.
452
Qeyd etmək lazımdır ki, adət və ənənələrin bədii-
estetik idealından bəhrələnmək dərəcəsi də müxtəlif insan
qruplarında çox fərqlidir. Digər tərəfdən milli xarakterin
müxtəlifliyi də bədii emosional bəhrələnmənin dərəcəsin-
də nəzərə çarpacaq fərq əmələ gətirir. Elə millətlər var ki,
öz milli bayramlarında daha fəal olur, kütləvi şənliklərin
daha real iştirakçılarına çevrilirlər. Bununla əlaqədar ola-
raq F. Engelsin yazdığı kimi “İngilis milli xarakteri həm
alman, həm də fransız milli xarakterindən əsaslı surətdə
fərqlənir”.
Məhz milli xarakterlərin fərqli olması adət və ənənə-
lərin icrası prosesində də özünü büruzə verir. Xüsusilə,
milli xalq bayramlarındakı iştirakına görə azərbaycanlı ilə
alman, yaxud özbəklə latış arasında çox böyük fərqlər var-
dır. Alman və latışlarda kütləvi bayramın real iştirakçısına
çevrilmək təşəbbüsü daha qabarıq şəkildə özünü büruzə
verir. Azərbaycanlı ilə özbək isə qismən passiv və fəaliy-
yətsizdirlər. Görünür, milli xarakterə dini mənsubiyyət də
təsir göstərir və insanların adət və ənənə münasibətlərində
nəzərə çarpacaq dərəcədə fərqlər yaradır. İslam dininin
əyləncəyə və musiqiyə münasibəti də tarixən xristian eti-
qadlı xalqlarla islam etiqadlı xalqlar arasında adət-ənənə
fərqləri yaratmışdır.
Əsasən islamın cəmiyyət daxilində qadın fəaliyyəti-
nə qoyduğu bir çox qadağalar onların kütləvi bayram və
mərasimlərdəki fəaliyyətlərini məhdudlaşdırmışdır. Qa-
dınların kişilərlə bərabər kütləvi el bayramlarında işti-
rakında kifayət qədər məhdudiyyət yaratmışdır. Bu da
nəticə etibarı ilə müsəlman etiqadına inanan qadınlar ara-
sında qismən də olsa, məişət qapalılığı əmələ gətirmişdir.
Onların adət və ənənələrin estetik dəyərlərindən istifadə
.
453
etmək imkanlarını məhdudlaşdırmışdır.Tarixi təcrübə
sübut edir ki, yalnız xalqın mənəvi tələbatından doğan,
onun ruhuna, təbiətinə, zövqünə qida verən adət və
ənənələr məişətə daxil olub vətəndaşlıq hüququ qazana
bilirlər. Bunu hazırda keçirilən müxtəlif bayramların
timsalında görmək olar.
İncəsənət daima çoxvəzifəli, çoxfunksiyalı estetik
təsir vasitəsi olmuşdur. Xalqın adət və ənənələrini, bayram
və mərasimlərini incəsənət nümunələrindən ayrı təsəvür
etmək mümkün deyildir. Folklor nümunələrinin tədqiqi
göstərir ki, hələ qədim dövrdən başlayaraq şifahi xalq
yaradıcılığının ayrı-ayrı formaları da konkret məna kəsb
etmiş, təcrübə və bəhrələnmə baxımından müxtəlif sosial-
iqtisadi funksiyaları yerinə yetirmişdir. Bir çox əmək
nəğmələri, “holavarlar” da bunu sübut edir. Lakin bir daha
qeyd etmək lazımdır ki, bütün el nəğmələri və hətta
“holavarlar” da ilk növbədə adət və ənənələr, bayram və
mərasimlər prosesində kütləvi olaraq sınaqdan çıxmış və
ictimai-estetik şüura daxil olmuşlar.
Maraqlıdır ki, adət və ənənələrdə həmişə həyatın gö-
zəl, ideal, ümidverici tərəfləri təcəssümləşdirilir. Hətta
dövri mərasimlərdə də təsəlliverici ağılara, insani gözəl-
likləri təsvir edən bədii materiallara üstünlük verilir. Bu
ənənə bədii sənət- karlığın bütün tərəflərində özünü büru-
zə vermişdir. Görkəmli alman filosofu, estetik və drama-
turqu Q.E.Lessinq “Laokoon, yaxud rəssamlıq və poeziya-
nın sərhədləri” adlı məşhur əsərində yazırdı ki, yunan sə-
nətkarları gözəllikdən savayı heç nəyi təsvir etmirdilər.
Hətta adi aşağı səviyyəli gözəllik onların nəzərində sırf
təsadüfi mövzu, mübahisə və əyləncə amili, predmeti idi.
.
454
Bütün bunlara əsaslanaraq deyə bilərik ki, ənənəvi-
çilik mədəniyyət, incəsənət və təfəkkürdə xüsusi yer
tutduğuna görə milli mentalitetin formalaşmasına da güclü
təsir göstərir. Bu əsasda isə əsrlər boyu davam edən ənə-
nəvi xüsusiyyətlər xalqın mədəniyyətini və psixologi-
yasını təşkil edir.
Mədəniyyətin milli mentaliteti dedikdə elə dərin
strukturlar nəzərdə tutulur ki, həmin struktur uzun dövr
ərzində xalqın etnik, yaxud da milli xüsusiyyətlərini
müəyyən edir”. Deməli, etnik və milli xüsusiyyətlər əbədi
olaraq yaşayır və xalqın mentaliteti haqqında bütün dövr-
lərdə fıkir söyləmək imkanı verir. Mədəniyyətdəki ənənə-
viliyin və milli mentalitet xüsusiyyətlərinin təhlili prose-
sində bir çox ifratçı nəzəri baxışlara malik olan cərəyanlar
ilə daima konfliktdə olan “avrosentrizmlə” “şərqsentriz-
mi” misal göstərmək olar.
Qərb və şərq mədəniyyətlərinə münasibət məsələsin-
də bunlar bir-birinin fıkirlərini inkar edirlər. Biri Avropa
mədəniyyətinə üstünlük verirsə, digəri həmin mədəniyyə-
tin şərq mədəniyyətindən bəhrələndiyini deyir. Üçüncü −
qismən barışdırıcı cərəyan olan “sinkretizm” isə bütün bə-
şəriyyət üçün bir mədəniyyətin mövcudluğunu təsdiqlə-
məyə çalışır. Məsələn, həmin cərəyanın tərəfdarı olan hind
filosofu P.R. Damlen yazmışdır: “Bütün bəşəriyyət üçün
bir mədəniyyət və bir dünyagörüşü vardır”.
119
119
İlqar Hüseynov,Tural Əfəndiyev Kulturologiya tarixi. Bakı, Mars-Print,
2012. Səh. 97
Dostları ilə paylaş: |