ƏETİ-nin elmi əsərləri məcmuəsi XXVIII (2017)
9
I. GENETİKA, SELEKSİYA VƏ TOXUMÇULUQ
UOT 633.1
PAYIZLIQ BUĞDANIN YAXŞILAŞDIRILMASI ÜZRƏ BEYNƏLXALQ PROQRAM
ÇƏRÇİVƏSINDƏ ƏKİNÇİLİK ET İNSTİTUTUNDA APARILMIŞ
SELEKSİYA İŞLƏRİNİN YEKUNLARI
C.M.TƏLAİ
1
, F.Ə.ƏHMƏDOVA
1
, A.İ.MORQUNOV
2
, A.A.ZAMANOV
1
1. Azərbaycan KTN Əkinçilik ET İnstitutu, AZ10, Pirşağı qəs., 98, Sovxoz №2, Bakı
talai_akinchi@mail.ru
2. CIMMYT, a.morgounov@cgiar.org
Məqalədə dünyada və Azərbaycanda dənli bitkilərin əkin strukturu, buğdanın ümumi əkin sahəsi, son
beş ildə ümumi buğda istehsalı, iri istehsalçı ölkələr, payızlıq və fakultativ buğdaların nəmlik rejimindən
asılı olaraq əkin sahəsi, bioloji xüsusiyyətləri, IWWIP proqramı çərçivəsində introduksiya olunan payızlıq və
fakultativ yumşaq buğda nümunələrinin təsərrüfat göstəriciləri, seçilmiş perspektiv xətlər, rayonlaşmış və
patentləşmiş sortlar haqqında ətraflı məlumatlar verilmişdir. IWWIP proqramı çərçivəsində son iyirmi ildə
aparılan məqsədyönlü seleksiya işləri nəticəsində 3 sort (Tale 38, Qızıl buğda, Ləyaqətli 80) rayonlaşmış,
seleksiya nailiyyətlərinin dövlət reyestrinə daxil edilmiş və patentləşmişdir.
Açar sözlər: buğda, əkin strukturu, əkin sahəsi, buğda istehsalı, sort, seleksiya, məhsuldarlıq,
introduksiya, beynəlxalq pitomniklər, pas xəstəlikləri
Ключевые слова: пшеница, структура посева, посевная площадь, производство зерна, сорт,
селекция, урожайность, интродукция, международные питомники, ржавчинные болезни
Key words: wheat, sowing structure, area under crop, grain production, variety, breeding,
productivity, introduction, international nurserles, rust diseases
Dünya əhalisinin tədricən artması ölkələri ərzaq təhlükəsizliyinin təmin olunması məsələsinə
daha ciddi və həssaslıqla yanaşmaya sövq edir. Bu gün bəşəriyyətin qarşısında insanların ərzaq
məhsulları ilə etibarlı şəkildə təmin edilməsi kimi qlobal vəzifələr durur. Dövlətlər iqlim
dəyişmələri, müxtəlif təbii kataklizmlər fonunda aqrar sektorda ölkələrarası qarşılıqlı əlaqələrdə,
innovativ istehsal texnologiyalarına dair təcrübə mübadiləsi sahələrində yeni metodların
axtarışındadırlar. Kənd təsərrüfatının və ərzaq təhlükəsizliyinin gələcəyi iqlim dəyişmələri ilə sıx
bağlıdır. Ekspertlər hesab edirlər ki, iqlim dəyişikliyi dünyada k/t-nın stabil istehsalına mənfi təsir
edəcək. İqlim dəyişmələri quraqlıq, daşqın, torpaqların deqradasiyası və səhralaşması kimi təbii-
iqlim anomaliyalarına gətirib çıxaracaq. Bu da k/t məhsullarının istehsalının azalmasına və ərzaq
təhlükəsizliyinə ciddi təhlükə yarada bilər. İqlim dəyişmələri fonunda yerli şəraitə adaptasiya
olunan yeni quraqlığa və xəstəliklərə davamlı, yüksək məhsuldar və keyfiyyətli buğda sortlarının
yaradılması və tətbiqi mühüm tədbirlərdən biri hesab olunur. Bu isə fundamental və tətbiqi elmi
araşdırmaların molekulyar-biogeosenoz səviyyələrdə aparılmasını tələb edir.
Aqrar bölmənin əsas strateji sahələrindən olan taxılçılığın, xüsusən də buğdanın hər bir
ölkənin, o cümlədən Azərbaycan Respublikası əhalisinin ərzaq təhlükəsizliyinin təminatında xüsusi
yeri vardır. Buğda əsas ərzaq bitkisi olaraq dünya əhalisinin böyük əksəriyyətinin qida mənbəyini
təşkil etməklə həm istehsalına, həm də əkin sahəsinə görə dənli bitkilər içərisində aparıcı yerlərdən
birini tutur. Belə ki, orqanizmin zülal və karbohidratlara, əvəzolunmayan amin turşularına olan
tələbatının demək olar ki, yarısı çörək məmulatları hesabına ödənilir. Bundan başqa o, yağlar,
vitaminlər (B
1
, B
2
, B
6
, C, E, PP), minerallar (K, Ca, Mg, P və s.) və müxtəlif bioloji aktiv ferment-
lərlə də zəngindir. Rəsmi statistikaya görə yer kürəsində hər il insanların sayı 90 milyondan çox
artır və buğda istehsalının hazırkı səviyyəsi ilə müqayisədə bu artımı qarşılaya bilmək üçün gələ-
cəkdə buğda istehsalının 840 milyon tona çatdırılması zərurəti yaranmışdır. Hal-hazırda dünyada 1
milyarddan artıq insan və ya dünya əhalisinin 16%-i aclıqdan əziyyət çəkir. Beynəlxalq Ərzaq və
:9-19
ƏETİ-nin elmi əsərləri məcmuəsi XXVIII (2017)
10
Kənd Təsərrüfatı Təşkilatının (FAO) proqnozlarına görə artıq 2050-ci ildə qida məhsullarına olan
tələbat 2 dəfədən çox artacaqdır. Bu məqsədlə 2050-ci ildə dünya əhalisinin ərzaq məhsullarına olan
tələbatını ödəmək üçün 120 mln. hektar əlavə torpaq sahəsinin əkin dövriyyəsinə cəlb edilməsi
nəzərdə tutulmuşdur. Bu baxımdan taxıl məhsulları ilə təminat önəmli yerlərdən birini tutacaqdır.
