Laboratoriy ishlari

2-tajriba. Asosli oksid va gidroksidning hosil bo’lishi
Reaktivlar: Mg metalli, fenolftalein eritmasi, distirlangan suv.
Ish tartibi. Magniy metalli temir qisqich bilan olib, gaz gorelkasida (yoki spirt lampasida ) chinni kosacha ustiga qo’yib yondiring.
Magniy yonib bo’lgandan keyin kosachada qolgan oq rangli MgO ning kukinini 1-2ml suvda eritib, hosil bo’lgan eritmani toza probilkaga quying. So’ngra eritmaga 1 tomchi fenolftalein eritmasidan tomizing. Eritma rangini o’zgarishini kuzating.
Topshiriqlar:
1. Magniy oksidi va magniy gidroksidining hosil bo’lish reaksiya tenglamasini yozing va tegishili xulosalar chiqaring.
2. Magniy oksidi misolida asosli oksidlarning kimyoviy xossalarni bayon qiling.
3-tajriba. Mis (II) oksidining olinishi
Reaktivlar: mis (II) sulfat, natriy gidroksid eritmalari.
Ish tajribi. Toza probirkaga mis (II) sulfat eritmasidan 2-3ml quying, uning ustiga shuncha natriy gidroksid eritmasini quying. Natijada Cu(OH)₂ ning havo rang cho’kmasi hosil bo’ladi. Cho’kmani ajratib olib, uni chinni kosachada oxistalik bilan qizdirilsa qora rangli mis (II) oksid hosil bo’ladi.
Topshriqlar :
1. Mis (II)gidroksidining hosil bo’lish reaksiya tenglamasini yozing.
2. Mis (II)gidroksidining parchalanish reaksiya tenglamasini yozib xulosa chiqaring.
4-tajriba. Asosli oksidlarning kislotalar bilan ta’siri
Reaktivlar: Magniy oksidi, mis(II) oksidi, 10 % li H₂SO₄
Ish tartibi. Ikkita probirka olib, ularga 2 va 3- tajribalardan hosil qilingan MgO va CuO dan oz miqdorda aloxida soling va ularning har birini ustiga 2-3 ml 10 % li H₂SO₄ eritmasidan qo’shing. Probirkalarda sodir bo’ladigan hodisalarni kuzating.


Topshiriqlar:
1. CuO va MgO larni sulfat kislota bilan reaksiya tenglamasini yozing va xulosa chiqaring.
2. Qora rangli CuO ning kislotada erib, havo rang eritma hosil bo’lishini izohlang.