ƏETİ-nin elmi əsərləri məcmuəsi XXVIII (2017)
16
CIMMYT-dən alınmış qısa boylu, tez sünbülləyən, həyat tərzinə görə bioloji yazlıq olan
nümunələrdə inkişaf fazalarının sürətlə getməsi, onların payız əkinlərində vegetasiya illərindən asılı
olaraq tezliklə boruya çıxması və nisbətən soyuq havalarda sünbülləməsi sünbülcüklərdə
mayalanmanın normal getməməsinə səbəb olur. Tipik payızlıq formalarda isə gec sünbülləmə
(mayın II yarısı) hesabına dənin formalaşması və dolması fazalarının yaz-yay quraqlığının kəskin
dövrünə təsadüf etməsinə və qısalmasına səbəb olaraq məhsuldarlığa ciddi təsir etmişdir. Çoxillik
tədqiqatlara əsasən demək olar ki, vegetasiya illərindən asılı olaraq bəzi fərqlər olsa da payızlıq və
fakultativ yumşaq buğda pitomniklərində sünbülləmə suvarma şəraitində (Abşeron, Tərtər) aprel
ayının III (yanvarın 1-dən 115-120 gün) və may ayının I (yanvarın 1-dən 121-130 gün)
ongünlüklərinə təsadüf edir. Bu dövr bitkilərdə böyümə və inkişafın və fizioloji proseslərin normal
gedişi üçün əlverişli hesab olunur. Ona görə də aprel ayının III və may ayının I ongünlükləri aralığı
Azərbaycan şəraitində introduksiya olunmuş payızlıq və fakultativ yumşaq buğda sortnümunələri
üçün optimal sünbülləmə müddəti hesab oluna bilər.
Ümumiyyətlə, ekoloji sınaqlar zamanı introduksiya olunmuş nümunələrin yalnız 20%-i
yüksək məhsuldar olmuşdu. Məhsuldarlığına görə fərqlənənlərin də əksəriyyəti IWWIP
pitomniklərdən seçilmiş nisbətən tez sünbülləyən, orta boylu, pas xəstəliklərinə qarşı davamlı
payızlıq və fakultativ yumşaq buğda sortnümunələridir.
Dəniz səviyyəsindən 760 metr yüksəklikdə yerləşən Qobustan rayonunun dəmyə şəraitində
FAWWON-SA və IWWYT-SA pitomniklərindən seçilmiş perspektivli payızlıq
və fakültativ
yumşaq buğdaların sünbülləmə müddəti mayın I və II ongünlüklərinə (yanvarın 1-dən 124-139 gün)
təsadüf edir. Orta və hündürboylu qrupa daxil olan, pas xəstəliklərinə davamlılıqları ilə seçilən
perspektiv nümunələrin məhsuldarlıq göstəriciləri 4,6-7,7 ton/ha intervalında dəyişmişdir.
Beynəlxalq mərkəzlərlə birgə aparılmış çoxillik tədqiqatlar nəticəsində 7 yumşaq buğda
sortu (Əzəmətli 95, Nurlu 99, Qobustan, Tale 38, Qızıl buğda, Günəşli, Ləyaqətli 80) yaradılmış,
rayonlaşmış, seleksiya nailiyyətlərinin dövlət reyestrinə daxil edilmiş və patentləşdirilmişdir
17 .
Bu sortların respublikada əkin sahəsi 180 min hektardan artıqdır.Hər il Əkinçilik ET İnstitutunun
15‐23rd
FAWWON‐IR
141 (32,2%)
15‐23thFAWWON‐
SA
108 (24,7 %)
11‐19th IWWYT‐IR
65 (14,8%)
10‐18th IWWYT‐
SA
64 (14,6%)
13‐14th FAWWON
19 (4,33%)
9‐10th WWON‐IR
22 (5,02%)
8th WWON‐SA
9 (2,05%)
10th YET‐IR
5 (1,14%)
9th EYT‐SA
2 (0,46%)
8th WWEERYT
3 (0,7%)
Şəkil 6. 1996-2016-cı illər aralığında IWWIP proqramı çərçivəsində
alınmış müxtəlif təyinatlı pitomniklərdən seçilmiş
perspektiv buğda nümunələri
ƏETİ-nin elmi əsərləri məcmuəsi XXVIII (2017)
17
təcrübə təsərrüfatlarında, RAEİMM-lərdə və özəl toxumçuluq təsərrüfatlarında bu sortların 600
tona yaxın elit toxumları istehsal olunur və Kənd Təsərrüfatı Nazirliyinin bölgüsü əsasında özəl və
dövlət toxumçuluq təsərrüfatlarına verilir.
