İNSAN ALVERİNƏ QARŞI MÜBARİZƏ - DƏRS VƏSAİTİ
32
borc asılılığı da aiddir.
67
Borc asılılığını insan alveri halları ilə əlaqələndirmək çətin ola bilər və ola
bilsin ki, borc asılılığı halları ağır cinayət hesab edilməsin. Belə işlərdə həmişə zorakılıq və ya hərəkət
azadlığından məhrumetmə olmur və onlar ödənilməyən və ya böyük məbləğlərdə tutulmalarla
ödənilən məvaciblərlə bağlı olur.
BƏT tərəfindən əməli indikatorları müəyyənləşdirmək üçün Delfi tədqiqat layihəsində aparılan
araşdırmadan sonra aşağıdakı indikatorlar cəlbetmə mərhələsində və potensial qurbanın təyinat
yerinə çatdığı zaman məcburetmə halını göstərə bilər.
BƏT-in yaşlı insanların əməyinin istismarı ilə bağlı müəyyənləşdirdiyi əməli indikatorlar
Məcburi cəlbetmə indikatorları
Güclü indikator
• Qurbanlara qarşı zorakılıq
Orta indikatorlar
• Oğurlanma,
məcburi nikah, məcburi övladlığa götürülmə və ya qurbanı satma;
• Sənədlərin alınması;
• Borc asılılığı;
• Təcridetmə, azadlığı məhdudlaşdırma və ya nəzarət altına alma;
• Orqanlara xəbər verməklə hədələmə;
• Qurbana qarşı zorakılıqla hədələmələr;
• Ailəyə, icmaya və ya insanlara xəbər verməklə hədələmələr;
• Ailəyə qarşı zorakılıq (hədələmələr və ya tətbiqetmə);
• Məvacibləri əlindən alma.
Təyinat yerində məcburetmə indikatorları
Güclü indikatorlar
• Sənədlərin alınması;
• Borc asılılığı;
• Təcridetmə, azadlığı məhdudlaşdırma və ya nəzarət altına alma;
• Qurbanlara qarşı zorakılıq.
Orta indikatorlar
• Qanunsuz / cinayətkar əməlləri törətməyə məcbur edilmə;
• Məcburi tapşırıqlar
və ya müştərilər;
67
ATƏT 2011-ci il
. İnsan alveri: potensial və təxmin edilən qurbanların müəyyənləşdirilməsi. İcma siyasət
yanaşması. səh.8
İNSAN ALVERİNƏ QARŞI MÜBARİZƏ- DƏRS VƏSAİTİ
33
• Həmyaşıdlara qarşı müəyyən hərəkətlər etməyə məcbur edilmə;
• Orqanlara, ailəyə və sairəyə yalan danışmağa
məcbur edilmə;
• Orqanlara xəbər verməklə hədələmə;
• Daha pis iş şəraiti yaratmaqla hədələmə;
• Qurbana qarşı zorakılıqla hədələmələr;
• Güclü təsir altında olma;
• Ailəyə qarşı zorakılıq (hədələmələr və ya tətbiq etmə);
• Məvacibləri əlindən alma.
Zəif indikator
• Ailəyə, icmaya və ya insanlara xəbər verməklə hədələmələr.
https://www.ilo.org/forcedlabour.
Borc asılılığı “normal halda həmin xidmətlərin dəyəri borcların aradan qaldırılması üçün tətbiq
edilmədiyi halda yaxud bu xidmətlərin göstərilmə müddəti və onların xüsusiyyətləri uyğun şəkildə
məhdudlaşdırılmadıqda və ya təyin olunmadıqda, borclu şəxs tərəfindən onun öz şəxsi və ya onun
nəzarəti altında olan şəxsin xidmətlərinin göstərilmə vədindən irəli gələn vəziyyət və ya şərait”
kimi
anlaşılır.
68
Borc asılılığı nədir?
İnsan alverinin qurbanları çox vaxt borc asılılığına məruz qalırlar. İnsan alverçisi qurbana səfərin təşkil
edilməsində, iş və qalmaq üçün yer tapmaqda kömək edə və sonra ondan göstərilən xidmətlərə görə
borcu “işləməklə ödəməyi” tələb edə bilər.
