8
A Z Ə R B A Y C A N V Ə K İ L İ ‐ XIII nömrə
istintaq orqanlarının bu aktları icra edən orqanlar sırasından tam çıxarılması, məhkəmələrin isə bu
sahədəki səlahiyyətlərinin minimuma endirilməsi amnistiyanın tətbiqi sahəsində xeyli problemlər
yaratmışdır.
Əlli ildən artıq müddətdə verilən amnistiya aktlarını izləyən və tətbiq edən şəxs kimi bu yazının
müəllifi hesab edir ki, amnistiya aktlarının tətbiqi ilə bağlı 2007‐ci ilə qədər mövcud olan qaydalar
daha məntiqi olmuşdur. Yəni amnistiya aktları haqlarında qanuni qüvvəyə minmiş hökmlər olan
şəxlər barəsində deyil, amnistiya aktı qüvvəyə minən vaxta qədər cinayət hadisəsi törətmiş
şəxslər barəsində tətbiq edilməlidir. Məsələnin bu cür qoyuluşu amnistiyanın mahiyyəti və tətbiqi
ilə bağlı cinayət‐hüquq nəzəriyyəsinin müdəaları ilə də üst‐üstə düşür. Belə olduqda həm şübhəli
və təqsirləndirilən şəxslər, həm də məhkumlar dövlətin həyata keçirdiyi humanist tədbirdən bərabər
surətdə yararlanmaq imkanı əldə edirlər. Əvvəlki amnistiya aktlarında müəyyən edilən normalarla
cinayət mühakimə icraatının bütün mərhələsində şəxs haqqında amnistiya tətbiq edilməsi mümkün
olduğundan ədalət və bərabərlik prinsiplərinə daha dəqiq əməl edilirdi.
Təhqiqat və ibidai istintaq orqanlarının amnistiya aktlarını tətbiq edən orqanlar sırasına bərpa
olunması isə nəinki bu sahədə cinayət‐prosessual qanun normalarına dəqiq əməl edilməsinə,
həmçinin həmin orqanların iş yükünün azalmasına, dövlət vəsaitinə qənaət edilməsinə də səbəb ola
bilərdi.
Əminliyimizi bildirmək istəyirik ki, qanunverici orqan tərəfindən gələcəkdə amnistiya aktları
qəbul edilərkən bu qeydlərimiz diqqətdən yayınmayacaqdır.
9
A Z Ə R B A Y C A N V Ə K İ L İ ‐ XIII nömrə
Nazlı Əhmədov
vəkil
HOLLİVUD, BOLLİVUD VƏ AZƏRBAYCAN
Bu yaxınlarda maraqlı bir məlumatla tanış oldum: 2016‐cı ilin əvvəlində Gürcüstanda “Film
in Georgia” (“Gürcüstanda film çək”) adlı dövlət proqramı qəbul edilib. Proqrama əsasən, müəyyən
şərtlərə əməl etməklə Gürcüstanda çəkilən filmlərin və bir sıra digər audiovizual əsərlərin (seriallar,
sənədli filmlər, reklamlar, animasiya filmləri və sair) istehsalçıları əhəmiyyətli imtiyazlar əldə
edirlər: xərclədikləri vəsaitin 20 faizini geri alırlar. Filmdə Gürcüstanı təbliğ edən elementlər olarsa,
yəni, proqramın dili ilə desək, film “mədəni testi”ni keçərsə, əlavə 1‐5 faiz də güzəşt də verilir.
Beləliklə, xərclənən vəsaitin toplam 25 faizə qədəri geri alına bilər.
Sözsüz ki, imtiyazlara ümid edən istehsalçılar proqramın şərtlərinə də əməl etməlidirlər.
Həmin şərtlər ətraflı olmaqla bərabər, istehsal olunan audiovizual əsərin və çəkilən xərclərin növünə
görə fərqləndirilir, bu da, öz növbəsində, müxtəlif imkanlara, iş prinsipinə və planlara malik
istehsalçı fərqli istehsalçı şirkətləri cəlb etməyə imkan verir. Proqramın bütün iqtisadi şərtlərinin
hamısını burada açıqlamadan (maraqlananlar yuxarıda veridyim keçid üzrə proqram barədə daha
ətraflı məlumat əldə edə bilərlər) yalnız onu qeyd edim ki, bir əsərin istehsalına xərclənməli olan
minimum vəsaitin məbləği təxminən 204 min ABŞ dolları təşkil etməli və vəsaitin 50 faizi ərizə
verilərkən ərizəçinin sərəncamında olmalıdır. Fikrimcə, kifayət qədər əlverişli şərtdir.
