Atış şəkli
– yüngül tank əleyhinə vasitələrdən (tank əleyhinə qumbaraatan və yüngül tank
əleyhinə idarəolunan raket komplekslərindən) atəş əldən (çiyindən) və ya qoşaayaqdan açılır. Digər
ağır tank əleyhinə vasitələr dəzgahla təchiz edilir və ya döyüş texnikası üzərində quraşdırılır. Tank
əleyhinə toplar top qundağı və ya özüyeriyən baza üzərində qurulur. Dəzgah (top qundağı, döyüş
maşını) üzərindən atəş qoşaayaqdan atəşə, qoşaayaqdan atəş isə əldən atəşə nisbətən daha dəqiqdir,
atəş gücünə müsbət təsir göstərir. Lakin dəzgahlı tank əleyhinə vasitələrin döyüş sahəsində daşınması
və tez-tez yerdəyişmə həyata keçirməsi çətindir, bu isə, silahın mobilliyi və tətbiqiliyinə mənfi təsir
göstərir. Bununla belə, ekspertlər hesab edir ki, əldən atəşlə müqayisədə qoşaayaq və dəzgahdan (top
qundağından, döyüş maşınından) atəş 1.5 dəfə effektlidir.
Heyət sayı
– artıq olduqca düşmən tərəfindən aşkar edilmə və vurulma ehtimalı artır, ona
görə də bu say silahın yaşama davamlılığına mənfi təsir göstərir. Hesab olunur ki, bu təsir heyət sayı
ilə mütənasibdir.
Zirehdəlmə
– böyük olduqca, mərminin (raketin, qumbaranın) hədəfə dəydiyi təqdirdə onu
məhvetmə ehtimalını artırır, hədəfi, xüsusilə də qalın zirehə malik orta və ağır tankların məhv
edilməsi üçün vacib göstəricidir, atəş gücünə müsbət təsir göstərir; ölçü vahidi -
mm
.
İdarəetmə
– tank əleyhinə top və qumbaraatanlarda mərmi (qumbara) atıldıqdan sonra idarə
olunmur. Tank əleyhinə idarəolunan raket (TƏİR) komplekslərində raketlər əllə, yarımavtomat və ya
avtomatik rejimdə idarə olunur. Tank əleyhinə vasitələr üçün hədəf rolunu oynayan döyüş
texnikasının yüksəkmanevrli olmasını nəzərə alsaq, tank əleyhinə raketin idarə edilməsi hədəfin
vurulma dəqiqliyi baxımından çox vacibdir və atəş gücünə müsbət təsir göstərir. İdarəetməni
qiymətləndirmək üçün ekspertlərin rəyinə görə qəbul etmək olar: idarə olunmayan - 0, əllə idarəetmə
– 1, yarımavtomat rejimdə idarəetmə – 1.5, avtomatik rejimdə idarəetmə - 2.
Tədqiqat çərçivəsində tank əleyhinə vasitənin effektivliliyinin ədədi qiymət kimi təyin
olunması üçün [6]-da baxılan hipotezdən çıxış edəcəyik.
Tank əleyhinə vasitənin effektivlik dərəcəsi yuxarıda adı çəkilən taktiki-texniki göstəricilərin
xətti kombinasiyası kimi hesablana bilər, bu kombinasiyanın əmsalları silahın məlum olan effektivliyi
və taktiki-texniki xüsusiyyət göstəriciləri əsasında əlaqənin tədqiqindən təyin oluna bilər.
Beləliklə, tədqiqat işində tank əleyhinə vasitə kateqoriyasının effektivlik əmsallarına dair
mövcud məlumatlardan çıxış etmək lazım gələcək. Biz belə məlumatlar kimi, [2, s.74-75]-da olan
göstəricilərdən istifadə edirik. Onları cədvəl 1-də verək.
|