www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
84
Göstərilən vaxtda adları keçən şəxslərin hamısı
prokurorluğa toplandılar. Bir araya gələn keçmiş sinif
yoldaşılar və onların valideynləri bu dəfə Rasimin ailəsində
baş verən hadisədən xəbərdar oldular. Oğlu İbrahimin faciəli
qətli ilə bağlı ona başsağlığı verdilər. Baş vermiş 3 cinayət
işinin istintaqı ilə əlaqədar təşkil olunmuş toplantıda hətta
Respublika Baş Prokurorluğundan və Daxili İşlər
Nazirliyindən dəvət olunmuş nümayəndələr də iştirak edirdi.
Səbail rayon prokuroru özü həmin nümayəndələri dəvət
etmişdi ki, Rusiya Federasiyasının lazımi dövlət qurumları ilə
əlaqə yaratmağın vacib olduğunu həmin şəxslərin özləri də
görsün.
Prokurorluğa
təşrif
buyuran
keçmiş
sinif
yoldaşlarından Süleyman yaman diqqət çəkirdi. Ötən səfər
axsaq, lakin sağlam vəziyyətdə bura gələn Süleyman indi
əlində və qolunda sarğılarla bura təşrif buyurmuşdu. Söhbət
əsnasında məlum oldu ki, ayın əvvəllərində o, öz həyəti
qaşısında avtomobil qəzası keçirib.
Əvvəlki istintaq toplantılarında olduğu kimi bu
toplantının sonunda da konkret nəticəyə varmaq mümkün
olmadı. Buna baxmayaraq həm Azərbaycan Respublikasında,
həm də Rusiya Federasiyasında cinayət işlərinin üstünü
açmaqdan ötrü məlumatları gərəkli olacaq dövlət qurumları
müəyyənləşdirildi.
Həmçinin, yenidən baş verəcək cinayət aktının və ya
aktlarının qarşısını almaqdan ötrü lazımi tədbirlərin görülməsi
qərara alındı. Çünki cinayətkar hələ də azadlıqda olduğuna
görə onun kimlərisə yenidən hədəfə ala biləcəyi ehtimalı var
idi. İlin sonu olduğuna görə baş vermiş hər üç cinayət işi ilə
bağlı geniş əhatə dairəsinə malik istintaq araşdırmasına 2013-
cü il, yanvar ayının 7-dən etibarən başlanması qərarı verildi.
Bu görüşdən sonra artıq Bakıda qalmağın gərəksiz
olduğunu anlayan Rasim Moskvaya qayıtdı. Lakin Bakını tərk
etməzdən öncə o, Tərlana zəng edərək bildirdi ki, cinayət işi