_____________Milli Kitabxana______________
Şah Abbas durbini – məşhur Cəmşidin Camı kimi camaat içərisində çox şöhrəti
var. Cəmşidin Camı hər şeyi guya özündə əks etdirdiyi kimi, Şah Abbasın durbini
də sanki hər şeyi göstərməyə qadir imiş. Onun haqqında bizim yerlərdə çoxlu şirin
hekayətlər danışılır. Bu durbinin rolunu, Şah Abbasın ondan necə istifadə edib,
nələr görüb-etməsini həvəslə xatırlyırlar.
Altmışıncı bənd. Mənim dörd bibim vardı, yaş etibarilə: 1) Xədicə Sultan, 2)
Sitaiə, 3) Sara (Əmməcan), 4) Səyyarə (Xanım əmmə).
Altmış birinci bənd: Ağa Mir Heydər - böyük bibimin əridir, səksən yaşlı,
əldən düşmüş bir qoca hələ də zarafatlarından əl götürməmişdir. İndi də öz kinayəli
və mənalı sözləri ilə hamının, diqqətini cəlb edir. Çox qonaqsevər, açıq süfrəli bir
kişi idi, samovarı həmişə qaynardı, özü də həddindən artıq çay içərdi.
Altmış ikinci bənd:
Məlkamıd - Mələk-əl-Mövt (Əzrail) sözünün təhrif
olunmuş formasıdır. Kəndlərdə onu ölüyuyan yerinə işlədirlər.
Altmış üçüncü bənd:
1) Fizzə xanım (dayım qızının adıdır) - Xoşginabın çox
hörmətli qadınlarından birisidir.
Ağa Mir Yəhya - Mərhum Məcdəs-Sadatın qardaşı, çox səmimi və xoşqəlb
insandır. Epik şerlərin gözəl ifaçısı idi. Atası kimi də "Şahnamə"ni çox yaxşı
oxuyardı.
Rüxsarə xanım (atamın xalası qızı) - bacarıqlı və hörmətli bir qadın idi.
Başqalarının təqlid edib yamsılamaqda səhnədəki qüdrətli artisti belə sanki
üstələrdi.
Ağa Seyid Yəhya - Əmioğlumdur, çox təmiz və nəcib bir insan idi. Şəqaqilərlə
qohum olduğuna görə son 30 ildə Qıpçaq kəndində yaşardı.
Ağa Mir Cəfər - Rəhmətlik Ağa Mir Qafarın böyük oğlu idi. Çox işgüzar,
əməkçi və cəsarətli bir insan idi. Əli də çox ağır idi, kənddədki davalarda iştirak
etsəyədi, onda, sözsüz, yaman bir hadisə üz verərdi.
Altmış yeddinci bənd: Dam qaya - Şəngülava və Güllücə kəndlərinin arasında
dağın başında yüksəlib əyilən bir qayadır. Sanki təbiət oranı yayda, qışda çobanlar
və səyyahlar üçün qardan, yağışdan özlərini qorumaqdan ötrü bir daldalanacaq
düzəltmişdir. Uşaqlar da yay mövsümü bəzən oraya çıxıb, qayanın başından ətrafı
seyrə dalar, o gözəl mənzərələrdən zövq alardılar.
_____________Milli Kitabxana______________
Yetmiş dördüncü bənd: Əsərin bu bəndində Koroğlu dastanına işarə
edilmişdir. Şair özünü Koroğlunun yerinə qoyub, hadisələr bitməzdən əvvəl
yatmaq istəmədiyini söyləyir.
"Koroğlu" dastanı Azərbaycanın, bəlkə də bütün dünyanın ən məşhur
dastanlarından biridir. Onun xülasəsi belədir: dastanın qəhrəmanı Koroğlu öz oğlu
Eyvazı vuruş meydanına göndərir. Gün batır, qaş qaralır, ancaq Eyvaz geri
qayıtmır. Bütün gecəni Koroğlunun intizar gözlərinə yuxu getmir. Qaranlıq gecədə
onun gözləri gah zülmətlə, gah tufanla, gah də göydəki qara buludlarla əlləşib
çarpışmaq istəyir. Göydə qatar-qatar düzülüb uçan durnalardan öz oğlunu xəbər
alır. Sübhə qədər gözlərinə yuxu getmir. Dan yeri söküləndə məşhur Qıratını minib
düşmən üstünə gedir, ona qələbə çahlır, əsir düşmüş Eyvazını azad edib gətirir.
Eyvazm geri qayıtması dastanın sonudur.
