73
Əgər kotirovkanı faktiki qiymətlərin qeydiyyatı təşkil edirsə, onda bu, sövdələşmə
prosesində yaranan birja qiymətlərinin mexaniki təsbit olunması kimi başa
düşülməlidir. Kotirovka yalnız dövriyyə üçün nümunəvi olan qiymətləri yenidən
özündə cəmləyir və buna görə də bazarın vəziyyətinə uyğun gəlməyən sövdələşmə,
tələb və təkliflərin qiymətləri onda öz əksini tapa bilməz.
Bir çox hallarda birjalar faktiki qiymətlərin qeydiyyatı ilə kifayətlənirlər; lakin bəzən
tipik qiymətlər cədvəli də hazırlanır ki, buna kotirovka komissiyasının məlumat
qiymətləri də deyilir.
Ayrı-ayrı sövdələşmələrin, tələb və təkliflərin qiymətləri öz əksini kotirovka
bülletenində aşağıdakı üsullarla tapılır: brja satışından bir gün sonra sövdələşmənin
bağlandığı və ya tələb və təkliflərə görə irəli sürülmüş qiymətlərin son hədd
kənarlaşmaları göstərilə bilər. Bu üsul imkan verir ki, topdansatış dövriyyəsinin baş
verdiyi qiymət çərçivəsi nəzərə alınsın; lakin qiymətlərin son hədd çərçivəsinə əsasən
bütün birja günü ərzində qiymətlərin necə dəyişdiyi haqqında mühakimə yürütmək,
fikir söyləmək olmaz; bundan başqa, birjanın işgününün sonunda hansı qiymətlərin
sövdələşmədə əsas (aparıcı) olduğu da son hədd çərçivəsindən tam aydın olmur.
Qiymət dəyişmələrinin qeydiyyatının digər üsulu isə birja yığıncağının əvvəlində və
sonundakı qiymət məzənnələrinin göstərilməsidir. Bu üsulda bütün birja günü ərzində
mövcud olan ən yüksək və ən aşağı qiymətlər naməlum qalırlar. Əksər hallarda
qiymətlər yalnız günün sonunda qiymətlər bülletenində göstərilir. Bu qiymətlər isə
bazarın, birja gününün başlanğıına hesab edilən vəziyyətini xarakterizə edir. Həmin
günün son qiymətlərində birjadakı tələb və təkliflərin vəziyyətinə dair nəticələr, habelə
qiymətlərin dəyişməsi, yəni ölçüsü ilə bağlı bütün digər hallar özünü göstərir.
Kotirovkada bütün birja günü ərzində mövcud olan qiymət məzənnələrinin
dəyişmələri aydınlaşdırılır və gün ərzindəki qiymətlərin hamısı qeyd edilmir, onlardan
yalnız ən xarakterik olanları göstərilir.
Nəhayət qiymətlər məzənnəsinin kombinasiyalı ifadə üsulları da mümkündür:
Məsələn, bəzi birjalar kotirovka bülletende yalnız ən yüksək və ən aşağı qiymətləri
göstərirlər və bununla yanaşı paralel olaraq birja gününün başlanğıcındakı və
74
sonundakı qiymətlər də qeyd edilir. Həmçinin, birjadakı tipik qiymətlər də göstərilə
bilər və eyni zamanda tələb və təkliflərin sövdələşmə qiymətləri də qeyd edilə bilər.
Fond birjalarında qiymətli kağızların kotirovkası iki prosesə bölünür: birincisi,
iştirakçıların qarşısında açıq şəkildə, ikincisi isə qapalı, gizli şəkildə baş verir.
Birjanın açıq elan edildiyi andan, yəni gündüz saat 12-da dəllallar tələb və təkliflərə
aid sifarışləri toplamağa başlayırlar. Qiymətli kağızların hər bir qrupu üzrə xüsusi
dəllallar vardır: qiymətli kağızların birjaya çıxarılması üzrə tapşırıqlarda limit
qiymətləri göstərilə bilər. Məsələn, satış üzrə tapşırıqlarda göstərilə bilər ki, qiymətli
kağız 244 manat məzənnəsindən satıla bilməz; satınalma tapşırıqlarında göstərilən
məzənnədən, məsələn 245 manatdan, yuxarı qiymətə qiymətli kağızın alınmasına yol
verilə bilməz. Tapşırıqlar eyni zamanda limit qiymətləri göstərilmədən də dollarla
verilə bilər və bu zaman dəllalın fəaliyyəti hər hansı məzənnə ilə məhdudlaşdırılmır.
Limitləndirilməmiş tapşırıqlara belə bir üstünlük verilir ki, onlar ilk növbədə icra
olunurlar. Əgər tələb təklifdən çoxdursa və bütün alıcıların sifarışını təmin etmək
mümkün olmursa, onda öncə limit qiymətləri göstərilməyən tapşırıqlar verən alıcının
qiymətli kağızları almaq sifarişinin yerinə yetirilməsi şansı, limit qiyməti göstərməklə
tapşırıq verən alıcıdan yüksək olur.
lk qiymətlər məzənnəsinin qoyuluşu dəllalar tərəfindən iştirakçılar qarşısında açıq
şə
kildə elan edilir. Onlar (dəllallar) müəyyən ayrılmış xüsusi yerlərə toplaşırlar və
həmin yerə bu qrup qiymətli kağızlarla maraqlanan şəxslər də (alıcılar) cəmləşirlər.
