MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 56 yoxlamaq üçün Raminlə birlikdə mərhumun gicgah nahiyəsini yoxladı. Hər şey həkimin dediyi və hər şey birinci cinayətdə olduğu kimi idi. Morqdan çıxdıqdan sonra Tərlan Raminə bildirdi ki, bir müddət öncə onların rayonu ərazisində törədilən cinayət zamanı da cinayətkar mərhumun gicgah nahiyəsindən vuraraq onu özü üçün təhlükəsiz hala gətirmişdi. Bu isə hər iki cinayət hadisəsinin eyni ssenari ilə törədildiyinə bi işarə idi. Bu zaman hər iki müstəntiqin diqqətini bir məqam çəkməyə başladı – sanki cinayətkar mərhumları məşğul olduqları sahələrin xüsusiyyətlərinə görə qətlə yetirmişdi. Bahadur qəssab idi - buna görə də o balta ilə parça-parça edilmişdi. Rəvan isə ağır atletika ilə məşğul olan idmançı idi – buna görə də onu işlətdiyi ağır idman alətləri ilə qətlə yetirilmişdi. Bu prinsip də hər iki cinayət aktının eyni cinayətkar tərəfindən törədildiyinə bir işarə idi. Bu faktlar isə onu sübut edirdi ki, cinayətkar qətlə yetirdiyi şəxslərə yaxından bələd imiş – onların harada yaşamaları, nə ilə məşğul olmaları, nə vaxt və hara getmələrini çox aydın şəkildə bilirmiş. İndi qalırdı bu 2 şəxs arasında əlaqənin və oxşarlığın tapılmasına. Müstəntiqlər morqdan çıxaraq çöldə söhbət etdikləri vaxt bir nəfər orta yaşlı şəxsin maşından düşərək morqa yaxınlaşdığını görürlər. Ramin Tərlana bildirir ki, bu öldürülən idmançı Rəvan Məmmədovun atası İbrahimdir. Hər iki müstəntiq İbrahimə yaxınlaşaraq oğlanlarının qətlə yetirlməsi ilə bağlı ona baş sağlığı verdilər. Daha sonra Tərlan özünü təqdim edərək İbrahimə bir sual verdi: - İbrahim müəllim, zəhmət olmasa sizə bir sual verəcəm. Keçən ayın ortalarında şəhərdə bir nəfər gənc qətlə yetirilərək cəsədi Bayıl yamacına atılmışdı. Həmin gəncin adı Bahadur idi. Sizin oğlunuz Rəvanla həmin gənc - yəni Bahadur arasında hər hansı bir tanışlıq olubmu? - Siz yəqin ki, Səbael rayonundan olan və atası ilə birlikdə qəssablıqla məşğul olan oğlanı deyirsiniz. Elədi ? www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 57 Əvvəlcə hər iki müstəntiq təəccüblü şəkildə bir-birinin üzünə baxırlar və Tərlan “Bəli” - cavabını verir. - Bahadur mənim oğlum Rəvanla bir sinifdə oxumuşdular. Həmçinin bizim uşaqlar çox yaxın dost olublar. Bahadurun öldürülməsi bizi yaman kədərləndirmişdi. Fransada keçirilən idman yarışından qayıdandan sonra oğlum və mən Bahadurun yas mərasimində də olmuşuq. Biz əvvəlcə Səbael rayonu ərazisində yaşamışıq. Yaxın illərdə bura köçmüşük. Bahadurgilin ailəsi və xüsusilə onun atası Kərimlə yaxın münasibətlərimiz olub. Siz nəyə görə bu sualı verdiniz ki,? - İbrahim müəllim, bizə elə gəlir ki, törədilən cinayət aktları arasında hansısa bir əlaqə var. Sizin oğlunuzla bir müddət öncə qətlə yetirilən Bahadurun bir sinifdə oxuması, onların çox yaxın dost olması və onlarla qonşu olmağınız bu 2 cinayət hadisəsi arasında əlaqənin həqiqətən də olmasına dair şübhələr oyadır. - Nə deyim. Hər kim törədib, hansı