Laboratoriy ishlari

3 – tajriba. Natriy sulfitning qaytaruvchi va oksidovchilik xossalari
Reaktivlar: Kaliy bixromat ( K₂Cr₂O₇), H₂SO₄, Na₂SO₃, Na₂S eritmalari.
Ish tartibi. a) Probirkaga 1-2 ml dan kaliy bixromat va sulfat kislota eritmalaridan oling va ustiga tomchilatib Na₂SO₃ eritmasidan qo’shing. Eritma yashil rangga kirshini kuzating. Ushbu reaksiyani qaytaruvchi sifatida KNO₂ ( yoki NaNO₂) bilan olib boring.
b) Probirkaga Na₂SO₃ eritmasidan 1-2 ml kaliy, ustiga sulfat kislota va Na₂S eritmasidan qo’shing. Eritmaning loyqalanishini (kolloid oltingugurt ajralishi) ni kuzating.
Topshiriqlar:
1. Tegishli reaksialarni molekulyar va ion–elektron tenglamalarini tuzing. Tenglamalarni tenglashtiring.
2. Na₂SO₃ ham oksidlovchi, ham qaytaruvchi xossalarini namoyon qilishini tushuntiring.
4 – tajriba. Vodorod peroksidning xossalari
Reaktivlar: 10% li H₂O₂ eritmasi, KMnO₄, H₂SO₄, KI eritmalarini, kraxmal kleysteri.
Ish tartibi. a) Probirkaga kaliy permanganat va sulfat kislota eritmasidan 1-2 ml dan oling va 1ml H₂O₂ ning 10% li eritmasidan tomizing. Eritmaning rangsizlanishini va gaz ajralib chiqishini kuzating.
b) Probirkaga 1-2 ml dan KI va H₂SO₄ eritmasidan olib, ustiga 1-2 tomchi kraxmal kleysteri hamda vodorod peroksid eritmasidan qo’shing. Eritmaning ko’karishini kuzating.
Topshiriqlar:
1. Tegishli reaksiya tenglamalarini tuzing va elektron–balans usuli bo’yicha tenglashtiring.
2. Vodorod peroksidning ikki yo’qlama xususiyatini izohlang.