Microsoft Word 13 Cumulative eia final az
Yüklə 492,7 Kb. Pdf görüntüsü
|
- Bu səhifədəki naviqasiya:
- 13.9.1 Nəticə
- 13.10 Təsadüfi hallar
- 13.10.1 Qısa xülasə
- Şəkil 13.7 Dağılmaların modelləşdirilməsinin qiymətləndirilməsində nəzərdə tutulan kondensatın sızması ilə nəticələnən təsadüfi halların yerləri
Şahdəniz 2 Layihəsi Ətraf Mühitə və Sosial-İqtisadi Sahəyə Təsirin Qiymətləndirilməsi Fəsil 13 Kumulyativ və transsərhəd təsirlər və təsadüfi hadisələr
Noyabr 2013-cü il 13/20 Yekun variant 13.9.1 Nəticə
ŞD2 Layihə əməliyyatlarından əmələ gələn İXQ emissiyalarının əsas mənbələri elektrik generatorları, Səngəçal terminalında texnoloji isitmə və qurğuların, işçi qüvvəsinin və ətraf icmaların təhlükəsizliyinin təmin olunması üçün tələb olunan qazın məşəldə qeyri-müntəzəm yandırılması ilə bağlıdır. BP şirkəti İXQ emissiyalarının qiymətləndirilməsi və (praktiki cəhətdən mümkün olduğu hallarda) azaldılmasına dair öhdəlik götürüb. Hər bir layihənin həyata keçirilməsində aşağıdakı prinsiplərə riayət edilmişdir:
Məşəldə yandırılmanı azaltmaq üçün variantları qiymətləndirmək – məşəl qurğusunun istismarına dair siyasət işləyib hazırlamaq və həyata keçirmək; Enerji səmərəliliyini maksimuma çatdırmaq; Quyu sınaqlarına dair tələbləri nəzərdən keçirmək və əsaslandırmaq; Yanma nəticəsində ayrılan emissiyaları və qeyri-mütəşəkkil emissiyaları minimuma endirmək; və Qazların havaya atılmasına yol verməmək.
AÇG və Şahdəniz işlənmələri boyunca İXQ-lərin yaranmasının qarşısını almağa kömək edən layihələndirmə ilə bağlı tədbirlərə aşağıdakılar daxildir:
Quruda məşəldə yandırılan qazın bərpası; Quruda inert üfürmə (təmizləmə) qazı; Azəri yatağı üçün dənizdə mərkəzləşdirilmiş elektrik enerjisi; Hasilat üçün məşəldə yandırılmanın davamlı həyata keçirilməməsi; Azəri yatağında qazın təkrar laya vurulması (məşəldə yandırılmanın əksinə olaraq) Terminalda üzən qapaqlı çənlər; Aeroturbinlərdən istifadə; və Faza 3 və ÇNL-də elektrik mühərriki ilə işə salınan ixrac kompressiyası. Bu tədbirlərə əlavə olaraq, AÇG Layihəsi qazın idarə olunması strategiyasında iştirak edir ki, bu strategiyaya əsasən AÇG işlənmələri tərəfindən hasil olunan səmt qazının əksər hissəsi müntəzəm olaraq laylara geri vurulur. Qalan qaz həcmi isə dəniz platformasının elektrik generatoru üçün əsas qaz turbinlərində istifadə edilir və Səngəçal terminalına nəql olunur.
“Qiymətləndirilmiş variantlar” adlı Fəsil 4-də təsvir olunduğu kimi, ŞD2 layihəsi işlənib hazırlanarkən enerji səmərəliliyi və İXQ-nin azaldılmasının mühüm bir aspekti kimi nəzərə alınmışdır ki, bu da aşağıdakıların seçilməsinə yardım edir:
Ventilyasiya ilə müqayisədə dənizdə məşəl; Elektrik ötürücüləri ilə müqayisədə quruda birbaşa işləyən qaz turbinləri; Quruda kompressiya qaz turbinlərində çıxış istilik utilizatoru; və Quruda məşəl qazının tutulması.
