.
440
giyasına uyğun olaraq mədəniyyətin və incəsənətin elmi
mahiyyətini və tarixi köklərini tədqiq edərkən mövcud
quruluşun ideoloji tələblərindən kənara çıxa bilməmişlər.
Eyni zamanda onların sosial-iqtisadi sahələrdə apardıqları
tədqiqatlar da rus adət və ənənələri, sosializm realizmi
məkanı daxilində öz həllini tapmışdır.
Onu da qeyd edək ki, sovet məkanında adət və ənə-
nələrimiz sırf ideoloji baxımdan tədqiq edilmiş, mədəniy-
yətin və incəsənətin dini təfəkkürlə əlaqələndirilməsinə
qadağalar qoyulmuşdur.
Bu gün adət və ənənələrin tarixi yaradıcılıq təcrü-
bəsini nəsildən-nəslə ötürmək xüsusiyyətləri müasir mədə-
niyyət və incəsənətin daha da zənginləşməsinə və inkişa-
fına kömək edən elmi-nəzəri, ənənəvi vərdiş və biliklərə
yiyələnmək vasitəsi kimi xüsusi əhəmiyyət kəsb edir. Mə-
dəniyyət və incəsənət tariximizin müəyyən dövrlərinə və
həmin dövrlərdə yaranmış nümunələrə elmi təhlil baxı-
mından istinad nəticəsində gələcəkdə aparılacaq yeni təd-
qiqatlar üçün də zəngin təcrübi yaddaş toplusu meydana
çıxır. Eyni zamanda müasir dövrdə mədəniyyət və incəsə-
nət sahəsində yaranmış yeniliklərin milli-ideoloji məzmun
fərqləri, türk dünyası məkanındakı əhəmiyyəti, dünyəvilik
baxımından elmi şərhi nəzəri-təcrübi əhəmiyyət kəsb edir.
Adət və ənənələr bəşəriyyətin təkamül prosesini
özündə əks etdirir, bütün dövrlərdə cəmiyyətin sosial-iq-
tisadi və mədəni tərəqqisinin gostəricilərindən biri kimi çı-
xış edir. Bir çox elmi ədəbiyyatlardan məlumdur ki, adət
və ənənələrin təkamülü insan cəmiyyətinin üst paleolit
dövründən başlamış, həyat tərzi, sosial qurumlar dəyişdik-
cə onlar da inkişaf etmiş, modernləşərək zənginləşmişdir.
Ən maraqlısı odur ki, adət və ənənələr, o cümlədən bay-
.
441
ram və mərasimlər insan həyatının sosial mənəvi tərəf-
lərini özündə cəmləmiş, mühafızə edərək əsrlərdən-əsr-
lərə, nəsildən-nəslə, qərinələrdən-qərinəyə ötürə bilmişdir.
Xüsusilə, bir çox sosial-mədəni vərdişlərlə yanaşı, ədəbiy-
yatın, musiqinin, teatrın müxtəlif folklor nümunələrinin
xəzinəsinə çevrilmişdir. Elə buna görə də, bəşər tarixinin
müxtəlif dövrlərində adət və ənənələr dünya alimlərinin
diqqətini özünə cəlb etmişdir.
Hələ qədim dövrün və orta əsrlərin görkəmli filosof-
ları Platon, Aristotel, Demokrit, Epikur, Lametri, Didro,
Helvetsi və başqaları öz əsərlərində adət və ənənələr haq-
qında maraqlı fıkirlər söyləmişlər. Məsələn, qədim yunan
filosofu Platon bayramları dövləti sabit saxlaya bilən bir
alət kimi təsvir etmiş, tərbiyə prosesində buraxılan qüsur-
ları bayramlar, adət və ənənələr vasitəsilə düzəltməyin
mümkünlüyünü söyləmişdir. Aristotel isə insanların bay-
ram keçirtmək haqqı olduğunu deyir və bu haqqı onların
əlindən almağın mümkünsüzlüyünü söyləyirdi.
Alimlərin apardıqları tədqiqatlara görə hələ ibtidai
icma quruluşunda ictimai şüurun bütün formaları ilkin
olaraq adət və ənənə şəklində özünü büruzə verirdi. Adət
və ənənələr bütövlükdə ictimai şüurun bütün funksiyala-
rını özündə cəmləşdirirdi. Xüsusilə, dini və bədii şüurun
əsasını qoyur və onu əbədi olaraq mühafizə edib, yaşadır-
dı. Bu da ondan irəli gəlirdi ki, adət və ənənələr çox za-
man dəyişməz qanun funksiyasını yerinə yetirir, insanların
fəaliyyətini tənzimləyirdi. Bununla əlaqədar olaraq qədim
dövr tədqiqatçılarından biri olan L. Morqan yazırdı: “Qə-
bilə qaydaları, qanun gücünə malik adətlər idi”.
Ən maraqlısı odur ki, dünya xalqlarının bir çox milli
adət və ənənələrinin ilk təşəkkülü də qədim dövrlərdən
.
442
başlamış, onların bu adət və ənənələrə bağlılığından irəli
gələrək, ictimai şüurun bütün sahələrində varislik prinsipi
dəyişməz olaraq qalmışdır. Qədim dövrdə insanların asudə
vaxt çoxluğunun onların yaradıcılıq imkanlarını, əylən-
mək, oynamaq, mənəvi tələbatlarla məşğul olmaq
vərdişlərini artırırdı.
116
15.2. Adət və ənənələrin inkişaf dialektikası
Adət və ənənələrin dialektikası onların bütün dövr-
lərdə ardıcıl olaraq təkamül etməsindən ibarətdir. Cəmiy-
yətin bütün sahələrində olan dialektik inkişaf ilk növbədə
adət və ənənələrdə, onların bədii-estetik dəyərlərində yara-
nan yeniliklərdə özünü büruzə verir. Bu yeniliklər ənənəvi
qaynaqlardan bəhrələnsələr də, onlar formaca müasirləşir,
insanların mövcud tələblərinə uyğunlaşır. Müasirlərimizin
bədii-estetik tələbatlarının dəyişməsi ənənəvi incəsənətin
də forma və məzmununa təsir edir. Yeni mahnılar, yeni
geyim mədəniyyəti formalaşır. Bu yeniliklər bəzi dəbin
dəyişməsi ilə də əlaqələndirilir. Lakin əslində dəbin dəyiş-
məsi özü də ənənənin təkamülündən asılıdır. Eyni zaman-
da ənənənin təkamülü prosesində estetik baxışların səviy-
yəsi də xüsusi rol oynayır. Fikrimizi daha da dəqiqləş-
dirmək üçün bir sıra tarixi həqiqətlərə diqqət yetirək. Qə-
dim daş dövründə yaşayan insanlar çox primitiv musiqi
alətləri yaradır, mərasim və bayramlarda məhdud ritmlərlə
öz mahnılarını ifa edirdilər. Rəqsləri isə əsasən ritmik qay-
dalarla müşayiət olunurdu. Lakin zaman keçdikcə musiqi
116
İlqar Hüseynov,Tural Əfəndiyev. Kulturologiya Tarixi Bakı, Mars-Print,
2012. səh. 78
Dostları ilə paylaş: |