91
Makromaliyyə sabitliyinin təmin edilməsi və qorunub saxlanması makro və
mikro səviyyə iqtisadiyyatın düzgün qurulmasından asılıdır. Makromaliyyə sabitliyin
möhkəmləndirilməsi və davamlı iqtisadi inkişaf sahibkarlığın inkişaf etdirilməsindən
asılıdır. Sahibkarlıq fəaliyyətini inkişaf etdirmək və əlverişli investisiya mühitini
yaratmaq üçün vergi dərəcələri, vergi yükü yol verilən həddə olmalıdır. Vergi
dərəcələrinin yüksək olması ölkəyə investisiya axınının qarşısını alır və nəticədə
tədiyə balansının pozulmasına gətirib çıxarır. Müxtəlif ölkələrin təcrübəsinə əsasən
demək olar ki, vergi tutulmalarının səviyyəsi artdıqca iqtisadi artım tempi aşağı
düşür. Əksinə vergi yükü azaldıqca həm mikro həm də makro səviyyədə iqtisadi
inkişafa nail olmaq olar.
Cari il üzrə proqnoz məlumata görə vergilərin ümumi həcmi, vergi yükü,
vergilərin gəlirlərdə payı azalmışdır. Vergi yükü 20 %-dən, büdcə kəsiri 2-3 %-dən
aşağı proqnozlaşdırılır. Yol verilən həddədir, büdcə-vergi sistemində sabit vəziyyət
gözlənilir.
Lakin dövlət büdcəsinin əsas gəlirləri neft gəlirləri olduğundan son zamanlar da
neftin qiymətinin aşağı düşməsi büdcə gəlirlərinə təsir edə bilər. Bunun üçün büdcə-
vergi siyasətinin əsas istiqaməti qeyri-neft sənayesinin inkişafına yönəldilməlidir.
Ə
ks halda proqnoz göstəriciləri özünü doğrultmaya bilər.
Bu gün Azərbaycanda qeyri-neft sektorunun inkişaf strategiyasının işlənib
hazırlanması və həyata keçirilməsinə xüsusi diqqqət yetirilir. Respublikada qeyri-neft
sektorunun inkişafı üzrə strategiya iki əsas istiqamətidir:
- bu sektorda struktur islahatların aparılması ilə onun inkişafının dəstəklənməsi;
- neft gəlirlərin düzgün idarə olunması vasitəsilə makroiqtisadi sabitliyin
qorunub saxlanılması.
Qeyri-neft sektorunun stimullaşdırılması strategiyası isə öz növbəsində bir çox
kompleks tədbirlərin həyata keçirilməsini tələb edir. lk növbədə qeyri-neft
sektorunda biznesin daha da həvəsləndirilməsi, onun kreditləşdirilməsi
mexanizmlərinin yaradılması və bu istiqamətdə neft gəlirlərindən fəal istifadə mühüm
şə
rtdir. Digər tərəfdən, qeyri-neft sektorunda vergi dərəcələrinin neft sektoruna
92
nisbətən aşağı salınması, investisiyaların stimullaşdırılması, özəlləşdirilən
müəssisələrdə texnoloji yeniliklərin həvəsləndirilməsi və bununla bağlı layihələrin
kreditləşdirilməsi də diqqət mərkəzində saxlanılır.
Respublikamızda qeyri-neft sektorunun inkişafı ilə bağlı ikinci strateji istiqamət
isə neft bumu nəticəsində makroiqtisadi sabitlik üçün yarana biləcək təhlükələrin
aradan qaldırılmasıdır. Burada əsas vəzifə milli valyutanın möhkəmlənməsi və
inflyasiyanın normal səviyyədə saxlanılmasıdır. Bizcə bu məqsədlə müvafiq dövlət
siyasəti aşağıdakı prinsiplərə əsaslana bilər:
• neft gəlirlərinin nəzərdə tutulmuş səviyyəsindən artıq hissəsinin yığım
fondunda cəmləşdirilməsi, az olan hissəsinin isə həmin fondun vəsaiti ilə
kompensasiya olunması;
• dövlət xərclərinin orta və uzunmüddətli sosial-iqtisadi inkişaf proqramlarına
uyğun həyata keçirilməsi və onun kəskin artmasına yol verilməməsi;
• büdcə xərclərinin artırılması zamanı onun məcmu tələbin komponentlərinə
ayrılıqda göstərdiyi təsir və təklifin strukturu ilə uyğunluğuna diqqət yetirilməsi;
• dövlət xərcləmələrinin idarə olunmasının təkmilləşdirilməsi və maliyyə
intizamının möhkəmləndirilməsi.
Tədqiqatlar göstərir ki, kiçik və orta sahibkarlığın qeyri-neft sektorunda
sürətləndirilməsi “Hollanda sindromu” ilə üzləşmiş bütün ölkələrdə iqtisadi artımın
və məşğulluğun hərəkətverici qüvvəsinə çevrilməklə həlledici rol oynamışdır. Bunun
üçün kiçik və orta sahibkarlığın inkişafının dövlət maliyyəsi hesabına dəstəklənməsi
mühüm şərtlərdəndir. Bu mənada hal-hazırda Azərbaycanda sahibkarlığın inkişafına
dövlətin müxtəlif forma və metodlarla maliyyə dəstəyinin artırılması təqdirə layiq
haldır. Lakin, dövlət büdcəsindən bu məqsədlə ayrılan vəsaitin mövcud həcmi kiçik
və orta sahibkarlığın inkişafının kompleks dəstəklənməsi baxımından kifayət deyildir.
Dövlət vəsaitlərinin kiçik və orta sahibkarlıq subyektləri arasında səmərəli
yerləşdirilməsi mexanizmində də çatışmamazlıqlar və problemlər mövcuddur. Bu
baxımdan, məqsədli kreditlərin yerləşdirilməsi üzrə kommersiya banklarının
93
fəallığının artırılmasına, bu məqsədlə müxtəlif formada güzəşt tədbirlərinə ehtiyac
duyulur.
Azərbaycanda qeyri-neft sektorunun inkişafı potensialının tam reallaşmasına
yönəlmiş bütün tədbirlərin kompleks şəkildə həyata keçirilməsi ixracyönümlü və
idxal əvəz etmə inkişaf strategiyalarının effektiv sintezinə imkan verən müvafiq
iqtisadi mexanizmlərin işlənməsi və realizasiyası əsasında mümkündür. Belə ki,
müvafiq modellərin əksəriyyəti ilkin olaraq xarici bazarlara texnoloji baxımdan sadə
məhsulların çıxarılması ilə xarakterizə olunur. Həmin məhsulların əsas hissəsini
yüngül sənaye malları təşkil edir. Sənayeləşmə prosesi dərinləşdikcə isə bu ölkələrin
ixracı texniki baxımdan daha mürrəkkəb və kapitaltutumlu məhsullarla, o cümlədən
istehsal təyinatlı məhsullar ilə zənginləşir. Şübhəsiz ki, bütün bunlar Azərbaycanda
yerildiləcək müvafiq strategiyanın işlənməsində nəzərə alınmalıdır. Çünki, mövcud
potensial, ölkədə sintez olunmuş modelin tətbiqi üçün imkanlar yaradır. Beləliklə,
yaxın illər ərzində Azərbaycan höküməti qarşısında ixracyönümlü və idxalı əvəz edən
sahələrin dövlət dəstəyi mexanizminin formalaşdırılması çərçivəsində inkişaf
etdirilməsi kimi mühüm vəzifə dayanır.
Dostları ilə paylaş: |