__________________________________________
433
sının prezidenti olmuşdur. Ayaz Mütəllibov işində ciddi səhvlərə yol vermiş,
nəticədə Ermənistan silahlı qüvvələri Dağlıq Qarabağdan azərbaycanlı əhalini
çıxarmış və ərazini işğal etməyə nail olmuşlar. - 86, 87.
86. Surət Hüseynov, Surət Davud oğlu (d.I959)-l993-94-cü illərdə
Azərbaycan Respublikasının Baş naziri olmuşdur. 1994-cü ilin oktyabrında
Azərbaycanın müstəqilliyinə, suverenliyinə qarşı yönəlmiş çevriliş cəhdinə
rəhbərlik etmişdir. - 87, 333.
87. Gəncə (1804-cü ilədək və 1918-35-ci illərdə Gəncə, 1804-1918-ci
illərdə Yelizavetpol, 1918-1990-cı illərdə Kirovabad) - Gəncə Azərbaycanın
qədim şəhərlərindəndir. Sahəsi 107 km
2
, əhalisi 237 min nəfərdir. Gəncənin
salındığı tarix dəqiq məlum deyil. Bəzi müəlliflər Gəncənin Makedoniyalı
İsgəndərin dövründə (e.ə.336-323), başqaları isə e.ə. II eramızın IV əsrləri
arasında salındığını göstərirlər. X əsrin ortalarından Gəncə iri siyasi, iqtisadi
və mədəni mərkəzə çevrildi. İpəkçilik, dulusçuluq və sənətkarlıq xüsusilə
inkişaf etmişdi. XI əsrin 2-ci yarısı -XIII əsrin əvvəllərində Gəncə Yaxın və
Orta Şərqin mühüm ticarət, sənətkarlıq, siyasi və mədəni mərkəzlərindən idi.
IV-XVII əsrlərdə Gəncə dəfələrlə xarici işğalçılar tərəfindən dağıntılara
məruz qalmışdır. XVIII əsrin ortalarında Azərbaycanda yaranan müstəqil
feodal dövlətlərindən biri də Gəncə xanlığı idi.
1796-cı ildə Rusiya ordusu Gəncəni tutdu. Lakin II Yekaterinanın
ölümündən sonra Rus ordusu geri çağırıldı. Gülüstan müqaviləsinə (1813)
əsasən Gəncə tamamilə Rusiyaya birləşdirildi.
1918-ci il mayın 27-də Tiflisdə yaranmış müsavat hökuməti iyunun 16-da
Gəncəyə köçdü. Gəncə ilk müstəqil Azərbaycan Xalq Cümhuriyyətin
paytaxtı olmuşdur.
Gəncə sənaye məhsulları istehsalına görə Bakıdan sonra ikinci şəhərdir.
Şəhərdə ağır və yüngül sənaye sahələri inkişaf etdirilir.
Gəncədə «Regionların inkişafı Dövlət proqramının» həyata keçirilməsi
nəticəsində yeni sənaye müəssisələri işə düşmüş və əhali yeni iş yerləri ilə
təmin olunmuşlar. - 87, 175, 179.
88. 1994-cü il oktyabr hadisələri - Oktyabrın 3-də Gəncə və Qazaxda,
həmçinin Bakıda Azərbaycanın dövlətçiliyinə, müstəqilliyinə düşmən olan
qüvvələr tərəfindən dövlət çevrilişi cəhdi nəzərdə tutulur. Həmin
__________________________________________
434
gün Bakıda fövqəladə vəziyyət elan edilmiş və Azərbaycan Prezidenti
Heydər Əliyev televiziya və radio ilə xalqa müraciət etmişdi. Gecə olmasına
baxmayaraq Bakı və ona yaxın yerlərdən yüz minlərlə insan Prezident Sarayı
qarşısına toplaşaraq milli və vətəndaşlıq həmrəyliyi nümayiş etdirərək
Heydər Əliyevin siyasətini dəstəkləmişlər. - 87.
89. Rəhim Qazıyev, Rəhim Həsən oğlu (d. 1943) – texnika elmləri
namizədi. 1992-93-cü illərdə Azərbaycan Respubluikasının müdafiə naziri
olmuşdur. Ordu quruculugunda kobud səhvlərə yol vermiş, nəticədə
Azərbaycan torpaqlarının bir hissəsi, o cümlədən Şuşa şəhəri ermənilər
tərəfindən işğal olunmuşdur. - 87, 296.
90. 1995-ci 11 mart hadisələri - Martın 12-13-də Qazax və Agstafa,
martın 16-17-də isə Bakının 8-ci kilometr qəsəbəsində Xüsusi Təyinatlı Polis
Dəstələrinin bir qrup üzvünün silahlı çıxışı nəzərdə tutulur. Respublika
rəhbərliyinin qəti tədbirləri nəticəsində çevriliş cəhdinin qarşısı alındı və
silahlı dəstə tərksilah olundu. - 87, 88.
