5
1.
Konstitusiya və Konstitusiya hüququ
Konstitusiyanın əhəmiyyəti
İZİN ÜÇÜN KONSTİTUSİYA NƏDİR? Yəqin, siz konstitusiyanın digər
qanun və qaydalardan üstün olduğunu bir deyil, bir neçə dəfə eşitmisiniz.
Onu da eşitmisiniz ki, konstitusiyamız insan hüquq və azadlıqlarını təmin
edir və s. Bunlar hamısı, əlbəttə, düzdür. Ancaq sualımız konstitusiyanın
praktiki əhəmiyyəti – xüsusən də adi vətəndaş kimi sizin həyatınıza təsiri –
barədədir. Gündəlik həyatımızda, hətta hüquqşünas kimi fəaliyyətimizdə
konstitusiyaya tez-tez istinad etməsək də, konstitusiyanın həyatımızda
əhəmiyyəti böyükdür. Eyni zamanda konstitusiyanın gündəlik həyatımıza təsiri
olması üçün onun sadəcə mövcudluğu yetirəli deyil.
Konstitusiya genişdir
Konstitusiya hüququ sahəsində ixtisaslaşan hüquqşünaslardan başqa, digər bir
çox hüquqşünaslar nadir hallarda öz praktikalarında konstitusiyaya istinad edir
və ya onun əsasında hər hansı praktiki-hüquqi məsələləri həll etməyə çalışırlar.
Onlar üçün konstitusiyadan daha çox diqqət mərkəzində olan Mülki Məcəllə və
s. kimi konkret normativ-hüquqi aktlardır. Bu, sadəcə Azərbaycanda deyil –
demək olar ki, dünyanın bütün inkişaf etmiş dövlətlərində belədir. Səbəb isə
odur ki, konstitusiya (xüsusən də onun insan hüquq və azadlıqlarına aid olan
hissəsi) çox geniş və mücərrəd müddəalardan ibarət olan sənəddir və
konstitusiya icraatı istisna olmaqla, bu cür geniş müddəalara istinad edərək hər
hansı praktiki işi həll etmək əksər hallarda mümkün deyil.
Misal olaraq, fərz edin ki, sizin böyük bağçanız var. Ancaq bu ərazini
hasarla ayırmamısınız və bu səbəbdən yaxınlıqdakı sakinlər yollarını qısaltmaq
üçün bağçanızdan maneəsiz keçirlər. Siz isə bağçanızdan keçid kimi istifadə
olunmasını istəmirsiniz. Əgər siz bu sakinlərə qarşı sadəcə konstitusiya əsasında
iddia qaldırsanız, yəqin ki, iddianızın əsasını Konstitusiyanın 29-cu maddəsində
təsbit olunan “mülkiyyət hüququ” təşkil edər. Ancaq sakinlər də savadsız
deyillər: onlar iddia edərlər ki, Konstitusiyanın 28.III (azadlıq hüququ)
maddəsinə əsaslanaraq onlar sizin ərazinizdə azad hərəkət etmək hüququna
malikdirlər. Konstitusiyada olan bu maddələrə baxın – yalnız həmin maddələr
əsasında yuxarıda verdiyimiz hipotetik işi həll edə bilərsinizmi? Özü-özlüyündə
S
6
bu maddələr sizə heç nəyi aydın şəkildə demir
1
. Bu məqsədlə də hüquqşünas
adətən daha konkret normalara diqqət yetirir. Misal üçün, Mülki Məcəlləyə:
orada bu mübahisəni tənzimləyə biləcək normalar var.
Ancaq bütün bunlar konstitusiyanın əhəmiyyətini azaltmır. Konstitusiya
bir sıra cəhətinə görə həyatımızda böyük rol oynayır. Ən azından
konstitusiyanın mövcudluğu və onun mühüm prinsipləri bəyan etməsi müəyyən
çərçivə rolunu oynayır. Misal üçün, Konstitusiyanın 28-ci maddəsində azadlıq
hüququ nəzərdə tutulur və təsəvvür edin ki, bir gün Milli Məclis üzərində
şəxsiyyətini təsdiq edən sənədi olmayan şəxsin 7 günədək polis tərəfindən
saxlanılmasını nəzərdə tutan qanun qəbul edir. Qanunun adı "Tutulma"
Qanunudur. Konstitusiyanın 28-ci maddəsinə və xüsusən də onun 2-ci hissəsinə
baxın. Burada azadlıq hüququnun qanunla məhdudlaşdırıla bilməsi nəzərdə
tutulmuşdur.
Siz "Tutulma" Qanununun Konstitusiyaya uyğun olmadığını hansı əsasla
iddia edərdiniz? Misal üçün, qeyd edə bilərik ki, əgər Konstitusiya “yalnız
qanunda nəzərdə tutulmuş qaydada” sözləri ilə istənilən qanunu nəzərdə
tutmuşsa, o zaman azadlıq hüququnun heç bir mənası olmaz; çünki belə olan
halda Milli Məclis istənilən qanunu qəbul edə və istənilən formada şəxslərin
azadlığını məhdudlaşdıra bilər, o cümlədən icra orqanlarına qanunla
istədiklərini etməyi həvalə edə bilər. Nəticə etibarilə konstitusiyanın heç bir
əhəmiyyəti olmaz. Demək ki, 28-ci maddə “qanunun” mahiyyətinə dair də
müəyyən məhdudiyyətləri ehtiva edir. Yəni sadəcə qanunun olması kifayət
deyil, qanunun özü “yaxşı” (yəni bəlli prinsiplərə uyğun) olmalıdır.