Şəkil 1. Dünyada 2009-cu ildə ayrı-ayrı bitkilər
üzrə əkin strukturu
(mln. ha və faizlə ifadə edilmişdir), Mənbə: FAO, 2011.
Dünyada kənd təsərrüfatına yararlı torpaqlar və otlaqlar 4,8 mld. hektardır. Bu da quru
ərazinin 37 %-ni təşkil edir. Əkin altında olan torpaqların 30 %-i birbaşa bitkiçiliyə (28 %), yalnız
2%-i çoxillik əkmələrə (bağlar, plantasiyalar) aiddir. Hər il dünyada bitkiçilik məhsullarının
istehsalı üçün 1500 mln. hektar torpaq sahəsi ayrılır. Bunun da 15%-i buğdanın (225,44 mln. ha),
11%-i çəltiyin (161,42 mln. ha), 11%-i qarğıdalının (159,53 mln. ha), 4%-i arpanın (54,13 mln. ha),
2%-i darının (35,45 mln. ha), 3%-i sorqonun (43,74 mln. ha), 2%-i digər dənlilərin (28,79 mln. ha)
və 52%-i digər bitkilərin (791,51 mln. ha) payına düşür
1 . Göründüyü kimi, ərzaq təhlükəsiz-
liyinin təmin edilməsi baxımından strateji bitki hesab olunan buğda dünya əkin strukturunda üstün
mövqeyə malikdir. Bu baxımdan buğda dünyada digər kommersiya əhəmiyyəti kəsb edən
bitkilərdən əkin sahəsinin böyüklüyünə və dünya ticarətindəki yerinə görə fərqlənir (Şəkil 1).
Buğdanın insanlar tərəfindən becərilməsi qədim tarixə gedib çıxır. Buğda 8 min ildən artıqdır
ki, Avropa, Qərbi Asiya və Şimali Afrika kimi əsas sivilizasiyaların başlıca qida məhsullarından
hesab olunur. Buğdanın yer kürəsinin 30
0
və 60
0
şimal, 27
0
və 40
0
cənub en dairələrində becərilməsi
daha əlverişlidir
2 . Buğdanı bu en dairələrindən kənarda, qütb dairəsindən ekvatora yaxın
yüksəkliklərdə belə becərmək mümkündür. CIMMYT tərəfindən iyirmi il ərzində aparılmış
tədqiqatlarla müəyyən edilmişdir ki, buğdanın dünyanın isti regionlarında istehsalı texnoloji
baxımdan yerinə yetiriləndir
3 .
Buğda ekoloji baxımdan geniş becərilmə spektrinə və digər dənli bitki növlərilə müqayisədə
adaptasiya xüsusiyyətlərinə görə fərqlənir
4 . Bununla belə, buğdanın becərildiyi quru ərazinin
hissəsində düşən illik yağıntıların miqdarı orta hesabla 375-875 mm aralığında dəyişir. Onun illik
atmosfer çöküntülərinin miqdarı 250 mm-dən 1750 mm arasında dəyişən ərazilərdə belə,
becərilməsi mümkündür
5 . Optimal məhsul istehsalı vegetasiya müddətində kifayət qədər nəmlik
ehtiyatının toplanmasını tələb edir. Lakin yağıntıların həddindən artıq düşməsi yarpaq
xəstəliklərinin, kök çürüməsinin geniş vüsət almasına və nəticədə məhsul itkisinə gətirib çıxara
bilər. Buğdanın qışa davamlılıq xüsusiyyətləri onu Şimali Amerika, Rusiya Federasiyası, Ukrayna,
həmçinin Şərqi, Mərkəzi və Şimali Avropa, Türkiyənin şərq və İranın şimal-qərb, Çin və digər
müvafiq region ölkələrində becərilməsinə imkan verir. Bu baxımdan hər il dünyada müxtəlif nəmlik
rejimlərində təqribən 75 mln. hektarda payızlıq və fakultativ buğdalar əkilir (Cədvəl 1).
Digər bitkilər
791,51 (52%)
Buğda
225,44 (15%)
Qarğıdalı
159,53 (11%)
Çəltik
161,42 (11%)
Arpa
54,13 (4%)
Sorqo
43,74 (3%)
Darı
35,45 (2%)
Digər dənlilər
28,79 (2%)