5
Operativ və mühasibat uçotu məlumatı istehsal prosesinə rəhbərliyi asanlaşdırır, bu prosesin
proqnozlara müvafiq nizam-landırılmasına və istiqamətləndirilməsinə kömək edir, habelə is-tehsal
proqramının yerinə yetirilməsini təmin edən növbəti təd-birlər hazırlamaq üçün baza materialı olur.
Statistika uçot sistemində son mərhələdir. O, mühasibat və operativ uçot məlumatlarından istifadə
edir. Bu məlumat ye-kunlaşdırılır, işlənir və nəticədə bütün xalq təsərrüfatının, onun ayrı-ayrı sahələrinin
artım və inkişafını xarakterizə edən kəmiy-yət göstəriciləri əldə edilir.
Uçot mürəkkəb məsələləri ona görə həll edə bilir ki, onun növlərinin üçü də bir-biri ilə sıx əlaqədə
olur, biri-birini ta-mamlayır və uçot məlumatlarından qarşılıqlı istifadə edir. Mü-hasibat və operativ uçot
məlumatlarından statistikada istifadə et-mək üçün bütün uçot statistika qaydasında təşkil olunmalıdır.
Uçotun statistika qaydasında təşkil olunmasının I şərti- onun xalq təsərrüfatının bütün sahələrində vahid
şəkildə aparılmasından ibarətdir. Bu, uçot məlumatlarını sənaye, kənd təsərrüfatı sahələri və inşaatın
müxtəlif növləri üzrə statistika qaydasında yekunlaşdırmağa imkan verir. II və əhəmiyyətli şərt vahid ilk
sənədlərin tətbiqindən ibarətdir. Bütün uçot növlərinin obyekti (xüsusilə də maddi istehsal sahələrində)
əsas etbarı ilə eyni faktlardan, hadisələrdən yaxud proseslərdən ibarət olduğu üçün onların əsasını vahid
ilk sənədlər təşkil edir. İstehsal yaxud təsərrüfat əməliyyatları əks etdirilən bu sənədlərdə operativ və
mühasibat uçotuna lazım gələn məlumat mövcud olur ki, bu məlumatlardan da statistikada istifadə etmək
mümkündür.
Vahid ilk sənədlər işə çıxma tabellərindən, mədaxil və məxaric orderlərindən, qaimələrdən, iş tapşırıq-
larından, işsiz dayanma və əlavə ödəniş vərəqələrindən və s. sənədlərdən ibarətdir. Statistika qaydasında
təşkil olunmuş uçot müəssisə və təşkilatların fəaliyyətini təhlil etmək və müvafiq təşkilatlara hesabat ver-
mək üçün həm mühasibat uçotuna, həm də operativ uçota lazım olan bir çox statistik göstəriciləri hesab-
lamağa imkan verir. Sənaye müəssisələrində ilk uçot əsasında icmal sənədlərdə və başlıca olaraq hesabla-
malarda müəssisənin rentabelliyini, hazırlanmış məhsulun həcmini, əmək haqqı fondunu, əmək məhsul-
darlığını və s.-ni xarakterizə edən statistika göstəriciləri hesablanır. İri müəssisələrdə statistika işlərini
planlaşdırma və statistika şöbələri, kiçik müəssisə, təşkilat və idarələrdə isə mühasibat şöbələri aparırlar.
Statistikanın digər elmlərlə əlaqəsi. Statistika ilə bir sıra iqtisadi istiqamətlərin qarşılıqlı əlaqələri
mövcuddur. Məsələn, statistika ilə planlaşdırmanın arasındakı əlaqə ondan ibarətdir ki, ictimai hadisə və
proseslərin xarakterizə olunması üçün onlar eyni göstəricilərdən istifadə edirlər. Göstəricilər statistika və
planlaşdırmada ayrı-ayrı hadisələrin kəmiyyət xarakteristikasını göstərən ədədlərə deyilir. Bu ədədlər sta-
tistikanın müəyyənləşdirdiyi ciddi qaydalar üzrə hesablanır. Göstəricilərin məzmunu hadisənin məhs ne-
cə və hansı tərəfdən xarakterizə olunduğunu əks etdirir. Məsələn, “ümumi məhsul” göstəricisi müəssisə-
nin işinin son nəticəsini təşkil edən məhsulu pul ifadəsində xarakterizə edir. Statistikanın vəzifəsi maddi
istehsal sahələrində gedən hadisə və prosesləri öyrənməklə yanaşı, həm də digər həyat hadisələrini, mə-
sələn, elm, səhiyyə və s. sahələrdə gedən hadisələri öyrənməkdən ibarətdir. Ona görə də statistikada nəin-
ki maddi istehsal sahələrinin statistik məlumatlarından istifadə olunur, həm də əhalinin və s.-nin siyahıya-
alma işləri aparılır, məktəblərdə, kitabxanalarda, nəqliyyatda, elmi idarələrdə, səhiyyə, ədliyyə, məişət
xidməti idarələrində, mədəniyyət evlərində, teatrlarda və s.-də görülən işlərin məlumatı yekunlaşdırılir.
