelayotgani haqida xa - bar bergan edilar. Sabuhiydan yana kayf qila boshlagan Tohir etigi bilan jibasini an- cha vaqt imillab kiydi. Bir qulog‘i Samarqandda kesilgan Mamat so‘nggi yillarda Tohirn- ing otboqariga aylangan, lekin eski qadrdonligi va bir-ikki yosh kat- taligi tufayli goh uni koyib ham qo‘yar edi. – Sahari mardondan ichib nima qilar edingiz, bek!– deb po‘ng‘illadi Mamat. – Gapni ko‘paytirmay ko‘k otni tezroq keltiring!– buyurdi Tohir. So‘nggi yillarda xiyla ozib, yuz-ko‘zlari avvalgidan ham ortiqroq bo‘rtib qolgan Mamat otlar bog‘langan tomonga chopib ketdi. Yov ya- qinlashib kelayotgani haqidagi xabardan ko‘p odam jonsarak bo‘lib u yoqdan-bu yoqqa yugurmoqda edi. Mamat kechasi yechilib ketgan ko‘k otni tutib olguncha ancha ovora bo‘ldi. Odatda ot kechasi egarlog‘liq qolsa, ayili, qorinbog‘i bo‘shatib qo‘yilardi. To‘polonda Mamat shoshilib ayilni mahkamlash- ni xayolidan qochirdi. Tezroq Boburning huzuriga yetib borishi kerak bo‘lgan Tohir uzangini izlab o‘tirmadi-yu, otning bo‘ynidan olib, ustiga sakrab min- di. Shunda egar bir chayqaldi. Tohirning kayfi bo‘lmaganda ehtimol, egarning yaxshi urilmaganini tez sezgan bo‘lardi, otdan tushib ay- ilni mahkamlab olar edi. Lekin u egarda chayqalganini sabuhiydan ko‘rdi-da, oyoq tirab, otni tez orqaga burdi. Anchadan beri boquvda yotib kuchi tanasiga sig‘may ketgan ko‘k bedov orqa oyoqlariga tikka turib, og‘zidan ko‘pik sochib, burildi. 398 Shunda birdan egar og‘ib otning qorniga tushdi-yu, Tohir yelkasi bi- lan yerga gursillab yiqildi. Mamat chopib kelib, bir qo‘li bilan otning jilovidan oldi va ikk- inchi qo‘li bilan Tohirni suyab turg‘izdi. U Tohirni kayfi borligi uchun yiqildi deb o‘ylab kulib gapirdi: – Tohirjon, bek bo‘ldingizu ichadigan hunar chig‘ardingiz-da! Bu sabilni ko‘p ichmang demaganmidim! Tohir yumshoq yerga yiqilgani uchun hech qaeri lat yemadi. Le- kin katta jang arafasida shunday ahmoqona yiqilishi unga mash’um bir falokatning xabarchisidek tuyuldi. U qahr bilan so‘kinib. Mamatga egarni ko‘rsatdi. – Ayilni kim bo‘shatib qo‘ygan edi? Mamat kechasi ot dam olsin deb bo‘shatib qo‘ygan ayilini ertalab mahkamlamaganini endi payqadi. – To‘polonda esimdan chiqibdi-ya! Hey, men xomkalla! Mamat endi o‘zidan kulib, ayilni torta boshladi. Tohirning aro- qdan loyqalangan tasavvurida Mamat uni yiqitib, ustidan kulish uchun ayilni ataylab bo‘shatib qo‘yganday ko‘rindi. Ilgari ikkovi ham navkar bo‘lgan paytlarida Tohir bunday hazillarga kulib ketaverar edi. Lekin hozir... – Sen mening bek bo‘lganimga baxilliging kelib shunday qilgan- san! – deb u birdan Mamatni sensirab so‘ka boshladi: – Sen menga o‘lim tilaganingmi bu? Tohir g‘azabdan titrab, belini paypasladi-yu, qamchisini qidirdi. Qamchi yerda yotar edi. Gunoh qilgan navkarlarni so‘kish, urish beklar orasida keng tarqalgan odat edi. Bu odat Tohirga ham ozmi-ko‘pmi yuqqan edi. Lekin u o‘ttiz yillik qadrdoni Mamatga hali biror marta musht ko‘tarmagan edi. Mamat yerda yotgan qamchinni olib Tohirga uzatdi: – Mang, gunohim uchun qamchilang, lekin bunday gaplarni ayt- mang! Men sizga o‘lim tilaydigan baxillardan emasmen! Mamat yana Tohirdan kulayotganday, o‘zini undan olijanobroq qilib ko‘rsatayotganday tuyuldi. Tohir: – Shunday kunda yiqitganing – o‘lim tilaganing emasmi? – dediyu uning peshonasi aralash boshiga qulochkashlab musht urdi. Mamat uch-to‘rt qadam nariga uchib ketdi va ko‘zi tinib yerga o‘tirib qoldi. Peshona suyagi Tohirning qo‘liga toshday qattiq tegdi, bosh barmog‘i «qirs» etdi-yu, o‘tkir bir og‘riq miyasiga chiqib bordi. 399 «Boshmaldoq sindi-yov! – dedi Tohir ichida. – Qilich tutadigan o‘ng qo‘lning boshmaldog‘i.. Bunga ham mana shu sababchi!» Bu o‘ydan uning g‘azabi yana bir darajada oshdi. O‘rnidan turish- ga intilayotgan Mamatni chap qo‘li bilan ham urib yerga yiqitdi. Orqadan yetib kelgan barvasta bir yigit oraga tushdi. – Qo‘ying, bek og‘a, bir marta kechiring! Mamat og‘a siz uchun jonini beradi-ya! Ayilni men boshqatdan tortib beray! Mana, hozir, hozir... Tohir ayili tortib bog‘langan otga minganda qattiq og‘riyotgan qo‘liga tikilib qaradi. Bosh barmog‘i shishib ketgan, qimirlatsa, og‘rig‘iga chidab bo‘lmas edi. «Mendan omad ketdi!» o‘yladi Tohir mulozimlar to‘planayotgan tomonga ot choptirib borar ekan. Uning ketidan ergashgan yigirmatacha otliq navkarlari orasida pe- shonasi g‘urra bo‘lgan, yuzi bo‘zday oqargan Mamat ham bor edi. Bek ming urib-so‘kkanda ham navkar uning ketidan qolmasligi kerak edi. Jamna daryosining chap tomonidan chiqqan oftob nayza bo‘yi ko‘tarilganda yov qo‘shinining tig‘iz saflari aniq ko‘rina boshladi. Oxiri ufqqa borib taqalgan behisob ko‘p qo‘shinning har yer-har ye- ridan harbiy fillarning ulkan gavdalari cho‘qqilarga o‘xshab chiqib turardi. Eng katta oq filning ustida o‘tirgan Ibrohim Lodi atrofga xuddi tepalik ustidan qarayotgandek hammayoqni bahuzur ko‘rar edi. Bobur bir-biriga bog‘lab tashlangan aravalar ortidagi tepalikda turib, yovning yaqinlashishini kutmoqda. Uning o‘ng qanotiga o‘g‘li Humoyun javobgar edi. Xo‘ja Kalonbek, Hindubek kabi eng sinal- gan beklar barcha navkarlari bilan Humoyunning ixtiyoriga ber- ilgan. Markazni to‘pchilar va to‘fangandozlar egallagan. Har ikki qanotning ikki chetida to‘lg‘ama uchun ajratilgan otliqlar tayyor turibdi. Ibrohimning harbiy fillar himoyasiga tayanib urushadigan qo‘shinida piyodalar ko‘pligi va saflar tig‘iz bo‘lishi ma’lum edi. Bunday hollarda Shayboniyxon tajribadan o‘tkazgan to‘lg‘ama usuli qo‘l kelishini Boburyaxshi bilardi. U ham Shayboniyxonga o‘xshab to‘lg‘amaga ajratilgan askarlarga otlarning eng chopqirlarini saral- ab bergan edi. Tohir ichki beklar va xos