MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 96 cinayətkar tərəfindən törədilən və üstü heç vaxt açılmayan cinayətlərlə bağlı göndərilmişdi. Hansı ki, bu cinayət işlərinin istintaqını aparan müstəntiqlərdən biri də məhz Tərlanın özü idi. Çox uzun illər keçdikdən sonra, nəhayət ki, Tərlan həmin cinayətlərin kim tərəfindən törədildiyini biləcəkdi. Tərlan bir az səbirsiz idi. Amma hər nə qədər səbirsiz olsa da gecənin düşməsini gözlədi. Ona görə ki, ona ünvanlanmış bu bandrolun içində olanlara sakitçilikdə baxmaq istəyirdi. Evdəki hər kəsi yuxuya verdikdən və gecədən bir xeyli keçdikdə sonra Tərlan masanın arxasına keçərək ona ünvanlanmış həmin bandrolu açdı. Bandrolun içində bir neçə vərəqdən ibarət əl yazısı ilə yazılmış məktub var idi. Məktubdan əlavə həmin bandrolun içində bir neçə şəkil, rentgen vərəqi və müxtəlif sənədlər də var idi. Hər şey Tərlanın fikirləşdiyi kimi idi – bandrolun içindəki məktub, şəkil və müxtəlif sənədlər 25 il öncə baş vermiş cinayətlərlə bağlı idi. Eynəyini taxan Tərlan əvvəlcə rentgen vərəqinə baxdı, lakin bundan heç nə başa düşmədi. Ardınca şəkillərə baxdı – burada balta, trenajor alətləri, müxtəlif markalı 2 avtomobil, sprey (dezodrant) boya, sərhəd xəttinin telləri və s. şəkillər vardı. Bu şəkillərdən bəziləri Tərlana artıq tanış idi. Amma digərlərinin nə olduğunu başa düşmədi. Ona görə də məktubu oxumağa başladı: www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 97 IV FƏSİL Sultan Süleyman Qanuni qabiliyətli və istedadlı insanları çox sevirdi və onları mükafatlandırardı. Bu səbəbdən bütün məharət sahibləri onun hüzuruna çıxmağa can atırdılar. Üç metrlik məsafədən sapı iynəyə keçirməyi bacaran bir adamın da tək xəyalı nə vaxtsa sultanın hüzuruna çıxmaq idi. Vaxt keçdi, vədə doldu və nəhayət ki, bu şərəf ona da nəsib oldu. Beləcə təyin olumuş gündə sultanın hüzuruna çıxdı və qabiliyyətlərini sərgilədi. Sultan böyük heyranlıqla tamaşa edirdi. Bir daha, bir daha... Gördükləri doğru idi. Adam o qədər məsafədən sapı atır və iynənin dəliyindən keçirirdi. Sultan bunun səbəbini soruşdu: “De görək, hardandır səndəki bu qabiliyyət?”. Məharət sahibi lovğalıqla “Qırx ildir gecə-gündüz demədən bunun üçün çalışıram”, - dedi. Sultan gülümsədi və belə buyurdu: “Bu adama qırx qızıl verib, qırx da şallaq vurun.” Sultanın ətrafındakılar əmrin qarşısında çaşıb qalmışdı. Qırx qızıllıq mükafatın ardından qırx şallaqlıq cəzaya nə ehtiyac var idi ki?... Sultan saraydakıları çox intizarda qoymadan sözünü davam etdirdi.: “Qırx qızıl qeyri-adi qabiliyyətin üçün. Həqiqətən çətin bir işin öhdəsindən gəlmisən. Qırx şallaq da belə www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 98 qabiliyyətli insan olduğun halda, mənasız işlə məşğul olduğun üçün. Boşuna keçirdiyin bu vaxt ərzində həm özün, həm də başqaları üçün daha əhəmiyyətli işlər görə bilərdin.” Üzü günəşə baxan insan heç vaxt kölgəsini görməz..... “Bu məktubu yazıb-yazmamaq haqqında çox düşündüm. Amma uzun illərdən bəri içimdə saxladığım