İNSAN ALVERİNƏ QARŞI MÜBARİZƏ - DƏRS VƏSAİTİ
30
• Ailəyə, icmaya və ya insanlara
xəbər verməklə hədələmələr;
• Ailəyə qarşı zorakılıq (hədələmələr və ya tətbiq etmə);
• Pulu əlindən alma.
Təyinat yerində məcburetmə indikatorları
Güclü indikatorlar
• Sənədlərin alınması;
• Borc asılılığı;
• Məcburi tapşırıqlar
və ya müştərilər;
• Təcridetmə, azadlığı məhdudlaşdırma və ya nəzarət altına alma;
• Qurbana qarşı zorakılıqla hədələmələr;
• Qurbanlara qarşı zorakılıq.
Orta indikatorlar
• Qanunsuz / cinayətkar əməlləri
törətməyə məcbur edilmə;
• Həmyaşıdlara qarşı müəyyən hərəkətlər etməyə məcbur edilmə;
• Orqanlara, ailəyə və sairəyə yalan danışmağa
məcbur edilmə;
• Orqanlara xəbər verməklə hədələmə;
• Daha pis
iş şəraiti yaratmaqla hədələmə;
• Ailəyə, icmaya və ya insanlara xəbər verməklə hədələmələr;
• Güclü təsir altında olma;
• Ailəyə qarşı zorakılıq (hədələmələr və ya tətbiq etmə);
• Məvacibləri əlindən alma.
https://www.ilo.org/forcedlabour
Psixoloji məcburetmə dedikdə, qurbanın digər insanlarla münasibətləri, bir qrup həmyaşıdı və ya ailə
tərəfindən rədd edilmə və ya qınanma hədələri yaxud oğlan dostu və ya tərəfdaşı
hesab edilən şəxsin
qəzəb və ya narazılığı yaxud hədə-qorxu gəlmə başa düşülə bilər. Psixoloji məcburetmənin
anlayışının verilməsində mövcud çətinlik psixoloji sui-istifadə və məcburetmə hallarının digər
insanlara təsir göstərmək üçün psixoloji vasitələrdən necə istifadə edilə bilinməsini başa düşməkdə
çətinlik çəkən bir çox insanlardan gizlədilməsini daha asan edə bilər.
64
Bunlara qurbanların öz ərləri /
oğlan dostları tərəfindən xarici ölkələrə aparıldığı və sonra istismar məqsədilə insan alverçilərinə
satıldığı hallar aiddir.
65
Niderlandda “sevgili oğlan” hadisəsi on beş ildən çoxdur ki, bir problem kimi mövcuddur. “Sevgili
oğlan” hadisəsi, gənc, müdafiəsiz qızlara kömək edən, onların “oğlan dostuna” çevrilən və sonra isə
64
Hopper, E. Hildalqo, J.2006
Görünməyən zəncirlər; İnsan alveri qurbanlarını psixoloji məcburetmə, səh.185-
209, Mədəniyyətlər-arası İnsan Hüquqları Hüququnun İcmalı
65
Finneqan, V. 2008
İnsan alverçiləri əleyhinə tədbirlər, Nyu Yorker.
İNSAN ALVERİNƏ QARŞI MÜBARİZƏ- DƏRS VƏSAİTİ
31
onları fahişəliyə məcbur edən kişilər tərəfindən qayğının göstərilməsidir. Qurban ona ev və yaxşı
ödənişli işlərlə bağlı yalançı vədlər verilməklə və ya daha yaxşı həyat və evlənmə vəd edilərək xarici
ölkələrə aparılma ilə psixoloji məcburetmə formasında cəlb olunur. Qurbanların çoxu azyaşlılardır.
66
SNEEP işi - Aimelo Rayon Məhkəməsi, Niderland.