navkarlar bilan birga podshohdan orqada turibdi. Boburning ikki yonini aloqachi beklar, yasovullar va choparlar egallaganlar. Bobur ularga ish buyurar ekan, ovozi ichki bir kuch va ishonch bilan jaranglab eshitilardi. «Shu odamning pan- 400 ohida necha qirg‘inlardan omon chiqding, – dedi Tohir o‘ziga-o‘zi tasalli berib. – Bobur mirzo bor ekan, senga hech nima qilmaydi». Daryo bilan shahar oralig‘ini to‘ldirib vahimali qora bulutga o‘xshab kelayotgan Ibrohim Lodining qo‘shini qarshisida harakatsiz tek turib kutish og‘ir edi. Ko‘pchilik bek va navkarlar fursatni boy berib qo‘yayotgandek sabrsizlanishar, lekin Bobur: – Hech kim buyruqsiz qo‘zg‘almasin! – deb hammani qattiq tutib turardi. Ibrohim Lodi Boburning qo‘zg‘almasdan kutib turganini, ikki ora- da yuzlab aravalardan yasalgan mustahkam devor va chuqur xan- daqlar borligini ko‘rdi-yu, qo‘shinini to‘xtatdi. Lashkarboshilarni chaqirib, asosiy zarbani yovning o‘ng qanotiga berish va shahar tomondan aylanib o‘tish haqida buyruq berdi. Biroq yuz ming qo‘shinga to yangi buyruqni tarqatib, uni sha- har tomonga burguncha ancha vaqt o‘tdi. Bobur darhol mana shu vaqtdan foydalandi. Uning buyrug‘i bilan to‘lg‘amaga ajratilgan ikki ming otliq joyidan qo‘zg‘aldi. Chopqir otlar yov qo‘shinining ikki qanotiga tegmay o‘tdi-yu, bexavotir kelayotgan orqadagi otliqlar va piyodalarga hamla qildi. Humoyun boshliq to‘rt ming otliq o‘ng tomondan yovning yo‘lini to‘sib chiqdi. Chap qanot ham jangga tushdi. Markazdagi aravalarn - ing ora-orasidan to‘plar ustma-ust o‘q yog‘dira boshladilar. To‘rt tomondan yashin tezligida birvarakayiga qilingan hamlani tepadan kuzatib turgan Tohir Boburning sarkardalik tajribasiga o‘zicha qoyil bo‘lib qo‘ydi. U harbiy san’atni faqat do‘stlaridan emas, dushmanlaridan ham o‘rgangan edi. Bobur to‘p va miltiq ishlatishn- ing ahamiyatini birinchi marta ittifoqdosh Shoh Ismoilga qarab bilgan bo‘lsa, to‘lg‘ama ishlatishda ashaddiy yovlari Shayboniyxon va Ubay- dullaxonning tajribasini o‘zlashtirgan edi. U achchiq mag‘lubiyatlar jarayonida orttirgan barcha harbiy tajribalarini bugun go‘yo yagona bir mushtga tugib, maydonga ustalik bilan tashladi-yu, tashabbusni darhol qo‘lga oldi. Boburning butun rejasi – yov qo‘shinini to‘rt tomondan o‘rab ol- ishga va qanotlarini ichkariga qayirib tashlashga qaratilgan edi. Lekin o‘rab olingan yov Bobur qo‘shiniga nisbatan yetti-sakkiz barobar ko‘p edi, chopqir otlar bahaybat fillarning bir zarbasidan yumalab yiqilib ketardi. Shu sababli Ibrohim Lodi askarlari hali o‘ngda, hali so‘lda 401 Bobur qo‘shinining halqasini yorib chiqardi. Bobur yonida turgan aloqachi beklar va yasovullarni ketma-ket jang maydoniga choptirar, yovning qo‘li baland kela boshlagan qanotlarga markazdan ko‘mak yubortirar edi. U markazni yovga ataylab ochiq qoldirmoqda edi, chun- ki hali harakatsiz turgan aravalar va to‘fanglar markazga qo‘yilgan edi. Ikki tomondan va orqadan ustma-ust zarba berilavergandan keyin Ibrohim Lodining asosiy kuchlari va harbiy fillari marka - zga tashlandilar. Shunda Bobur aravalarning g‘ildiraklari tagidagi yog‘ochlarni olishni buyurdi. Yetti yuz arava joyidan qo‘zg‘alib yov qo‘shinining ro‘parasidan chiqdi. Aravalar ustidan to‘plar, ora-oradan esa to‘fanglar yaqin kelib qolgan yovga o‘q ota boshladi. To‘plarning gumburlashi, mil- tiqlarning qarsillashi, borut tutuni, har qanday qalqonni teshib o‘tadigan olovli o‘qlar zarbasi va yana buning hammasi behisob aravalar shakliga kirib o‘z-o‘zidan yurib kelayotgani yov qo‘shinini dahshatga keltirdi. Fillar yarador bo‘lib bo‘kira boshladi. Filbonlar talvasaga tushib, fillarni orqaga burdilar. Orqada esa g‘uj-g‘uj ot - liqlaru piyodalar bir-biriga aralashib ketgan edi. Itar-itar, ur-sur boshlandi. Yaralanib quturgan fillar otliqlarni yiqitib, piyodalarni bosib yanchib o‘ta boshladi. To‘plar va miltiqlar hamon o‘q otmoqda. To‘p o‘qi tekkan fillardan bir qanchasi piyodalar ustiga ag‘anab tushdi. Orqadan kelayotgan ot- lar va fillar o‘zlarini to‘xtatolmasdan ag‘anab yotgan fillarga surinib yiqilishardi. Ketma-ket bir-birini itarib, surib kelganlari oldin yiqil- ganlarning ustiga qulashar va o‘tib bo‘lmaydigan to‘siqqa aylanishar- di. Bu qiyomat ur-yiqitdan qochib qutulushning ilojini topgan filbon - laru otliqlar jon-jahdlari bilan qochishga tushdilar. Orqada to‘lg‘ama ishlatgan otliqlarning safi ancha siyraklashib qolgan edi. Fillar bu safni birpasda yorib o‘tdilaru Dehli tomonga intildilar. Tepalik usti- dan buning hammasini ko‘rib turgan Bobur: – Yog‘iy Dehlini bekitmoqchi! – dedi va aloqachi beklari turadi- gan o‘ng tomonga o‘girildi. Biroq aloqachi beklar, choparlarva yasov- ullar hammasi birin-ketin jang maydoniga maxsus topshiriqlar bilan yuborilganicha qaytib kelishmagan edi. Ehtimol, ularning ba’zilari o‘lgandir yoki yaralangandir – jang busiz bo‘lmaydi. Bobur otini bur- ib, ichki beklari va navkarlari tomonga yuzlandi. Shunda uning ko‘zi Tohirga tushdi. Tohir maxsus farmonlarni hamisha yaxshi ado etib kelganini esladi: 402 – Tohirbek, Ibrohim Lodi qochdimi yoki jang maydonida qoldi- mi, shuni aniqlamoq kerak. Agar qochgan bo‘lsa xossa tobin* dan quvg‘inchi yuborgaymiz. Tohir chang-tutunga burkanib jahannam bo‘lib yotgan jang may- doniga ko‘zi javdirab qaradi-yu, singan boshmaldog‘ini eslab, ovozi qaltirab dedi: – Bosh ustiga, hazratim! Shu payt jang bo‘layotgan tomonda oyog‘iga o‘q tegib, uzang- isidan qon sirqib oqayotgan bir yasovul ot choptirib keldi. – Hazratim, zafar bizniki! – dedi u hansirab.