İctimai hadisələri xarakterizə etmək üçün statistikada göstəricilər sistemi işlənib hazırlanmışdır. Sta-
tistika göstəricisi anlayışı yuxarıda izah edilmişdir. Məsələn, sənayedəki hadisə və prosesləri xarakterizə
etmək üçün sənaye müəssisələrinin təsər-rüfat fəaliyyətini əks etdirən göstəricilər işlənib hazırlanmışdır.
Xalq təsərrüfatının digər sahələrində, məsələn, kənd təsərrüfatında, nəqliyyatda, rabitədə, ticarətdə, icti-
mai iaşədə və s. müəssisələrin vəziyyətini və inkişafını xarakterizə edən göstəricilər işlənib hazırlanmış-
dır. Xalq təsərrüfatının müxtəlif sahələri bir-birilə sıx bağlıdır, ona görə də hər bir sahəni xarakterizə
edən statistika göstəriciləri də qarşılıqlı əlaqəli, vahid ümumi xalq təsərrüfatı göstəriciləri sistemində
birləşdirilir.
Mövzu 2. Statistika elminin nəzəri-metodoloji əsasları və vəzifələri
Plan:
1. Statistika elminin nəzəri əsasları
2. Statistikanın metodu və mərhələləri
3. Statistikanın vəzifələri və təşkili prinsipləri.
4. Statistika elminin sahələri
I.Statistika öz inkişaf tarixində əsaslı sürətdə dəyişilmiş və təkmilləşmişdir. O, fəlsəfə və iqtisadi nəzə-
riyyə elmlərinin kateqoriya, qanun va müddəalarına istinad edərək özünəməxsus olan anlayış və kateqo-
6
riyalarını inkişaf etdirmişdir. Statistika elmi cəmiyyətin inkişaf qanunauyğunluqlarını tədqiq edərkən fəl-
səfənin prinsiplərinə istinad edir. Bu prinsiplərə hadisə və proseslərin qarşılıqlı əlaqə və asılılıqda olması,
sosial-iqtisadi hadisələrin daim hərəkətdə, dəyişməkdə və inkişafda olması, hadisələrin inkişafı nəticə-
sində kəmiyyətin keyfıyyətə keçməsi qanunu, obyektiv varlığın ən mühüm prinsipi olan əksliklərin vəh-
dəti və mübarizəsi qanununu göstərmək olar. Eyni zamanda statistika sosial-iqtisadi hadisələrin kəmiyyət
tərəflərini öyrəndiyinə görə iqtisadi nəzəriyyə elminə, onun kateqoriya və qanunlarına da əsaslanır. Onlar
bir-birilərindən istifadə etmədən qənaətbəxş nəticələr əldə edə bilməzlər.
Statistika sosial-iqtisadi qanunları kəşf etmək üçün lazımi materiallar verməklə bərabər, konkret mə-
kan və zaman daxilində həmin qanunların baş verməsi fəaliyyətini rəqəmlərlə işıqlandırmaqla, onların
dərk edilməsi və istifadə olunmasını asanlaşdırır. Deməli, statistika elmi fəlsəfə, iqtisadi nəzəriyyə və
iqtisad elmlərinin ayrı-ayrı sahələrinin kateqoriya və anlayışlarına istinad edərək sosial-iqtisadi hadisə-
lərin dərk edilməsində mühüm rola malikdir. Hər bir elmin təzahürünün mühüm məsələsi onun nəzəri
əsaslarının mövcudluğudur. Statistika elminin nə-zəri əsasını ona məxsus əsas prinsiplərin məcmusunda
olan anlayış və kateqoriyalar təşkil edir. Bu elmdə mühüm anlayış və kateqoriyalara əlamət, statistika
məcmusu, məcmu vahidi, əla-mətin variasiyası, qanunauyğunluq və s. daxildir.
