_____________ Milli Kitabxana_____________
192
17. Zülfiqar // Zülfüqar - Əlinin ikiağızlı qılıncının
adıdır. Şəbihlərdə adətən divardan asılırdı.
18. Zülcənah - İmam Hüseynin atının adı,
“qoşaqanad” deməkdir. Əza qafiləsində at zinpuşla
yəhərlənir, sağrısına 88 ox “sancılır”, atın başı tovuz
və ya dəvə quşu lələkləri ilə bəzədilir, üstünə qana
bulaşmış ağ göyərçinlər qondurulurdu.
19. İmamhəng - imamın tərəfdarları, əshabələr.
20. Yezid - şəbih personajı, ərəb xəlifəsi. Tamaşa
zamanı başında şəbkülah və ya zəngin şal, yaxud yaşıl
çalma, əynində isə sarı xələt ya da qara ləkəli qırmızı
geyim olurdu.
21. Küffar qoşunu - dinsizlər qoşunu. Şəbihlərdə
onlar qırmızı geyinirdilər, qara atlara minmirdilər,
nizələrin ucuna insan başlarını bildirən nəsnələrə və
ya iri limon taxırdılar.
22. Səllə - Əza qafiləsində tuğ və ələmlə yanaşı
aparılan bayraq növü.
23. Haşiyə-sütun və ya kətəbə - Üstündə Quran
yazısı olan basma naxışlı pərdələr.
24. Üqab - Həzrət Abbasın mindiyi atın adı, “qartal”
deməkdir. Əza qafiləsində atın belinə əlləri kəsilmiş
bir müqəvva oturdulur, ətrafında isə qara köynəkli
uşaqlar mərsiyə oxuyurlar.
25. Xeyməgah - Əza qafiləsində İmam Hüseyn
tərəfdarları üçün ayrılmış bir neçə çadırdan ibarət yerə
verilən ad.
_____________ Milli Kitabxana_____________
193
26. Təndirəcuzə - Əza qafiləsində xərək üstə
gəzdirilib içəridən işıqlandırılan bir təndir modeli.
Rəvayətə görə Şümr imamın kəsilmiş başını əvvəl
təndirdə gizlədibmiş. Lakin arvadı təndirdən nur
çıxdığını görüb onu açır və mətləb faş olunur.
3. İranda kukla tamaşaları
Fars mədəniyyətində kukla tamaşalarının növləri çeşid-
çeşid olub. “Xeymeyi şəb-bazi”, “Çaderxəyal”, “Keçəl Pəh-
ləvan” XVI əsdən üzü bəri məşhurdur. Düzdür, bu tarixi XII
yüzilə aparıb bağlayanlar da mövcuddur. Böyük mənada isə
fars kukla teatrı bütün dünyada “Keçəl Pəhləvan” adı ilə tanınır.
Lakin “Keçəl Pəhəvan” teatr deyil, kukla oyunu növü deyil,
xüsusi janr deyil, farsların “Pənc” kukla teatrının tamaşasıdır.
Bir sıra alimlər bu fikrdədirlər ki, Keçəl Pəhləvan türk
Qaragözünün fars variantıdır, onun doğma qardaşıdır. Hərçənd
bəzi tədqiqatçılar “Keçəl Pələvan”la “Qaragöz”ün oyun
texnikasını səhvən eyniləşdirirlər. Halbuki “Qaragöz” kölgə
teatrıdır.
“Pənc” kukla teatrının “Keçəl Pəhləvan” tamaşası üstü
tamam açıq olan özünəməxsus bir çadır içində göstərilirdi.
Xeymənin hündürlüyü təqribən metrə yarım olurdu. Kuklaçı bu
çadırın “divar”ları arasında məskunlaşıb kuklaları seyçilər
qarşısında oynadırdı. Bu kuklaların boyu 40-50 sm. idi: onların
qarın nahiyəsində dəlik yeri saxlanılırdı və kuklaçı bu dəliyə
uzun çubuq taxıb kuklanı xeymə üstündə hərəkətə gətirirdi.