bu sirri özümlə o biri dünyaya aparmağa da razı deyildim. Deyirlər ki, bir vaxtlar böyük fateh Makedoniyalı İsgəndərin başında buynuz varmış. Məhz buynuzunun olması səbəbindən sirri ortaya çıxmasın deyə İsgəndər başını qırxan bütün bərbərləri edam etdirirmiş. Bir bərbər isə çox yalvarıb- yaxardığına görə, İsgəndər ona toxunmur. Lakin bu boyda sirri ürəyində saxlaya bilməyən bərbər başını bir su quyusuna sallayaraq “İsgəndərin buynuzu var”, “İsgəndərin buynuzu var” deyə səslənir və ürəyini boşaldır. Bir çoban isə həmin quyudan çıxan qamışdan düzəltdiyi tütəklə hər dəfə nəsə ifa edəndə, həmin tütəkdən “İsgəndərin buynuzu var”, “İsgəndərin buynuzu var” deyə səslər gəlirmiş. Tərlan müəllim yəqin ki, söhbətin nədən getdiyini artıq bildiniz, nə demək istədiyimi artıq başa düşdünüz. Mənə elə gəlir ki, siz bandrolun küncündə yazılan “25 illik sirr !” cümləsini görmüsünüzsə, bu bandrolun nə məqsədlə sizə ünvanlandığını təxmin edə bilmisiniz. Ona görə də uzun illərdən bəri daxilimdə saxladığım bu sirri İsgəndərin bərbəri kimi quyuya deyil, məktub vasitəsilə sizə danışmağa qərar verdim. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 99 Fikirləşəcəksiniz ki, törətdiyim ayrı-ayrı cinayətlərə heç nəylə haqq qazandırmaq olmaz. Amma mən nə dəli, nə manyak, nə də ki, psixopat deyildim. Bu cinayətləri törətməkdə özümə görə mənim də tutarlı səbəblərim var idi. Çünki mən, bir vaxtlar mənə pislik edənlərdən öz qisasımı alırdım. İndi sizə cinayətləri törətdikdən sonra sudan hansı şəkildə quru çıxmağımın yolları haqqında məlumat verim. Özünüz də yaxşı bilirsiniz ki, Bakının elə bir yeri, elə bir prospekti, elə bir küçəsi yoxdur ki, orada kameralar quraşdırılmasın. Həm Daxili İşlər Nazirliyi, həm də digər dövlət qurumları tərəfindən şəhərin ayrı-ayrı istiqamətlərində kifayət qədər kameralar quraşdırılıb. Eyni zamanda təyinatından asılı olmayaraq ayrı-ayrı obyektlərin qarşısında da kifayət qədər kameralar vardır. Mən çox yaxşı bilirdim ki, lazım olduqda həmin kameralar vasitəsilə insanları da izləyirlər. Deməli, işimi elə görməli idim ki, şübhəli kimi bu kameraların qeydlərinə düşməyim. Ona görə də, qətlini nəzərdə tutduğum adamları izləmək üçün müxtəlif cildlərə girirdim. Gah dilənçi olurdum, gah bomj, gah zibileşən, gah süpürgəçi, gah “porkovşik” və s. və s. Beləcə, qətlə yetirəcəyim şəxsləri harada və necə tapmağın yollarını tələsmədən, aram-aram öyrənirdim. Müxtəlif cildlərə girməyim isə məni nə vaxtsa müəyyən etməyinizə imkan vermirdi. Müxtəlif cildlərə girərək şəhərin küçələrində dolaşdığım vaxtlarda həmçinin evdə qətl planlarımı qurmaqda davam edirdim. İndi qalırdı sadəcə cinayətləri həyata keçirmək. Mən əvvəlcə idman aləmində ad çıxarmış Rəvan Məmmədovu qətlə yetirəcəkdim. Bütün planım hazır idi. Amma qətli planlaşdırdığım ərəfədə onun Fransada keçirilən idman yarışı ilə əlaqədar olaraq Bakını tərk etməsi bu planımı həyata keçirməyə imkan vermədi. Buna görə də ilk qurbanım Bahadur oldu. Yüklə 2,96 Kb. Dostları ilə paylaş:
|