– Yog‘iy qochdi! – Ibrohim ham qochdimi? – Qochgan fillar orasida Ibrohimning oq filini ko‘rdim! Qochdi! – Bo‘lmasa darhol iziga tushmoq kerak! Tohirbek, siz to‘xtang! Janob Qosimtoy mirzo! – Labbay, hazratim! – deb qirq yoshlardagi norg‘ul bek safdan oldinga chiqdi. Turkistonda tug‘ilib-o‘sgan bu bekning Ulug‘bek mir- zoga uzoq qarindoshchiligi bor edi. U o‘n besh yildan beri Bobur hu- zurida xizmatda edi. – Agar Ibrohim Lodi Dehli yoki Agraga yetib, bu qal’alarni bekitsa, muhoribayu muhosara qaytatdan boshlanur, – dedi Bobur Qosimtoy mirzoga. – Holbuki, biz Dehli bilan Agrani jangsiz ol- ish umididamiz. Yog‘iyning bizga hamla qilish ehtimoli endi bar- taraf bo‘ldi. Janob Qosimtoy, xossa tobindan ming kishini oling. Beklardan Bobochuhra... Tohirbek navkarlari bilan... Ibrohimni qu- vlanglar. Agar Dehlida to‘xtamay yana qochsa, Agragacha ketidan qolmanglar, toki bu shaharlarni berkita olmasin. Ketlaringizdan biz izma-iz yetib borurmiz! – Farmoni oliyga jonimiz fido! – dedi Qosimtoy mirzo. – Siz bizning ilg‘orimizsiz. Tangrim yoringiz bo‘lsin! Yengingu yengilmang! – Omin! Shunday g‘olibona jangda ilg‘or safda bo‘lish Tohirning ko‘nglini ko‘tardi-yu, singan boshmaldog‘ining og‘rig‘i ham sezilmay qoldi. U navkarlarini yoniga olib, jang maydoniga hammadan oldin kirib keldi. Oftob tikkaga kelgan. Kun issiq. Chekinayotgan yov besh-olti bo‘lakka bo‘linib ketgan. Ba’zilarini Humoyunning odamlari, ba’zilarini Xo‘ja Kalonbekn- ing navkarlari ta’qib etmoqda. Lekin ularning otlari ertalabdan beri 403 u yoqdan-bu yoqqa chopib, charchab qolgan. Tohirlarning tobinda dam olib turgan otlari jangdan toliqib qolgan otliqlardan o‘tib, yovga birpasda yetib oldi. Yengilgan qo‘shin bo‘linib-bo‘linib qochayotgan bo‘lsa ham cho‘g‘i juda katta ekani Tohirga yaqin borganda bilindi. Har to‘pda yetti ming-sakkiz ming keladigan qo‘shin. Ularga nisbatan quvib kelayotganlarning to‘pi juda kichik. Yovn- ing har to‘pida qator-qator fillar kelayapti. Lekin ularning orasida oq fil yo‘q. Balki Ibrohim fildan tushib, ot minib ketayotgandir? Qosimtoy bilan Tohir o‘zaro maslahatlashishdi-yu, yovning ki- chikroq ko‘ringan bir to‘pini ikki yonidan aylanib o‘tib, oldilaridan to‘sib chiqishdi va bir suruv filni egalari bilan asir olishdi. Ularning orasida Ibrohim Lodi yo‘q edi. Qosimtoy filbonlarni hind tarjimon orqali so‘roq qila boshladi. – Ayt, Ibrohim Lodining qaysi to‘pda ketayotganini ko‘rsatib bersa ozod qilamen! Filbonlardan biri orqada qolgan jang maydonini ko‘rsatib, kuyib-pishib allanarsa dedi: – Ibrohim mingan fil yaralanib yiqilgan emish, uning o‘zi o‘lganmish, – dedi tarjimon. Lekin Qosimtoy bunga ishonmadi: – Bizning odamlar Ibrohimning qochganini ko‘rgan. So‘ra, rostini aytsin, bo‘lmasa boshi kesilgay! Birinchi filbon yana avvalgi gapini takrorladi. Chindan ham Ibro - him jang maydonida o‘lgan edi. Lekin Qosimtoy filbonning gapidan ko‘ra boya Boburga axborot bergan yasovulning gapiga ko‘proq isho- nar edi. Qosimtoy siqishtira bergandan keyin boshqa bir filbon tus - mol bilan Ibrohimning daryo bo‘ylab ketib borayotgan katta to‘pda ekanini aytdi. Uchinchi bir filbon o‘ng tomonda ketayotgan to‘pni ko‘rsatdi. Qosimtoy hamma filbonlarni fillari bilan birga maxsus navkarlarga topshirib, Boburning ixtiyoriga yubordi. Keyin daryo bo‘ylab chekinayotgan to‘pning ketidan tushdilar. Bu to‘pda fil min - gan, ot mingan va Lodi qo‘shinining eng jangovar qismi hisoblanadi- gan rajputlar ko‘p edi. Qosimtoy daryo tomonda, Bobobek bilan To- hir o‘ngdan aylanib o‘tib, ularning yo‘llarini to‘sib chiqdilar. Rajputlar ta’qib etayotganlarning nisbatan oz ekanligini ko‘rdilaru kamon- lariga o‘q o‘rnatib, qilich yalang‘ochlab, dadil jang qila boshladilar. Tohir kamoniga o‘q o‘rnatib otayotganda singan barmog‘ining jon- sizlanib, ishlamay qolganini sezdi. O‘qning uchini boshqa barmoqlari bilan tutib, kamonni tortib otdi. O‘q qilich yalang‘ochlab kelayotgan 404 qora bir odamning ko‘zi aralash yuziga tegdi. O‘q yegan rajput bir qo‘li bilan yuzini changallab, otdan yiqilib tushdi. Bu orada polvon- taxlit bir rajput Tohirga yaqin kelib qoldi. Tohir kamoniga qayta o‘q o‘rnatishga ulgurmasligini sezdi-yu, qilichini sug‘urdi. Rajput polvo- ni oltita keskir tig‘i bor chakra degan qurolini ko‘tardi. Tohir uning chakra tutgan qo‘liga qarab qilich sermadi. Qilich chakraga qarsil- lab tekkanda Tohirning singan boshmaldog‘idan badaniga shunday og‘riq tarqaldiki, vujudi zirqirab ketdi. Shishib ketgan boshmaldoq qilichning dastasini qo‘lidan qanday chiqarib yuborganini bilmaydi. Faqat qilich yerga uchib tushganini ko‘rib, belidan xanjarini olmo- qchi bo‘ldi, lekin ulgurmadi. Olti tig‘li keskir chakra uning bo‘yni va o‘ng yelkasiga shunday bir zarb bilan urildiki, kiftidan engagigacha hamma joyini qiymalab tashlaganday tuyuldi. Tohir ko‘zi tinib ot- ning yoli ustiga ko‘kragi bilan tushganda chakraning yana bir zarbasi uning zirhli kiyimiga qarsillab urildi. Tohir dahshatli og‘riq ichida: «Endi bu meni otdan yiqitmaguncha qo‘ymaydi! – deb o‘yladi. U ot- dan yiqilsa jasadi tuyoqlar tagida qanday majaqlanishini tasavvur qildi-yu: – Tezroq hushimdan ketsam edi!» – dedi. Shu payt Mamat yetib kelib, dastasi uzun oyboltani chakra ko‘targan rajputning qo‘liga urdi. Chakra yerga tushib ketdi. Mamat qonga belanib, egardan sirg‘alib tusha boshlagan Tohirni tez o‘ngarib oldi-yu, jang maydonidan qochib chiqdi. Dehliga otasidan oldin kirib kelgan Humoyun Jamna daryosin- ing o‘ng qirg‘og‘idagi qizil devorli ulkan qal’ani jangsiz egalladi. Ibrohim Lodining qal’adagi xazinala-rini muhrlab, ishonchli pos- bonlarga topshirdida, uch yuztacha xos navkari bilan shaharni aylanishga chiqdi. Unda-bunda uchraydigan past-baland tepaliklarni hisobga ol- maganda, Dehli – ko‘kalam bir tekislikka joylashgan va chetlarini