Bunlar ŞD layihəsi üzrə HPBS müddətində təxminən 103700 kton CO 2 emissiyasına qənaət ilə nəticələnmişdir.
Qeyri-İXQ emissiyaları üzrə olduğu kimi, hər bir AÇG və ŞD layihəsi üçün İXQ-yə dair monitorinq və hesabatvermə prosedurları və sənədləşmə tələbləri BP Azərbaycan şirkətinin Ətraf Mühit, Sağlamlıq, Əməyin Təhlükəsizliyi, Təhlükəsizlik və Ətraf Mühit (SƏTTƏM) üzrə siyasətinə (Fəsil 14-ə istinad edin) daxil edilib. Fəaliyyətə başladıqdan sonra ŞD2 layihəsi mövcud AÇG platformalarında artıq istifadə edilməkdə olan prosedurlara əsasən və ona uyğun olaraq İXQ üzrə layihəyə xas monitorinq, idarəetmə və hesabatvermə prosedurları işləyib hazırlayacaq. Şahdəniz 2 Layihəsi Ətraf Mühitə və Sosial-İqtisadi Sahəyə Təsirin Qiymətləndirilməsi Fəsil 13 Kumulyativ və transsərhəd təsirlər və təsadüfi hadisələr
Noyabr 2013-cü il 13/21 Yekun variant 13.10 Təsadüfi hallar
Təsadüfi hallar müntəzəm və qeyri-müntəzəm fəaliyyətlərdən ayrı nəzərdən keçirilir, çünki onlar yalnız texniki nasazlıq, insan xətası və ya seysmik hadisə kimi təbiət hadisələri nəticəsində meydana çıxır.
Bu bölmədə dağılmış materialın dayanıqlığı və üstünlük təşkil edən ətraf mühit şərtləri kimi aspektlər nəzərə alınmaqla, kondensat və dizel yanacağının dənizdə baş verən dağılmalarının mümkün nəticələri nəzərdən keçirilir.
Kondensatın dağılması ilə nəticələncə biləcək bir sıra təsadüfi hallar nəzərdən keçirilmiş və modelləşdirilmişdir. Atqılar, axın xəttinin partlaması, qaz kondensat ixrac boru kəmərinin partlaması və platformada dizel ehtiyatının itkisi daxil olan hadisələrin yerləri Şəkil 13.7-də göstərilir. Əlavə 13A-da dağılmaların modelləşdirilməsi üzrə qiymətləndirmə hesabatının xülasəsi verilib.
Quyu atqısı zamanı kondensatının sızma ssenariləri
Kondensat ŞD2 quyularında digər lay flüidləri (qaz və lay suyu) ilə birgə mövcud olacaq. Quyuya nəzarətin itməsi nəticəsində baş verən quyu atqısı (fontan) bütün flüidlərin (qaz, lay suyu və kondensat) böyük həcmlərdə sızması ilə nəticələnəcək və kondensat sızan qaz axınında tutulmuş olacaq. Maye kondensat proporsiyası suya daxil olan yüksək təzyiqli və yüksək sürətli qaz axınının yaratdığı intensiv burulğan vasitəsilə kiçik damcılar kimi su sütununa təbii şəkildə dispersiya olacaq. Kondensat damcılarının həcmi kiçik olduğundan, onların özünə xas üzmə qabiliyyəti olacaq, lakin qazın tərkibində tutulmuş kondensat flüidləri sürətlə yuxarı doğru qalxan qaz şleyfi ilə birlikdə su sütunu ilə yuxarı doğru hərəkət edəcək. Daha iri kondensat damcılarının dəniz səthində kifayət qədər üzmə qabiliyyəti olacaq. Yüklə 492,7 Kb. Dostları ilə paylaş:
|