Proqramın “mədəni testi” daha maraqlıdır və məhz onun üzərində ətraflı dayanmaq istərdim.
“Mədəni test”ə əsasən, aşağıdakı elementlərdən biri audiovizual əsərə daxil edildikdə, göstərilən
həcmdə əlavə güzəşt əldə edilir:
– Əsərin istehsalı tamamlanıb əsər televiziya kanalında və ya kinoteatrda nümayiş etdirilirsə
və onun tanıtım çarxına əsərin Gürcüstanda çəkilmiş olduğuna dair görüntülər daxil edilərsə – əlavə
1 faiz;
– İstehsal zamanı ən azından aşağıdakılardan biri Gürcüstan vətəndaşı olduqda, əlavə 1 faiz:
aparıcı aktyor və ya aktrisa (titrlərdə bu kateqoriyada ilk 3 addan biri olmaq şərtilə), rejissor
(titrlədə ilk 2 addan biri), ssenari müəllifi (titlərdə ilk 2 addan biri), bəstəkar (titrlərdə ilk 2 addan
biri), azı 2 nəfər ikinci dərəcəli aktyor və ya aktrisa (titrlərdə ilk 10 adlara daxil), azə 3 nəfər qrup
rəhbəri (titrlərdə ilk ad), prodüser (titrlərdə ilk 3 addan biri), istehsal üzrə dizayner (titrlərdə ilk
ad), geyim üzrə dizayner (titrlərdə ilk ad), xətt prodüseri (titrlərdə ilk ad), istehsal meneceri yaxud
bölmə meneceri (titrlərdə ilk ad);
– Aşağıdakılardan heç olmasa birindən istifadə edildikdə, əlavə 1 faiz: Gürcüstan hadisələrin
cərəyan etdiyi yer kimi əks etdirilərsə və bu barədə ekranda məlumat verilərsə, ssenari Gürcüstan
ədəbi əsərinə və ya ölkənin tarixi hadisəsinə əsaslanarsa yaxud Gürcüstanın tanınan tarixi və mədəni
abidələri əks etdirilərsə (UNESCO‐nun qorunan abidələr siyahısına daxil edilmiş yaxud daxil
edilməyə namizəd olan yerlər, hökumətin təsdiq etdiyi siyahıda sadalanan yerlər və ya Gürcüstanın
dövlət bayrağı – ekranda ən azı 2 saniyə ərzində görünmək şərtilə);
– Ərizəçi proqrama daxil edildikdən sonra 48 ay ərzində istehsalsonrası iş və xidmətlərlə bağlı
azı 50 min lari vəsaiti Gürcüstan ərazisində xərclədikdə – əlavə 1 faiz;
10
A Z Ə R B A Y C A N V Ə K İ L İ ‐ XIII nömrə
Göründüyü kimi, proqram və onun elementləri çox peşəkarcasına tərtib edilib və Gürcüstanın
və onun vətəndaşlarının maraqlarının təbliğinə və qorunmasına köklənməklə bərabər, istehsalçı
şirkətlər üçün əlverişli şərait yaradır. Təəccüblü deyil ki, artıq Hollivudun Disney və digər iri
şirkətləri, həmçinin Bollivud şirkətləri proqramla maraqlanmış və artıq proqram çərçivəsində bir
sıra tammetrajlı filmlər çəkilmiş və çəkilməkdədir.
Onu da qeyd edim ki, “Film in Georgia” proqramı Avropa Birliyində Film New Europe (Yeni
Avropanı çək”) proqramının ardınca qəbul edilib və bu silsilədən olan ilk aktiv proqramdır.
Sonda, bu yazını oxuyarkən bir çoxunuzun özü‐özünə verdiyi sualı da yazım: gözəl təbiətimizi,
tarixi və mədəni irsimizi, “İpək Yolu” konsepsiyasını təbliğ etməyə, turizmim inkişafı və neçə‐neçə
iş yerlərinin açılmasına xidmət edəcək, rəqabətədavamlı olması üçün Gürcüstanla müqayisədə daha
geniş iqtisadi güzəştlər verən “Film in Azerbaijan” proqramını tezliklə qəbul etməyə bizə nə mane
olur? Niyə də yox?