8
2.
Konstitusiya dövlət və vətəndaş arasında münasibətləri tənzimləyən əsas
sənəddir. Bu da, əlbəttə ki, 1-ci bənddə qeyd edilənlərdən irəli gəlir, ancaq hesab
edirik ki, Konstitusiyanın bu aspektini ayrıca vurğulamaq önəmlidir.
Uzun müddət (xüsusən Amerika Birləşmiş Ştatlarında yaranan mövqedən
irəli gələrək) belə bir mövqe mövcud olmuşdur ki, konstitusiyanın əsas vəzifəsi
məhz dövlətlə vətəndaş arasında münasibətləri tənzimləməkdən və vətəndaşı
dövlətdən qorumaqdan ibarətdir. Hazırda bu fikir birmənalı qarşılanmaya bilər
və konstitusiyanın digər vəzifələri də qeyd edilir. Buna baxmayaraq,
konstitusiyanın bu funksiyası illərin təcrübəsindən irəli gələrək ən mühüm
vəzifələrdən biri olaraq qalır.
3.
Konstitusiyanın və xüsusən də onun insan hüquq və azadlıqlarına aid
hissəsinin müəyyən psixoloji və mənəvi əhəmiyyəti də var. Yuxarıda qeyd
etdiyimiz kimi, Konstitusiyanın insan hüquq və azadlıqlarına aid olan
müddəaları çox geniş və abstraktdır və onları bir çox istiqamətdə şərh etmək
mümkündür. Buna baxmayaraq, Konstitusiyada insan hüquq və azadlıqlarının
bəyan olunması mühüm bir mesajdır. Bu, onu deyir ki, Azərbaycan xalqı insan
hüquq və azadlıqlarının qorunmasını dəyər kimi qəbul etmiş və bu prinsiplərlə
yaşamağı seçmişdir. Əlbəttə, bu hüquqların tətbiqinin təkmilləşdirilməsi bir
prosesdir və müəyyən vaxt tələb edir. Mühüm olan da odur ki, bu təcrübənin
inkişaf və ya təkmilləşmə istiqaməti məlumdur və dəyişilməzdir. Təcrübə ilk
vaxtlar mükəmməl olmaya və sonradan inkişaf edə bilər (və etməlidir), ancaq
məqsəd və mühüm prinsiplər dəyişilməz qalır.
Konstitusiya əsasında digər qanun və qaydalara nəzarət edən orqanın və
ya mexanizmin olması – misal üçün, Konstitusiya Məhkəməsi – Konstitusiyada
təsbit olunan bu prinsipləri (insan hüquq və azadlıqları da daxil olmaqla) bizim
üçün daha əhəmiyyətli edir. Çünki bu prinsiplər pozulduğu halda, biz bu
mexanizm vasitəsi ilə pozuntuları aradan qaldıra bilirik.
*****
Amerika Birləşmiş Ştatlarında ölkənin konstitusiyası az qala müqəddəs sənəd
kimi qəbul olunur. Bunu digər inkişaf etmiş dövlətlərdə də görürük.
Konstitusiya əzəldən ABŞ vətəndaşlarını birləşdirən prinsipləri əks etdirən sənəd
kimi qəbul edilir. Bu ölkədə insanları birləşdirən hər hansı konkret din və ya
milli mənsubiyyət və kommunizm kimi süni yaranmış ideyalar deyil, əbədi
mövcud olan və tarixin sınaqlarından keçmiş prinsip və ideyalar ətrafında
birləşmişlər. O prinsip və ideyalar ki, onların təsirini bu vətəndaşlar gözləri ilə
görürlər. Buna görə də onlar konstitusiyaya və ondan əks olunan prinsip və
ideyalara dərindən inanırlar.
9
Konstitusiya hüququ
Konstitusiya hüququ hüququn bir sahəsidir. Uzun illər ərzində və bir çox
hallarda konstitusiyalara nəzarət edən məhkəmələr və digər orqanların səyləri
nəticəsində bu sahə nisbətən müstəqil bir sahəyə çevilmişdir. Bir çox dövlətlərdə
onun akademik bazası formalaşıb və hazırda bu hüquq elm kimi təhsil
müəssisələrində də tədris olunur.
Azərbaycanda konstitusiya hüququnun əsasını ilk növbədə Azərbaycan
Respublikasının Konstitusiyası təşkil edir. Konstitusiyaya əsasən Milli Məclisin
Konstitusiya Qanunları qəbul etmək səlahiyyəti var
2
. Bu cür qanunlar,
ümumiyyətlə, Konstitusiyanın tərkib hissəsi sayılır
3
. Referendum vasitəsi ilə
qəbul olunan aktlar da mühüm əhəmiyyət kəsb edir. Beynəlxalq müqavilələri də
Azərbaycanda konstitusiya hüququnun mənbəyi saymaq olar, hərçənd bunları
araşdıran və öyrənən digər bir hüquq elmi – Beynəlxalq hüquq – var.
Konstitusiyanın 12.II maddəsinə əsasən “... Konstitusiyada sadalanan insan və
vətəndaş hüquqları və azadlıqları Azərbaycan Respublikasının tərəfdar çıxdığı
beynəlxalq müqavilələrə uyğun tətbiq edilir”.
Azərbaycan konstitusiya hüququnun digər mühüm mənbəyi Konstitusiya
Məhkəməsinin qərarlarıdır. Bu barədə “Azərbaycan Konstitusiyası” adlanan
hissədə daha ətraflı tanış ola bilərsiniz.
Müasir dövrdə hüququn tədrisi və öyrənilməsi daha çox məhkəmə qərarlarının
müzakirəsi üzərində qurulmuşdur. Tədris edən şəxsin əsas məqsədi konstitusiya
hüququ da daxil olmaqla hüquq fənni üzrə tələbələrə (və ya digərlərinə)
“hüquqşünas kimi fikirləşməyi” öyrətməkdir. Bir çox hallarda tələbələr hər hansı
konkret faktlar əsasında hüquqi arqument qurmalıdırlar. Misal üçün, Mülki
hüquq dərsində onlar faktları nəzərdən keçirib mülki qanunvericiliyin
maddələrini həmin faktlara tətbiq etməlidirlər.
Bu nöqteyi-nəzərdən konstitusiya hüququ tələbələrə daha “asan” fənn kimi
görünə bilər, çünki konstitusiyanın maddələrinin daha da genişləndirilməsi
mümkündür və bu maddələr əsasında arqument qurmaq asandır. Yuxarıda sizə
təqdim etdiyimiz torpaq mülkiyyətçisi və onun ərazisindən keçən sakinlər
misalına yenidən nəzər salaq. Mülki hüquq dərsində tələbələr bu məsələni həll
etmək üçün ilk növbədə Mülki Məcəllənin maddələrinə baxmalıdırlar və
müvafiq maddələri tapdıqdan sonra tələbələr işin ən azından yarısını həll etmiş
olurlar. Misal üçün, Mülki Məcəllənin 152, 157 və 164-cü maddələrinə
2
Baxın: AR Konstitusiyası, maddə 93
3
Baxın: AR Konstitusiyası, maddə 156.V
Dostları ilə paylaş: |