_____________ Milli Kitabxana_____________
200
Həcivətlə birgə osmanlıların ilk paytaxtı Bursa
şəhərində sultan Orxan Qazi (1281-1362), osmanlı
padşahlarının ikincisi, üçün tikilən məscidin inşasında
çalışırlarmış. Çox tənbəl və şəbədəbaz olan bu iki
kimsə günlərini zarafatla keçirərmiş. Onlar başqa
işçiləri də söhbətlərinə cəlb edər, maraqlı lətifələr
söylər və deyib-gülüb əylənərmişlər. Beləliklə,
məscidin tikintisi Qaragöz və Həcivətin sayəsində
xeyli ləngiyir. Orxan Qazi bunu eşidib, guya ki,
qəzəblənir və onların hər ikisinin asılmasına əmr verir.
Çox çəkmir ki, sultan öz əməlindən peşman olur. Sən
demə, Qaragöz və Həcivət vaxtilə Orxan Qazinin
sarayında uğurla təlxəklik edib və onun sevimlilərinə
çevriliblərmiş. Hadisələrin belə gedişatı sultanı
sarsıdır və o, qüssədən xəstəliyə düşür. Bu zaman
Şeyx Küştəri adlı bir sufi osmanlı sultanını sağaldaca-
ğını boynuna götürür. Onu saraya gətirirlər. Şeyx
Küştəri öz çalmasını pərdəyə çevirir, başmaqlarının
altından kukla düzəldir və bir şam yandırıb pərdənin
arxasına keçir, başlayır Qaragöz və Həcivətin səsi ilə
məzəli əhvalatlar danışmağa. Orxan Qazi bundan
hədsiz dərəcədə zövq alır, Şeyx Küştərinin işindən
xoşhallanır, gülümsünür və sağalır. Odur ki, bu
fərziyyənin tərəfdarları Bursanı “Qaragöz” kölgə
teatrının ilk yaranma məskəni bilirlər. Hətta Bursada
Həcivətlə Qaragözün güman edilən məzarları da var.
_____________ Milli Kitabxana_____________
201
2. “Qaragöz” kölgə oyununu texnikası
“Qaragöz” kölgə teatrının tamaşaları ağ pərdə
arxasında oynanılır. Adətən bu pərdənin ölçüləri
1x1.20 m hüdudlarında olur. Pərdə əksərən batist və
ya yunla ipək qarışığından toxunulmuş xüsusi
parçadan hazırlanır. Qaragözçülər bu pərdəni
“AYNA” adlandırırlar. Pərdəni 4 barmaq qalınlığında
piltəsi olub zeytun yağı ilə işlədilən lampa və ya iri
gövdəli şamla işıqlandırırlar. “Qaragöz” teatrının
pərdəsi üzərində görünən şəkillərə xəyalçılar
“TƏSVİR” deyir. Təsvirlər bir qayda olaraq 35-40
sm. ölçülərində xüsusi dəridən kəsilir. Yumşaq və
elastik olduğundan dəvə dərisinə üstünlük verilir.
Camış və ya inək dərisindən qaragözçülər az-az
faydalanırlar. Əvvəlcə dəri təmizlənir, aşılanır, sonra
isə mıxçalarla tarıma çəkilir və şəffaflaşana qədər
qurudulur. Təsvirlər məhz belə dəridən düzəldilir.
Onlar dəridən kəsildikdən sonra arxa tərəfdən çox
böyük ustalıqla və nəfis şəkildə rənglənir. Dəri o
dərəcədə zərif olur ki, lampa işığı dəridən süzülüb axır
və pərdə üzərində rəngli şəkilləri görükdürür.
Təsvirlərin boynunda, qol və qıçlarında xüsusi
dəliklər açılır ki, xəyalçı bu dəliklərdən təsvirləri
hərəkətə gətirmək üçün yararlanır. Təsvirlər uzunluğu
60 sm. , bir ucu latın “V” hərfi formasında olan çubuq
_____________ Milli Kitabxana_____________
202
vasitəsilə pərdəyə yaxınlaşdırılır və oynadılır.
Qaragözçülər buna “xəyal ağacı” deyirlər.