Səciyyəvi olaraq, şəxs, mahiyyətçə istismar xarakterli şərtləri qəbul etmək üçün aldadıla bilər, belə ki,
qanunsuz aşağı məvaciblər və qanunsuz yüksək faiz dərəcələri, insan alverçisinə iddiaya görə
ödənilməli olan məbləğin ödənilməsini faktiki mümkünsüz edən borcun artması vəziyyətini yaradır.
Borc asılılığı habelə yol sənədlərini əlindən alma, zorakılıq və onlara və ya onların ailələrinə qarşı
zorakılıq hədələri ilə insan alverinə məruz qalan şəxslərin bu vəziyyətdən çıxmasının qarşısı alına
bilər.
Hətta qurbanlar borc asılılığının haqsız olduğunu başa düşdükləri halda onlar üçün kömək tapmaq
çətin olur. Dil, sosial və fiziki maneələr çox vaxt onların kimdənsə yardım almasına mane olur.
İstismarın qurbanlarına, çox vaxt, aşağıdakı kimi, əməyin intensiv olduğu (çox zəhmət tələb olunan)
və / və ya tənzimlənməyən sahələrdə rast gəlinir:
• Kənd təsərrüfatı;
• Ev qulluğu;
• Tikinti, mədən işi, daş karxanaları və kərpic bişirmə zavodları;
68
BMT-nin Köləliyin, kölə ticarətinin və köləliyə bənzər halların aradan qaldırılması haqqında Əlavə
Konvensiyası, 1956-cı il, maddə 1(a)
İNSAN ALVERİNƏ QARŞI MÜBARİZƏ - DƏRS VƏSAİTİ
34
• İstehsal, emal və qablaşdırma;
• Fahişəlik və cinsi istismar.
Bu sahələri çox vaxt təhlükəli, çətin və çirkli işlər kimi xarakterizə etmək olar və onlar çox vaxt
xüsusiyyətlərinə görə oxşar olurlar. Səciyyəvi olaraq onlarda aşağı ödəniş və aşağı səriştəlilik
səviyyələri olur.
İnsan alveri üzrə çoxtərəfli qrup.
https://www. allpartygrouphumantrafficking.org/the-iues/debt-bondage.
Oğurlanma kimisə güc tətbiq etməklə və ya yalandan inandırmaqla başqa yerə aparmaqdır. Uşağın
qaçırılması ilə bağlı işlədildikdə, bu söz himayəçilik hüquqlarını pozaraq uşağın qaçırılması və ya
saxlanması anlaşılır. İnsan alveri ilə bağlı oğurlanmanın hər hansı bir ayrıca anlayışı yoxdur.
Dələduzluq; dələduzluq anlayışına görülməli işlərin və ya göstərilməli xidmətlərin xüsusiyyətləri
barədə şəxsi sözlərlə və ya davranışla yanlış yola yönəltmə kimi başa düşülən aldatma hərəkətləri
aiddir (qanuni iş, iş şəraiti, şəxsin öz yaşayış yerini sərbəst şəkildə tərk edə biləcəyi hüdudlarla bağlı
vədlər və şəxsin istismar olunduğu digər şəraitlər).
69
BƏT-in əməyin istismarı üçün yaşlı insanların alveri ilə bağlı müəyyənləşdirdiyi əməli indikatorlar
Aldatma yolu ilə cəlb etmə indikatorları
Güclü indikator
• İşin mahiyyəti, yeri və işəgötürən barədə aldanılma.
Orta indikatorlar
• İş şəraiti barədə aldanılma;
• Əmək müqaviləsinin məzmunu və qanuniliyi ilə barədə aldanılma;
• Ailənin yenidən birləşəcəyi barədə aldanılma;
• Mənzil və yaşayış şəraiti barədə aldanılma;
• Hüquqi sənədləşmə və ya qanuni miqrant statusunun alınması barədə aldanılma;
• Səyahət və seçim şərtləri barədə aldanılma;
• Əmək haqları / qazanc barədə aldanılma;
• Nikah və ya övladlığa götürmə vədləri ilə aldanılma.
Zəif indikator
• Təhsil imkanlarından yararlanma barədə aldanılma.
https://www.ilo.org/forcedlabour.
UNODC-nin İnsan alveri əleyhinə Nümunəvi Qanunda aldatmanın anlayışı aşağıdakı kimi verilir:
69
ATƏT 2011-ci il.
İnsan alveri: potensial və təxmin edilən qurbanların müəyyənləşdirilməsi. İcma siyasət
yanaşması. səh.8