Nizami Tağısoy: Bir ömrün rapsodiyası
23
Məmmədova (qəbri nurla dolsun),
Rövşanə Bədəlbəyli, Əli və Baba
Musayev qardaşları, Qalina Şipulina, Solmaz Əliyeva...
Mübaliğəsiz deyə bilərəm ki, orta məktəbi Azərbaycan dilində
bitirən tələbələrin hətta Azərbaycan ədəbiyyatı da (mən hələ fəlsəfə,
elmi kommunizm, ədəbiyyat nəzəriyyəsi, siyasi iqtisad, elmi ateizm
və digər fənləri qoyuram bir kənara) rus dilində tədris olunan ins-
titutda əla oxumağımız əsl fədakarlıq idi. Belə ki, biz eyni vaxtda
rus dilinin qrammatikasını, onun qaydalarını, incəliklərini və ədə-
biyyatını (şifahi xalq yaradıcılığından tutmuş sovet ədəbiyyatına qə-
dər) öyrənməklə yanaşı, elmi biliklərin əsaslarına da yiyələnirdik.
Lakin
çox gərgin əmək sərf etməklə, çalışqanlığımızla bu çətinliklə-
rin öhdəsindən məharətlə gəlirdik. Yenə həqiqət naminə deyim ki,
Nizami rus dilində o qədər rəvan, səlis və ləhcəsiz danışırdı ki, mü-
əllimlərimizdən bəziləri onun Azərbaycan məktəbini bitirməsinə
şübhə ilə yanaşırdılar. Bu isə, əlbəttə, seçilən ixtisasa, yəni rus dili
və ədəbiyyatına olan maraqdan, meyldən, peşəyə mükəmməl yiyə-
lənmək istəyindən və məsuliyyətindən irəli gəlirdi.
Çox maraqlı bir əhvalatı da qeyd etmək istəyirəm. Hər ikimiz
tələbə elmi cəmiyyətinin üzvü kimi onun tədbirləri və iclaslarında
fəal iştirak edirdik. İclasların birində çıxış edən 1-ci kurs tələbəsi
Rəfail adlı bir oğlan gətirdiyi iqtibasdan sonra onun mənbəyini çox
dəqiqliklə göstərdi: V.İ.Lenin. Əsərlərinin tam külliyyatı, 7-ci cild,
səh. 432, yuxarıdan 3-cü abzas. Bu hal
bir neçə dəfə təkrarlananda,
mən üzümü Nizamiyə tutub «Qardaş, əlaçı belə olar, biz də özümü-
zü əlaçı sayırıq», - dedim. Sən demə, Nizami deyilən mənbələrin
dəqiqliyini yoxlamaq üçün özündə qeydlər edirmiş. Bir neçə gün-
dən sonra institutun yeməkxanasında nahar edəndə yapışdı Rəfailin
yaxasından ki, bəs, dediyin mənbələri yoxladım, heç biri də düz
gəlmədi. Rəfail əlini-əlinə vurub qəhqəhə çəkib güldü və «Ayə, Al-
lah sənə ömür versin, nə biləydim ki, sən gedib onları axtaracaqsan;
mən özüm haqqında müsbət rəy yaratmaq üçün ağlıma gələn mən-
bəni göstərirəm», – deyəndə, biz də ona qarışıb gülməyə başladıq.
Rəfaillə sonradan dostlaşdıq. O, sadəliyi, mehribanlığı, səmimiliyi,
çalışqanlığı və ünsiyyətli olmağı ilə fərqlənirdi. Sonralar indiki
Nizami Tağısoy: Bir ömrün rapsodiyası
24
BSU-da bir yerdə işlədik. Fəlsəfə elmləri namizədi, dosent idi. Dün-
yasını vaxtsız dəyişdi. Bütün dostlarımız adından deyirəm: Allah
sənə rəhmət eləsin, Rəfail.