ko‘z ilg‘amaydigan katta shahar edi. Tig‘iz joylashgan uylar, mahalla- kuylar behisob, lekin ko‘chalarda odam kam – notanish fotihlardan cho‘chib, uylaridan chiqmay o‘tirganlar ko‘p. Humoyun qaysi ko‘chadan o‘tmasin, besaranjom bir sinchkovlik bilan eshik-derazalar tirqishidan, devor tepalaridan qarab turgan o‘nlab ko‘zlarni ko‘radi. Muqaddas daryo hisoblangan Jamna bo‘yida to‘p-to‘p odamlar dafn marosimi o‘tkazmoqdalar. Ular o‘liklarni xushbo‘y o‘simlik moyi sepilgan o‘tinlar ustiga qo‘yib kuydiradilaru kulini sekin daryoga oqi- 405 zadilar. Narigi dunyoga oid bu ish bilan bo‘lib, bu dunyoning tashv- ishlariga, hatto shaharni egallayotgan begona qo‘shinga ham ko‘pda e’tibor bermaslikka tirishadilar. Chorsu bozorida bilaklariga va bo‘yinlariga shoda-shoda gul os - gan yalangoyoq bolalar, ayollar ko‘rinadi. Hatto soch-soqoli oqargan ba’zi bir keksalar ham bilaklariga qizg‘ish-sariq rangli gulshodalar solib olishgan edi. – Bu – Chandin Chouk bozori, – deb izoh berdi Humoyunning yo - nida borayotgan Hindubek. – Oydin Chorsu degan ma’nosi bor. – Bugun hayitmi, gul ko‘p? – so‘radi Humoyun. – Ha, bahorgi ekinlarning unib chiqishini qutlab o‘tkaziladigan hayit. Hindistonda hayit ko‘p. Biron oy hayitsiz o‘tmaydi. – G‘aroyib el! – dedi Humoyun o‘ychan kulimsirib. Eski bir qasrning tom va devorlari ustida oyoq-qo‘llari uzun may- munlar bemalol sayr qilib yurar edi. Yuzlari, qo‘llari qora qorinlari sarg‘ish, boshqa hamma joylari oqish-kulrang. Jajji maymun bolalari tomdan banan va nim daraxtlarining shoxlariga sakrab o‘tishar, bir- birlari bilan quvlashib, daraxtdan yerga ham tushishar edi. Qasrning ich-tashida odamlar yuribdi, lekin maymunlar bilan hech kimning ishi yo‘q. Humoyunning ketidan borayotgan yuzboshining ko‘zlari birdan ovchilik ehtirosi bilan yona boshladi. U kamonini qo‘liga olay- otganini ko‘rgan Hindubek: – Maymunning uvoli yomon bo‘ladi, – dedi. Buni ovlagan odam baxtsizlikka uchragay. Humoyunning o‘ng yonida borayotgan Xo‘ja Kalonbek kulib so‘radi: – Sigirni ham shunaqa e’zozlashimiz kerakmi, janob Hindubek? – Neki tansiq bo‘lsa, elga aziz ko‘rinur, – dedi Hindubek. Bu yern- ing issiq iqlimida sigir asrash oson emas. – Har qalay, – deb Humoyun Hindubekka yon bosdi, – podsho hazratlari maxsus farmon chiqardilarki, hind xalqining azaliy udum- lariga hurmat bilan qaralsin, el-ulusning nafsoniyatiga tegadigan harakat sodir bo‘lmasin. Xo‘ja Kalonbek o‘ng qo‘lini ko‘ksiga qo‘ydi: – Amirzodam, bu farmoni oliy biz uchun qonun! Men faqat Hin- dubekka sal tegishdim. – Bekning gustoxligi ma’lum-ku, – deb endi Hindubek ham Xo‘ja Kalonga hazil qildi. Oldinda baland darxtlar orasidan bo‘y cho‘zib chiqib turgan yon- lari qirrador minora ko‘rindi. 406 – Qutb Minora! – dedi Hindubek. Humoyun minora oldida otdan tushdi, so‘ng beklar bilan mino- raning tepasiga chiqdi. Minoradan yuz qadamcha narida terak bo‘yi keladigan yolg‘iz bir qora ustun ko‘rindi. Usta atrofida odam ko‘p edi. – Bu nedur? – so‘radi Humoyun Hindubekdan. – Bu ustun yaxlit temirdan yasalgan. Bilganlarning aytishicha, uch yuz yildan beri turgan emish. Kimki ustunni quchib, ilkini bir- biriga tekkizolsa, o‘ylagan murodi hosil bo‘lar emish. Shu vaqtgacha o‘zini bosiq tutib kelayotgan Humoyun endi o‘smirlarcha bir qiziqish bilan: – Qani ko‘raylik! – dedi va chaqqonlik bilan zinadan chopib tush- ib ketdi. Temir ustun atrofidagi odamlar shahzodani ko‘rib, o‘zlarini chetga oldilar. – Janob Hindubek, qani, ustunni ne tavr quchish kerak? Ustunning tepasi va pasti qorayib ketgan. Faqat o‘rtasi – behisob odamlarning qo‘l va yelkalari tekkan joy oppoq bo‘lib, ma’dani yilti- rab chiqib turar edi. Hindubek ustunga teskari turib, yelkasini unga tiradi-da, qo‘llarini orqaga cho‘zdi. Ustun ancha yo‘g‘on edi. Hindubek uni teskari quchib qo‘lini bir-biriga cho‘zdi, lekin yetkizolmadi. Butun kuchi bilan chi- randi, baribir qo‘li qo‘liga tegmadi. Buni ko‘rganlar xaxolab kula boshladilar. Humoyun ham kula-kula Hindubek uddalay olmagan ishni qilib ko‘rdi. Lekin u ham qo‘lini qo‘liga tekkizolmadi. Bek va navkarlaru yana besh-oltitasi kuch sinab ko‘rdi. Shulardan faqat bittasi – qo‘llari uzun, o‘zi ozg‘in sa-marqandlik yigit – ustunni teskari quchib, qo‘lini qo‘liga tekkazishga muvaffaq bo‘ldi. Humoyun unga bir siqim kumush tanga mukofot berdi. * * * Dehlida to‘p-to‘p bo‘lib aylanib yurgan g‘oliblar orasida yog‘li o‘lja izlayotganlari ham bor edi. Sind daryosining bo‘yidan Bobur askar- lariga qo‘shilib kelgan Yor Husaynbek ilgari Xaybar dovonining janu- bida yo‘lto‘sarlik qilgan qaroqchilardan edi. Hozir uning navkarlari shahar chetidagi bir ibodatxonaga kirishib, hindlar sig‘inadigan xu- dolarning haykallariga o‘rnatilgan qimmatbaho toshlarni ko‘chirib olishga tushdilar. Devorlari oq-sarg‘ish marmardan ishlangan ibo- datxonada keksa bir barahman* ko‘zlariga yosh olib, buddaning ulkan tosh haykalidan najot so‘ramoqda. Ibodatga kelgan ayollar, chollar, 407 o‘smirlar, xudolari oldida bosh egib jim turishibdi. Yor Husaynbekn- ing navkarlari esa to‘rt qo‘llik xudo Shivaning baland haykaliga narvon qo‘yib chiqishgan, Shivaning peshonasiga katta qizil holga o‘xshatib o‘rnatilgan yoqutni xanjar bilan kavlab olishga urinishardi. Shu hodisaning ustiga kelib qolgan Humoyun nar-vondagi navkarga qahr bilan qichqirdi: – Podshoh hazratlari nomidan buyuramen. Haykalga tegma! Tush pastga! Yor Husaynbek nimqorong‘i ibodatxona ichida Humo- yunni avval tanimadi: – Kofirlarning haykalini himoya qiladigan podshong o‘zingga! – dedi-da, narvondagi navkarga buyurdi: – Olaver! Navkar xanjar bilan haykalning peshonasini kavlashda davom etdi. Shunda Humoyun otgan yoy o‘qi