173
edir. Avropa Məhkəməsinin mülkiyyət hüquqlarının əsaslarına dair
arqumentləri bu cür bir sıra ümumi arqumentlərlə məhdudlaşır. Buna
baxmayaraq, mülkiyyət hüququnun nə üçün qorunmalı olduğunu bilmək çox
vacibdir: məhz bu səbəbləri anlayaraq biz mülkiyyətin hansı hallarda və necə
qorunması haqda düzgün qərar verə bilərik.
Mülkiyyət hüquqlarının təmin olunmasını müzakirə etdikdə ilk növbədə
Hardinin“ümumi mülkiyyətin faciəsi” anlayışına gəlirik.
184
Tarixə nəzər salsaq,
torpaq sahələri üzərində ümumi mülkiyyətin geniş yayıldığını görərik. Burada
biz ümumi mülkiyyət dedikdə müəyyən bir torpaq ərazisindən dairəsi geniş
olan insanların – misal üçün, bir kəndin sakinlərinin – istifadə etmək hüququnu
nəzərdə tuturuq. Maldarlıqla məşğul olan bir kənddə “ümumi mülkiyyətin
faciəsi” halı yaranır. Təsəvvür edin ki, qeyd etdiyimiz əraziyə istənilən vaxt
istənilən kənd sakininin inəyi girib otlaya bilər. Başqa
inəklər də əlavə olunduqca
otun sərfiyyatı çoxalır və torpaq sahəsi otun bitməsi ilə daha az əlverişli şəraitə
düşür – belə demək olarsa, torpaq xarab olur. Əgər bütün sakinlər bir-biri ilə
əlaqə yaradıb sövdələşə bilsəydilər, o zaman onlar inəklərinin sayını çoxaltmaz,
otun daha çox bitməsi üçün şərait yaradardılar. Ancaq bu cür sövdələşmənin
olmadığı şəraitdə hər bir sakin inəklərinin sayını artırmaqda maraqlıdır – əgər
onlar bunu etməsələr, digərləri edəcəklər. Nəticədə torpaq xarab olaraq tez
sıradan çıxır və Hardinin “ümumi mülkiyyətin faciəsi” adlandırdığı hal baş
verir.
Yuxarıda təsvir etdiyimiz vəziyyət oyun nəzəriyyəsində geniş istifadə
olunan “tusdağın dileması”na bənzəyir. Biz sizə oyun nəzəriyyəsi və “tusdağın
dilemması” ilə tanış olmağı məsləhət görərdik.
185
Praktiki baxımdan bu hal bizə
mühüm məlumat verir: şəxsi və ya xüsusi mülkiyyətin olmadığı halda,
heç kimin
(demək olar ki, heç kimin) mülkiyyəti qorumaqda və onu inkişaf etdirməkdə
marağı olmaz. Şəxsi mülkiyyətin olduğu halda mülkiyyət sahibi mülkiyyətə
investisiya qoymaqda və mülkiyyətdən daha effektiv istifadə etməkdə maraqlı
olacaqdır.
Xüsusi mülkiyyət hüquqları mülkiyyətin səmərəli istifadəsi ilə yanaşı,
eyni zamanda konkret mülkiyyətin ona ən çox dəyər verən şəxsə çatmasına
şərait yaradır. Burada mülkiyyət hüquqlarının ötürülə bilməsi böyük rol oynayır.
Təsəvvür edin ki, Muradın 10 dondurması, Elxanın isə 10 şokoladı var. Əgər hər
bir tərəf üçün bu vəziyyət optimal deyilsə, yəni misal üçün, Muradın daha çox
şokolada və daha az dondurmaya, Elxanın isə daha çox dondurmaya və daha az
şokolada ehtiyacı varsa, o zaman onlar bir-biri ilə ticarət əlaqəsinə girərək,
184
Hardin, The Tragedy of the Commons 162 Science 1243 (1968)
185
Baxın Avinash K. Dixit, Barry J. Nalebuff, The Art of Strategy: The game theorist’s guide to
success in business and life (2008)
174
dondurmaları və şokoladları bir-biri ilə dəyişdirəcək və bu iki növ malın optimal
paylanmasına şərait yaradacaqlar. Bu cür paylaşmanın mümkün olması üçün
əsas iki institutun olması zəruridir: (i) Murad və Elxanın mülkiyyət hüquqları və
(ii) həmin hüquqları ötürmək hüququ.