Məhz Konstitusiyanın 28-ci maddəsinə əsaslanaraq bizim hipotetik
qanunumuz olan "Tutulma" Qanununa etiraz edilə bilər. Bundan əlavə, bu
qanun əsasında uzun müddətə tutulan şəxs Konstitusiya Məhkəməsinə müraciət
edə və qanunun (və ya onun hər hansı maddəsinin) ləğv olunmasına nail ola
bilər. Təsəvvür edin ki, Azərbaycanda konstitusiya ya ümumiyyətlə, mövcud
deyil, ya da onda insan hüquqları (azadlıq hüququ da daxil olmaqla) bölməsi
yoxdur. O zaman vətəndaşların bu cür qeyri-mütənasib qanuna etiraz etməyə
əsasları belə olmaz.
1
Bu cür işlər, əlbəttə ki, konstitusiya icraatının predmeti ola bilər. Ancaq konstitusiya icraatı
digər məhkəmə icraat növləri ilə müqayisədə daha qeyri-adi icraat növüdür. Konstitusiya
icraatından istənilən mübahisəni həll etmək üçün istifadə etmək mümkün deyil. Bunun üçün
müzakirə olunan məsələ mühüm əhəmiyyət kəsb etməlidir. Məhkəmədə hər hansı iddia
qaldıran və ya mübahisə başladan hüquqşünas bunu adətən mübahisənin Konstitusiya
Məhkəməsində həll olunması üçün etmir və ya nəzərdə tutmur.
7
Konstitusiyanın 3 mühüm əlaməti
Yuxarıda insan hüquqları əsasında konstitusiyanın əhəmiyyətinə qısa nəzər
saldıq. Konstitusiyanın əhəmiyyəti çox böyükdür, onu əhəmiyyətli və vacib
edən digər amillər barədə isə aşağıda qısaca bəhs edəcəyik:
1.
Konstitusiya ilk növbədə elə adının ifadə etdiyi mənaya uyğun
funksiya daşıyır. İngilis dilində “ constitution” “daxili quruluş”, “quruluş” və ya
“struktur” mənasını kəsb edir. Konstitusiya ölkənin və ya cəmiyyətin ümumi
strukturunu – istər idarəçilik, istərsə də cəmiyyətin digər mühüm prinsiplərini –
müəyyən edir. Bunu daha yaxşı anlamaq üçün təsəvvür edin ki, böyük boş bir
sahədə dövlət yaratmaq niyyətindəyik. Bizə nə lazımdır? Elə bir sənəd ki, ən
azından burada yaşayacaq insanların yaratdığı cəmiyyətin ümumi idarəçilik
strukturunu müəyyən etsin. Bu, olmadığı halda, biz qərarlar verə, verilən
qərarların əsaslanmalı olduğu meyarları müəyyən edə, cəmiyyətin ümumi işini
təşkil edə və bir sıra digər mühüm məsələləri həll edə bilmərik.
Gündəlik həyatımızda qarşılaşdığımız konkret hüquqi məsələləri həll
etmək üçün konstitusiyaya tez-tez istinad etməsək də, bir çox hüquqi məsələlərin
və ictimai münasibətlərin məhz konstitusiya əsasında mövcud olduğunu
anlayırıq (və ya anlamalıyıq). Məhz bu nöqteyi-nəzərdən Konstitusiya ölkənin
əsas və ya “fundamental” qanunudur. Misal üçün, iki fərd arasında mülkiyyətə
dair konkret mübahisə yaranan zaman onlar məhkəməyə müraciət edirlər.
Həmin fərdlər buna o qədər də diqqət yetirməyə bilərlər, ancaq onların
məhkəməyə
müraciət
etmələri
məhz
Konstitusiyadan
irəli
gəlir.
Konstitusiyamızın 125.1-ci maddəsinə əsasən “Azərbaycan Respublikasında
məhkəmə hakimiyyətini ədalət mühakiməsi yolu ilə yalnız məhkəmələr həyata
keçirirlər”, 60.1-ci maddəyə əsasən isə “Hər kəsin hüquq və azadlıqlarının
məhkəmədə müdafiəsinə təminat verilir”. Daha irəli gedərək söyləyə bilərik ki,
məhkəmənin mübahisəni həll edərkən əsas götürməli olduğu qanun (misal üçün,
Mülki Məcəllə) kollegial orqan olan və xalqın seçdiyi Milli Məclis tərəfindən
qəbul olunmuşdur – Nazirlər Kabineti, bələdiyyə və s. tərəfindən deyil. Milli
Məclis də Konstitusiya əsasında yaranmışdır. Bu qanun Konstitusiyada nəzərdə
tutulan prosedur vasitəsi ilə qəbul olunmuşdur ki, son nəticədə qanunun ədalətli
olması təmin edilsin. Və sair və ilaxır...
Konstitusiya bu mənada (və hüquq nəzəriyyəsində sizə bildirildiyi kimi)
vətəndaşların arasında onların birgə yaşamalarına və fəaliyyət göstərmələrinə
dair müəyyən müqavilədir.
Dostları ilə paylaş: |