uning bilagiga tegdi. Xanjar yerga tushib ketdi. Navkar bilagini changallaganicha orqaga o‘girildi. Yor Husaynbek qilichini sug‘urib: – Kim u? – deb o‘shqirdi-yu, Humoyun tomonga hamla qildi. Hin- dubek ham qilichini sug‘urib oldinga chiqdi: – Siz Yor Husaynbek bo‘lsangiz, bu oliy zot Bobur podshohning o‘g‘illari mirzo Humoyundirlar! Yor Husaynbek bu gapga ishongisi kelmay Humoyunga ko‘zlarini olaytirib tikildi. U eng avval Humoyunning egnidagi arg‘uvoniy to‘nni tanidi. Yoqalariga durlar qadalgan bu to‘n – Boburniki edi. Humoyun Panipat jangi arafasida Ibrohim Lod- ining Hamidxon degan lashkarboshisi bilan olishib, uni yenggan, uch yuzdan ortiq odamini asir olib kelgan edi. Bobur o‘g‘lining bu jasor- atiga qoyil bo‘lib, egnidagi shohona to‘nini o‘g‘liga kiydirgan, buni hamma beklar, shu jumladan, Yor Husaynbek ham ko‘rgan edi. O‘sha to‘n hozir ham Humoyunning egnida edi – uning xipcha gavdasiga bir oz katta kelib, yelkalari osilibroq turar edi. – Amirzodam, men sizni tanimabmen! – Yor Hu-saynbek qo‘lida qilichi bilan bir qadam orqaga chekindi. – Qilichni topshiring! – buyurdi Humoyun. – Amirzodam, men hazrat otangizga sodiq xizmat qilgan beklardanmen! – Ibodatxonada sug‘urilgan qilichni men podshoh hazratlariga eltib topshirishim kerak! – dedi Humoyun.– Siz yo‘lto‘sarlikdan tavba qilib, hazrati oliyn- ing xizmatiga kirgan ekansiz. Bugun yana talonchilik ko‘chasiga qay- 408 tmishsiz. Podshoh hazratlari ziyoratgohlarda nojo‘ya harakat sodir bo‘lmasin deb, buyurmagan edilarmi? Nechun nazarni bunchalik past qildingiz, bek? Yog‘iy xazinalaridan barcha jangchilar o‘z ulush- larini olgaylar! Bu xazina sizga ham yetib ortgay! Ibrohim Lodining odamlari shu haykalning peshonasidagi yoqutga tegmagan ekanlar. Ular qilmagan pastkashlikni qilish bizga isnod emasmi? Oling qilichi- ni! Mana bu nokas yigitlarni tutib hibsga elting! Toki boshqa yigitla- rimizga ibrat bo‘lsin! Xos navkarlar bu buyruqni bajarganlaridan keyin Humoyun Hin- dubekka barahmanni va uning qavmlarini ko‘rsatdi-da: – Janob bek, podshoh hazratlari bizga tayinlagan gaplarni bular- ga tarjima qilib bering, – dedi. Bularning dini boshqa. Lekin biz barcha g‘ayridinlarni bir xudoning bandalari deb bilurmiz. Biz Hindistonga yaxshi niyat- lar bilan keldik. Bu muazzam kishvarni hindlar bilan birga obod qilmoqchimiz. Kimki bizga hamkor bo‘lsa, hamkorlik qilurmiz! Hin- dubek tarjima qilgan bu so‘zlarni barahman va uning qavmlari bosh irg‘ab, ta’zim qilib eshitdilar. Shahzoda va uning odamlari chiqib ketgandan keyin esa barahman yana buddaning haykali oldiga ibo- datga kelib, butun minnatdorchiligini unga ayta boshladi. Muqad- das yoqutni olmoqchi bo‘lgan nokasning qo‘lidan o‘q yeb jazolani- shi buddaning irodasi bilan bo‘lganiga barahman o‘z qavmlarini ishontirishi zarur edi. Barahman – hindlarning ruhoniysi. Uzoq Sirdaryo vohalarida endi lola barg yozadigan salqin ha- mal oyida Jamna bo‘ylari avji saraton paytidagidek issiq edi. Kuni bo‘yi oftobda otliq yurib badani misday qizib ketgan Bobur kechki payt salqinroq joy izlab Jamna daryosining bo‘yiga keldi. Kunning issig‘idan tashqari peshindan so‘ng ichilgan aroqning tafti ham un- ing ichini yondirmoqda edi. Kobulda ko‘p ichib o‘rgangan beklar Pa- nipatdagi g‘alaba sharafiga har kuni bir-ikki joyda ziyofat berishib, uni taklif qilishardi. Issiq va sernam havoda ustma-ust ichilayotgan chog‘ir va aroqlar Boburning yuragini behalovat qilib, kechalari uyqusini qochirib yuborardi. Ko‘p ichib yotgan kunlari ertalab turib yo‘talsa balg‘amga qon aralashib chiqardi. Buni ko‘rgan hirotlik xos tabib Yusufiy: – Hazratim, o‘tinamen ichkilikni tashlang! – deya yalinardi. Boburning o‘zi ham uyqusiz behalovat bo‘lib yotgan kechalari 409 «endi tashlamasam bo‘lmas», derdi. Lekin kunduz biron tashvish- dan ko‘ngli g‘ash bo‘lsa yoki aksincha, kayfini chog‘ qiladigan yaxshi voqea yuz bersa, yana ichgisi kelib qolardi. Ayniqsa, ilk qadahlarni ichib, kayfi endi ko‘tarilib kelayotgan paytlarda beklari bundan key - ingi ichkilik majlisga taklif qilsalar osonlikcha rozilik berib qo‘yardi. Bugun peshindagi o‘ltirishda ham xuddi shunday bo‘lgan, «kechasi kemada bazm qilurmiz» deb beklarni o‘zi ziyofatga taklif qilgan edi. Holbuki tushda ichilgan mayning g‘ubori haligacha tarqamasdan borlig‘ini lohas qilmoqda edi. Bobur mulozimlari va xos navkarlari bilan Jamnaga yaqin- lashganda daryo bo‘yidagi ko‘kalam yalanglikda dafn marosimi o‘tkazayotgan barahmanlar, ayollar, keksa-yosh yuzdan ortiq oda- mlarni ko‘rdi. Bobur dafn marosimini yaqinroqdan kuzatmoqchi bo‘ldi-yu, otini o‘sha tomonga burdi. Panipatdagi jangning dahshatli tafsilotlarini eshitgan odamlar ot- liqlardan qo‘rqib, marosimni buzib qocha boshladilar. Bobur yaqin borganda yondirishga tayyorlab qo‘yilgan o‘lik oldida bitta motam- saro kelinchak, keksa ayol va munkaygan bir barahman chol qolgan edi. O‘tin ustida chalqancha yotqizib qo‘yilgan jasadning peshonasini to‘fangdan merganlarcha otilgan o‘q qoraytirib teshib o‘tgan edi. Bu rajput yigitni Bobur qaerdadir ko‘rganday bo‘ldi. Ha, Panipat jangidan bir kun oldin Humoyun Hamidxon degan afg‘on sarkardasi- ni yengib, uning uch yuz navkarini asir olib kelgan edi. Ibrohim Lodi bilan bo‘ladigan jang hali oldinda. Uning qo‘shini sakkiz barobar ko‘p. Shuning tahlikasi ta’sirida Bobur asirlarga nisbatan ayovsiz bir siyo- sat ishlatganini esladi. Ibrohim Lodi qo‘shinlarida to‘fang yo‘q. Asir olinganlar ham to‘fangdan odamni otib o‘ldirish mumkinligini bilishmaydi. Ular ko‘proq hind xudolaridan bo‘lmish Shivaning qahridan qo‘rqishadi. Rajputlarning e’tiqodi bo‘yicha, agar Shiva astoydil g‘azablansa, ikki ko‘zidan