Cədvəl 3. Beynəlxalq pitomniklərdən seçilmiş yumşaq buğda sortları
s/s Sortun
adı Pitomnikin
adı Nümunənin adı Rayonlaşmışdır
Əkin sahələri, ha
1
Əzəmətli 95
16ESWYT-12
Priniya
2005
40000
2
Nurlu 99
Kanz
2005
5000
3
Qobsutan RBWON
(SAA)-2
Reg’s’//HD2206,HOZ
k’s
2007
110000
4
Tale 38
2
nd
WWONIR 227
SPN/NAC//ATILLA
2010
26000
5
Qızı buğda 7
th
WON-SA-473
SAULESKO
41/sadova 1
2014 200
6
Günəşli RBWYT/FA-21
Nee’s’/Sub’c’//sa’anine/al 2015
50
7
Ləyaqətli 80
7
th
WON-SA-465
Mv
17/3/8/TUI/MILAN/TUI
2017 2,0
Cəmi
7
181252
Beynəlxalq elmi əməkdaşlıq çərçivəsində yaradılmış Tale 38, Qızıl buğda və Ləyaqətli 80
yumşaq buğda sortları bilavasitə IWWIP proqramı çərçivəsində suvarma və yarım-quraq bölgələr
üçün hazırlanmış pitomniklərdən (2
nd
WWON-IR, 7
th
WON-SA) seçilmişdir (Cədvəl 3). Müvafiq
olaraq qrekum, lütessens və eritrospermum növmüxtəlifliklərinə aid olan bu payızlıq yumşaq buğda
sortlarının respublikada əkin sahəsi 26000 hektardan artıqdır. Hər il bu sortların 115 tondan artıq
elit toxumu istehsal olunur.
Aşağıda IWWIP proqramı çərçivəsində yaradılmış yumşaq buğda sortlarının qısa səciyyəsi
verilir:
Tale 38 yumşaq buğda sortu IWWIP proqramı çərçivəsində introduksiya olunmuş beynəlxalq
pitomnikdə (2
nd
WWON-IR-227) olan buğda genotiplərindən fərdi seçmə aparmaqla alınmışdır.
Növmüxtəlifliyi qrekumdur. Sort yüksək arxitektonikaya malik olub, ortaboyludur (92-97 sm),
vegetasiya müddəti 223-225 gündür. Suvarmada orta məhsuldarlığı 70,8 s/ha, potensial
məhsuldarlığı 80-90 s/ha-dır. 1000 dənin kütləsi 44-49 qramdır, dəndə zülalın miqdarı 13,8-14,5%,
kleykovinanın miqdarı 26-28%-dir. Sarı pasa orta davamlı, qonur pas və digər xəstəliklərə
davamlıdır. Respublikanın əsasən suvarma bölgəsində becərilməsi tövsiyə olunur. Sort 2010-cu ildə
rayonlaşmış, dövlət reyestrinə daxil edilmiş və patentləşmişdir.
Qızıl buğda yumşaq buğda sortu IWWIP proqramı çərçivəsində introduksiya olunmuş
beynəlxalq pitomnikdə (7
th
WON-SA-473) olan buğda genotiplərindən fərdi seçmə aparmaqla
alınmışdır. Növmüxtəlifliyi lütessensdir. Sort ortaboyludur (99-110 sm), vegetasiya müddəti dağlıq
və dağətəyi dəmyə bölgələrində 243-245 gündür. Orta məhsuldarlığı dəmyədə 48,3 s/ha, potensial
məhsuldarlığı 50-60 s/ha-dır. 1000 dənin kütləsi 41-48 qram, dəndə zülalın miqdarı 14,1-15%,
kleykovinanın miqdarı 28,0-36,2%-dir. Pas xəstəliklərinə orta davamlı, qışa və quraqlığa
davamlıdır. Əsasən respublikanın dağlıq və dağətəyi dəmyə bölgələrində becərilməsi tövsiyə
olunur. Sort 2014-cü ildə rayonlaşmış, dövlət reyestrinə daxil edilmiş və patentləşmişdir.
Ləyaqətli 80 yumşaq buğda sortu IWWIP proqramı çərçivəsində introduksiya olunmuş
beynəlxalq pitomnikdə (7
th
WON-SA-465) olan buğda genotiplərindən fərdi seçmə aparmaqla
alınmışdır. Növmüxtəlifliyi etritrospermumdur. Sort ortaboyludur (98-108 sm), vegetasiya müddəti
dağlıq və dağətəyi bölgələrdə 242-246 gündür. Orta məhsuldarlığı dəmyədə 54,2 s/ha, potensial
məhsuldarlığı 50-60 s/ha-dır. 1000 dənin kütləsi 39-41 qram, dəndə zülalın miqdarı 14,6-15,1%,
kleykovinanın miqdarı 30,0-34,0%-dir. Pas və unlu şeh xəstəliklərinə, qışa və quraqlığa davamlıdır.
Əsasən respublikanın dağlıq və dağətəyi dəmyə bölgələrində becərilməsi tövsiyə olunur. Sort 2017-
ci ildə rayonlaşmış, dövlət reyestrinə daxil edilmiş və patentləşmişdir.