.
64
Bu gün beynəlxalq bazarda turizm təşkilatları ara-
sında güclü rəqabət mövcuddur. Bəzi dövlətlərin sosial-
iqtisadi varlığı bilavasitə turizmin elmi təşkilinin səviyyə-
sindən asılıdır. Bu baxımdan inkişaf etmiş ölkələr turizm
bazarında daha çox rəqabətin önündə getməyə çalışırlar.
Son illərdə turizmin hərtərəfli inkişaf etdirilməsi
üçün ölkəmizdə dövlət səviyyəsində çox ciddi addımlar
atılmışdır. Bu sahədə Azərbaycan dövlətinin turizm siya-
səti dəqiqləşdirilmiş, bu məqsədlə turizmin inkişafının
dünya standartlarına uyğunlaşdırılması üzrə yeni məzmun-
lu normativ-hüquqi baza yaradılmış, turizmin müxtəlif sa-
hələri və növləri üzrə standartlar müəyyənləşdirilmiş,
turizm obyektlərinin tikilməsi məsələsinə yeni mövqedən
yanaşılmışdır. Bütün bunlar gələcəkdə turizmin Azərbay-
canın sosial-iqtisadi, habelə mədəni həyatında ən önəmli
yer tutacağından bir daha xəbər verir.
Yeni tarixi mərhələ Azərbaycanda turizm infras-
trukturunun beynəlxalq standartlar səviyyəsində qurulma-
sına geniş imkanlar açır. Bu gün turizm sahəsi üzrə bəşəri
prinsiplərə cavab verən qanunvericilik bazasının, norma-
tiv-hüquqi aktların, təlimati sənədlərin hazırlanması daim
diqqət mərkəzindədir. Hazırda Azərbaycanda turizmin
beynəlxalq standartlar səviyyəsinə qaldırılması üçün geniş
miqyaslı tədbirlər planı həyata keçirilməkdədir. Doğrudur,
bu sahədə müəyyən cüzi çatışmazlıqlar olsa da Azərbay-
canın zəngin, qədim turizm potensialı, mədəniyyəti, ölkə
rəhbərliyinin turizm sahəsini durmadan inkişaf etdirmək
üçun həyata keçirdiyi islahatlar, respublikamızın gələcək-
də də dünya turizmində daha layiqli yer tutacağına
əminlik yaradır.
.
65
Artıq bir danılmaz faktdır ki, turizm son illərdə dün-
yanın, o cümlədən də Azərbaycanın ən dəbdə olan sektor-
larından birinə çevrilmişdir. Müasir dövrdə dünya əhalisi-
nin təxminən 20%-dən çoxu beynəlxalq turuzim hərəka-
tına qoşulmuşdır. Ölkədaxili turizm proseslərinə qoşulan
insanların sayı məsələsində isə əldə dəqiq məlumatlar
yoxdur. Digər tərəfdən, turizmin dünya iqtisadiyyatı içəri-
sindəki yeri də müntəzəm artmaqdadır. Aparılan araşdır-
malar yaxın illərdə turizmin dünya iqtisadiyyatının ən
önəmli sektorlarından biri olacağını göstərməkdədir.
Dünya Turizm Təşkilatının araşdırmaları, turizm proses-
lərinə qatılan insanların sayının və turizmin iqtisadi təsir-
lərinin daha da artacağını ortaya qoymaqdadır.
Digər tərəfdən, turizm son illərdə iqtisadi təsirləri ilə
yanaşı, ətraf mühitə olan təsiri ilə də daha artıq gündəmdə
olan və müzakirə edilən sektorlardan biridir. Turizmin
daimi xarakter daşımayan bir yerdəyişdirmə prosesi
olması və bu proseslərin dünya miqyasında getdikcə möv-
cud təbii mühitlərə doğru yönəlməsi turizmin əsas priori-
tetlərini müəyyənləşdirməkdədir. Dünya hər gün ağlasığ-
maz və izlənilməsi çətin olan bir sürətlə dəyişməkdədir.
Dünən əsas kimi qəbul etdiyimiz dəyişikliklər qısa bir
müddətdə keçərsiz hala gəlməkdədir. Təbii ki, mütəşəkkil
və düzgün turizm siyasətinin formalaşdırılması və bunun
uğurlu surətdə həyata keçirilməsi heç də asan məsələ
deyil. Çünki, bu məsələdə ölkənin yalnız turizm resursları-
nın və potensial imkanlarının olması heç də hər şeyi həll
etmir. Bu səbəbdəndir ki, kifayət qədər turizm resursları
olduğu halda, ölkəmiz beynəlxalq aləmdə hələ də turizm
regionu kimi istənilən səviyyədə tanına bilməmişdir.
.
66
Turizmin inkişafında vacib amillərdən biri də bu sa-
hədə ixtisaslı kadrların hazırlanmasıdır. Turizm dinamik
bir sahə olduğu üçün turist bazarı çox dəyişkənlik göstər-
məkdədir. Belə bir dinamik və dəyişkən şəraitdə yalnız
savadlı, yüksək hazırlıqlı və təcrübəli kadrlar rəqabətə
dözümlü olan turist məhsulunu hazırlayıb sata bilərlər. Bu
gün Azərbaycanda turizmin ayrı-ayrı sahələri, o cümlədən
mədəni xidmət, istirahət və əyləncə, informasiya və
kommunikasiya, nəqliyyat və yerləşdirmə obyektləri üçün
işin texnologiyası ilə bağlı ixtisaslı kadr hazırlığına böyük
ehtiyac duyulmaqdadır. Ölkənin nəhəng turizm potensialı-
nın inkişafı baxımından ekspertlər tərəfindən aşağıda
sadalananlar tövsiyə olunur:
− Milli mədəni turizm strategiyasını və onun meyar-
larını inkişaf etdirmək;
− Turizmin inkişafı üçün zəruri olan infrastrukturlar-
la – yol, elekrtik şəbəkələrinin modernləşdirilməsi ilə bağ-
lı nazirliklər arasında əməkdaşlıq yaratmaq;
− Mədəni məlumatlılığın, qiymətləndirmə və moni-
torinqin və s. genişlənməsini təşkil etmək;
− İnformasiyalar yaymaq; tərcümələr, soraq və
bələdçi kitabçaları, YUNESKO-nun dünya irsi haqqında
məlumatları, internetdə mədəni turizm və xəbərlər
buraxılışı;
− Müəssisələr arasında əməkdaşlıq; özəl sektor tərə-
findən dəstək və marketinq, layihələrin inkişafına dəstək,
əməkdaşlıq və siyasət sferasında menecment;
− İctimai və özəl sponsorluğun dəstəklənməsi və ge-
nişləndirilməsi;
− Təşkilatçılğın inkişafı; məşğulluq üçün stimullar,
əlaqələr, turizm məsələləri qrupu;
Dostları ilə paylaş: |