Məhkum olunma tarixi: 11/07/2008-ci il
Bu işdə altı müttəhim olmuşdur, onlardan hər biri bir və ya daha çox qadına münasibətdə insan
alverində təqsirli bilinmişdir. Əlavə olaraq beş müttəhim cinayətkar birlikdə və / və ya onu
yaratmaqda təqsirli bilinmişdir. “Birliyin bir xüsusiyyəti onun amansız və zorakı davranışı idi. Bu işdə
xeyli zorakılıq və hədə-qorxu halları var idi. Beş müttəhim “bu qadınların fiziki və əqli
toxunulmazlığına və öz müqəddəratını təyin etmək hüququna heç hörmətlə yanaşmamışdır”.
Cəzaların müddəti səkkiz aydan yeddi il altı ayadək dəyişirdi. Vurulan ziyana görə qurbanlara
kompensasiya, 50,000 avroya qədər ilkin ödənişlərlə, qismən ödənilmişdir.
İşdə müdafiə tərəfi ittiham aktında insan alveri ilə bağlı bəraətin verilməli olduğunu iddia etmişdir.
Ümumiyyətlə, iddia olunurdu ki:
- bu qadınlar müttəhimlə tanış olanda artıq
fahişəliklə məşğul olurdular;
- onlar fahişəliklə həmişə öz arzuları ilə məşğul olmuşlar;
- qadınların öz qazanclarını müttəhimlə bölüşmələrinin və ona ödənişlər etmələrinin səbəbi budur
ki, onlar bu şəxslə emosional münasibətlərə malik olmuşlar.
Müdafiə tərəfinin arqumentlərinə cavab olaraq, Məhkəmə Cinayət Məcəlləsinin 250(a) maddəsini
nəzərə almışdır. Bu, fahişəliyə məcburetməni (zorakılıq və ya digər hərəkət vasitəsilə yaxud
zorakılıqla və ya digər hərəkətlə hədələmə) və ya fahişəliyə meylləndirməni (işlərin faktiki
vəziyyətindən irəli gələn imkandan sui-istifadə etməklə və ya yanlış təsəvvür yaratmaqla) nəzərdə
tuturdu. Cinayət Məcəlləsinin 273f maddəsində sadalanan məcburetmə vasitələrinə aşağıdakılar
aiddir: məcburetmə, zorakılıq və digər hərəkət, zorakılıqla və digər hərəkətlə hədələmə, yanlış
təsəvvür yaratma və işlərin faktiki vəziyyətindən irəli gələn imkandan sui-istifadə etmə yaxud
müdafiəsizlik vəziyyətindən sui-istifadə etmə.
Bu halları müşayiət edən mühüm faktorlar kimi, qanunverici orqan digər məqamlarla yanaşı
aşağıdakıları da nəzərdə tutmuşdur: öz maliyyə vəsaitlərinə çıxış imkanına malik olmama, pasportun
əlindən alınması, etibarlı vizaya malik olmama və şəxsi fahişəliklə məşğul olmağı davam etdirməyə
məcbur edən geri ödəmə öhdəliyinin olduğu borclar. Qurbanın öz istismarına vermiş ola bildiyi
razılığı həlledici amil deyildir. Bundan başqa, qazanc üçün cinsi xidmətlər göstərən şəxs istismarçı ilə
öz münasibətlərini davam etdirmə və ya dayandırma ilə bağlı şüurlu şəkildə seçim etmək imkanına
malik olmadıqda və ya bu imkan məhdud olduqda könüllülükdən söhbət gedə bilməz. Əlaqəyə ilk
olaraq könüllü daxil olma faktı və / və ya şəxsin əvvəllər fahişəliklə məşğul olması özü könüllülük
əlaməti deyildir.
Aİ-nin insan alveri əleyhinə vebsaytı: qanunvericilik və presedent hüququ.
https://www.ec.europa.eu/dgs/home-affairs/
İqtisadi məcburetmə qurbanın böyük məbləğlərdə ödənişlər etməyə məcbur edildiyi, məvaciblərdən
böyük məbləğlərin tutulduğu və ya ümumiyyətlə, heç nə ödənilmədiyi hallardır. Bura şəxs üçün
faktiki və ya iddia edilən borcların ödənilməsini qeyri-mümkün etməklə, onun asılılıqda saxlanıldığı
66
Avropolun Biliklərə dair Hesabatı 2011,
Avropa İttifaqında insan alveri, səh.7.