alçaq törədib mütləq layiqli cəzasını almalıdır. Mən bəri başdan deyirəm. Sizdən öncə oğlumu qətlə yetirən şəxsi tapsam, onu özüm qətlə yetirəcəm. Cümləsini bitirəndən sonra İbrahim oğlunun cəsədinin saxlanıldığı morqa daxil olur. Tərlan isə prokuroruna zəng vuraraq bildirdi ki, həqiqətən də bu 2 cinayət hadisəsi arasında əlaqə mövcuddur. Çünki cinayət aktları eyni ssenari əsasında törədilib. Qətlə yetirilən şəxslər bir vaxtlar bir sinifdə oxuyublar, yaxın dost olublar və ailələri arasında da yaxın münasibət olub. Qərara alındı ki, hər iki prokurorluğun və hər iki rayondan olan hüquq mühafizə orqanları nümayəndələrinin iştirak etdiyi birgə istintaq qrupu yaradılsın. Əvvəlcə qətlə yetirilən gənclərin valideynlərinin və digər yaxınlarının birgə iştirakı ilə istintaq iclası keçirilsin. Bundan sonra isə toplanılan istinataq faktları hesabına hər iki cinayət aktının üstü açılsın. Bu iş üzrə məsuliyyətli şəxslər isə - müstəntiqlər Səbael rayon prokurorluğundan Tərlan Allahverdiyev və www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 58 Nəsimi rayon prokurorluğundan Ramin Qasımov olacaqdılar. Əgər bu faktlar cinayət aktlarının üstünü açmağa kifayət etməsə o zaman istintaq işinin əhatə dairəsi daha da genişləndirilsin. Səbail rayon prokurorluğunda istintaq iclasının keçiriləcəyi vaxta qədər isə öldürülən idmançı Rəvan Məmmədov haqqında faktların toplanmasına başlanıldı. Onu son vaxtar kimlərlə görüşməsi, əlaqələr yaratması, probleminin ola biləcəyi şəxslər haqqında məlumatlar toplanıldı. Valideynləri inkar etsələr də istintaq qrupu bir versiyanı da incələməyə başladı. Bu versiya ondan ibarət idi ki, bir vaxtlar qonşu, yaxın dost və sinif yoldaşı olmuş bu 2 şəxs arasında düşmənçilik olub, ya yox. Məhz bu səbəbdən onların ailələri bir-birindən qisas almaq fikrinə düşsünlər. İstintaqın gedişində bu versiyanın doğruluğu sübut olunmadı. Eyni zamanda idmançı Rəvan Məmmədovun qətlə yetirildiyi trenajor zalının yaxınlığında yerləşən ticarət və iaşə obyektlərində, həmçinin Daxili İşlər Nazirliyi tərəfindən şəhərin məhz həmin istiqamətində quraşdırılan kameraların görüntülərini diqqətlə incələməyə başlanıldılar. Kamera görüntüləri vasitəsilə maraqlı bir faktın görüntüsü ortaya çıxdı. O qədər də yaxınlıqda sayılmayan ticarət obyektinin kameraları vasitəsilə müəyyən olundu ki, uzun müddət özünü qaraçı geyimində göstərən bir şəxs Rəvana məxsus trenajor zalının ətrafında dilənçilik edirmiş. Amma təbii ki, o, həqiqətən, dilənçi deyilmiş. O, burada dilənçilik edə-edə əslində kənardan Rəvanı izləyirmiş. Bu izləmə hətta birinci dəfə qətlə yetirən şəxs Bahadurun qətlindən öncə başlanmışdı. Amma izləmə birdən-birə kəsilir. İzləmənin kəsilməsinin əsl səbəbi də müəyyən olundu. Çünki həmin ərəfədə Avropada keçirilən idman tədbiri ilə əlaqədar Rəvan ölkəni tərk etmişdi. Əgər Rəvan ölkəni tərk etməsəydi, qatil çox güman ki, ilk olaraq məhz onu qətlə yetirəcəkdi. Yüklə 2,96 Kb. Dostları ilə paylaş:
|