tashqari peshonasida uchinchi ko‘z paydo bo‘ladi. Shiva kimgaki shu uchinchi ko‘zining qip-qizil olovini sochsa, o‘t tekkan odam til tortmay o‘ladi... Bobur mana shu diniy e’tiqoddan harbiy maqsadda foydalan- moqchi bo‘ldi-da, asirlardan yuztasini bir chetga saf qildirdi. Ularn- ing qarshisiga yuzta to‘fangandozni qo‘ydi va yigirma qadam joydan o‘t ochishni buyurdi. O‘sha to‘fanglardan otib o‘ldirilgan asirlarning biri – peshonasidan o‘t tekkan mana shu yigit edi. 410 Tirik qolgan asirlar to‘fangdan otilgan olovli o‘q odamni qanday o‘ldirishini umrlarida birinchi marta ko‘rib dahshatga tushdilar. Ul- ardan biri osmonga qo‘l cho‘zib: – O Shiva! Rahm qil, Shiva! – deb baqirdi. Bobur vahimadan titrayotgan yuzta asirga tarjimon vositasida murojaat qildi: – Ha, bizda Shivaning ko‘ziday shafqatsiz olov sochadigan qurol bor! Sizlarni hozir ozod qilgaymiz. Borib yurtdoshlaringizga ay- tinglar! Biz bilan urushganlar mana shu olovning zarbidan halok bo‘lurlar! Urushmay taslim bo‘lganlar sizlar kabi omon qolurlar! Tirik qo‘yib yuborilgan yuzta asir bu gaplarni shaharu qishloqlar- ga tarqatdilar. Hozir Jamna bo‘yida dafn etilayotgan jangchi yigitning yaqinlari ham uning Shiva olovini eslatadigan bir balodan halok bo‘lganini eshitgan edilar. Marhum jangchining yoshgina xotini o‘zini erining jasadi bilan birga olovga tashlab kuydirishga tayyorlanmoqda edi. Bobur sochlari yoyilib yelkasiga tushgan kelinchakning yuzida o‘lim sharpasini ko‘rdi-yu, hindlardagi sati odatini esladi. Agar kelinchak tirik qolsa, umr bo‘yi azadorlik kiyimida yurishi, kuniga faqat bir marta ovqat yeb, boshqa er qilmay, to o‘lguncha azob-uqubatda yashashi kerak edi. Mabodo kelinchak bunday zabun hayotni o‘ziga munosib ko‘rmasa, sati odatiga bo‘ysunib, erining mur-dasi bilan birga olovda yonib ketishi kerak edi... Keksa barahman jasadning tagidagi o‘tinlarga birdan o‘t qo‘yib yubordi. Maxsus moy sepilgan o‘tin lovillab yonib ketdi. Kelinchak olov ichida qolayotgan jasadga qarab bir talpindi-yu, lekin joni shirin- lik qilib, orqaga chekindi. Bobur Hindubekka yuzlandi: – Nahotki shunday go‘zal kelinchak o‘zini olovga tashlasa? Bu ne- jaholat?! Barahmanga bizning buyrug‘imizni ayting! Kelinchakni olib ketsin! Hindubek otini chu-chulab barahman bilan kelinchakka ya- qinlashdi-da, hindchalab bir narsalar dedi. Kelinchak Boburga tez o‘girilib qaradi: – Fotihlarning podshosi shumi? Mening erimga Shivaning olovini shu odam sochganmi? – kelinchak ikki qo‘lini Bobur tomonga cho‘zdi: – Agar senda Shi- 411 vaning qudrati bo‘lsa erimni tiriltirib ber! O‘shanda men ham tirik qolurmen! Sen Shiva bo‘lsang, endi bizga rahm qil! Tiriltir! Hindubek bu iltijoni tarjima qilganda Bobur sarosima bo‘lib: – Hushi joyidami? – dedi. – Men Shiva emasmen! O‘lgan odam endi tirilmagay! Kelinchakni qutqaring! Bu gaplarning tarjimasini eshitgan kelinchak birdan g‘azablanib qichqirdi: – Shiva bo‘lmasang, nechun yolg‘on ovoza tarqatding? Nechun mening erimni o‘ldirding?! Endi mening o‘limimga ham sen sababchi bo‘lursen! Kelinchak olovga yaqinlashar ekan, Bobur Hindubekka: – Ushlang, ushlang! – dedi. Hindubek ot ustidan kelinchak tomonga intilib, uni o‘ngarib ol- moqchi bo‘ldi. Ammo kelinchak Boburga qarata: – Ket bosqinchi! Yo‘qol! Yurtingga ket! – deb qichqirdi-da, Hindu- bekka chap berib, o‘zini olovga otdi va erining yonayotgan jasadini quchoqlab oldi. Lovullab yonayotgan olov darhol kelinchakning harir kiyimlariga va yelkasida yoyilib yotgan qora sochlariga ilashdi. Bobur uning olov ichida achchiq og‘riqdan chinqirib yuborganini eshitdi, shunda ham jangchi erining jasadini quchog‘idan qo‘ymayotganini ko‘rdi-yu, lar- zaga kelib, otini orqaga burdi. U Jamnaning sokin qo‘ltig‘ida langar tashlab turgan ikki oshiyon- lik kemaga tomon otini yeldirib borayotganda orqadan esgan shamol olovda kuygan odam tanasining ko‘ngilni aynitadigan chuchmal hi- dini olib keldi. Kemaning pastki qavatida bakovul va oshpazlar podshoning tushlik taomi uchun kabob pishirmoqda edilar. Bobur kemaning «tolor» deb ataladigan boloxonasiga ko‘tarilayotganda, mang‘alda pishayotgan kabobning tutuni va hidi boyagi olovning chuchmal hi- dini eslatdi-yu, birdan ko‘nglini behuzur qildi. U bakovulga o‘girilib: – Mang‘alni o‘chirtiring! – dedi. – Hazratim, sizga tushlik... – Tushlik kerak emas. – Ammo kechqurungi ziyofat... – Ziyofat qoldirilsin!.. Bobur g‘amgin yuz bilan tolorga bir o‘zi chiqib keldi. Hademay pastki qavatga ham jimlik cho‘kdi. Shu jimlikda o‘zini olovga tash- 412 lagan kelinchakning chinqirig‘i go‘yo qayta eshitila boshladi... Pa- nipatdagi harbiy g‘alaba bu chinqiriq ta’sirida Boburga ma’naviy mag‘lubiyatdek tuyulib ketdi. Shiva haqidagi rivoyatdan siyosat uchun foydalangani ilgari harbiy ishda xatarli asnoda joiz bir cho- radek ko‘ringan bo‘lsa, endi olovda yongan go‘zal kelinchak buning qanchalik g‘ayriinsoniy shafqatsizlik ekanini uning ko‘ziga baralla ko‘rsatdi. Panipat zafari... Taqdir unga shunday ulkan g‘alabani nega Mova- rounnahrda bermadi? Vatanida jang qilsa, hech kim uni bosqinchilikda ayblay olmas edi-ku! Uzoqlarda qolgan Mohim begim esiga tushdi. Ko‘rmaganiga olti oy- dan oshyapti. So‘nggi marta suhbatlashganlarida Mohim begim bugun- gi dahshatlarni oldindan sezganday, qanchalik iztirobga tushgan edi!.. Boyagi kelinchakning: «Ket, bosqinchi! Ket!» deb qichqirgani un- ing qulog‘i ostidan ketmas edi. Bobur ichida: «Yorab, bu ne ko‘rgilik!» dedi-yu, xayolini boshqa biron narsa bilan band qilish uchun daf- tar-qalam oldi. Sevgan yoridan va tug‘ilib-o‘sgan diyoridan uzoqda u o‘zini behad tolesiz, baxtsiz sezgan paytlari ko‘p bo‘lar edi. Hozir ham shu og‘ir