148
yaşadığı müəyyənləşdirilsin. Bu da hansı ərazinin qanunverici orqanda
neçə nəfərlə təmsil olunması üçün vacibdir. Tennessi Ştatında isə ərazi
bölgüsünə 1901-ci ildən iş müzakirə olunanadək baxılmamış qalırdı. O
zamandan Beykerin yaşadığı Şelbi rayonunun əhalisi çox artmışdı. O, öz
bərabərlik hüququnun pozulması barədə məhkəməyə şikayət verir. Aşağı
instansiya məhkəmələri iş üzrə qərar verməkdən imtina edirlər – onların
qərarına əsasən mübahisəli məsələ “siyasi məsələdir” və məhkəmə
tərəfindən həll oluna bilməz. Ali Məhkəmə apellyasiya qaydasında işə
baxaraq Beykerin xeyrinə qərar çıxarır.]
Hər hansı məsələnin müəyyən dərəcədə Konstitusiya əsasında
hakimiyyətin digər qanadına verilib-verilmədiyi barədə, yaxud həmin
hakimiyyət qanadının hərəkətinin onun hər hansı səlahiyyət həddini aşıb-
aşmaması barədə qərar çıxarmaq Konstitusiyanın şərhini özündə ehtiva
edən həssas bir məsələdir və Konstitusiyanın yekun
şərhini həyata keçirən
məhkəmənin vəzifəsidir...
Aydın məsələdir ki, sualların yarandığı şəraitdən asılı olaraq, bir-
birindən azacıq fərqlənən bəzi formullar siyasi məsələni də özündə əks
etdirə bilər, hərçənd ki bu formulların hər birinin bir və ya daha artıq
elementləri olur ki, onlar mahiyyət etibarilə hakimiyyət bölgüsü
funksiyasını özündə əks etdirir.
Artıq həll olunmuş və qərarlarımıza əsasən siyasi məsələlərin yer
aldığı istənilən işə ötəri nəzər saldıqda bəlli olur ki, siyasi məsələ (1)
148
müvafiq siyasi departamentə (yəni orqana – əlavə mənimdir)
Konstitusiyanın mətninə əsasən həvalə edilmiş məsələdir; (2) yaxud onun
həlli üçün məhkəmə qaydasında müəyyən oluna və idarə edilə bilən
standartlar yoxdur; (3) yaxud öncə açıq-aydın məhkəmənin səlahiyyətinə
aid olmayan siyasətin müəyyənləşdirilməsi həll olunmadan qərarların
qəbulu mümkün deyil; (4) yaxud məhkəmələr tərəfindən hakimiyyət
qanadlarının düzgün koordinasiyası nəzərə alınmaqla müstəqil qərar
çıxarılması mümkün deyil; (5) yaxud artıq qəbul olunmuş və şübhə
doğurmayan siyasi qərara sadiqlik tələb olunur; (6) yaxud bir məsələ
barədə müxtəlif departamentlərin verdiyi ayrı-ayrı bəyanatlar potensial
çaşqınlıq yarada bilər.
Əgər bu formullardan hər hansı birini işin həllinə şamil etmək
mümkün deyilsə, onda işdə siyasi məsələnin yer aldığı əsas gətirilərək
ona məhkəmə qaydasında baxılmasından imtina edilə bilməz. Bizim
nəzərdən keçirdiyimiz doktrina “siyasi işlərdən” biri deyil, “siyasi
148
Cümlələrin əvvəlində olan rəqəmlər ilkin mətndə yoxdur, biz bunları oxucuların rahatlığı üçün mətnə
daxil etmişik.
149
məsələlərdən” biridir. Məhkəmələr “siyasi” hərəkət adlandırılan bəzi
hərəkətlərin konstitusiyanın verdiyi səlahiyyət həddini aşıb-aşmadığı
barədə vicdanlı məhkəmə iddiasını “məhkəmədə baxılmalı olmayan iş”
hesab edərək rədd edə bilməzlər. Nəzərdən keçirdiyimiz işlər hər bir işdə
konkret faktların və konkret halların fərqli şəkildə araşdırılmasının zəruri
olduğunu və hər hansı semantik təsnifatın mümkün olmadığını göstərir.
Məhkəmənin əsaslandırmasından göründüyü kimi, o, 6 mühüm sərhəd
müəyyən edir və bildirir ki, məhkəmə cavab verməyən işlər üzrə qərar
verməkdən imtina edəcəkdir. Ancaq bu tələblərin də müəyyən xüsusiyyətləri
var: onlar (1) ümumi şəkildədirlər və (2) hansı işin bu tələblərə cavab verib-
vermədiyini məhkəmə özü müəyyən edir.
Sonuncu o deməkdir ki, məhkəmə özü
istədiyi işi icraata götürə və ya götürməkdən imtina edə bilər. Məhkəmə doğru
olaraq vurğulayır ki, onun müzakirə etdiyi “işlər konkret faktların və konkret
halların fərqli şəkildə araşdırılmasının zəruri olduğunu və hər hansı semantik
təsnifatın mümkün olmadığını göstərir”. Buna baxmayaraq, məhkəmənin
Beyker
Kar-a qarşı qərarı onun siyasi məsələlərə dair müdaxiləsi barədə mövqeyini
açıqlaması istiqamətində böyük addım idi.
Siyasi məsələ doktrinası ABŞ-da və Avropada – müqayisəli analiz
Bəzi alimlərin fikrincə, siyasi məsələ doktrinası ABŞ-da Avropa ölkələrinə
nisbətən daha ciddi mübahisələrə səbəb olur. Bunu onunla əsaslandırırlar ki,
konstitusiya icraatı və ya daha dəqiq desək, məhkəmələrin qanunlar üzərində
nəzarəti həyata keçirmək hüquqlarının olması bir çox ölkələrdən fərqli olaraq,
ABŞ Konstitusiyasında təsbit olunmayıb.
149
Misal üçün, Almaniya Konstitusiya
Məhkəməsinin səlahiyyətləri ölkənin Əsas Qanunu ilə müəyyən edilmişdir.
150
Bunu eyniliklə Fransa
151
, Rusiya
152
və bu kimi başqa dövlətlərə aid etmək olar.
Çox güman ki, elə bu səbəbdən Almaniya Konstitusiya Məhkəməsi öz
səlahiyyətlərindən geniş istifadə etməkdən çəkinmir.
153
Bəzi alimlərin fikirlərinə
görə, Almaniya Federativ Respublikasında iki palatadan ibarət olan parlament
sistemi zəifləməyə doğru inkişaf edir və Konstitusiya Məhkəməsinin
səlahiyyətlərindən istifadə edərək parlamentin öz səlahiyyətlərini rahat icra
149
Baxın: qeyd 3. Michel Rosenfeld.
* (1) - (6) rəqəmləri müəllif tərəfindən əlavə edilmişdir.
150
Əsas Qanun (
Grundgezets), mad. 93
151
1958 Fransa Konstitusiyası, mad. 7, 16, 37, 46, 61;
152
Конституция Российской Федерации, ст. 125
153
Baxın: qeyd 14. D. Currie, səh. 170-172.