Qiymətli kağızılar üçün müəyyən ardıcıllıqla qiymətlər məzənnəsi qoyulur. Hər iki
dəllaldan biri hansı məzənnə üzrə ona verilmiş tapşırıqlara görə nə qədər maksimal
alver edəcəyini əvvəlcədən hesablayır və ya hesablamağa çalışır.
Azərbaycan ərazisi faydalı qazıntı yataqları ilə zəngindir. Ölkəmiz qara, əlvan, nadir
və nəcib (qızıl) metallar, həmçinin qeyri-filiz faydalı qazıntıları ilə də zəngindir.
Hazırda ölkə ərazisində 3 dəmir filizi yatağının ehtiyatları təsdiq edilib. Bunlar
Daşkəsən rayonunda yerləşən “Daşkəsən”, “Cənubi Daşkəsən” və “Dəmir”
yataqlarıdır. Xromit filizi təzahürləri isə Kəlbəcər (Göydərə qrupu) və Laçın rayonu
( pək qrupu) ərazisində yerləşir. Göydərə xromit təzahürləri 350 m-dən çox məsafədə
yayılıb.
75
Böyük və Kiçik Qafqazın Azərbaycan ərazilərinə düşən hissəsində əlvan
metallardan mis, qurğuşun, sink, kobalt, civə, sürmə filizlərinin yataq və təzahürləri
geniş yayılıb. Mis ehtiyatları əsasən Balakən-Zaqatala, Gədəbəy, Qarabağ və Ordubad
filiz rayonlarında cəmlənib. Avropada ən nəhəng yataq hesab olunan və dünyanın ən
iri yataqları sırasına daxil olan “Filizçay” kolçedan-polimetal yatağının (Balakən
rayonu) dəqiq kəşfiyyatı başa çatdırılıb və sənaye ehtiyatları təsdiq edilib.
Yataq 95 milyon ton filiz ehtiyatına malikdir. Hesablamalara görə, “Filizçay”
yatağının ehtiyatları dağ-mədən müəssisəsinin yüksək rentabelli fəaliyyətini 60 ildən
artıq müddətə təmin edə bilər. Azərbaycanda həmçinin zəngin qızıl ehtiyatları var.
Bəlli olduğu kimi, 2009-cu ilin iyulunda Azərbaycan qızılın sənaye hasilatına
başlayıb. 2010-cu ildə qızıl hasilatının həcmi 1,9 ton təşkil edib və bu həcm emala
göndərilib. Bundan əlavə, 2010-cu ilin noyabrında gümüş hasilatına başlanılıb.
Noyabr-dekabr aylarında gümüş hasilatı 1,5 ton təşkil edib. Statistik məlumatlara görə,
2009-cu ildə 333 kq qızıl hasil edilib. Azərbaycanın qızıl yataqlarının işlənməsi ilə
məşğul olan “Azerbaijan International Mining Company” (AMIC) 2009-cu ilin
mayında Gədəbəydə qızıl emalı zavodunu istismara verib. AMIC-i “Gədəbəy” yatağı
da daxil olmaqla, Azərbaycanın 6 qızıl yatağının işlənməsi layihəsinin operatoru olan
“Anglo-Asian Mining PLC” şirkəti yaradıb. Qeyd edək ki, ölkəmizdəki qızıl
yataqlarının işlənməsi ilə bir neçə ildir ki, “R.V.Investment Group Services, LL USA”
ş
irkəti məşğuldur. 1997-ci ildə bu şirkətlə “Azərqızıl” Dövlət Şirkəti arasında
“Gədəbəy, Qoşa, Ordubad qrupu (”Piyazbaşı”, “Ağyurd”, “Şəkərdərə”, “Kələki”),
“Söyüdlü”, “Qızılbulaq”, “Vejnəli” qızıl-filiz yataqlarının kəşfiyyatı, işlənməsi,
hasilatın pay bölgüsü haqqında” saziş imzalanıb. Bu saziş 430 ton qızıl, 2,5 min ton
gümüş və 1,5 milyon ton mis ehtiyatının hasilatını nəzərdə tutur. 2009-cu ildə
“Gədəbəy” yatağının istismar nəticəsində əmtəəlik qızıl əldə edilib və bu qızıl
“Ayrım” brendi ilə beynəlxalq bazara ixrac edilir.
Onu da bildirək ki, “R.V.Investment Group Services LL USA” şirkəti “Gədəbəy”
yatağında qızıl hasilatı üzrə layihədə 51%, Azərbaycan tərəfi isə 49% paya sahibdir.
Hazırda dövlət balansında kəşfiyyatı aparılan və sənaye ehtiyatları təsdiq edilən üç
Dostları ilə paylaş: |