150
etməsini məhdudlaşdırmasını bunun səbəblərindən biri kimi göstərirlər.
154
Ancaq buna baxmayaraq, Almaniya Konstitusiya Məhkəməsi bəzən öz
səlahiyyətlərini geniş tətbiq etməkdən də ehtiyatlanır. O da bunu ABŞ-da
olduğu kimi, qanunvericinin müəyyən məsələlər üzrə qərar vermək hüququ
olduğunu və bu cür qərarların məhkəmə tərəfindən yoxlanmasının
yolverilməzliyi ilə izah edir.
155
ABŞ Ali Məhkəməsinin siyasi baxımdan Avropa ölkələrində fəaliyyət
göstərən Konstitusiya və ya oxşar məhkəmələrə nisbətən daha çox mübahisə
doğurmasının digər səbəbi konstitusiya icraatını həyata keçirən məhkəmələrin
konsepsiyası ilə bağlıdır. ABŞ-da bütün məhkəmə instansiyaları federal və ştat
aidiyyətini gözləməklə qanunlara nəzarət edə bilir və qanunların qüvvədən
düşmüş elan edilməsi səlahiyyətlərinə malikdirlər. Ali Məhkəmə isə bəzi xırda
fərqləri istisna etməklə son apellyasiya instansiya məhkəməsi kimi fəaliyyət
göstərir. Avropa ölkələrinin əksəriyyətində konstitusiya icraatını və ya
qanunların üzərində nəzarət həyata keçirən məhkəmələrin konsepsiyası ABŞ-
dan fərqlidir. Avropada qanunvericinin qərarlarına hörmət dərin köklərə
malikdir və bu mənada qanunların ləğv olunması qeyri-adi prosesdir.
Konstitusiya məhkəmələri və ya digər qanunlara nəzarət həyata keçirən
qurumlar adi apellyasiya instansiya məhkəməsi kimi deyil,
xüsusi yuxarı
instansiya məhkəməsi kimi fəaliyyət göstərir. Bu, ilk növbədə o deməkdir ki,
qanunlar üzərində nəzarət, o cümlədən onların ləğv olunması yalnız bir xüsusi
məhkəmənin səlahiyyəti çərçivəsində ola bilər. ABŞ alimi D.Kürriye Almaniya
Federal Konstitusiya
Məhkəməsi
barədə
bunları
yazır:
“Qanunların
Konstitusiyaya uyğun olmadığını elan etmək səlahiyyəti üzərində Konstitusiya
Məhkəməsinin monopoliyası qanunvericiyə göstərilən hörməti ifadə edir və
məhkəmənin qərarlarının legitimliyini təmin edir”.
156
Məhdudiyyətlər və konstitusiya icraatının əhəmiyyəti
Beləliklə, biz ABŞ və Avropada konstitusiya icraatını həyata keçirən
məhkəmələrin üzləşdiyi problemlərin fərqinə nəzər saldıq. Bununla belə,
onu da
qeyd etmək lazımdır ki, ilk görünüşdən ABŞ Ali Məhkəməsi daha çox
problemlərlə və ittihamlarla üzləşsə də, bu fərq əslində nisbi olaraq qalır.
Qanunların üzərində məhkəmə nəzarəti bu nəzarəti həyata
keçirən məhkəmələrə
154
Andreas Vothkuhle,
The Erosion of the Parliamentary System in the Federal Republic of Germany
155
2 BverfGE 213 (1953), 66 BverfGE 39 (1983)
156
Baxın: D.Currie, The Constitution of the Federal Republic of Germany, (1994), səh. 166
151
kifayət qədər geniş səlahiyyətlər və imkanlar verir və hər zaman olduğu kimi,
burada da geniş səlahiyyətlər daha sərt tənqidə yol açır.
Ancaq konstitusiya icraatı zamanı hakimləri öz şəxsi mənəvi və siyasi
fikirlərini işin hallarına tətbiq etməkdən çəkindirən və onları siyasətdən
uzaqlaşdıran bir sıra faktorları da qeyd etmək lazımdır. İlk növbədə, yuxarıda
qeyd olunduğu kimi, hakimlər öz vəzifələrinə seçki yolu ilə təyin olunmurlar.
Bu, bir tərəfdən məhkəmənin öz hüquqlarından geniş istifadə etməsinə şərait
yaradırsa, digər tərəfdən hər hansı siyasi müzakirələrdən uzaq olmağa, işə
qanuna və konstitusiyaya uyğun baxmağa imkan verir. Daha bir faktor onunla
bağlıdır ki, məhkəmələr öz təşəbbüsləri ilə işləri icraata götürmürlər – bu, ilk
növbədə məhkəmə işinin başlanması ilə əlaqədardır, yəni kiminsə müraciət
etmədiyi halda, məhkəmə işi icraata götürə və iş üzrə qərar verə bilməz.
157
Digər
bir faktor çox zaman işdə tərəflərin və ya müraciət edən şəxslərin
arqumentlərinin məhkəmələr üçün çərçivə rolunu oynamasıdır. Konstitusiya
icraatında presidentlər çox mühüm əhəmiyyətə malikdir – presidentlər nəinki
konkret işlər üzrə, eləcə də digər analoji hallar üzrə məhkəmələrin mövqeyini
əks etdirir. Şübhəsiz, bu da konstitusiya icraatı zamanı məhkəmələr üçün
müəyyən məhdudiyyət kimi çıxış edir.
Biz yuxarıda qanunlara nəzarəti həyata keçirən məhkəmələrin
fəaliyyətində bəzi mümkün məhdudiyyətlərə nəzər saldıq. Ancaq bu
məhdudiyyətlər də öz növbələrində nisbi olaraq qalır. Konstitusiya icraatı
zamanı, xüsusən qanunlara nəzarət həyata keçirən zaman subyektiv faktları –
yəni hakimlərin subyektiv olması faktorunu – tamamilə aradan qaldırmaq
mümkün deyil. ABŞ Ali Məhkəməsi
Beyker Kar-a qarşı işində tamamilə düzgün
vurğulayır ki, hansı məsələnin sırf siyasi olub-olmamağını məhkəmə məhz özü
müəyyənləşdirir. Bununla belə, müəllifin fikrincə, konstitusiya icraatının
cəmiyyətə gətirdiyi xeyir hakimlərin öz siyasi baxışlarını işdə tətbiq etməsi
nəticəsində dəyə biləcək ziyandan qat-qat üstün olduğundan (və ya konstitusiya
icraatı dili ilə desək, “proporsional” olduğundan) konstitusiya icraatı demokratik
cəmiyyətin mühüm bir hissəsi kimi tanınır.
Konstitusiya icraatının gözə görünən əhəmiyyəti ondadır ki, bu icraat
vasitəsi ilə qanunvericilikdə olan boşluqları doldurmaq mümkün olur. Bəzən
qanunverici hansısa aktları qəbul edən zaman onların digər qanunlarla uyğun
olub-olmamağına diqqətlə nəzarət etmir. Yaxud bir vaxtlar qəbul olunan qanun
illər keçdikdən sonra öz əhəmiyyətini itirə bilər. Konstitusiya icraatı bu
157
Andras Sajo,
Constitutional adjudication in the light of discourse theory. 17 CDZLR 1193 (1996).
(“The courts have no power of initiative – a court has to wait until a ripe case or petition comes
up. Except when
exercising preliminary review, which is still unusual and may not become the
rule of constitutional adjudication, tribunals are reacting to past events”)