__________________________________________
439
Agqoyunlular dövlətinin (1468), Səfəvilər dövlətinin (1501) paytaxtı
olmuşdur. XV-XVII əsrlərdə Təbriz Yaxın Şərqin mühüm sənətkarlıq və
ticarət mərkəzlərindən idi. Təbrizi, «Şərqin paytaxtı»da adlandırırdılar.
1826-28-ci illər Rusiya-İran müharibəsi nəticəsində Türkmənçay
müqaviləsinə (1828) görə Təbriz İranın hakimiyyəti altında qaldı. - 112,
113,116,118,119,120,124,126,127,128,129,134,135,136,137,165,166,169,
173,174,175,179.
115. Stalin, İosif Vissarionoviç (1879-1953) - 1922-53-cü illərdə SSRİ-
nin partiya və dövlət rəhbəri. Sosializm qurucüluğuna dair Lenin planını,
SSRİ-nin Böyük vətən müharibəsində (1941-45) müdafiə qabiliyyətinin
möhkəmləndirilməsində və s. rəhbər kimi iştirak etmişdir. Fəaliyyətində
nəzəri və siyasi səhvlərin çoxluğu, kobud qanun pozuntuları, bəzi mənfi
xüsusiyyətləri Stalinin şəxsiyyətinə pərəstişin yaranması ilə nəticələndi. 30-
cu illərdə baş verən və milyonlarla insanın repressiyasına səbəb olan qanlı
cinayətlər məhz onun səhvlərinin nəticəsidir. Təkcə 1937-ci ildə
Azərbaycanda «xalq düşməni» kimi 29 min nəfər güllələnmiş və ya sürgün
edilmişdi. - 114,116,363.
116. Xatəmi, Məhəmməd Xatəmi (d.l943) - İranın siyasi, ictimai və
dövlət xadimi. 1989-92-ci illərdə İranın mədəniyyət və islam orijentasiyası
naziri, 1997-2005-ci illərdə İran İslam Respubluikasının prezidenti
olmuşdur.-115,117,118,122,126,129,130,168,169,170.
117. Cəbrayıl — Azərbaycan Respublikasında inzibati rayon. 1930-cu
ildə təşkil olunmuşdur. Sahəsi 1050 km
2
, əhalisi 45,8 min nəfər idi. 1993-cü
ildə erməni silahlı qüvvələri tərəfindən işğal edilmişdir. - 116,122.
118. Zəngilan - Azərbaycan Respublikasında inzibati rayon. 1930-cu ildə
təşkil olunmuşdur. Sahəsi 707 km
2
, əhalisi 28,4 min nəfər idi. 1993-cü ildə
erməni qəsbkarları tərəfindən işğal edilmişdir. - 116,122.
119. Şəhriyar, Məhəmmədhüseyn Hacı Mirağa oğlu (1906-1988) -
görkəmli Azərbaycan şairi, XX əsr Cənubi Azərbaycan və
__________________________________________
440
İran poeziyasının ən böyük nümayəndələrindən biri. Azərbaycan və fars
dillərində yazmışdır. Şairin «Heydərbabaya salam» poeması təkcə onun
yaradıcılığında deyil, eləcə də bütün müasir Cənubi Azərbaycan poeziyasında
yeni mərhələdir. Burada Cənubi Azərbaycan təbiətinin gözəllikləri, xalqın
adət və ənənələri, ana yurduna tükənməz oğul məhəbbəti əlvan poetik
boyalarla, canlı xalq dilində tərənnüm edilir. Poemada doğma yurdu
Azərbaycanın ikiyə bölünməsini böyük ürək ağrısı ilə nəql edir. Poemanın ən
böyük məziyyəti onun xəlqiliyindədir. Poema Cənubi Azərbaycanda anadillu
poeziyaya geniş yol açmışdır. Şəhriyarın yaradıcılığı bütün türk dünyasında
böyük şöhrət qazanmışdır. - 116,120,121, 129,177,178,179.
120. Xərrazi Seyid Kamal (d.l945) - İranın siyasi və dövlət xadimi,
pedaqoji elmləri doktoru, professor. 1998-2005-ci illərdə İran İslam
Respubluikasının xarici işlər naziri olmuşdur. Hazırda İran İslam
Respublikasının Ali Məsləhət Şurasının üzvü və Strateji Tədqiqatlar
Mərkəzinin rəhbəridir. - 117.