Türklər kölgə tamaşalarını idarə edən kuklaçını
“qaragözçü” və ya “xəyalçı” adlandırırlar. Təsvirləri
oynadan, onları danışdıran, səsləndirən və bütövlükdə
əhvalatı nəql edən sənətçi odur. Hərçənd kölgə
tamaşalarında qaragözçü həmişə öz köməkçisilə birgə
işləyir. Xəyalçılar öz köməkçilərini “yardak” deyib
çağırırlar. Oyun zamanı yardak qaragözçüyə bir-bir
təsvirləri verir, dəf çalır, təqlidlərin mahnısını oxuyur.
“Qaragöz” kölgə teatrında dekorlar yoxdur, lakin
müəyyən predmetlərdən (onları əlbəsə də adlandırmaq
düzgün sayılmaz) hər halda istifadə edilir. “Qaragöz”
kölgə teatrında dekorları əvəz edən bu predmetlər
hətta bəzən dil açıb danışa da bilir. Tamaşalar adətən
ney və dəflə müşayət olunur. Pərdə üzərində hər
kölgənin öz məxsusi yeri var. Tamaşaçıya
münasibətdə Qaragöz sağda, Həcivət isə solda dayanır.
Güya ki, bu onların evidir. “Qaragöz” kölgə teatrının
tamaşaları həmişə improvizə, nağıl və fantaziyadı.
_____________ Milli Kitabxana_____________
203
3. “Qaragöz”ün kompozisiyası və personajları
“Qaragöz” tamaşası 4 hissədən ibarət bir kölgə oyunudur.
Xəyalçılar bunlara Giriş (proloq), Muhavere (dialoq, söhbət),
Fəsil (məclis, iş) və Bitiş (final) deyirlər. Oyundan öncə pərdə
üzərində dekor xarakterli predmetlərin kölgəsi görünür.
Çiçəklərlə dolu saxsı güldan, ağac, fəvvarəli çarhovuz, tovuz
quşu, qəlyan bu siyahıda birinci yerləri tutur. Nə vaxt ki, tütək
şən bir musiqi ifa edir, predmetlər ekrandan götürülür və Giriş
başlanır. Girişdə Həcivət öncə bir mahnı oxuyur. Sonra “hay
hakk” deyib bir pərdə qəzəli söyləyir. Pərdə qəzəlində adətən
dünyanın faniliyindən, insan ömrünün ötəriliyindən, adamların
mahiyyətə, cövhərə vara bilməyib görkəmə, formaya
aldanmasından danışılır. Qəzəldən sonra o, Allaha, hökmdara
dua edib uca tanrıdan xahiş edir ki, bu gün ona başa düşən,
diqqətli, qanacaqlı tamaşaçılar göndərsin. Elə bu zaman
pərdənin sağ tərəfindən Qaragöz qəfil bir tərzdə yumbalanıb
ekrana sıçrayır. Mayallaq aşarkən Qaragöz papağını itirir.
Seyrçilər onun keçəlini görüb gü-lüşürlər. Qaragöz bundan
acıqlanır və hirslənib rastına çıxan Həcivəti döyür. Həcivət
qaçır, Qaragözsə tək qalır. Onun acığı soyuyan kimi Həcivət
qayıdır. Məhz bu andan da onlar arasında dialoq başlayır. Bu,
artıq Muhaveredir. Geniş kontekstdə götürdükdə bu söhbətin
kölgə tamaşasının süjetinə heç bir dəxli yoxdur. Muhavere
zamanı Qaragöz Həcivətlə yalnız söz güləşdirir, savadlı bir
adam olan Həcivətin bütün dediklərini tərsinə yozur, onu lağa
qoyur, təngə gətirir. Son tədqiqatlar Muhaverelərin sayının 60-
a yaxın olduğunu göstərir. Muhaverenin davam müddəti heç
vaxt konkret müəyyənləşdirilmir: çünki bu, həmişə
qaragözçünün fərdi improvizələri və sənətçi bacarığı ilə
bağlıdır. XVIII yüzilin türk səyyahı Evliya Çələbinin verdiyi
Dostları ilə paylaş: |