MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 90 götürəcəyini bildirdi. Bundan sonra Tərlan Süleymanın niyə dəfələrlə Rusiyaya gedib-gəlməsi ilə maraqlandı. - Dediniz ki, noyabrın sonunda babanızın vəfatı ilə əlaqədar olaraq Dağıstana getmisiniz. Bu haqda zəhmət olmasa bir az geniş məlumat verin. - Anamın ailəsi və digər yaxınları hal-hazırda Dağıstanda – Xasavyurdda yaşayırlar. Amma onlar da əvvəlcə burada yaşayırdılar. Noyabrın 25-də xəbər gəldi ki, babam rəhmətə gedib. - Allah rəhmət eləsin. - Allah sizin də ölənlərinizə rəhmət eləsin. Bu xəbəri alan kimi dərhal ora yola düşdüm. Yas mərasimi yekunlaşandan sonra dekabrın üçündə artıq Bakıya qayıtdım. Çox qala da bilməzdim. Çünki gedərkən burdakı obyektlərimi kiməsə tapşırmamışdım. Ona görə də tələsik geri qayıtmalı oldum. Bundan sonra baş verənlərdən də xəbəriniz var. - Xarici pasportunuza baxmaq olar ? - Əlbəttə, olar. Süleyman yenə də yan otaqlardan birinə keçərək pasportunu gətirdi. Pasportu diqqətlə nəzərdən keçirən Tərlan Süleymanın dedikləri tarixlərlə onun həm İrana, həm də Rusiya Federasiyasına getdiyi tarixlərin üst-üstə düşdüyünü gördü. O, heç bir yanlış məlumat verməmişdi. Deməli, Rasimin oğlu İbrahimin Moskvada öldürüldüyü vaxt Süleyman artıq Azərbaycanda olmuşdu. Daha burda qalmağın əbəs olduğunu hiss edən Tərlan ayağa qalxmaq istəyirdi ki, birdən Süleyman ona bəlkə də gözləmədiyi bir sualı verdi. - Yoldaş müstəntiq... Anladığım qədər deyəsən bu cinayətlərdə məndən də şübhələnirsiniz ? Tərlan bir balaca duruxsundu. Beynində bir-iki saniyə nə cavab verəcəyini fikirləşdi. Amma vəzifəsinin tələblərinə uyğun olaraq o hər şeyi olduğu kimi Süleymana deyə də bilməzdi. Sonra gülümsünərək: - Yox, nə danışırsınız. Sadəcə olaraq istintaqın gedişində ortaya çıxan bəzi faktları dəqiqləşdirmək və sizi get-gələ www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 91 salmamaq üçün həmin faktların doğruluğunu öyrənmək üçün bura gəlmişəm. - Təki elə olsun. - Daha mən gedim. - Mən də sizinlə bir yerdə çıxım. Bura kimi gəlmisiniz, artıq nahar vaxtıdır. Çıxaq dəniz qırağına. Oradakı restoranlardan birində nahar edərik. - Çox sağ olun, Süleyman. Heç bir şeyə ehtiyac yoxdur. Çalışın tezliklə tamamilə sağalıb yenidən İrana qayıdın. Dediyiniz həkimin qəbulunda olun. Həmin həkim də söz verdiyi kimi sizin ayağınızı müalicə edib, əvvəlki görkəminə qaytarsın. Bundan sonra Tərlan ayırdığı vaxta görə Süleymana öz minnətdarlığını bildirərək, onun mənzilini tərk elədi. Novxanıdan Bakıya qayıdarkən Tərlan yol boyu Süleymanla bağlı axlına gələn fikirləri bir-bir çıxdaş etməyə başladı. Birinci cinayətdə Bahaduru qətlə yetirərək Bayıl yamacına atan cinayətkar ayağına “BOT” (potinka) geyinmişdi. Onun ayaq izlərinə çolaq adamın ayaq izlərinə bənzəmirdi. İkinci cinayətədə idmançı Rəvan Məmmədovu qətlə yetirdiyi zaman qaraçı