Mən sətiraltı indiyə qədər,
bəlkə də, heç kimə demədiyim bir
məsələni də açıqlamaq istəyirəm. Nizaminin, Səlahəddinin, Məmi-
şin, Cavanşirin və mənim yaxşı oxumağımızın, əlaçı olmağımızın
başlıca səbəblərindən biri də abır-həya hissi, bir kişi kimi (biz
özümüzü yaşımıza uyğun olmayan sanballı bığlı-saqqallı kişi hesab
edirdik) qrup yoldaşlarımızın yanında pis vəziyyətdə qalmaqdan,
pərt olmaqdan çəkinmək idi. Yəni indiki tələbələrin əksəriyyətindən
fərqli olaraq müəllim dərs soruşanda ayağa durub «mən hazır deyi-
ləm» sözlərini deməyi şəxsiyyətimizə, mənliyimizə, qürurumuza,
ləyaqətimizə, kişiliyimizə sığışdıra bilməməyimiz olmuşdur. Düşü-
nürdük ki, bundan sonra qızların, oğlanların üzünə necə baxa bilə-
rik... Buna görə də nəyin bahasına olur olsun bütün məhrumiyyətlə-
rə baxmayaraq, hətta səhərə qədər yuxusuz qalmalı olsaq da belə,
dərslərə həmişə hazır gələr və əllərimiz göydə olardı. Görünür,
bunun nəticəsidir ki, indi məşğələlərdə tələbə qızın və ya oğlanın
ayağa durub gülumsünə-gülümsünə «müəllim, mən hazır deyiləm»
cavabını eşidəndə, məni bir pedaqoq kimi onların dərsə hazır olma-
ması bir o qədər yox, özlərinin mənliyinə sığışdırıb
bu sözləri yol-
daşlarının yanında necə deyə bilmələri daha çox heyrətləndirir.
Təlim fəaliyyətinə belə ciddi münasibət göstərməyimizlə ya-
naşı, asudə vaxtlarımızın mənalı, məzmunlu, rəngarəng keçirilməsi-
nin də qayğısına qalır, qeyri-rəsmi nərd, dama, şahmat, futbol yarış-
ları keçirərdik. Nizami, Əyyub, əmim oğlu Əbdül (o, fransız dili fa-
kültəsində oxuyurdu) və mənim təmsil etdiyimiz APİ Axundovun
«yığma» futbol komandası ilə Məmmədəli, Zöhrab, Fazil və digər
uşaqların təmsil etdiyi Xalq Təsərrüfatı İnstitutunun «komandası»
ilə keçirdiyimiz mütəmadi yarışlar son dərəcə emosional keçər və
həmişə də bizim böyük hesablı qələbəmizlə başa çatardı. Onlar isə
bizi qıcıqlandırmaq üçün həmişə bu qələbənin təsadüfi olduğunu sü-
but eləməyə çalışardılar.
Nizami Tağısoy: Bir ömrün rapsodiyası
25
Bundan başqa Nizaminin, sonradan qrupumuzun nümayəndə-
si seçilən Məmişin (insafən, o da çox gözəl təşkilatçılıq bacarığına
malik idi) və mənim birgə təşəbbüsümüzlə qrup və potok yoldaşla-
rımızla tez-tez (ən azı ayda iki dəfə) axşamlar keçirər,
teatr tamaşa-
larına gedər, müxtəlif yerlərə (Azərbaycan Tarixi Muzeyi, Azərbay-
can İncəsənət Muzeyi, Atəşgah, Pirqulu, Qobustan və s.) ekskursi-
yalar təşkil edərdik. Axı, yaxşı oxumaq üçün yaxşı da dincəlmək,
əylənmək lazım idi.
Nizami həmçinin özünün səliqə-sahmanı və yüksək estetik
zövqə malik olması, evdarlığı, təsərrüfatçılığı, aşpazlıq bacarığı ilə
də fərqlənirdi. Dörd nəfər oğlanın qaldığı evdə həmişə səliqə-sah-
man hökm sürər, buradan, necə deyərlər, gül ətri gələrdi. Bu məsə-
lələrdə Nizaminin dediyi bizim üçün qanun idi. Şalvar, kostyum,
köynək, ayaqqabı alanda, ya sifariş verəndə onun fikri mütləq nəzə-
rə alınardı. Ev üçün bazarlıq edəndə də o, yenə qabağa keçər, mən
isə alınan şeyləri qablaşdırmaqla məşğul olardım. Dostumun səliqə-
sahmanına elə indinin özündə də söz ola bilməz. Yaşımızın
bu vax-
tında da müəyyən məqsədlər üçün bazarlıq edəndə yenə hərə öz
ənənəvi funksiyasını yerinə yetirir. Nizaminin aşpazlıq qabiliyyətini
xüsusi qeyd etmək lazımdır: onun bişirdiyi borşun, bozbaşın, kələm,
yarpaq və badımcan dolmasının dadı indi də damağımızdadır. Türk-
lər demişkən, əllərinə sağlıq, qardaş...