Yuxarıda qeyd olunanlar mülkiyyət hüququnun iqtisadi nöqteyi-
nəzərindən əhəmiyyətini açıqlayır. Ancaq mülkiyyət hüququnun qorunmasını
zəruri edən səbəblər bunlarla məhdudlaşmır – digər səbəblər mülkiyyət
hüquqlarını demokratiya, hüququn aliliyi, konstitusionalizm və onların tərkib
hissəsi olan hüquqi müəyyənlik və s. kimi mühüm prinsiplərin əlaqəsini
nümayiş etdirir. ABŞ-ın Çikaqo Universitetinin professoru Cass Sunstein öz
məqaləsində bu səbəbləri ümumiləşdirilmiş şəkildə, ancaq kifayət qədər aydın
ifadə edir.
186
186
Cass R. Sunstein, On Property and Constitutionalism, U Ch
Law School, Law & Economics
Working paper No. 3, 2nd series (1991)
175
Hüququn İqtisadi Analizi
1.
Giriş və Ümumi Konsepsiyalar
Əsası təxminən 1950-ci illdərdə qoyulan müasir “Hüquq və İqtisadiyyat” (
Law
and Economics) hazırda ABŞ və bir çox Avropa ölkələrində hüquq təhsilinin
ayrılmaz bir hissəsini təşkil edir
187
. Nisbətən yeni yaranan bu sahəni başqa cür
“Hüququn İqtisadi Analizi” (
Economic Analysis of Law) də adlandırırlar. Hazırda
bir çox hüquqi problemlər mülkiyyət hüququndan tutmuş cinayət hüququna
kimi iqtisadi analizlər vasitəsi ilə öyrənilir. Bundan əmin olmaq üçün ABŞ-ın
yüksək reytinqli hüquq jurnallarına (
law review
188
) nəzər salmaq yetərlidir: bu
jurnallardakı hüquq sahəsinə aid çap olunan elmi əsərlərin əksəriyyəti
iqtisadiyyat elminin təcrübəsindən geniş bəhrələnir. Ümumiyyətlə, iqtisadi
təhlillər bir sıra hüquqi problemlərin müzakirəsində, başa düşülməsində və həll
olunmasında güclü vasitə kimi çıxış edir. İqtisadi təhlillər xüsusən də mülkiyyət
hüququnun öyrənilməsində böyük əhəmiyyətə malikdir. Başlıca səbəb
mülkiyyətin daha çox iqtisadi təbiəti və fərdin, şirkətin, ailənin və nəhayət bütöv
bir ölkənin iqtisadiyyatının inkişafında aparıcı vasitə kimi çıxış etməsidir.
Müasir hüquq və iqtisadiyyat elminin əsası məhz müqavilə və mülkiyyət
hüquqları kimi sırf hüquqi institutların iqtisadi nöqteyi nəzərdən təhlili ilə
qurulmuşdur
189
. Hazırda hüququn iqtisadi təhlili iqtisadiyyat elmində əldə
olunmuş yeniliklərədən bəhrələnməkdədir. Bununla belə, bir sıra ümumi
iqtisadi prinsiplər istənilən iqtisadi təhlildə nəzərə alınır və təməl daşı kimi çıxış
edir.
İqtisadiyyat elmini intuitiv olaraq anlasaq da qeyd edilməlidir ki, ,
iqtisadiyyat
dünyada olan məhdud resurslar barədə cəmiyyət tərəfindən
qərarların qəbul edilməsini öyrənən elmdir. Resursların məhdud olması
burada mühüm əhəmiyyət kəsb edir: əgər biz havanı və yediyimiz almaları
müqayisə etsək görərik ki, hava məhdud deyildir və hər hansı şəxs istədiyi
187
Əlbəttə hüquq və iqtisadiyyat mövcu olduqları bütün dövrlərdə bir-biri ilə bağlı olunan
dissiplina kimi nəzərdə keçirilmişlər. Ancaq müstəqil bir elmi kimi hüquq və iqtisadiyyat məs
50-ci illədən sonra formalaşmışdır. Ona görədə burada “müasir” sözü ciddi qəbul olunmalıdır.
188
ABŞ-da ən nüfuzlu
Law Review-ları (“lou revyu” kimi oxunur) ABŞ-ın universitetlərinin
nəznində fəaliyyət göstərir.
Law Review-ları
səciyyələndirən cəhət onların universitet tələbələri
tərəfindən idarə olunmasıdı.
Law Review-larda
redaktor heyəti sırf universitetin tələbələrindən
ibarətdir. Buna baxmayaraq
Law Review-larda hüquq elmində ən nüfuzlu və qabaqcıl elmi əsərlər
çap olunur.
189
Baxın, misal üçün, Richard Posner,
Economic Analysis of Law (4
th
Ed), səh 21-22