121. Naxçıvan Muxtar Respublikası (1920-23-cü illərdə Naxçıvan
Sovet Sosialist Respublikası, 1923-24-cü illərdə Naxçıvan Muxtar Diyarı,
1924-90-a illərdə Naxçıvan Muxtar Sovet Sosialist Respublikası, 1990-cı
ildən Naxçıvan Muxtar Respublikası) - Azərbaycan Respublikasının
tərkibində muxtar dövlət.
Muxtar respubüka ərazisinin sahəsi 5,5 mil km
2
, əhalisi 372,9 min
nəfərdir. Hazırda 7 inzibati rayonu (Babək, Culfa, Ordubad, Sədərək, Şahbuz,
Şərur, Kəngərli), 4 şəhəri (Naxçıvan, Ordubad,Culfa, Şərur), 9 qəsəbəsi, 160
kənd inzibati ərazi dairəsi var. - 118,123,367.
122. Vasif Talıbov, Vasif Yusif oğlu (d. 1960) - dövlət xadimi, 1995-ci
ildən Azərbaycan Respublikası Milli Məclisinin və Naxçıvan Muxtar
Respublikası Ali Məclisinin deputatı, Naxçıvan Muxtar Respublikası Ali
Məclisinin sədridir. - 118,126.
123. Abbasəli Həsənov, Abbasəli Kərəm oğlu(d.l 953) - şərqşünas,
diplomat. 1998-ci ildən Azərbaycan Respublikasının İranda fövqəladə və
səlahiyyətli səfiridir. Eyni zamanda 1998-ci ildən EKO-da İqtisadi
Əməkdaşlıq Təşkilatında idarə heyətinin üzvü, hazırda isə sədridir. -119,178.
__________________________________________
441
124. Məşhəd - İranın şimal-şərqində şəhər. Xorasan ostanının inzibati
mərkəzi. Əhalisi 1,8 milyon nəfərdir. Məşhəd haqqında ilk məlumat X əsrin
sonuna aiddir. Məşhəd şiələrin müqəddəs şəhəri sayılır. Burada İmam Rzanın
məqbərəsi var. Məşhədin yaxınlığında böyük fars şairi Firdovsinin qəbri
qorunub saxlanılır. - 119,126,135.
125. İmam Rza - şiəlik məzhəbinə etiqad edənlərin səkkizinci imamı.
119,131,135,177.
126. Yaşar Əliyev, Yaşar Tofiqi (d.l948) - cərrah həkim, professor,
diplomat. 1990-cı ildən Azərbaycan Respublikası Ali Sovetinin, 1994-cü
ildən isə Milli Məclisin deputatı olmuşdur. Hazırda Çin Xalq
Respublikasında Azərbaycan Respublikasının fovqəladə və səlahiyyətli
səfiridir. - 120,121,122.
127. Rəfael Allahverdiyev, Rəfael Xanəli oğlu (d. 1945) -1993-2001-ci
illərdə Bakı Şəhər İcra Hakimiyyətinin başçısı. 1995-2000-ci illərdə Milli
Məclisin deputatı olmuşdur. - 120.
128. Artur Rasizadə, Artur Tahir oğlu (d. 1935) - Azərbaycanın dövlət
xadimi. SSRİ Dövlət mükafatı laureatı. 1986-92-ci illərdə Azərbaycan
Respublikası Baş nazirinin birinci müavini vəzifəsində işləyib. 1996-cı ildən
Azərbaycan Respublikasının Baş naziridir. Azərbaycan Respublikasının
«İstiqlal» ordeni ilə təltif olunmuşdur. - 120.
129. Haşimi Rəfsancani, Haşimi Əliəkbər Rəfsancani (d.l934) - 1989-
98-ci illərdə İran İslam Respublikasının prezidenti olmuşdur. - 125,130.
130. Nizami Gəncəvi, İlyas Yusif oğlu (1141-1209) - dahi Azərbaycan
şairi və mütəfəkkiri. Dünya ədəbiyyatı tarixinə məsnəvi formasında yazdığı
beş epik poemadan ibarət «Xəmsə» müəllifı kimi daxil olmuşdur. Nizami
Gəncəvinin ilkin Şərq Renessansının zirvəsi olan yaradıcılığında dövrünün ən
humanist, ümumbəşəri ictimai-siyasi, sosial və mənəvi-əxlaqi idealları parlaq
bədii əksini tapmışdır. Nizami Gəncəvi Yaxın Şərq ədəbiyyatında mənzum
roman janrının əsasını qoymuş, yeni
Dostları ilə paylaş: |