tuyg‘u yuragini chulg‘ab oldi. Bobur ko‘nglini daftariga bo‘shatgisi kelib, birinchi satrni yozdi: Tole’ yo‘qi jonimga balolig‘ bo‘ldi. U keng qirg‘oqlar orasidan tovushsiz jim oqib o‘tayotgan Jam- naga tikildi. Botib ketgan quyoshning quyuq shafag‘idan daryo suvi qizg‘ish ko‘rinadi. Boburning nazarida, daryo suvini shafaq emas, janglarda to‘kilgan qonlar qizartirib yuborganday tuyuldi. U iztirob bilan keyingi satrlarni yozdi: Har ishniki ayladim xatolig‘ bo‘ldi, O‘z yerni qo‘yib Hind sori yuz- landim, Yorab, netayin, ne yuz qarolig‘ bo‘ldi! G‘ira-shira qorong‘ilikda o‘ng qirg‘oqdan katta bir qayiq chiqib, kemaga qarab kela boshladi. Kemaning pastki qavatidan qo‘rchiboshi: – Kim u qayiqdagi? – deb so‘raganini Bobur ham eshitdi-yu, qay- iqqa tikilib qaradi. Qayiqning oltitami-sakkiztami eshkagi bor edi. – Mirzo Humoyun hazrati oliylarining huzurlariga ijozat so‘raydilar! – deb javob berdi qayiqdan yo‘g‘on bir tovush. Humoyun bilan ko‘pdan beri yakkama-yakka suhbatlasha ol- magan Bobur bugun o‘g‘li bilan bir dardlashgisi keldi-yu, pastdan savdarni chaqirdi: 413 – Ayting, Humoyun tolorga chiqsin! Ko‘p o‘tmay tolor zinasida vazmin qadam tovushlari eshitildi. Humoyun eshikdan kirganda Bobur uning chaqnagan navqiron ko‘zlariga, endi lab ustini qoplagan nozik mo‘yloviga, kuchga to‘lib turgan xipcha, sog‘lom gavdasiga havasi kelib tikildi. Boburni qiy- nayotgan iztirobli tuyg‘ular, uni behalovat qilgan issiqlar Humoyun uchun go‘yo yo‘q edi. «O‘n sakkiz yoshimda men ham shunday yigit edim-a, endi nimam qoldi?» degan o‘ydan Boburning ko‘ngli qattiq ezildi. Ota-bola ko‘rishib-so‘rashganlaridan so‘ng, Humoyun otasining ro‘baro‘siga cho‘kka tushdi-da, kulimsirab qo‘ynidan chiroyli sadaf quticha oldi. – Hazratim, shuni bir ochib ko‘ring. Bobur qutichani qo‘liga olib shoshilmay ochdi. Qora baxmal mato orasidan olmosga o‘xshash serjilva bir tosh yulduzday charaqlab ko‘rindi. Lekin toshning yong‘oqday kattaligiga qarab, Bobur uning olmosligiga ishongisi kelmasdi. Juda ko‘p xazinalarni va xilma-xil ja- vohirlarni ko‘rgan Bobur bunchalik katta olmosni hali uchratmagan, olmos donasining bu qadar ulkan bo‘lishini tasavvur ham etmas edi. – Bu qanday javohir? – deb so‘radi Bobur o‘g‘lidan. – Olmos emish. Bobur nur jilvasiga cho‘mib o‘ynayotgan toshni qo‘liga olib sal- moqlab ko‘rdi: – Vazni yetti-sakkiz misqol kelur. Nahot shunchalik katta olmos bo‘lsa? – Men bir muqayyimni chaqirib ko‘rsatdim. Mash-hur Ko‘hinur olmosi shu, dedi. Olamda bundan katta olmos yo‘q emish. Bahosi sandiq-sandiq oltinlardan baland emish. – Men Bangola podshosi Sulton Aloviddinda ulug‘ bir olmos bor deb eshitgan edim. Ta’rif qilgan edilarki, shu bitta olmos katta bir mamlakatning bir oylik sarfu xarajatini ko‘targay. – Muqayyimning aytishicha, mana bu olmosning qiymati tamomi olamning ikki yarim kunlik sarfiga barobar ekan. – Sen buni qaerdan olding? Humoyun o‘ng‘aysizlanib jilmaydi-yu: – Gvalior rojasining xaylxonasida peshkash qildilar,– dedi. – Nechun? Humoyun voqeani hikoya qilar ekan, Bobur Gvalior viloy- atida yuz yildan beri hokimlik qilib, juda katta boylik orttirgan 414 roja Bikramadit’yaning hashamatli qasrini ko‘z oldiga keltirdi. Bikramadit’ya Ibrohim Lodiga bo‘ysunmasdan, u bilan uzoq vaqt urush qilgan, oxiri Gvaliorni Ibrohimga berib, o‘zi Shamsobod de- gan joyga ko‘chib ketgan va ko‘p o‘tmay vafot etgan edi. Panipat- dagi g‘alabadan keyin Humoyun boshliq ilg‘orlar Dehlidan o‘tib borib ko‘p qasrlarni ishg‘ol qildilar. Shu qasrlardan birida o‘lib ket- gan o‘sha rojaning bo‘y yetgan ikki qiz, bir o‘g‘li va ularning onalari yashab turgan edi. Rojaning yigirma yoshlardagi o‘g‘li Humoyunni yaxshi qarshi oldi: – Sizlarning dushmanlaringiz bo‘lgan Ibrohim Lodi bizning ham dushmanimiz edi, uning mag‘lub bo‘lganidan biz shodmiz, – dedi. – Endi ruxsat beringizlar, biz Shamsoboddan ona yurtimiz Gvaliorga qaytib ketaylik. Humoyun ham yosh roja bilan iliq muomala qildi-yu, lekin Gvaliorga ko‘chib ketish uchun o‘zi ruxsat bera olmasligini, podshoh- ni kutish kerakligini aytdi. O‘sha kecha Vays degan bir bek ellikkacha yigiti bilan rojaning qasrida tunadi. Humoyunning o‘zi qasrning hov- lisidagi boqqa chodir tiktirib, kechasi chodirda uxlab yotganda ichka- rida ko‘tarilgan to‘polonni eshitib uyg‘onib ketdi. Qo‘rchilarini yoniga olib, qasr ichiga chopib kirsa, Vays-bekning yigitlaridan biri eshik oldida qonga belanib o‘lib yotibdi. Qandillarda shamlar yonib turibdi. Ikkinchi qavatning zinapoyasida turgan o‘n sakkiz yoshli go‘zal qiz chuvalib yotgan ipak sarisini titroq qo‘llari bilan olib, yalang‘och yelkasiga yopishga urinyapti. Rojaning o‘g‘lini besh-oltita navkarlar o‘rtaga olib, qo‘lidagi qilichini urib tushirishdi. Ma’lum bo‘lishicha, Vaysbek rojaning shu qizini yoqtirib qolib, navkarlari yordamida o‘z bo‘lmasiga kuch bilan olib keltirmoqchi bo‘lgan. Qizning akasi qilich yalang‘ochlab himoyaga chiqqan. Qizni ko‘tarib ketmoqchi bo‘lgan navkarni qilich bilan urib yiqitgan. Endi buning qasdiga navkarlar yosh rojaning o‘zini o‘ldirmoqchi edilar. Humoyun gap nimadaligini surishtirib bilgach, nav-karlarga: – Rojani bo‘shating! – deb buyurdi. – O‘z singillarini bunchalik mardona himoya qilgan yigit ehtiromga sazovor. Podshoh hazratlari bunday kishilar bilan yaxshi muomalada bo‘lishni buyurgan edilar. Farmoni oliyni unutgan shahvatparast Vaysbek hibsga olinsin! Qizni iliklamoqchi bo‘lgan navkarlar o‘n darra kaltaklansin! Xos navkarlar bu buyruqni bajarmagunlaricha Humoyun ularning tepasidan ketmay turdi. Bu orada zinapoyadan yosh rojaning onasi 415 qo‘lida kichkina sadaf quticha bilan tushib keldi. U oliy tabaqaning o‘qimishli