Nəzəri əsasların mühüm komponenti hesab olunan əlamətlər atributiv (keyfiyyət) və kəmiyyət əla-
mətləri olmaqla iki qrupa bölünür. Mühüm xüsusiyyətlərinə, xassələrinə görə bir-birindən fərqlənən əla-
mətlər atributiv (keyfiyyət) əlamətlər adlanır. Statistik tədqiqatın bu istiqamətdə aparılmasında ilk növ-
bədə keyfiyyət əlamətinin təyini, sonra isə ona uyğun kəmiyyətin müəyyənləşdirilməsi baş verir. Qarşı-
qarşiya duran keyfiyyət əlamətlərinin birinin qəbul edilməsi alternativ əlamət adlanır. Ayrı-ayrı qiymət-
ləri kəmiyyətcə bir-birindən fərqlənən əlamətlərə kəmiyyət əlamətləri deyilir.
Əlamətlər mühüm və qeyri-mühüm əlamatlərə ayrılır.
Statistika elminin mühüm anlayış və kateqoriyalarından birini statistika məcmusu təşkil edir. Hər hansı
bir əlamət üzrə eyni keyfiyyətli sosial-iqtisadi hadisələr çoxluğu statistika məcmusu adlanır. Statistika
məcmusunda vahidlərin sayının çox olması məcburi deyildir. Bazar iqtisadiyyatı şəraitində statistika
məcmusunun həcmi prinsipcə çox az ola bilər. Statistika məcmusunun ayrı-ayrı vahidləri məcmu vahid-
ləri adlanır.
Məcmu vahidlərinin eyni olması onları bir statistika məcmusunda ifadə olunmağa imkan verir. Bunun-
la bərabər məcmu vahidləri muəyyən əlamatə görə bir-birindən fərqlənirlər. Məcmu vahidləri onlara xas
olan əlamətə görə müxtəlif qiymətlərə malik olarsa, buna statistika elminin mühüm kateqoriyası olan ala-
mətin variasiyası (dəyişməsi) deyilir. Əlamətin variasiyası təsadüfi səbəblərin təsiri nəticəsində baş verir.
Statistikanın mühüm kateqoriyası onun qanunauyğunluğudur. Statistika qanunauyğunluğu kütləvi, çox
götürülmüş məlumatlar əsasında müəyyən edilə bilər. Qanunauyğunluq dedikdə hadisələrdə baş verən
təkrar olunması və ardıcıl dəyişilmə başa düşülür. Deməli, statistika qanunauyğunluğu kütləvi faktların
obyektiv kəmiyyət qanunauyğunluğudur. O, obyektiv qanunların fəaliyyəti nəticəsində baş verir, daima
həmin hadisəni törədən kompleks şəraitin qalması haqqında orta kəmiyyətin sabitliyinə təminat verir.
Belə ki, statistika qanunauyğunluğu kütləvi statistika müşahidə məlumatı əsasında müəyyənləşdirilə bilər
və bu da onun böyük ədədlər qanunu ilə qarşılıqlı əlaqədə olmasını ifadə edir.
Böyük ədədlər qanunu. Sosial-iqtisadi hadisələrin bəlli məkan və zaman daxilində inkişaf qanunauy-
ğunluqlarının kütləvi məlumat əsasında öyrənilməsində statistika elminin mühüm rolu vardır. Həmin sta-
tistika qanunauyğunluqları ilə böyük ədədlər qanunu arasında sıx əlaqə olduğunu göstərir. Böyük ədədlər
qanununun sadə formada mahiyyəti ondan ibarətdir ki, hadisələrin kəmiyyət qanunauyğunluğu ancaq
külli miqdarda məlumatlar əsasında özünü biruzə verir. Azərbaycan Respublikasında bazar vasitəsilə bir-
birlərilə əlaqədə olan istehsalçıların isteh-sal qanunauyğunluqları ancaq bu və ya digər tərəfə göstərilən
fərdi meyllərin bir-birini tarazlaşdırılması yolu ilə orta kəmiyyət vasitəsilə müəyyənləşdirilir. Böyük
ədədlər qanunu sosial-iqtisadi hadisələrin dərk edilməsi və tədqiqində mühüm əhəmiyyətə malikdir.
Müasir şəraitdə sosial-iqtisadi hadisələrdə mövcud olan təsadüfi kənarlaşmalar bu qanun əsasında aradan
götürülür və həmin hadisələrdə ümumi inkişaf meylləri aşkar edilir. Qanun kütləvi müşahidə məlumatı
əsasında fəaliyyət göstərir, təsadüflərin va zərurətin dialektikasını ifadə edir. Təsadüfi tərəddüdlərin orta
kəmiyyətlərlə qarşılıqlı ödənilməsi nəticəsində tipik göstərici alınır. Bu, göstəricini ümumilikdə xarakte-
rizə etməyə imkan verir. Qanun sosial-iqtisadi hadisələri xarakterizə edən statistika göstəricilərini təsa-
düflərdən azad etməyə va həmin göstəricilər üzrə ümumi qanunauyğunluqları aşkara çıxarmağa imkan
verir.