Şeirlər
Çavuş - Kərbəlaya gedən zəvvarı müşayiət edən bələdçi.
Kədiklərin sazax çalan sazları.
Qışda dağ aşırımalarındakı səsləri şair saz səsinə bənzədir.
Zihəccəmiz məhərrəm olmaqdadır.
Zihəccə islam hicri təqviminin 12-ci ayıdır. Bundan sonra gələn məhərrəm ayı
şiələr üçün təziyə ayıdır. Misra toyun yasa çevrilməsini göstərir.
Qız-gəlinin fındıqçası - barmaqlara həna qoyulub bağlanmasına fındıqça
deyilir.
İlləl yəafirə və illəlsu və bəldətin leysə ləha ənisu.
(Ərəb) mənası: Bu şəhərdə mənə ceyranlardan və dəvələrdən başqa dost
yoxdur.
"Aradanxır" - uşaq oyunlarından biri.
Kürsü tovu - keçmiş zamanlarda evin ortasında qurulan kürsünün dövrəsi.
Nəqşləri tərh etmək - xəritə çəkmək, plan qurmaq.
Xərməni saqqıza verdik, nəyaman çərçidi bu?
Alverçinin bahaçılığına, müştərini aldatmasına işarədir. Şair, siyasətçiləri
alvərçiyə, çərçiyə oxşadır.
Baxmayıb gözyaşına ingilis əl qatdı bizə, Görürəm rus da Arazdan keçir İran
apara.
_____________Milli Kitabxana______________
1941-ci ilin avqustunda ingilislərin cənubdan, Sovet qoşunlarının isə alman-
faşist təhlükəsinə qarşı şimaldan İrana girməsinə işarədir.
İqbal - Məşhur Azərbaycan müğənnisi təbrizli Əbülhəsən xan İqbal Azər
(1867-1967)
Təb riştəsi - tibb fakültəsi.
Əl atmaq hacata - silah götürmək.
Pambıq atmaq - yaprıxmış pambığı didib açmaq.
Mazı-mata salmaq - naz-qəmzə etmək, bir şeyi mətaha çevirmək.
Büzüşüb bəy durmaq - Bəy kimi büzülüb dimdik durmaq.
Yengə-muşata (məşşatə) - toy gecəsi gəlinə zinət verən, bəzəndirən və
bakirəliyini təsdiq etmək üçün gedən qadınlara verilən adlar.
Sərvan Şəhiri – Şəhriyarın dostlarındandır.
Bəhruz Dövlətabadi - Şəhriyarın yaxın qohumlarından biridir.
Lülələnməkdədi yer-göy neçə tumar sarıyanda
Qədim zamanlarda saray şairləri şerlərini kağızlara yazıb onlan bir-birinə
calayıb bükərdilər. Şair yeri-göyü beləcə qatlanıb lülələnmiş şeir bükülməsinə -
tumara bənzədir.
Qovutmac - küncütün döyülüb doşabla qarışdırılmış forması.
"Kəlilə-Dimnə" - Qədim hindlilərin alleqorik rəvayətlərdən ibarət ibrətamiz
kitabı. VI əsrdə fars, sonralar isə başqa dunya dillərinə də tərcümə olunub şöhrət
qazanmışdır.
Mehdiyə-maude-zühur - Rəvayətə görə on ikinci imam Mehdinin vəd olunmuş
zühuru.
Həqqa-maşa - tiryək çekmək üçün istifadə olunan alətlər.
Fitrət bayramı - Orucluq bayramı, orucluq ayının son günü. "Əşiran " - Mahur
dəstgahının bir guşəsi.
"Hicaz" -Muğamda "Şur" dəstgahında "Simayi-Şəms"dən sonra ifa olunan
guşədir.
Mahmud və Ayaz - Səlcuq sultanı Mahmud Qəznəvi (998-1030) və onun qulu
Ayaz nəzərdə
tutulur. Onların bir-birinə
olan məhəbbəti, hörməti Şərq
ədəbiyyatında məşhurdur.
Şəriəti - İranın məşhur ictimai xadimi doktor Əli Şəriəti. Milliyyətcə türkdür.
Seyidağa Fəxriyyə - Cənubi Azərbaycanın məşhur komik gülüş ustalarından
(aktyor) olub, Şəhriyarın dostu idi. 1972-ci ilin yayında avtomobil qəzası zamanı
həlak olmuşdur.
Professor Əliyev - Rüstəm Əliyev. Azərbaycanın məşhur şərq-şünas alimi.
Əməkdar elm xadimi.