Atalar deyirlər ki, hətta doğma qardaşını da yaxşı tanımaq is-
təyirsənsə, onunla yoldaşlıq etməlisən. Bu baxımdan biz Nizami ilə
həm də birgə əmək fəaliyyətində - 1-ci kursu bitirdikdən sonra Şəki-
də tələbə inşaat dəstəsində və 3-cü kursun əvvəlində isə Ağsu rayo-
nunun Ərəbmehdibəy kəndində pambıq yığımında yoldaşlıq etmi-
şik. Həm Şəkidə pedaqoji məktəbin yataqxanasında (Nizami, Səla-
həddin, Rəhim, Əyyub, Əfəndi, Seyfəddin və mən), həm də Ərəb-
mehdibəy kəndinin klubunda narahatlığa, darısqallığa məhəl qoy-
mayıb qrup yoldaşlarımızla (bütün oğlanların hamısı: Nizami, Səla-
həddin, Rəhim, Məmiş, Əyyub, Əfəndi, Seyfəddin, Şadulla, Şıxka-
mal, Novruz, Hidayət, Cavanşir, İsmayıl, Ruslan və mən)
bir otaqda
qalmış və bir yerdə yemək yemişik. Qrupumuzun mütəşəkkilliyi,
Nizami Tağısoy: Bir ömrün rapsodiyası
26
səmimiliyi, mehribanlığı və işgüzarlığına həsəd aparırdılar. Nizami-
nin, Məmişin və mənim birgə təşəbbüsümüzlə həftəlik pul yığar,
yeməkxanada növbətçilər təyin edər (bir oğlan və bir qız), menyunu
müəyyənləşdirər və səhər, günorta, axşam birlikdə nahar edərdik.
Günorta üçün nəzərdə tutulan yeməyi isə sahəyə götürər, oğlanlı-
qızlı bardaş qurub bir süfrə arxasında əyləşərdik. Axşamlar isə ba-
cardığımız qədər əylənər, deyib-gülər və şənlənərdik. İşgüzarlığımız
da öz yerində. Qrupumuz pambıq yığmaqda da birinci idi. Nəticədə
Məmiş «Şərəf Nişanı» ordeni, mən, Nizami, Əyyub, Səlahəddin,
Rəhim və Cavanşir isə radioqəbuledici ilə mükafatlandırıldılar.
Birgə təlim, idman və əmək fəaliyyəti (əyani oxumağımıza
baxmayaraq o vaxtkı tələbələrin əksəriyyəti kimi, Nizamı və mən də
valideynlərimizə çox da əziyyət verməmək üçün bir müddət dərsə
qədər «Sevil» bağında fəhlə işləməli olduq) bizi mənəvi cəhətdən
çox yaxınlaşdırdı. Biz artıq
bir-birimizi, sözün həqiqi mənasında,
danışmadan başa düşürdük. Ailələrimizi və hətta yaxın-uzaq qo-
humlarımızı da yaxşı tanıyırdıq. Səhv etmirəmsə, 1972-ci ilin yazın-
da Bakıda yaşayan böyük qardaşım Yaqubun «Moskviç»i ilə Niza-
mi İrəvandan, bizə qonaq gələn kiçik qardaşım Eldar (Allah ona
rəhmət eləsin, sonralar məlum hadisələrdə erməni məkrinin qurbanı
oldu) və mən birlikdə Yuxarı Şilyana getdik. Sadə kəndli ailəsinin
sonsuz qonaqpərvərliyinin, özünəməxsus tərbiyə məsələləri və qar-
şılıqlı böyük-kiçik münasibətlərinin yüksək səviyyəsinin şahidi ol-
duq. Axşam işdən qayıdan Tağı dayını (Allah ona rəhmət eləsin,
qəbri nurla dolsun) bütün ailə üzvlərinin ayağa durub qarşılaması da
bizi çox məmnun etdi. Biixtiyarı «Allahsız yerdə otur, böyüksüz
yerdə oturma» atalar sözü yadıma düşdü... Ailələrimizin də ruhən
yaxınlığı məni heyran qoydu. Maraqlıdır ki, ailədəki uşaqların sayı
və yaşları da bir-birinə çox uyğun gəlirdi: Abdul – Həbib,
Böyükağa – Yaqub, Zeynəb – İzzət, Nizami – Heydər, Rəfi – Eldar,
Mülayim – Şövkət... Bütün bu deyilənlər bizim dostluğumuzun çox
möhkəm mənəvi bünövrə üzərində qurulduğuna dəlalət edirdi. Hə-
yatın sonrakı gedişi bunu dəfələrlə təsdiq
etdi və dostluğun əbədi
sarsılmaz qardaşlığa çevrilməsinə zəmin yaratdı.