91. OMON
-
1992-95-ci illərdə Daxili İşlər Nazirliyinin tərkibində olan
Xüsusi Təyinatli Polis Dəstələri (XTRD) - 87.
92. Elçibəy, Əliyev Əbülfəz Qədirqulu oğlu (1938-2000) - 1989-cu ildə
yaradılan AXC-nin, sonralar AXCP-nin sədri. 1992-93-cü illərdə Azərbaycan
Respublikasının prezidenti olmuşdur.- 87
93. «Şevron» - dünyanın ən iri beynəlxalq enerji və kimya
şirkətlərindən biri. Baş ofisi Amerikanın San-Fransisko şəhərində yerləşir.
Neft və kimya sənayesinin bütün sahələrində iş görən «Şevron»un dünyanın
100-ə qədər ölkəsində 450 filialı, tərəfdaşı və birgə müəssisəsi fəaliyyət
göstərir. Müxtəlif ölkələrdə 41 000 işçisi var. - 91.
94. Amerika Senatı ABŞ-da Konqresin yuxarı palatası nəzərdə tutulur. -
98.
__________________________________________
435
95. Ey-Bi-Si,
«Amerikan Brodkastinq Kompani» -ABŞ-ın ümummilli
teleradio kompaniyalarında biri. Əsası 1943-cü ildə Vaşinqtonda
qoyulmuşdur. - 100.
96. Azərbaycan Xalq Cümhuriyyəti - Müsəlman Şərqində ilk dəfə
dünyəvi, demokratik respublikanın əsasını qoymuş müstəqil Azərbaycan
dövləti. Cəmi 23 ay (1918-ci il mayın 28-də yaradılmış, 1920-ci il aprelin 28-
də bolşeviklərin və daşnakların səyi ilə devrilmişdir) yaşamışdır. Paytaxtı
əvvəlcə Gəncə (1918, 16 iyun - 17 sentyabr), sonra Bakı şəhəri (1918, 17
sentyabr - 1920, 28 aprel) idi. Azərbaycan hökuməti yeni suveren milli
dövlətin müxtəlif problemlərinin həlli yollarında böyük əzmlə çalışırdı.
Nazirlər Şurasının 27 iyun 1918-ci il tarixli fərmanı ilə respublikada dövlət
dili türk dili elan edildi. Azərbaycan Respublikasının parlamenti 1919-cu il
avqustun 11-də Azərbaycan vətəndaşlığı haqqında qanun qəbul etdi. Xalq
maarifi sahəsində qısa müddətdə böyük tədbirlər həyata keçirildi. Qori
müəllimlər seminariyasının Azərbaycan şöbəsi Qazaxa köçürüldü, Bakı
Dövlət Universiteti təsis edildi, xarici ölkələrdə kadr hazırlığı məqsədi ilə
1919-20-ci tədris ilində 100 nəfər gənc Avropanın müxtəlif təhsil
müəssisələrinə göndərildi. Məktəblərin xeyli hissəsi milliləşdirildi,
kitabxanalar açıldı, savadsızlığın ləğvi üçün kəndlərdə kurslar yaradıldı.
Azərbaycan Xalq Cümhuriyyətinin dövlət rəmzləri (üçrəngli bayraq, gerb,
himn) milli Azərbaycan rəmzləri kimi tanındı. Azərbaycan dövlət bankı
yaradıldı, 1918-ci ilin martında dağıdılmış neft sənayesi və Bakı-Batum neft
kəməri bərpa edildi. - 102, 244.
97. Cəfər Cabbarlı, Cəfər Qafar oglu (1899-1934) – böyük Azərbaycan
yazıçısı, dramaturq. Cabbarlı yaradıcılıgı Azərbaycan ədəbiyyatının
inkişafına böyük təsir göstərmiş, istedadlı dramaturqlar nəslinin yetişməsində
mühüm rol oynamışdır. Cabbarlının zəngin irsi Azərbaycan ədəbiyyatı
tarixində layiqli yer tutur. - 102.
98. Mikayıl Müşfiq, İsmayılzadə Mikayıl Mirzə Əbdül qadir oğlu (1908-
1939) - görkəmli Azərbaycan şairi. Poeziyasının əsas qayəsi müasirlik,
xəlqilik, humanizm olmuşdur. Onun lirikası forma etibarı ilə novatorluğun ən
yaxşı nümunələrindəndir. Azərbaycanın ən dəyərli milli ziyalı
nümayəndələrini məhv edən sovet totalitar rejiminin repressiya
qurbanlarındandır. -102.
Dostları ilə paylaş: |