“Keçəl Pəhləvan” tamaşası tütək, dəf və nağara ilə müşayət
olunurdu. Tamaşada çoxsaylı personajların kuklalarından
istifadə edilirdi. Burada kuklaların maksimal miqdarı heç vədə
konkretləşdirilmirdi: hər şey kuklaçının fərasətindən,
hünərindən və improvizə etmək bacarığından asılı idi. Ancaq
_____________ Milli Kitabxana_____________
194
“
Keçəl Pəhləvan” kukla tamaşasında kuklaların
minimal sayı 5 personajdan az olmamalıdır. Bu, bütün
tamaşalar üçün mütləqdir. Həmin personajlar
bunlardır: Şeytan,_Rüstəm,_Axund_və_Zən.__Keçəl_Pəhləvan'>Keçəl Pəhləvan, Şeytan, Rüstəm, Axund
və Zən.
Keçəl Pəhləvan fars folklorunun dazbaş
nəhəngidir, atletdir, güclüdür, hiyləgərdir, fırıldaqçıdır,
dələduzdur, arvadbazdır. Xaraktercə, bədii mündəricə
etibarı ilə Keçəl Pəhləvan türk Qaragözünün eynidir.
Ona “Kəl Pəhləvan” da deyilir. Şeytan ara qarışdıran
bir kimsədir, kukla tamaşasının diskursu çərçivəsində
adamları bir-birilə salışdırır, gülünc vəziyyətlərin
yaranmasına bais olur. Rüstəm “Şahnamə”dən
tanınan Rüstəm-zal adlı qəhrəmanın adaşıdır,
haradasa onun komediya variantıdır. “Pənc” kukla
teatrının Rüstəmi Şərq Don Juanıdır: ucdantutma
bütün qadınlar ona məftundur. Burada türk
Qaragözünün keyfiyyətləri elə bil ki Keçəl
Pəhləvanla Rüstəm arasında paylaşdırılır. Axund
“Pənc” teatrının Həsən xoca və ya Məhəmməd xoca
adıyla çıxış edən personajıdır, ruhaniliyin
nümayəndəsidir. O, həpənd, küt, sadəlövh bir adamdır.
Həsən xocanı hamı dolayır: arvadı ilə qızı isə onun
başına oyun açıb axırda Axundu ev- dən qovurlar.
Düzdür, Axund xeyirxahdır, amma köməksizdir. Bun-
dan əlavə onun bir bağışlanmaz eybi də var: Axund
fasiləsiz-filansız içməyi xoşlayır. Fars tədqiqatçıları
söyləyirlər ki, Keçəl Pəhləvanda farsların bütün aktiv,
_____________ Milli Kitabxana_____________
195
fəal keyfiyyətləri, Axundda isə bütün passiv
keyfiyyətləri toplanıb. Zən “Pənc” kukla teatrının
beşinci mütləq personajıdır. Fars dilində “zən” qadın
deməkdir.
İranın digər şəhərləri Tehran, Şiraz və Təbrizdə
də nəfis kuklalar düzəldirdilər. Bu kuklalar olduqca
mütəhərrik idi və “xeymeyi şəb-bazi” kukla teatrı
üçün hazırlanırdı. Çubuqlar vasitəsilə bu kuklaların
çənəsini, əl və ayaqlarını tərpətmək imkanı vardı. Bu
kuklaları İranda “Şah Səlim” adlandırırdılar. “Şah
Səlim” “xeymeyi şəb-bazi” kukla teatrının tamaşasıdır.
“Çaderxəyal” kimi kukla (ipli kuklalar) teatrı da,
“Fanusxəyal” kimi kölgə teatrı da İran teatr
mədəniyyətinin ənənəvi formalarının təmsilçiləridir.
Öz quruluşu etibarı ilə “Fanusxəyal” maraqlı bir
kölgə oyunudur. “Fanus” sözü farsca “fənər”, “lampa”
kimi anlaşılır. Kuklaçı əlinə bir lampa götürüb onun
fitilinin hərəki oturacağına fiqurlar calaşdırırdı.
Oturacaq hərləndikcə fiqurlar bir-birini əvəzləyirdi və
ekranda kölgələr anbaan dəyişirdi. Bu növbələşməni
kuklaçı nağılla məharətlə uyğunlaşdırıb tamaşa
yaradırdı.
Farsların kukla teatrı ilə bilavasitə bağlı tamaşa
növü “Təqlid” adlanır. Doğrudur, bir çox səyyahların
fikrinə görə farslar elə bir xalqdır ki, hər gördüklərinə,
- küçə savaşına, qoç döyüşünə, it boğuşmasına, -
“tamaşa” deyirlər. Bu sırada “Təqlid”in yeri xüsusidir.
Çünki tədqiqatçılar belə güman edirlər ki, “Təqlid”
Dostları ilə paylaş: |