geyimində kameralara düşən həmin cinayətkarın tamamilə sağlam olduğu görünürdü. Bütün bunlara baxmayaraq, Tərlan Süleymana qarşı olan bütün şübhələrini aradan qaldırmaq üçün onun, həqiqətən, İrana və Rusiyaya hansı məqsədlərlə getdiyini araşdırmaq qərarına gəldi. Tərlan bunun üçün heç kimə bildirmədən Tehrandakı klinikilardan birində çalışan, əyri və çolaq ətrafların (yəni qıçların) yenidən bərpası üzrə həkim və mütəxəssis olan və bir müddət öncə Süleymanın qəbulunda olduğu həkimlə əlaqə saxladı. Həkim hər şeyi dəqiqliklə və olduğu kimi Tərlana izah etdi. Araşdırmalar zamanı onun adlarını qeyd etdiyi İran (əslində Cənubi Azərbaycan) şəhərlərində olduğu da dəqiqliklə sübut olundu. Eyni zamanda Süleymanın həqiqətən babasının yas mərasimi ilə əlaqədar Rusiya Federasiyasında, www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 92 Dağıstanın Xasavyurd rayonunda olduğu da öyrənildi. Dağıstandan qayıtdığı gün (3 dekabr 2012) o öz evi qarşısında avtoqəza etmiş. Bir gün Xırdalan şəhər xəstəxanasında qalmış, daha sonra isə müalicəsini evində davam etdimişdi. Avtoqəzadan sonra ev şəraitində yataq rejimində olarkən bir dəfə belə Süleymanın telefonunun şəbəkə siqnalları onun evindən kənara ayrılmamışdı. Deməli, Rasimin oğlu İbrahimin uşağının öldürüldüyü ərəfədə və gündə Süleyman öz evində olmuşdu. Tərlan hətta Süleymanın xəbəri olmadan ekspert vasitəsilə onun avtomobilinə (TOYOTA PRADO) də baxış keçirdi. Onun məqsədi bu idi ki, nə vaxtsa bu avtomobil başqa rəngə - xüsusilə qara rəngə boyanıbmı? Amma ekspert bildirdi ki, bu avtomobilin rəngi heç vaxt dəyişdirilməyib. Çünki avtomobil üzərində üst-üstə vurulmuş ikinci və ya üçüncü boyaya rast gəlinmədi. Tərlanın Süleymanla bağlı apardığı bütün araşdırmalar öz təsdiqini tapmadı. Tərlanın “Çolaq Süleyman”la bağlı şəxsi araşdırmalarının davam etdiyi bir zamanda, onunla yanaşı prokurorluq və daxili işlər orqanlarının əməkdaşları törədilən cinayət aktları ilə bağlı təhqiqatlarını davam etdirirdilər. Baş vermiş cinayət aktlarının açılması üçün Rusiya Federasiyasının Moskva şəhərinin Daxili İşlər Orqanları ilə də əlaqə yaradılmışdı. Lakin iki ölkənin əlaqədar orqanların 8 aylıq istintaq işi (2013-cü il, yanvar – avqust ayları arasında) heç bir nəticə vermədi. Hətta, ayrı-ayrı cinayət aktlarının açılması üzrə ixtisaslaşmış respublika üzrə ən görkəmli ekspertlər belə törədilən bu cinayət işlərinin üstünü açmaqda heç bir nəticəyə gələ bilmədilər. Yalnız bir fakt məlum idi – hər bir cinayət aktı elə ustalıqla törədilmişdi ki, qatil ortalıqda onu ələ verəcək çöp belə saxlamamışdı. Bu da onu göstərirdi ki, qatil hər bir cinayət aktını əvvəlcədən planlaşdırıb. Bəlkə də, hər bir cinayəti həyata keçirmək üçün hazırladığı plan üzərində nəinki aylarla, hətta illərlə işləyib. Qurbanlarını harada ələ Yüklə 2,96 Kb. Dostları ilə paylaş:
|