ayollaridan edi, ko‘p tillarni bilardi, Humoyunga forschal- ab gapirdi: – Shahzoda, mening bisotimdagi eng katta boyligim– mana shu qutichaning ichida. Menga farzandlarim dunyoning hamma boyliklaridan azizroq. Siz o‘g‘limning jonini qaytarib bergandek bo‘ldingiz. Mana bu qutichada- gi ulug‘ olmosni sizga peshkash qilaman! – ... Voqeaning tafsili shu, – dedi Humoyun va otasiga «Bir navkarning o‘lgani-yu, Vaysbekning jazolangani uchun gap eshitmas- mikinmen?» degandek termilib qaradi. Bobur og‘ir tin oldi-yu: – Alqissa, bu go‘zal olmos ham zo‘ravonligu xunrezlik balosini ko‘rib kelmishmi? – dedi. – Hazratim, mendan xatolik o‘tgan bo‘lsa afv eting. Men o‘yladimki, o‘z or-nomuslarini shunday bebaho olmosdan ham ortiq qadrlay- digan odamlar g‘ayridin bo‘lsalar ham... – Rost, bu mamlakatda shunday or-nomusli odamlar borligini o‘ylasam, mening ham ko‘nglim ko‘tarilur, o‘g‘lim! Ammo bizning nazari past beku navkarlarimiz zo‘ravonligu talonchilik bilan hind elini bizdan cho‘chitmoqdalar. Axir bizning maqsadimiz faqat mam- lakat olmoq emas edi-ku. Biz Hindistonda katta davlat tuzish orzusini ko‘nglimizga tugib kelgan edik. Yagona qudratli davlat barpo etil- ishidan hind eli ham manfaatdor emasmi? Barcha o‘lkalar birlashsa, elning tinkasini quritgan ichki urushlar to‘xtamasmi? Ulus tin-chib, ilmu san’atning ravnaqi osonlashmagaymi? Buni sezgan hindistoniy- lardan Dilovarxon, Hindubek kabilar biz bilan hamkorlik qilmoqda- lar. Biz endi butun hind elining ko‘nglini olmoqqa intilmog‘imiz darkor, o‘g‘lim! – Hind elining ko‘nglini olmoq?! – taajjub bilan so‘radi Humoyun. – Qonli janglar vahimasidan qo‘rqib, shaharu qishloqlarini tashlab qochmoqda bo‘lgan ming-ming odamlarning ko‘nglini biz qandoq olg‘aymiz? Bobur Panjobda yo‘lni adashtirib, fotihlarni xarob qilmoqchi bo‘lgan filbonni va boya «Ket, bosqinchi!» – deb qichqirib o‘zini olov - ga tashlagan kelinchakni esladi: – Ha, bu juda mushkul muammo! – Bobur miz ustida turgan sadaf qutichani qo‘liga oldi. – Umidvormen, shoyad bu muammoni yechish- ga muyassar bo‘lsak. Axir mana sen bir qancha hindistoniylarning 416 ko‘nglini olmishsen-ku. Dehliga kelgan kuning ibodat- xonada bu el- ning muqaddas tuyg‘ularini himoya qilmishsen. Buning hammasiga loyiq mukofot mana shu olmosdir! Ol, haloling bo‘lsin! – Hazratim, – deb Humoyun qutichani olmay qo‘lini ko‘ksiga qo‘ydi, – bu olmosni men sizga atab keltirdim. Bobur sadaf qutichani yana miz ustiga qo‘ydi-yu, ovozi xiyol tov- lanib: – Sening bu saxovating uchun tangriga shukrlar qilamen, – dedi. – Panipat jangida sen menga eng birinchi bo‘lib zafar keltirding, qo‘shinning ruhini ko‘tarishga sababchi bo‘lding. Men hali bu xizmat- laringni ko‘nglimdagidek taqdirlaganim yo‘q. – Lekin sizning avvalgi in’omlaringiz mening butun umrimga yet- gulikdir, – deb Humoyun otasiga «Mubayyin»ni eslatgisi keldi. – Men ham sizga arzirlik bir armug‘on keltirish orzusida edim... – Unday bo‘lsa, mayli, men bu armug‘oningni bir marta qabul qilay. Endi shu olmos menikimi? – Sizniki! – Lekin taqdir menga dunyodagi barcha olmoslardan qimmatlir- oq bir mukofot bermishdir. Bu mukofot – mening sendek o‘g‘lim bor- ligidir. Tojdor, taxtdor ota-o‘g‘illar orasida qandoq yomon baxilliklar, qandoq razil xunxo‘rliklar bo‘lganligi senga sir emas. Men istaymen- ki, bu balolar senu menga hech vaqt yovuq kelmasin. Xudodan ti- lagim shuki, mendan senga, sendan avlodlaringga saxovatu mardlik, fidokorligu olijanoblik meros bo‘lib qolsin. Bu fazilatlar bizni ulkan tog‘ silsilasidek doimo bir-birimizga bog‘lab tursin. Ana o‘shandagina biz Hindistonga kelib ko‘zlagan ulug‘ maqsadlarimizga yetishgaymiz. – Siz aytgan ulug‘ maqsadlar uchun o‘g‘lingiz jonini berishga ham tayyor! – Bunga mening ishonchim komil. Shuning uchun bu noyob ol- mosni men faqat senga munosib ko‘rurmen. Ol! Humoyun endi o‘rnidan sakrab turdi-yu, sadaf qutichani ta’zim bilan otasining qo‘lidan olib, ko‘ziga surdi. Boburning boyagi behalo- vatligi va tushkun kayfiyati endi tarqab ketgan, ko‘nglida yana yaxshi istiqbolga ishonch tuyg‘usi mavj urar edi. U Humoyunga: – O‘tir, – dedi-da, qarsak chalib savdarboshini chaqirdi: – Hindu- bekni chorlang. Xo‘ja Xalifa bilan birga kirsin. Chaqirilganlar kelguncha Bobur Humoyunga Agradagi ahvol to‘g‘risida gapirib berdi: 417 – Qo‘rg‘onni Ibrohimning onasi, o‘g‘li, Malikdod Koroniy otliq vaziri mingdan ortiq xos askarlari bilan berkitib olmishlar. «So‘nggi odamimiz qolguncha jang qilurmiz» deb ahd qilmishlar. Bu ahdni bizning qo‘shin bir hamla bilan ko‘kka sovurmog‘i mumkin. Ammo yana xunrezlik bo‘lur, shahar buzilib, bizga kerakli qancha odamlar hayf ketur! Xo‘ja Xalifa va Hindubek tolorga ta’zim qilib kirishdi. Bobur ularni qarshisiga o‘tqazgach: – Sizlar Agraga bizdan elchi bo‘lib bormoqlaringiz kerak, – dedi. – Maqsad – qo‘rg‘onni jangsiz olish. Molu jonlari omon qolsin. Ibro- himning onasi Jamna bo‘yidan pargana so‘ragan emish. Mayli, beray- lik, Ibrohimning o‘g‘li arabcha-forscha o‘rgangan ilmlik o‘spirin em- ish, uni saroydagi obro‘li mulozimlarim qatoriga qo‘shay. Malikdod Koroniyni tadbirkor vazir deb eshitdim. Uni Hindiston muammolari bo‘yicha o‘zimga maslahatgo‘y qilib xizmatga olay. Borib, yaxshilab so‘zlashing. Yana qanday ma’qul tilaklari bo‘lsa qabul qilaylik. Xul- las, qirg‘in bo‘lmasin, beva-bechora ko‘paymasin, deb shu yo‘lni tut- moqdamiz... Ya’ni, sizlarning vazifalaringiz – qal’a olish emas, balki qal’adagilarning ko‘nglini olishdir! Og‘ir janglarning oldingi safida qon kechib yurgan Humoyun bi - lan Hindubek Boburning bu tadbiridan yengil tortishib, bir-birlariga mamnun qarab olishdi. Yüklə 1,78 Mb. Dostları ilə paylaş:
|